My Ahjussi (已結業)

📍 餐廳：My Ahjussi (大角咀)地址：大角咀大全街39號地舖咁啱經過，估唔到大角咀有間特色韓式小店， 環境舒適，座位寬躺。下午六點前仲免收加一。1️⃣芝士炸雞 $108 (6 pcs)新鮮即炸，夠哂熱辣辣。雞肉肉質鮮嫩，件件都好大件，配上濃郁嘅芝士，非常吸引。忍唔住食完一件又一件，抵食。2️⃣海鮮薄餅 $128用料豐富，芝味十足，配上獨特嘅千島醬汁，十分惹味。餅底比較厚身，但食落口感非常好，超Crunchy。3️⃣芒果梳打 $38芒果味道夠香，飲落唔會好甜。4️⃣玫瑰花茶 $38玫瑰花味道清新，花茶香味濃郁，有種放鬆心神嘅效果。5️⃣海帶湯+泡菜 (跟餐小食)

Weekend 係大角咀附近玩staycation，諗住呢邊好多小店周圍試。今日lunch想食韓國菜，就搵到呢間My Ahjussi。店內環境充滿少女風格，天花板有好多花，燈光同成個氣氛都係比較浪漫💕。我地總共叫左三樣食物。餐廳仲會送一人一碗海帶湯同一啲配菜。第一樣上既食物既係韓式牛肉飯捲（$55），正正常常。第二樣食物係蒜香蜂蜜炸雞（$88 6pcs)，新鮮炸起，加埋醬汁，食落好惹味😋。第三樣食物就係黑松露薯條（$45），同樣新鮮炸起，份量都算多。👍🏻有樣想特別讚下小店，當日去到由於我地叫既食物都無跟飲品，小店提供左水，亦不厭其煩不斷加水。大家如果係叫pasta/burger/飯等食物，就會跟餐附送一杯飲品。

收工又同男友捐窿捐隙搵野食😁 今次黎到大角咀緊間裝修好少女心既韓國菜～望住份menu心大心細樣樣都好吸引好想試！！🙈最後我地叫左小食韓式牛肉飯卷，甜辣炸雞便當，海鮮薄餅同熱檸水～⭐甜辣炸雞便當 💰7️⃣8️⃣便當配料豐富，加埋韓式辣醬有啲似健康版石鍋飯😂雞肉嫰滑，炸皮香脆，不過雞隻略嫌細隻左啲啲😅⭐韓式牛肉飯卷 💰5️⃣5️⃣份量適中，餡料有牛肉加三四款爽口蔬菜，口感豐富(我自己加左D泡菜係面頭變左泡菜牛肉飯卷仲惹味🤣)⭐海鮮薄餅 💰1️⃣2️⃣8️⃣即叫即整，新鮮熱辣！😍口感好煙韌，非常有自家手工製既感覺👏我揀左我熱愛既千島醬底配海鮮，海鮮超足料，種類豐富，好滿足！😚有個男店員服務超級好！好到連隔離嗰枱既食客都忍唔住問佢係咪老細😂😂 但佢話唔係只係打工，仲話只係做好本份👍👍 咁好既服務態度真係買少見少，難得難得！👍💯

經過門口，俾佢間餐廳設計吸引咗入去，餐廳設計唯美，以白調和花與植物為主，環境舒服。最滿意係佢地嘅蒜香蜂蜜炸雞，好好味😋，夠味夠滑，有機會想試咪其他味❤️。蒜香蜂蜜炸雞6件 $88而且仲有多款素食，岩晒素食人士，試咗素牛捲捲和牛油果炸豆腐沙律。素牛捲捲$65用素牛肉代替，唔食肉嘅人就岩晒，配有麻油，食落更香。牛油果炸豆腐沙律$78好特別配搭，炸豆腐好脆身，唔會油，沙律好新鮮，配埋牛油果真係一流。香蕉拿鐵$45凍拿鐵再配新鮮香蕉，飲落去有水果嘅甜味，同咖啡嘅苦中和。巨峰提子梳打$38👍🏻

