Mokumoku Yakiton (永光商業大廈)

营业中

休息中

星期六中午下班過後到銅鑼灣和朋友聚會，考慮午餐吃什麼的時候想起了這一間之前晚餐時段到訪過感覺良好的日式串燒店他們剛好有做午市定食套餐，而且價格真的是以超值來形容午市套餐都會送三片三文魚刺身和味增湯，三文魚刺身來貨新鮮，和之前晚市吃過的質素一模一樣，配搭在套餐內非常超值日本煙燻豬腩，非常驚喜！半肥瘦的煙燻豬肉，充滿油香和煙熏香氣，加上肉質爽口同時內裏濕潤，一件豬腩配搭一口白飯非常完美，而且份量不少，即使男士們亦同樣足夠

銅鑼灣食嘢最多選擇，基本上咩菜式都有。今日試咗間日本野，餐廳燈光暗暗地，有日本居酒屋風味。我哋揀咗午餐，價錢唔貴，都算多選擇。最後揀咗日本煙燻豬腩配白飯。呢個煙燻豬腩幾特別，因為燒得幾香，豬面有少少脆。豬腩一層肥膏一層肉，口感唔錯。見佢夜晚餐牌都有呢個煙燻豬腩叫。另配有三文魚刺身，食落都幾肥美，好凍。麵豉湯都正常味道，基本有豆腐、海帶、日式魚蛋。仲包埋飲品。是日甜品係雪糯米糍。餐廳服務都唔錯，仲不時會加茶水。

之前喺其他分店食過晚餐，主打串燒刺身等等。今日假日嚟到原來有午餐，午餐非常經濟有$58至$88，銅鑼灣區來講真係好平。午餐包三文魚刺身三片、特飲一杯及麵豉湯。揀咗燒西班牙黑毛豬爽梅肉配白飯。啲豬肉有黑毛豬香，而且食落爽口，唔會「鞋」。分量正常，仲配有少少沙律菜及檸檬。特飲係乳酸飲品，酸酸地幾好味。跟餐嘅麵豉湯入邊有海帶、有豆腐，味道都算濃郁。由於我唔食三文魚所以店員俾咗油甘魚我，幾厚切同新鮮。最後仲有甜品。

今晚好開心，放咗工同朋友一齊嚟食日本專門食豬嘅料理。其實我哋冇乜頭緒，所以叫服務員提議我哋食最時令嘅食品。佢介紹咗第一款叫做，Mokumoku salad: 呢個沙律好特別好開胃，味道嘅平衡拿捏得好好，而且賣相好靚。跟住就會食一個刺身五點，佢啲刺身每一款都好新鮮，我估佢同老闆好friend，攞到靚貨。食完啲輕can野，就開始食肉啦！1。豬腩肉with蜜糖芥末醬：喺中餐館食豬腩肉，一般諗住食肥膏嘅部分，呢度肥瘦都好好食！2。燒牛舌：外面燒得香脆，裏面Q彈，係我最鍾意嘅口感。3。雞軟骨串：都算幾正常。4。豚肉+紫蘇/蒜心：我最喜歡就係加紫蘇，正呀！紫蘇嘅香味將臀肉嘅肥膩感消除。5。豬肝+豬大腸：其實我唔係太食到個豬肝，因為個豬肝嘅質感係我個人來講唔鍾意，但係豬大腸係我最喜歡嘅食物之一，而且燒得好好味，肥美。6。夾心肉+豬頸肉+豬肩肉：包你估唔到，豬堅肉竟然唔夠夾心肉好食！7。石慈魚：係第一次呢款魚，所以我呢個新仔唔算好識評價，但燒出嚟好香，火候啱啱好，嫩滑有肉的一絲絲感覺

這晚食得好豐富，這店裝修很有日式風格，店員也很有禮，而且會教大家點食法最配合所選菜式，好貼心的服務當我還在看吃什麼時店員己送上這客，蒜子蕃茄沙律，說是每2位送1客 😁 還教我們要混合醬汁蒜蓉與蕃茄一起吃，頗開胃的首先點了個Mokumoke 沙律，舖面都是Parma Ham，內里有羽衣甘藍、蒟蒻，番茄和茄子等等，頗為豐富的沙律點了梅子酒子酒和燒酎，當然小不了的佐酒小食燒鱈魚乾，又脆又香口。日式店必點的刺身盛合，今天人小小點了5款的盛合，油甘魚、三文魚、赤蝦、帆立貝、海膽，鮮甜不錯。下單了竹夾魚，新鮮燒起，熱辣辣的很香口，還配有薑片可以重整味蕾，哈哈另外叫了不同的串物，西班牙產黑豚肩肉串和頸肉串，肩肉串肉質嫩口，頸肉串比較薄身及彈牙。見這店有綱油豬腦卷，點了來試。它是用豬網油包住再去燒，出邊燒的脆口，內里卻是軟淋淋的豆花口感。另一款西班牙產夾心肉 (豬心)，很有咬口。另外叫了夾有果菜的串燒，蘋果豚肉味道得夾又爽口，另一款豚肉蒜芯卷便相對清淡點。離開時見到逢星期四女士都送一杯指定飲品，希望疫情好啲之後有機會嚟嘆返杯

