Mr. Steak Buffet à la minute

营业中

休息中

禁堂食之後好耐都無食過自助餐最近屋企人生日想食自助餐 又有四人同行一人免費優惠所以就決定左呢間 對上一次黎已經好幾年前不過佢地仲係咁full booking個日平日夜晚 早左15分鐘到已經好多人排隊所以佢地都有提早安排入座 呢方面幾好!最吸引嘅應該都係各種海鮮 蟹腳 龍蝦 青口 蝦等等都好齊好多~一夠鐘大家都係堆埋去海鮮個到攞🤣另外生蠔都算新鮮 細隻少少但都唔錯而且唔洗好排隊都輕易攞到~!另一必食應該就係近江和牛 長期有人排隊🤟🏿分別有近江和牛火炙壽司•近江和牛鐵板燒•近江和牛關東煮三款之中個人最鐘意火炙壽司和牛本身好淋好重油香 加上炙燒完嘅焦香真心正🫶🏻最後一定係攞番個心太軟🤭可以預先寫定字句 佢哋會幫你寫係碟上呢個甜品真係打卡一流 雪糕就有Movenpick 同 Haagen dazs兩款選擇個日仲咁岩有tiramisu Haagen daze🥹🤍 整體來講 個人覺得食物選擇唔算特別多可能我對其他熟食無乜興趣🤣甜品嘅質素都一般 唔係好吸引🥹不過主要去食近江和牛同海鮮都夠滿足4人同行1人免費抵好多! 有興趣記得要訂定位先🤣

今日好朋友請我同老公食生日飯，之前一直好想試Mr.Steak嘅buffet, 今日終於有機會試下喇！整體嚟講，食物款式算係多嘅，但唔係每樣都好味，如果食自助餐主力係食甜品嘅話，就要諗下去唔去喇，因為果度隨咗雪糕，心太軟同豆腐花味道唔錯外，其他都一般冷盤有長腳蟹，青口，凍蝦，藍青口，凍蜆。長腳蟹都好味的，夠鮮甜，凍蝦都彈牙的，其他一般。牛就好好味，燒的，壽喜煱的都好味，天婦羅都好好味，平時唔食嘅我都食咗好多件。整體嚟講不過不失，最開心係有得即場畫圖心太軟，如果有特別日子，同朋友慶祝生日係好好嘅選擇！

作為出名玻璃肚，我已經成為朋友們測試餐廳乾淨程度嘅工具人，我食左20幾隻生蠔簡直停不下來，好creamy，有海水礦物質鮮味。完全沒有任何問題。另外和牛系列也十分滋味。最喜歡和牛鵝肝炒飯，鵝肝和牛同日本米一齊炒，滿口生香。牛扒亦好味，但黑牛壽喜燒更勝一籌。相比之下龍蝦新鮮有質素，長腳蟹比較短身亦都不是問題。最warm heart係可以整心意碟，師傅幫你寫字句，再整朱古力流心蛋糕。甜蜜滿瀉。❤️一定會再黎。

.🔖 𝑴𝒓. 𝑺𝒕𝒆𝒂𝒌 𝑩𝒖𝒇𝒇𝒆𝒕 𝒂 𝒍𝒂 𝒎𝒊𝒏𝒖𝒕𝒆 | 𝑪𝒂𝒖𝒔𝒆𝒘𝒂𝒚 𝑩𝒂𝒚Mr. Steak Buffet相信大家都唔陌生，今次見到佢有個六月壽星優惠，四人同行一人免費，所以就決定再黎Try Try佢～👅人氣Buffet真係唔係講笑，當日星期四晚飯食第二Round (1930-2200)。我大概1915去到，一出𨋢已經企滿曬人，目測都有三、四十人排緊隊😂，好彩等左幾分鐘之後就開始安排入座墊。.每次食Buffet絕對要搵一間有生蠔嘅！🦪當日嘅生蠔都算新鮮，但普遍比較細隻。開蠔師傅幾專業，好有效率所以唔洗等好耐。因為每次淨係可以攞三隻，想食就要排多幾轉。除咗生蠔，仲有各種海鮮，蟹腳、龍蝦等等都唔少得，亦好受歡迎，食物普遍都Refill得好快。🦐.自助餐嘅另一賣點就係近江和牛～和牛總共有三款菜式，包括近江和牛火炙壽司，近江和牛鐵板燒同近江和牛關東煮。🐄 呢三款和牛非常受歡迎，長期大排長龍～ 個人認為火炙壽司最好食，塊和牛炙燒完好淋又唔會過熟，配埋個醬汁食好夾又唔會搶咗個和牛味😇。.甜品方面最欣賞嘅係心太軟，新鮮出爐真係會流心，而且朱古力味濃又唔會太甜！雪糕有Movenpic

