Mokumoku Yakiton (永光商業大廈)

营业中

休息中

今晚同一大班同事放工黎到位於公司附近的這間餐廳，這間餐廳主要係食豬的，所以很多裝飾都同豬有關，很可愛！餐廳除了有主要的豬食，還有牛、海鮮等，唔駛怕淨係得豬食！京姬蘋果酒($65)，冇諗過呢隻酒會係清甜既蘋果味較多，沒有太大的酒味，非常易入口，岩哂女仔飲！豬肝串($28)，口感有點像豬潤，有少少豬的腥味，但醬汁甜甜的，加上胡椒粉同燒過，所以味道惹味！網油豬腦卷($38)，冇諗過會把豬腦用網油包實了，所以唔會好似出面打邊爐一個成個腦在面前，看上去一點都不像豬腦，像腸仔較多！一咬開網油豬腦漿便會噴出！這個卷還用上櫻花蝦和蔥花，所以口感很特別！燒帆立貝($148)，帆立貝大粒厚肉鮮甜，一粒切開4份都仲係好大粒，帶子裙邊爽口！豬心串($28)，豬心爽口，口感有點像牛脷！用上胡椒及秘製醬汁燒，味道一流！總括黎講，第一次食咁多豬既內藏，冇想像中咁難入口，而且惹味！

這家居酒屋的食物質素由前菜開始已經令人很驚喜。前菜是蕃茄沙律，已剝了皮原個上碟，加了蒜蓉想不到與酸甜的蕃茄很搭，清新開胃。林檎卷燒物起初以為蘋果和豬肉怎可能配搭一起，一試之下喜出望外，蘋果的甜味帶出了豬肉香，而且口感增加了層次，有種爽口感。果味得清甜也能夠解去豬肉的油膩，絕配。再來是我最愛的肉臟豬心，廚師燒得剛剛好熟，保持到爽口彈牙的口感，而且很多汁，沒有腥臭味。豬肉包蒜心讓蔬菜燒物沒有那麼單調，蒜心爽口沒有渣，非常新鮮。

今日來到這間居酒屋和朋友把酒談心！餐廳裝修主要以木為主，居酒屋燈光柔和，還播著輕快的日文歌，氣氛很不錯。黑板上還有餐廳是日推介。我們剛坐下！店員已經殷勤地為我們奉上熱茶和小食，服務貼心有禮。前菜是蒜子蕃茄沙律：新鮮的蕃茄配上日本醬汁！清新又開胃，是很不錯的前菜。粒貝刺身：看見黑板上推介所以就點來試試，粒貝全來來至北海道。粒貝肉質幼嫩，爽口彈牙，而且鮮甜並帶淡淡的海水味道。柚子檸檬酒味道酸甜酸甜的，而且有很香的柚子味道！酒精份量唔高，小酌一杯剛剛好能過過酒癮。由於朋友不食牛，所以食物就以豬為主，其中包括：烟熏豬腩，蒜心豬肉卷和月見免治豚肉串。我好鍾意食免治豚肉串因爲燒到熱辣辣，然後沾上已搞拌好的蛋黃真係超正。豚肉串的豬肉嫩口，肉汁豐富令人一試難忘。烟熏豬腩 : 剛熏好的豬腩帶有油香，外皮燒至微脆！很有吃烟肉的感覺。配上日式黃芥末醬味道更添層次感。蒜心豬肉卷：蒜心嫩口而且清甜多汁，配上豬肉很是惹味。最後食物埋甜品，感覺很滿足。以前我麻麻地食豬，但估唔到原來豬肉都可以整到好好食！！！這間餐廳令我改變了對豬肉的觀感。

今過尖沙咀果間，今晚黎到銅鑼灣依間試下。環境唔算好大，但枱同枱之前都算闊落。再次試我鍾意的前菜，冷凍蕃茄配上特製柚子汁加少少蒜，係超鮮甜好味。刺身揀左粒貝，片片厚薄適中，好爽口，好鮮甜，好特別。煙燻豬腩肉，熱辣辣食，外皮香脆，腩肉Juicy，肉質淋有口感，唔會成口油。海鮮則點了燒帆立貝，帆立貝厚身有咬口，鮮甜又有炭香味，燒完都唔會乾，能保留肉汁，鮮甜！燒舞茸菇，有少少胡椒粉味，幾好食，仲係好健康的食物。主角燒豬腦，出邊都唔會有得食，師博都好細心，用清酒煮熟左先，令到豬腦唔好咁腥，豬腦入口即融，腦漿溢出，不過我諗唔係個個都鍾意。

