Munch (已結業)

原先約好食生日飯，點知壽星女突然計劃有變，約好晒都出去食餐飯聚聚啦。馬騮朋友話想去諾士佛台食，上OR見到呢間最多笑，一於試下。一行６人，叫左：1. 燒雞Caesar Salad：味道一般，唔特別，燒雞算幾嫩2. 芝士菠菜卷：以為菠菜卷會清Ｄ，點知芝士較多，比想像中膩，唔太好3. Parma ham春卷：Parma ham份量算多，但唔夠香唔夠肥，春卷搶左Ｄ味4. 辣肉腸蕎麥薄餅：辣肉腸夠濃味，配合蕎麥薄餅，好食5. 鮮帶子意大利飯：意大利飯較硬，但個汁幾好味，帶子有四大隻，好鮮，個個都話好味！6. 西冷牛扒(10oz)：叫medium，切開都係medium咁樣，但口感似medium well，幾「鞋」，唔夠肉汁7. 豬扒伴蘋果蓉：豬扒肥瘦適中，幾香，比牛扒好食好多，再配清甜o既蘋果蓉，good！店內裝修有心思，但亦唔見得好特別。唔知係咪好彩，當日店內幾靜，傾偈都幾舒服。(不過打電話黎book枱o個陣係超嘈o既)服務真係麻麻，Ｄ服務生個個都好似新黎咁，乜都要等個女經理指示，個女經理手腳極快，問都唔問你就會收野，應該要改善下！

一些解決不了的問題，累了，只想覓一處寂靜地放鬆半小時，這裡未來過，見無人，就來。店內小貓兩隻，坐得頗舒適的，若換上淺色檯布，吊燈給拆下來，更見簡潔。午市餐牌不複雜，見著不少帶fusion玩味菜式，藍芝士釀豬扒？想起也怕，老實地要了煎雞胸伴南瓜蓉$68。整候著，翻了翻大餐牌，找到不少耐人尋味的點子，Risotto congee，還有些「進階版」術語，有趣地研集了近廿分鐘。烤雞賣相與售價直接掛勾，透過相機表達，再打六折，雞胸份量也真不少，伴著南瓜蓉，加上濃郁gravy點綴，很「超值」的presentation。想烤雞胸沒什麼花樣可玩，見識過這裡的演譯，方知nothing is impossible，以香草醃至入味，包以巴馬火腿，再夾片不知名香葉來烤，味道預想中的豐富，肉質微滑沒有絲絲掛口的粗韌性，帶坑爐產生的焦烤味，不錯，聽說是來自丹麥，伴碟的牛肉gravy味過濃，不對味，有點劃蛇添足之感。話說這裡用的都是有機菜，屬真屬假，只有廚師最清楚，說回南瓜蓉，下了不少牛油，口感頗為原始，吃得出絲絲纖維，頗為原味吃法。呆了大半小時，埋單而去，現在回想起來，雪藏的烤雞胸原來也有它吃法，肯用好一點的貨色

一行5人去了MUNCH 一聚,吃得很飽。食物一般, 服務也一般, DESSERT 比較好。但環境幾好, 是三五知己傾計的好地方。

今日一行7 人去食飯~上網見到呢間野幾多食評所以試下。去到坐低，討論左一輪叫野食~問個waitress 蟹餅幾多舊~佢話一舊~問佢可唔可以幫我切開~佢答我唔得都唔緊要~但係佢個款好差~一d 都唔笑~好無禮貌。跟住叫頭盤~又話有d 野賣曬~問佢可唔可以轉d 野~佢都係話唔得~但佢態度真係好差~叫左2 個飯, 3 個頭盤~~質素都唔錯~~見到d set dinner 價錢都唔算太貴~呢間餐廳環境同食物都唔錯~但呢個服務生真係好奇怪，佢笑都無笑過，好似唔係好想理人咁...估唔到今時今日仲會有呢d 侍應....帶住少少失望咁離開~