妹妹提出食自助餐 因為唔洗諗大家鍾意食咩野甘多間自助餐都係覺得呢間最多我最想食既野 有生蠔 和牛 長腳蟹 同心太軟估唔到今晚有燒皇帝蟹 好正牙 去c記買一盒得幾件都幾百蚊 我地今晚係自助餐都係幾百蚊 正 一開波飲左個燉湯同酥皮湯 之後食凍海鮮生蠔 之後再食和牛 最後甜品 因為肚量有限 試唔晒全部野但主要想食既幾樣野都食到 開心佢和牛有2個煮法 有壽喜燒 薄切燒 2 個都好食 佢係即叫即煮 另外一個station就不停炸天婦羅🍤 天婦羅都好食 yum!之後甜品碟我同牙妹都各寫左字俾媽媽 👩🏻滿足既一晚

2022-05-30同女朋友食生日飯🎂🎉早一個月前訂咗銅鑼灣Mr. Steak🐂食依個自助午餐🍽我哋遲咗十五分鐘先到🤣靚位比人揀晒了，有卡位同近窗口位，窗口位望到維港🌅安排好坐邊之後，就去睇吓有咩好食☺️海鮮區有長腳蟹，熟蝦，青口🦐長腳蟹算係三款海鮮之中好食，少少海水咸味，大隻多肉🦀刺身區分別有三文魚，立魚，鯖魚，八爪魚，玉子🐙淨係試咗三文魚同八爪魚，三文魚有根，八爪魚正常😅熟食區方便就有，餐廳以重中之重，美國極黑和牛壽喜燒，馬來咖哩牛腩，咕嚕肉，燒三文魚頭，燒牛扒等等🥩美國極黑和牛壽喜燒，超重牛味，但口感都幾鞋口😅甜品區就超多選擇，大量蛋糕，麵包布甸，雪糕有七種味，心太軟，麻薯等🍰心太軟係有師傅，專門負責寫字上碟上，顧客可以寫字係紙上，師傅會逐一寫上碟，師傅仲可以畫卡通公仔🧸整體服務好好收碟速度快，環境都唔錯🥰價錢我500幾蚊兩個人，真係好抵了😆食物選擇多，味道就好一般了😂😂建議過吓自助餐引平平哋就依間，不過要好早訂位😃對食物有要求嘅朋友，就唔不了，比多幾百蚊去酒店食好過🤣#mrsteak #牛扒先生 #自助餐 #美國極黑和牛壽喜燒#長腳蟹#三文魚#心太軟

位於銅鑼灣告士打道280號世貿中心6樓的Mr. Steak Buffet à la minute是CP值爆分的自助餐。食物種類多，生蠔龍蝦和牛任食！最特別嘅係佢有一個心太軟專區。客人可以寫上心意卡然後師傅在用朱古力畫係碟上面，再配上心太軟。打卡🌟🌟一流

之前已經聽過Mr. Steak既Buffet唔錯, 趁住就黎父親節，同屋企人一齊黎嘆下Buffet😛佢地既Buffet分左2 Round，第一輪係5-7 PM，第2輪就係730-10 PM，而第一輪價錢會平啲🥰~今次揀左食730個Round，大約7點4去到已經見到客人排緊隊入場，不過餐廳既入座安排好快手，好快就可以入座等開餐~到左730PM，職員就會提醒客人可以出去拎野食啦😂~當中最吸睛既當然係超豐富既海鮮Corner啦！🥳果座龍蝦山真係好正，仲會不停refill😀；另外青口、長腳蟹、蝦等等都鮮味，真係岩哂鍾意食海鮮既朋友🦀🦞🦐~除左咁吸引既海鮮凍盤外，沙律前菜都有好多選擇，一系列既意式火腿、鮮果沙律、芝士腸仔沙律等好似好色彩繽紛咁，用黎開胃岩哂~連芝士都有幾款揀的~仲有密密開既即開生蠔，又一回本位黎🤗湯品有齊中西式，包括酥皮海鮮忌廉湯同花旗蔘燉雞湯，K就兩款都試哂，熱辣辣好滋補咁。熱食當然唔少得餐廳既主打- 日本3大和牛之一: 近江牛！不停即燒既和牛薄切鐵板燒、近江牛壽喜燒、近江牛土手燒同和牛鵝肝炒飯好有人氣，有唔少人排隊拎黎試😝其他熱食亦可以照顧到唔同人既口味，包括馬來咖喱牛腩配印