進入了新的一年了，也踏進了豬年，相信有不少港人也害怕食豬內，怕大陸的豬流感，但這食店食材，大多選用日本及外國食材，大家可以有信心，食得安心.這食店離mtr 1min , 十分方便.大多選用日本食材.日本的蕃茄，十分清新.刺身，十分新鮮又爽口.燒大貝，大大隻.粒貝夠爽口.配上日本蛋、十分香口.所有油也燒出來了，十分香.燒雞翼，必叫之選啦.最尾加上香濃湯底的拉麵，拉麵爽囗，夠味，水準之作.各位女士還有一杯免費的飲品.

為了慶祝情人節，老公帶了我來了這間以豬為主題的居酒屋。店舖有不同類型的豬裝飾品，當然菜式亦大部分以豬為主。前菜是蕃茄，十分開胃。先點了個刺身盛，有五款，肉厚新鮮。清酒燒帆立貝燒得剛好。之後點了串燒，有純燒豬肉串，也有加入配料，例如蘋果、紫蘇、青椒芝士等。我比較喜歡豬肉薄片卷上不同配料，有不同口感。薄切牛舌相對厚切的會爽口點。柚子檸檬酒很清新，配燒物很正。之後還點了豬肝醬釀雞翼、味噌蘿蔔、青椒仔等。慢慢吃，才發現原來點了很多串燒，下次要再試下其他。

平時食串燒來來去去都係牛/雞做主角，今次就試下用豬串燒做主角既餐廳一坐低侍應就送上前菜: 蕃茄沙律，蕃茄比平時食開既清甜，配上酸汁感覺開胃右邊既夾心肉係誠意推介肥瘦比例啱啱好，食到油香之餘亦帶豬肉既肉味唔會太漏，豬肉冇劣質肉既膻味左邊既黑豚頸肉串就肥少少，唔怕油膩既可以試試，其實都好好食燒豬皮係韓式做法，配上黃豆粉甜甜地又煙煙韌韌，同埋唔太油，幾好食大啡菇係另一個surprise...有燒烤香味之餘入口好juicy，燒左咁耐竟然都冇乾爭爭。另外大啡菇比起平時食開冬菇串燒大份好多，口感當然滿足好多雖然呢度豬係主場，不過牛都唔差。燒牛舌火喉啱啱好，唔會有太硬情況出現，厚度亦足夠。下面既菜式就唔太推薦，可試可不試豚肉流心蛋，味道都算唔錯，可惜隻蛋太熟唔流心...燒飯團，出會燒到脆卜卜好香口。不過入面既餡太少，鍾意食飯焦既都可以試下既...雖然要食到飽有少少貴，不過有好野食都值得既~係個好適合同朋友飲下酒relax下既地方

mokumoku yakiton中文可以理解為 ”木木 燒豚“由於  木 在日文 代表 星期四 所以 餐廳 會在 星期四 有d ladies 優惠，唔知到幾時呢？今次去唔知 下次去一定識得揀星期四好喜歡入面的 鯨魚筷子座 好可愛又精緻 還有兩款設計有個泥耙的工具 唔知系有咩用呢？ 怕醜唔敢問添。。。連杯墊都好可愛今年豬年 應該更親近 豬 和 好好欣賞豬的美味先上一個 前菜 麻油 醬油 凍番茄番茄好甜 配鹹味suace 令唔食番茄的我 都食左一半鱈魚脆片 好好食 紙咁薄 和 脆 配酒一流 要快d 食晒 因為隔得耐 會變淋說到酒 moku moku 有位店員 對日本酒甚有研究 （仲跟佢學左d酒 知識）介紹左朋友飲 一種少見 的 清酒 在 whisky 桶 熟成連日本都停產了 現在餐廳仲有存貨 要快d去試試喇味道帶有 whisky 和 sherry 的味道 非常容易入口 叫了一個 豬肝慕斯 上面有 芝士 番茄仔 和 蘿蔔乾一起食 和 分開食有不同口感沖繩 agu 豬 腳 味噌煮 豬腳淋到 一夾起骨都分離骨膠原爆燈蘿蔔都係 淋到糖咁 連蒟蒻都非常入味真係想送飯食mokumoku 絕對會令你 試