朋友生日~~~所以Book左Munch食飯慶祝 , 午餐時間比較冇咁多人 , 可以慢慢食坐耐d , 而且氣氛同環境都好適合傾計 , 令人感覺到好輕鬆。由於得3個女仔 , 唔敢點太多野食 , 結果我地揀左 : 1)白汁煙肉長通粉 ~ 白汁有少少忌廉味 , 唔會太濃 , 配合埋煙肉同長通粉味道岩岩好 , 唔會覺得好”流”。2)煙鴨胸意大利飯 ~ 鴨胸外層應該有煎過 , 外肥肉質軟滑 , 好好食 ; 意大利飯既口感真特別 , 食落去會覺得”林”身得黎有咬感 , 不過個汁有d咸 , 但係依然好正。3)珍寶熱狗拼凱撒沙律 ~ 由醬汁既調配到包住既個條熱狗腸 , 完全係唔會覺得好肥膩 , 因為本人係唔太鐘意食漢堡熱狗呢d類型既食物 , 不過今次接受到 , 加埋沙律好清新。4)熱朱古力 ~ 跟主菜送既餐飲 , 朋友們話好好飲 , 整得好有心機。5)焦糖芝士餅 ~ 並唔係間間餐廳既焦糖都整得好食 , 呢個焦糖味道既芝士餅食 落去唔會過甜 , 而且有輕微既乳酪味 , 餅底又整得厚實 , 唔錯唔錯!!!另外要讚下佢地既服務態度 , 其實都算係好周到 , 比起某部分高級少少既西餐廳黎講 , 至少Munch

HAPPY FRIDAY和友人一行四人來晚餐，前一天才訂7時，結果是必須在8時半前交檯，尚算合理。很久沒來了，還是頭一次來新店，感覺是地方寬敞不少，光猛明淨，坐位舒適，不過食物價格也明顯高了。每人各點了一杯drink，包括pink dream、fruity tree等。喜歡我的pink dream，顏色十分漂亮，由多種鮮果汁混合而成，味道清新，還有果肉。點了:三文魚鮮果沙律 - 賣相很漂亮，很fresh帶子意大利飯 - 帶子很新鮮很大粒，意大利飯煮得剛好牛油果雞肉PIZZA - 最遜色，用料不俗，但批底不夠香脆，切也切不開服務不錯，侍應都好nice。整體而言，還是挺喜歡這店子，只是如果可以坐久一點更好。

食過好幾間ge朱古力心太軟, (甜蜜蜜ar, 天機棧ar, 金船長ar,等等...) 到目前為止le間最好..特別ge地方有兩個 - 入面ge朱古力有rum酒, 食入口有酒香gar- 賣相比一般心太軟有藝術感(多左D裝飾), 有高級甜品feel 鍾意朱古力心太軟ge朋友就要試下la我去ge時間系下午茶時間, 人好少... 可能廚師因而花多心機la...唔知le.....

Service is disappointing.Food quality is fair. Those dishes that we ordered were too salty, main courses had fair portion size, but salad was too small. Average HK$130-180 for a main course, too expensive!!! Those foods that we ate didn't worth that much. Dun think I will go again, have better places to go than this one.

看見了openrice很多人讚,就決定來試下我散叫了蟓蠔湯,煎鵝肝,牛仔肉併大蝦和比目魚, 而我老公叫了 set dinner, 包括 casesar salad, 南瓜雞球意大利飯等首先,來了麵包, 熱烘烘的, 外面很脆,好吃, 可以任添等了大約20分鐘, 蠔湯和鵝肝居然一齊上, 令我都唔知食邊樣先, 最終我唯有揀趁熱食的鵝肝先,外面脆脆的,入口充滿鵝肝的香妹, 可惜有根,唔係上等的材料,不過 $108的價錢差不多了, 但係伴碟薯餅本應是脆的,但上碟後唔腍唔脆,要改善蠔湯我有少少失望,唔係我之前所想的, 蠔肉切得太碎,飲飲下似係蠔士咁味牛仔肉不敢腍,沒乜味道,反而比目魚和蝦就幾好味,煮得剛好,個意大利飯都幾好,南瓜汁我最愛, 雞醃得幾好味,似用印度d香料醃有一樣野奇怪,當晚有很多年輕情侶食飯,和帶相機影食物相,不知是否都是 openrice 的fans呢