兩年前食過覺得好出色，但今次黎真係各方面都差左好多啲生蠔細隻到癲，刮完舊肉出黎之後好似蠔仔粥個啲咁，唔香唔甜，仲有蠔殼，同埋一種好唔新鮮既感覺..下面呢張相係開始食之前影既，一夠鐘排隊拎既人多到光速就比人清左一大半，剩番啲好瘦削既蟹腳.. 職員見到得番啲啲都唔fill，係咪真係要有人拎埋最後一隻先會添..其他熟食都冇話邊樣好食：近江牛好多筋位 好韌； 意粉乾爭爭； 天婦羅擺左係度好耐；酥皮湯完全冇味.. 就連佢最出名既心太軟都係得出一陣麵粉味，食左一餐好唔滿足既自助餐，食完仲要屙左幾次，真係冇下次

Mr. Steak既buffet一直好受歡迎🤩🤩見而家做緊優惠，又好耐冇食過buffet！一於約埋朋友去試試啦～～-🍽Mr. Steak Dinner Buffet (2nd seating)✨-食物選擇好多，絕對可以食餐飽😍😍海鮮方面，有生蠔、長腳蟹蟹腳、開邊龍蝦、鮮蝦、青口等～～生蠔肥美肉厚🦪，即開即食夠新鮮👍🏻👍🏻朋友就鍾意長腳蟹蟹腳🦀，肉質鮮嫩、好鮮甜！！而家自助餐以日本3大和牛之一「近江牛🇯🇵」為主題～～主打各款近江牛菜式🐮，例如近江和牛火炙壽司、壽喜燒同鐵板燒等～～當中至愛近江和牛火炙壽司！和牛經火炙後入口即溶，滿滿油脂香～我地都refill左幾次🤤🤤另外仲有多款熱食，例如近江和牛鵝肝炒飯、近江和牛土手燒等❤️❤️現場仲有湯品、壽司刺身、沙律吧、水果、甜品等～～甜品一定要試心太軟！外脆內軟，切開後仲有朱古力流心，好好味🍫🍫整體食物質素好高，遲啲父親節一家人黎食飯都唔錯啊🥰🥰

吃過不少五星酒店自助餐，這家餐廳的自助餐質素絕對高。晚市可以選擇5:30和7:30，我們晚上7先多到達，門外已經排滿了食客，大約7:20開始入座。近門口是一大排甜品，甜品的選擇琳瑯滿目，有法式雜餅、藍莓芝士蛋糕、栗子蛋糕、黑森林蛋糕、tiramisu、歌劇院蛋糕、黑咖啡合桃蛋糕、士多啤梨忌廉蛋糕、椰汁糕、杞子桂花糕、水果等。甜品整體的質素令人滿意，我最喜歡椰汁糕，入口椰子味突出，口感幼滑。中間大堂放了沙律吧，常見的沙律款式都有，還有沙律撻。最受歡迎一定是海鮮吧，大量長腳蟹、龍蝦、青口、海蝦等。另外還設有即開生蠔和魚生，生蠔尺寸不大，但口感佳，味道清爽甜美。另一個受歡迎的區域就是熟食，種類都到硬件已經飽。有薑蔥生蠔、蒜蓉粉絲蒸扇貝、泰式咖喱蟹、辣酒煮花螺等。還有最大亮點，近江牛系列，包括近江和牛鴨肝炒飯、近江和土手燒、近江牛關東煮、火炙壽司等。我最喜歡是近江牛壽喜燒、鐵板燒、天婦羅和壽司。和牛薄薄一片，入口細膩，令人意猶未盡。即炸天婦羅的質素也很高，入口薄脆，正。手寫朱古力心太軟碟同樣受歡迎，只要將心意寫在紙上，甜品師傅便會幫你畫在碟上，配上圖案，很吸睛。可以加上Häagen-Dazs雪

早幾年前曾食過一次lunch buffet ，覺得都不錯，今年朋友生日，再次來，這次大大失所望😖，食物質素差左好多，少款不緊要，食物衛生味道有點差，魚塊有塊藍色膠(圖片），雞翼像前一日賣唔哂再拎出嚟，不新鮮，這次buffet 完全不想出去攞食物，第一次食buffet食唔飽的經歷，我不會再光顧，反而外面半自助Mr steak 質素還比全自助buffet 好