二月尾先去日本，今日嚟到居酒屋止一止渴先！開頭以為餐廳主打食豚肉，但原來仲有好多其他美食。食居酒屋一定唔少得飲返兩杯，女友就點左杯suntory啤酒，可惜我有點感冒，就叫左乳酸梳打，酸酸甜甜好味！飲品價錢都好合理前菜有冰鎮蕃茄，看似平平無奇，但我話你無，個蕃茄係超甜，加上柚子dressing，清新開胃味噌牛筋調味適中，有d似關東煮既味，牛筋同中式既唔同，呢個反而爽口，有咬口好多煙燻豬腩肉令我食過翻尋味，首先豬腩肉肥瘦適中，煙燻過程仍然保留到肉汁，口感仲好嫩！加埋芥末醬真係好好好好食黑豚肉腸串都好正，調味唔會過咸，肉味濃既，配沙律醬好惹味，送啤酒就正餐廳主打豚肉，但勝在款式多，包你唔會食厭，例如呢個豬肉冬菇又係好得意，豬肉釀入鮮冬菇，配埋特製醬汁又幾惹味西班牙夾心肉，其實係肩胛骨至梅頭之間既肉，燒很外面脂肪融化，形成好香口既外皮，但肉質仲好嫩滑多汁，必點！日本青椒仔爽口鮮甜，做肉同肉間清清味蕾唔錯。呢個骨腸外形有趣，肉腸吸左少少雞骨既味，唔會燒到好乾，肉味都夠重！當季時令海鮮點左3樣，首先係北海道帆立貝，果然加少少味淋、鰹魚醬汁就已無敵，肉質嫩滑到不行，兩個字-鮮甜粒貝同樣好新鮮，口感偏

朋友間唔中就會發作想去日本...唯有同佢食下日本野止下癮先今次佢想食串燒..就陪下佢癲返次今次去左間出名食豬肉串燒O既居酒屋...估唔到佢都有其他野食先食個前菜蒜味蕃茄沙律, 賣相唔錯, 蒜味豉油幾突出再黎個前菜, 哩個好食, 脆卜卜, 又香口, 送酒一流望下個MENU先...梗係要影返幅相呃下LIKE, 估唔到店員又肯拎枝酒比我影果日咁O岩有活魚刺身..忍唔到手又嗌左魚是新鮮的, 有口感, 是個居酒屋內意外的驚喜燒海螺, 大大個, 好多肉朋友嗌的豬肝慕絲賣相吸引,味道都不錯原來豬肝都可以咁整食下D熱野先..味噌煮豬手, 店員話用AGU 豬黎整..朋友即刻勁開心, 沖繩O既回憶出哂黎舊豬手成碗比佢食左..配料煮得入味, 舊蘿蔔勁甜!又係朋友嗌的燒目張魚...點解成日都係佢嗌O既呢...?我唔知道條魚完全唔腥, 又唔鞋點左汁, 好食勁多!!忍唔住食左一大條..終於到各款串燒出場!排名不分前後:靜岡黑豚腸, 豬皮, 西班牙豬頸肉,豚肉蒜心 ,網油豬腦卷,仲有簿燒牛舌網油豬腦卷真係一個新嘗試未食過豬腦O既真係要試一試只能意會, 不能言傳最後嗌個燒飯團, 哩個燒到脆卜卜, 又係幾香口飲下酒,

老實說，這間mokumoku yakiton居酒屋真心太出色，而無一樣食物我是不滿意的。首先，論環境地方雖細小但座位與座位之間很寛闊。就算坐滿餐廳都不會太吵，小聚會一流！上居酒屋，第一時間先叫一杯小酌一下，本人獨愛suntory啤酒，而男友則點了乳酸梳打，酸酸甜甜，寧舍開胃食物方面先來一個冷凍蕃茄做前菜，配上特製柚子醬汁，突顯蕃茄鮮甜，so good再來一個煙燻豬腩肉，救命！令我吃不停口，首先腩肉非常非常juicy，外皮脆口，入口即溶，配上芥末醬錦上添花，必點豬肉釀冬菇亦同樣juicy！豬肉一早已醃好，味道適中，加上冬菇味味道好香！味噌牛筋則較爽口，貫徹日本傳統口味，口味偏甜，但勝在入味，送清酒絕配。黑豚肉腸用上貴價豬肉，沒有膻味反而肉味濃郁，配沙律醬好好食雞骨豬肉腸串外型特別，同樣是豬肉腸，但吸收了雞骨香味，又有另一個感覺！日本青椒仔爽口多汁，清清味蕾再接再厲厚切牛舌同樣美味，利害之處是保留所有肉汁，而且口感在爽口與稔軟間取得一個完美的平衡，好正西班牙夾心肉第一次品嚐，肉質嫩滑，有點像豬頸肉，同樣十分juicy！海鮮則點了時令的燒粒貝，想不到內𥚃肉挺多的，熟成度大概8成，完美地保留肉