** 此 食 肆 的 第 一 百 五 十 一 個 笑 **尋日(3-5-2008 Sat)同女友人CK做完義工出尖沙咀匯合女友人VY, book o左7:00pm o黎到食預祝VY生日飯,我o地開頭先食麵包,暖暖的,OK.share o黎食o既有1.凱撒沙律唔係好大碟,佢o既麵包唔係麵包粒,係一片片小塊多士.呢個OK.2.香辣薯角原來都唔小,好熱,好彩唔係好辣,o岩我,且好脆,個個都讚.3.薯蓉焗田螺呢個一樣係好多,原以為好似坊啲餐廳仔,一碟得六粒重要o係殼裡面,擺係淨薯蓉上咁.但原來唔係,有好多粒已除殼o既田螺,擺o係非一般o既薯蓉上,因為薯蓉內有煙肉粒同蘑菇片,唔錯呢.主菜:CK要牛仔骨拼比目魚大蝦.佢話之前已經o係呢o度食過比目魚,覺得唔錯,佢清o左比目魚同大蝦之後,食牛仔骨,即刻話好味,應該一開始先食牛仔骨.而底下有南瓜茸,真係好多o野食,不過佢食唔晒.VY要美國豬扖焦糖蘋果批佢畀啲我o地試,由於我唔多好蘋果批同焦糖,所以只試o左少少豬扖,我覺得有少少怪.佢都係食唔晒,食剩約三份一件豬扖.我要芝士菠菜釀雞胸見到外形有隻雞膇連住,大家都覺得奇怪,影完相起刀切下,好香,佈裡塞滿菠菜

因為要為甜美的蘇兒慶祝生日，所以我特地為她選了一間出名有心思的餐廳作為生日聚場地。一進餐廳，便打從心底的喜歡這裡蠻有情調的環境，蠻有心思的佈局，全店分為兩個partition這晚我們在近落地玻璃窗的一邊，隔壁是一個包場party，但這裡的隔音幾好，一點也沒有影響我們的對話及Mood*今天晚上，點了一些之前在Openrice曾普遍獲得好評的食物就選一些來分享吧生蠔濃湯‧味道挺好，但偏鹹‧十分濃郁，有濃厚西芹，洋蔥香味‧mini蠔口感creamy但可再足料一點有機蒿麥底薄餅 ‧用料新鮮．口感清新不油膩‧餅底很香蒿麥味，但不夠脆，很腍身帶子海鮮意大利飯‧海鮮鮮味完全滲入飯粒中，很滋味‧短身的米軟硬適中，粒粒有嚼勁是晚我們嚐了三款cake全都很好吃有驚喜傳統的藍莓芝士餅‧芝士味濃郁‧中間有甜美藍莓果醬‧但不能吃太多，會膩令人驚喜的蜜糖薑芝士餅‧蜜糖與薑的味道配合得天衣無縫，誰也搶不了誰的風頭‧口感又滑又綿（因為蜜糖）‧淡淡的薑味恰到好處，喜不喜歡薑的朋友也可一試令人閉上眼細味的蘋果批‧味道有層次，肉桂味很出很香‧我和朋友食一啖讚一讃，令人回味‧喜歡肉桂香的朋友必試Munch令我最最最深刻的是

成餐飯一個鹹字，我本身平日都食野都食得好濃味，但係呢餐飯係太太太鹹，鹹到成晚不停要refill 清水(at least 4杯)，飲水飽.....25/4, 男朋友生日，book左位同佢慶祝，不過原來食垃圾，之前見openrice甘多好comments,就去試下啦，點知.....叫左1/ Oyster Chowder Soup ($68 OK)2/ cheese XX火腿春卷($48 , OK)3/ 鵝肝(Foie Gras)($108,開始食salt 既旅程,)4/ 主菜: 西冷牛扒配XXX(Sirloin 10oz) ($178,勁鹹，個面勁鹹，又唔太新鮮，得勁鹹味，無乜肉味)5/ 主菜: 海臚魚配XXX (Sea Bass) ($168,都係勁鹹，魚勁小塊，仲有腥味)6/ Aloe & Apple Juice ($38,好鬼甜)服務, 環境無問題，不過d食物好有問題，到底是否d食物唔新鮮而要落甘多salts呢?)Total: $669.00甘既food quality收呢個price, 以後決定唔會再去，唔明點解仲有甘多人去等位.....