Mr. Steak嘅Buffet dinner真係忍唔住，要再次encore，我都係要再講多次，里間世貿嘅Mr. Steak真係好食過好多幾星大酒店，論食物質素，refill食物速度，服務態度等都係優質。而食物種類有生蠔，日本刺身，冷盤，和牛，肉眼扒，壽喜燒，天婦羅，湯，鮑魚粥，熱盤，芝士，飲品就係自助bar，而當然又係不得不食，亦係我嘅最愛，就係心太軟！而講起心太軟，要分享件事比大家知，我係心太軟位置度等期間，竟然遇到上次服務好嘅大廚"鵬Sir"，佢係度裝飾緊隻碟，然後放上心太軟，之後見到個客-媽媽和囡囡同鵬Sir講，話等咗好耐都見唔到自己隻碟，佢就立刻比紙客人寫返心意後，就即刻係碟度寫抵客人嘅心意，並裝飾心太軟隻碟，客人收到後，笑番，又多謝"鵬Sir"，我當時都即係比個讚佢，所以今時今日嘅服務態度，可以係邊度搵到，就係里間世貿Mr. Steak度出現好嘅服務。而又好食，又有埋好嘅服務，我當然都有推薦比家人，同事，同埋朋友啦，大家都可以嚟遇下佢 - "世貿鵬Sir"!!!!

各位大家好，小女子第一次寫食評，又因自己多年來食進中西日的美食，當然有中伏嘅時候，所以終於估起勇氣係openrice里個平台度寫食評，希望可以分享到比大家知，以後都唔使再中伏。而我昨晚去咗銅鑼灣世貿中心6樓的Mr. Steak度食自助晚餐，去到店內感覺好好。因為配上無敵海景，環境又好又乾淨，而食物就盡多，最出色當然係生蠔啦!! 細隻嘅法國生蠔鮮而有點海水味，正呀! 接住最正當然係日本和牛啦! 足足食咗4塊，入口溶化，極至。重有壽喜燒都唔錯，而日本刺身蝦，赤貝，帶子，三文魚等等都好得，鮮而好味，冷盤龍暇，蝦，青口，長腳蟹等等都唔錯，接住係燉湯，中式燉湯和酥皮忌廉湯，味濃兼好熱辣辣，飲完真暖胃，重有其他熱盤選擇，之後見到芝士，有幾款擇，食完覺得唔錯，緊係叫支紅酒襯下，智利紅酒唔錯，一啖紅酒，一啖芝士，正，最後甜品有多款選擇。因自己食得飽，都無樣樣食，所以只係食咗膏點和豆腐花，都唔錯，而不得不食嘅，就緊係雪糕啦，又有多款選擇，食極都唔厭，食飽飽又可以出去拎杯檸茶飲，最後一直都不得不讚的專業服務，能講解點食先至好，又加埋景色，價錢亦有折扣，又要再讚嘅係，有喜慶事，寫底心意交比職員，就會收到好有

幾年前食過，覺得性價比高，食物用心。昨晚再去食生日飯，第一輪晚餐5-7pm, 先由結論說起，兩個字「失望」。不知是否疫情關係（睇怕都一定係），感覺食物成本和質素都大降，慳得就慳。- 生蠔：每人每次拿三隻，有點細隻，覺得食咗等於冇食，吃不到生蠔鮮味。- 蟹腳：真心唔覺得好食，拆一大餐但得果少少肉，味道一般，唔太明點解啲人攞咁多隻。- 魚生：款式勁少，五隻手指數得曬，只拿了八爪魚和一種白身魚，忘了名字，味道可以，不期望有貴價魚，但連最多人吃嘅三文魚都冇，震驚。- Carbonara: 之前食係有一大盤鮮芝士承載著意粉，即炒，新鮮而al dente, 現在只是煮好放在盤上，同到會一樣，賣相和味道都完全唔得，麵條硬，凍，食到有啲嬲。- 近江牛：要排隊拿的有shabu shabu 和煎薄片，好味嘅，感覺呢樣係餐廳肯落本少少嘅食物。- 燉花旗參瘦肉雞腳湯：好飲，有花旗參味，不過料很少，每盅只有一小件瘦肉和半隻雞腳，兩粒龍眼，好彩嘅話有少少花旗參，就咁睇每盅材料的話，和「足料」有一段距離。- 心太軟：打卡必備，可能係最有綽頭和心思的食物，可拿紙仔寫message, 廚師用朱古力和顏色糖漿將messa