身邊總有好多朋友唔食牛，所以就搵咗呢間食豬嘅專門店。牆上幅圖係牛就見得多，豬我就第一次見。前菜係呢個看似普通但其實唔普通嘅蕃茄，食完寧捨開胃。睇埋drink menu發現佢仲有好多款cocktail，我就選擇咗Suntory啤。店員推介呢款粒貝，食落非常新鮮同爽口。海鮮新鮮外，串燒亦不能不試，我叫咗幾款豬肉串同蔬菜串，個燒蒜頭係值得推介。燒物真係好睇個人喜好，但大部分都覺得好好食。最後上嘅係燒活魚，雖然比較多骨但燒得好好味，皮脆而內裡肉質鮮甜。甜品亦有驚喜，將雪糕釀入椰子度真係第一次食，濃郁椰子味雪糕。埋單兩人食咗千七蚊，物有所值。提提大家埋單前scan個QR code 加follow埋佢個page，張單有九折，有jetso唔好蝕俾佢。

今日去完銅鑼灣購物之後就去咗銅鑼灣市中心附近啲一間專食豚肉嘅餐廳。一入到去𥚃面嘅陳設好舒服。打開餐牌原來豚肉都可以有咁多配搭嗰喎，一於樣樣都叫來試吓先！前菜店員首先送上每一位鮮蕃茄做前菜，比大家開下個胃先。豬肝暮斯首先注文了啲一樣前菜，豬肝食落非常之濃厚，另一樣開胃之選。燒鮮活魚佢哋每日喺日本輸入了新鮮嘅食材，呢一條活魚就係其中一樣了，燒得剛剛好，出面非常之香口，入面一啲都唔會好乾，正！原隻粒貝刺身另外一樣今日嘅重頭戲就係，原隻粒貝刺身，佢用完隻嘅粒貝，配上特製嘅調味，非常之有口感同埋Juisy。燒帆立貝海鮮方面仲叫咗原隻嘅燒帆立貝，食得出非常之鮮味美味，讚好。味噌煮牛筋 豬軟骨除咗燒物之外，原來係呢一度嘅煮物都唔差㗎，食落非常之香濃熱辣辣，很不錯的。西班牙黑豚肩肉串嘗試西班牙黑豚嘅朋友有福了，食落非常之香口有口感，Cool!豬大腸串 豬小腸串話明係專食豬嘅餐廳當然有內臟嘅串燒啦，燒得非常之易咬易入口。一藏豚骨湯拉麵佢哋嘅拉麵用上特製嘅豬骨湯，估唔到啲一度連拉麵都一樣好好食，食到連湯底都飲埋添。椰子雪糕 柚子雪葩最後叫店員送上了啲兩樣特色甜品，為完美的一餐畫上完美的句號。

今晚黎到永光商業大廈既一間日式串燒居酒屋，裡面充滿左好多豬類既佈置同擺設 一睇就知呢間既拿手菜係咩喇當然除左豬之外，仲會有其他選擇喇。前菜方面，店員推薦我地試下今日既精選 粒貝。好似螺肉既口感 但係比佢更爽口之後仲有味噌煮油揚同豬手，兩款食物都吸收哂味噌湯汁 好入味食完前菜，燒物都陸陸逐逐送上。先係燒帆立貝，帆立貝本身已經好新鮮，再燒一燒更加提昇左佢既鮮味👍🏼之後見到有個好可愛既工具，原來係比我地拆開啲食物，方便share之後到串燒肉類既時間，當然要試下佢主打既豚肉。有好多種唔同既部位選擇，我地試左豬頭肉，豬腩骨肉同豬耳芝士串。果然好出色，肉質爽口，豬既油脂分佈平均，食落香而不膩。岩岩試過佢地既海鮮好新鮮，所以叫左原條燒活魚 果然好好食。最後既椰子雪糕更係好驚喜，雪糕好滑又帶有好香既椰子味埋單既時候 店員同我地講用微信scan個QR code, follow佢地個page 全單就會有9折優惠。真係好滿既一晚