上年自己生日去過舊舖，印象已經好好，是日與大學同學聚舊，決定再Encore~六點左右去到，當晚紅酒做Promotion，$28 per glass，落order後d餐\飽好快送上，暖烘烘的，外脆內軟，配著牛油，yummy~ 最好就係侍應姐姐見我哋食得咁開心，自動送多一盤，心意加分~主菜既帶子海鮮意大利飯同Pizza(唔記得叫咩名)都好好味，尤其係嗰飯，d汁做得好好!!!不過主角依家先出場，因為有人生日既關係，但我哋又只得四個人，無預訂到餐\廳既蛋糕(total有三、四十款揀，size係7/9吋)，所以散要了4款Cake，非常抵讚係餐\廳好好心機幫我哋將蛋糕圍咗嗰shape，枝蠟燭仲插係Strawberry上面，超靚~最後壽星女仲收到餐\廳既神秘禮物乙份!!!!一個字講哂!掂~

男朋友生日想俾個驚喜佢，就揀左Munch試試。因為想個驚喜由始至終，所以訂位後在電話落埋單叫定野食，仲可以預埋budget，唔錯~食物：南瓜湯(好鮮甜，如果有南瓜肉會更好)鮮蠔湯(啖啖鮮蠔，口感十足且非常creamy)三文魚鮮果沙律(開胃又清新，仲有好多煙三文魚)燒羊架(全無羶味，肉地鮮嫩，仲有三種汁醬俾你配搭)鮮帶子蟹肉意大利飯(帶子非常鮮嫩，意大利飯有嚼頭)服務：呢度d 職員好識得同客人"夾埋"俾神秘感，例如佢地知我要同男朋友慶祝生日，就一早幫我雪住個蛋糕先；坐埋位又只係俾個drink list 我地睇(因為我預先叫好哂野食，唔俾menu，等我男朋友完全唔知價錢~)；又好醒水睇我眼色上個生日蛋糕，仲同我男朋友係咁講「生日快樂」；最欣賞係有位女職員主動提議幫我地影合照，仲影到滿意為止~Munch 仲好有心思咁送左一對生日杯俾我地! 呢度真係食物美味、服務一流，令人感動!!

2008年3月31日7:30-9:30PM朋友仔為三月出生的我和壽星慶生。選此店是因另一位壽星未到過此店,而我也只光顧過舊店。=食物=點了幾個菜share食,有pizza,risotto,pasta,main course,同dessert。Present跟在舊店一樣,有水準。味道感覺較在舊店遜色了。(但我們不是吃在舊店一樣的東西)=環境=裝修華麗,有歐陸風情。近落地玻璃的位置,天花安裝了一幅大油畫。朋友講好似係特登由意大利運過黎。位與位之間有足夠的空間,有私人空間。=價錢=因有華麗及歐陸風情的用膳環境提供。MENU的價錢都算略高。但因用膳環境絕對係浪漫的!=服務=從帶位,餐飲及餐牌介紹,點菜,上菜,對客人的心意及AFTER SERVICE都很有水準。當餐廳知我們有2位壽星,各送了我倆一對印有餐廳LOGO的有耳水杯一對(黑白各一隻) 還不繼的祝我們生日快樂!當我返到屋企發現唔知係邊跌咗條頸鏈。但肯定在係餐廳時,仲有戴住。所以,抱住忐忑不安的心情,打俾餐廳有無發現到。結果係喜悅的,令我高興不己。店員很NICE,誠實。感謝你們!