🇰🇷My Ahjussi大角咀不嬲都多小店，今次就試吓呢間韓式cafe🤤嗌完野食仲有一小碟泡菜比我食住先，少少辣🥵🍝卡邦尼煙肉泡菜意粉 $72意粉軟硬啱啱好，煙肉唔會好咸，個汁好夠泡菜味，忌廉汁唔會好漏ps:好食過我係另一間集團餐廳食過既🤪🍚韓式牛肉飯捲 $55材枓爽脆，味道很豐富， 一啖咸一啖甜咁，好滋味個麻油完全係畫龍點睛😋🍗蒜香蜂蜜炸雞 6pc $98雞胸、雞鎚、雞全翼 各2件件件都大件，炸到雞肉的外皮酥脆，裡面仲係鮮嫩多汁醬汁有淡淡既蒜香，蜂蜜唔係死甜👍🏼🥤焦糖爆谷拿鐵 跟餐+$33爆谷唔係放咗好耐個啲，食落係脆口拿鐵正常發揮，夾埋爆谷竟然勁夾💯連我唔飲咖啡都鐘意飲🤪2個人埋單$284食到勁飽，本身以為要食3百幾蚊，點知張單呢到3百都唔洗😱食物高質，份量又多，仲要平🤩環境打卡一流，店員服務態度好，又有禮貌👍🏼絕對推介大家呢試吓🙌🏻🙌🏻🙌🏻

大角咀係一個新舊共存嘅社區，新舊之間好多餐廳同特色小店分佈在幾條橫街小路，沿路漫步不難發掘特色美食呢日就同朋友嚟到呢間主打韓國菜嘅特色小店，裝修好有韓式少女風餐牌食物選擇不少，當中亦有素食選擇，適合唔同人士需要，非常貼心▶️泡菜海鮮豆腐鍋 - 配料有魷魚、青口、蝦仁，蟹柳粒，豆腐軟滑口感，再加上大量泡菜熬煮，湯底辛辣味香，非常開胃，套餐跟一個海苔飯，用來撈飯最啱不過▶️蒜香蜂蜜炸雞 - 外皮炸得超脆，以蒜同蜂蜜做醬料，食得出蒜嘅香味同蜂蜜嘅甜味，如果決定唔到點選邊款炸雞的話，建議可以一試呢款蒜香蜂蜜▶️韓式素牛肉飯捲 - 雖然是素菜版，但餡料的蘿蔔及甘筍絲，素牛肉，賣相同味道像真度好高，再輕輕一點附上嘅麻油海鹽汁，更加好味！▶️焦糖爆谷拿鐵 - 呢杯特飲打卡一流，Latte 奶泡上鋪滿焦糖爆谷，鍾意影相又愛吃甜嘅朋友，不妨叫一杯嚟打打卡！總結：整體來講食物選擇多之餘又有水準，以小店嚟講，格局尚算坐得舒服，不失為一個三五知己小聚嘅好地方！

位於大角咀的My Ahjussi走小清新路線，以韓式田園風☕️為設計概念，到處擺滿花草植物，更設有白色櫻花樹做裝飾，打卡一流📸 餐廳主打韓式餐，除了有韓式炸雞等、薄餅主食，也有韓式牛肉飯捲、辣炒年糕、魚糕湯等小食，十分吸引😍🍝 軟殼蟹忌廉汁意粉原隻軟殼蟹放在意粉上，色澤鮮明，一見便垂涎🦀🤩 味道方面，彈牙又嫩滑的軟殼蟹配上口感煙韌的意粉， 每口都是鮮甜味😉👍但個人略嫌忌廉汁濃度較稀，如果濃稠就好啦😇🍱 韓式牛肉飯捲韓式牛肉飯捲配料包括牛肉、黃瓜、青瓜絲及蘿蔔絲👏 建議大家可蘸點內有鹽的韓式麻油，麻油的鹹香味令味道更加多層次🤩🍕️ 韓式泡菜生肉薄餅薄餅餅皮炸得脆而不乾，泡菜爽口配上嫩滑生肉 👏 份量方面，建議兩個人吃可以點半份，多試幾款其他小菜🤩

Went to this restaurant originally because of those comment as it is ran by a social enterprise and 少女心裝修. On 少女心裝修 part, I agree with that 💕. However, the quality of food really have room for improvement…. We ordered an avocado salad and there was an insect coming out from the dish. The store manager helped us to change to another dish indeed…. Overall, the food quality is just so so, Gimbap (Korean rice roll) is too oily, don’t really taste special, 上台速度也不是很快，會有漏單的情況. To conclude, it is a plac

聖誕快樂！呢日收工想炸雞，係附近經過呢間餐廳佈置幾有心思又有炸雞就入去試下.🍝韓式海鮮意粉 $72意粉係蕃茄口味，意粉個質感幾好，魷魚彈牙不錯，jo自己加甜辣醬撈撈好好食😂.🥗牛油果炸豆腐沙律 $78好少見就點來試下，入面有牛油果、炸豆腐、車厘茄、粟、沙律菜配上麻醬，炸豆腐做得相當不錯外脆內軟好味👍🏻.🍗韓式甜辣炸雞 $98(六件)食炸雞緊係食傳統甜辣口味，兩件雞胸兩件雞翼同兩件雞脾，炸得不錯好脆口又嫖滑juicy，jo最喜歡甜辣口味好開心🥰我同老公超愛多醬，侍應好好人可以再拎甜辣醬，讚👍🏻.🍿焦糖爆谷latte $33(跟餐價）咖啡上滿滿的爆谷好igable!香濃的焦糖味配上爆谷perfect match，少甜剛好真係睇得又好好飲.呢間小店食物質素不錯，佈置好夢幻有少少打卡位，仲有聖誕樹jo忍唔住又去影下😂

由落單到拎到外賣，差不多1小時，企左在餐廳出面等左45 分鐘都未有外賣其實你做唔切外賣order 不如唔好接外賣啦，我等左咁耐先黎發脾氣，真係已經好有耐性！唔係第一次在open rice 落外賣order，平時炸雞便當都係半個鐘可以有得拎，我都好少寫食評，不過今次真係好嬲！ 催你你話個炸雞要等咁耐，個飯就唔好咁早裝定啦！冬天d 野食又快凍，我住附近，返到屋企食個時個飯都凍曬啦！炸雞係熱做唔切真係唔好再接外賣啦！仲要得失d 客，得不償失。

📍 最近都會去大角咀到搵好野食 發現有好多特式小餐廳其中韓式餐廳之中 呢間純白色小店最為吸引🙈食物選擇多之餘 內裏裝修亦有用上乾花作點綴💕 有不少打卡位🌀 魚糕湯有驚喜! 估唔到有咁多款魚丸魚糕串埋一齊款款魚味十足 但又有唔同嘅Q彈度食完都幾飽肚 相當抵食!❤️🌀 韓式海鮮意粉可以選擇辣/ 唔辣 雖然海鮮份量不多 但味道搭夠蕃茄汁微酸 撒上芝士粉 配搭埋紅椒絲黃椒絲幾清新意粉又幾彈牙 唔辣都整得好惹味🌀 蒜香蜂蜜炸雞半份份量為6件 炸雞🐤外皮炸得超脆口淋上惹味嘅蒜香醬汁➿ 甜甜地食落好開胃重點係雞肉依然十分嫩滑 整得好韓式風味🌀 甜麥仁拿鐵聽個名好得意 忍唔住要叫黎試下🙌🙌其實Jolly Pong 其實係一種韓國傳統零食 類似燕麥脆脆 爆谷🍿既口感 食落有淡淡米香嘅味道飲品擺盤靚 打卡一流 可以自行倒入甜麥仁 就唔驚浸到淋哂餐廳環境精緻 食物抵食性價比高 值得再訪❤️

想問啲好評係咪假㗎？定係間餐廳轉左手？完全係接受唔到嘅質素韓國野？fusion? 搞唔掂直頭係茶餐廳整出黎咁wor整左個形出黎，但件事錯哂唔好見啲相影得幾好就以為好食因為同行朋友對影相有執着咋飯卷係散嘅、無味，如果唔係有碟油有啲味，係無味炸雞只能夠講係熱同埋熟，有味，但係真係唔可以講係韓國炸雞，鹹蛋味真係搞唔掂，薯條配松露醬，唯一接受到嘅喺個醬，因為只需要將沙律醬同埋松露醬撈埋我哋對比過好評嗰個松露pizza，唔係呢個樣，呢舊麵包係災難性咁難食，係小妹妹自己上網download個Menu焗出嚟都可能好食過佢，d菇係冇味同埋甩晒出嚟叫咗兩杯嘢飲，兩杯都係水，只係炮谷個杯因為有焦糖所以有甜味佢唔係貴，但係難食到完全唔值呢個價，可能一個啱啱學識煮野食嘅人都可能煮得好食過佢啊，出街食飯一定唔會係想食呢個質素囉，係食到一半已經搵緊附近有冇第二間餐廳可以安慰返個心靈

韓國炸雞一陣都係我至愛❤️🇰🇷今次黎呢間估唔到有驚喜🥰各口味炸雞都好出色👍🏻-🍳黃金鹹蛋炸雞 $118熱辣辣既脆脆炸雞，配上酥軟既鹹蛋黃，不愧係本店鎮店之寶！每塊炸雞既外皮都比層層既鹹蛋黃醬包裹住🥚，啖啖口感豐富，食完都要吮下手指食到乾乾淨淨👋🏻🐝蒜香蜂蜜炸雞$98蜂蜜炸雞差唔多間間韓式炸雞店都有推出。點先可以喺炸雞界凸圍而出，咁緊係要有別出心裁既醬汁啦！呢到d炸雞採用新鮮蒜片特調蜜汁🧄，食起黎甜得黎有點小清新！正！🍄炸菇$48日式炸雜菜天婦羅大家就食得多，原來蘑菇🍄 都有得炸架！薄薄既炸皮加埋fresh fresh既菇汁，外脆內軟🔥。食炸雞食到膩，可以食返蘑菇中和下油膩感。🍕海鮮薄餅$128唔好睇個pizza嬌滴滴咁，其實足料足秤。細細個pizza鋪滿左密密既海鮮配料 🐙🦑🦐🦀 例如：蟹柳、蜆肉、蝦、魷魚等等，完全係物超所值呀🤩🦀️軟殼蟹忌廉意粉$98超級巨大軟殼蟹炸到酥脆可口🔥size都相當大！creamy嘅意粉軟硬度十分適中，好掛汁🍜估唔到韓國餐廳會咁出色！

.🔺My Ahjussi (大角咀)估唔到呢間韓國餐廳睇得又好食!充滿韓國少女感，好啱同啲姊妹一齊嚟食同打卡，勁好feel😍星期五晚上嘅時間有少部份人排緊隊限時90分鐘，但真係值得！.試咗蒜蓉蜂蜜炸雞🐣熱辣辣，係平時香港食唔到嘅韓國風味，如果多少少蜜糖會更正🤟🏻.紫菜牛肉卷 🐮畫龍點睛係佢碟醬汁（麻油加岩鹽）點落去個紫菜包飯，突出左個味，好有韓國風味，唔係一般嘅紫菜包飯咁普通，好好食！😋.另外好驚喜係軟殼蟹忌廉意粉，真係大大隻蟹原隻上，個味炸得好香口惹味，算係小編食過最好味嘅軟殼蟹，個意粉忌廉味都好重👍🏼有驚喜呀呢間！必試！

價錢親民、選擇夠多👍 果然大角咀真係個隱世美食天堂！呢幾年隨著市區活化，愈來愈多小店被更多人關注得到！我哋都好鍾意嚟呢度搵食😜 希望今次介紹完可以吸引更多人留意呢個小區😊 發掘更多隱世餐廳！p.s. 餐廳仲有素食選擇添，如素牛肉、素豬肉等🤗韓式牛肉捲 $55味道：4/5🔸麻油另上，可以點嚟食，帶有微微鹹香🔸裏面有青瓜絲、蘿蔔、牛肉等🔸餐廳仲有素牛肉版本可以選擇😊焦糖爆谷拿鐵 跟餐價$33味道：4/5🔸爆谷仲係脆卜卜，怕被浸淋就記得食咗先！🔸Latte中規中矩，咖啡味唔濃🔸焦糖味又唔會太甜， 甜度適中卡邦尼煙肉泡菜意粉 $77味道：4/5 🔸呢個價錢嚟講好抵食！份量夠2個人Share食！ 🔸忌廉味重、好creamy😋 🔸帶有泡菜嘅辣，夠哂惹味！