今日在銅鑼灣食飯，經過永光大廈見到好多餐廳，望到其中一個餐牌都幾吸引而且唔算貴，就上去一試7/F 上到去才知道原來餐廳是專吃豬的午市餐牌供應到下午三點，選擇都幾吸引， 而且仲有前菜，特飲和味噌湯， 在銅鑼灣地段真的算幾抵下午兩點去到，人流不多，餐廳座位算寬敞， 而且每張枱都有兩支消毒洗手液供客人消毒， 亦有提醒客人食物來到前不要除口罩我最後選了 E 味噌煮蘿蔔豬軟骨飯三文魚三切， 每件三文魚都幾厚，沒有根而且都幾新鮮麵豉湯材料算幾多，有很多豆腐、魚蛋和海苔，味道幾濃，個人覺得有點偏鹹， 連同材料一齊食會比較好味噌煮蘿蔔豬軟骨， 燈光關係照片影得不太好… 單看外表以為好細碟 但其實都有六七塊豬軟骨，兩大塊厚切蘿蔔先說蘿蔔， 蘿蔔煮得超級腍， 而且注滿了味噌湯的味道！ 咬落非常多汁可口，味道不會太鹹非常易入口， 只要輕輕一夾一壓，湯汁就湧岀來！有令人滿足的感覺！另外汁煮豬軟骨也是煮得相當出色， 豬軟骨也是煮得非常腍，但腍得來不會全部散開曬， 仍然保持肉的口感，味道如蘿蔔一樣的入味多汁！ 軟骨的部分並不是完全腍到像啫喱一般，而是腍得來仍然吃得出就膠質的感覺，很易咬開，很入味，非常高質！雖然碟

2020年8月10日 星期一今日要返公司處理事情，處理完之後都已經過咗午飯嘅時間，本來諗住返屋企煮下嘢食就算，不過由於實在係太懶，所以最後拉埋老婆出去銅鑼灣搵嘢食今次上到去嘅餐廳位於銅鑼灣站B出口附近，出口轉左幾步路就見到大廈， 搭lift一上到去就見到餐廳門口貼咗happy hour嘅時間同食物嘅特惠價錢，凈係去到唔飲酒淨係食下午茶都抵入到去好有居酒屋嘅風格，好似置身日本咁，裝修好有特色餐廳提供左午市定食，仲寫明係免+1添，價錢喺銅鑼灣來講十分抵食，仲有好多選擇可以揀我同老婆好快就決定咗食乜，等咗冇幾耐首先就嚟咗特飲，係乳酸梳打，冇諗過會咁大杯，應該最少有500毫升以上。越飲越底就覺得乳酸味愈重，好似有氣嘅益力多咁之後我點嘅午餐定食就到，係燒西班牙黑毛豬爽梅肉配白飯，仲有麵豉湯同三文魚三切，份量好豐富。首先三文魚刺身都幾厚切，唔會食到筋。最驚喜嘅係西班牙黑毛豬肉，牛落去充滿豬肉味，而且好腍，調味都啱啱好，鹹鹹地送飯一流，食到停唔到口，強烈推介下次有機會一定會試埋其他豬肉菜式，性價比真係好高！！

最近疫情關係，為了避開人流最多的食晏時間，改了二時左右，餐廳食客都比較少，安心多多。嚟間餐廳午市套餐由12pm 至3pm，配合我的時間。套餐有六款，主菜外，包括三文魚剌身，麵豉湯和飲品。飲品清一式是乳酸梳打，天時暑熱好適合，涼快。揀選了燒西班牙黑毛豬爽梅肉。平時不太喜歡豬肉，怕肉質粗糙，但餐廳是主打豬的食品，無理由放過。果然意外驚喜，燒起來的黑毛豬，油脂滿溢，香氣撲鼻，肉質軟腍得近乎溶化。配白飯認真一流。剌身的三文魚鮮美。麺豉湯味道夠濃厚，材料足，好飲。

係銅鑼灣收工, Dinner前約朋友一齊去食個串燒飲杯啤酒傾下計。原來銅鑼灣有這一種樓上的燒肉店, 位置係大街好易搵, 一入到去好有去左日本居酒屋既感覺, 而家有疫情, 用板擋住左每一桌都有安全距離十分細心。啤酒十分之抵, 完全係三五知己飲酒談心既好場地。我地2個人選左係吧枱坐底, 對住廚師, 十分有味道。第一道係前菜 螢光魷魚塩辛 聽個名都已經夠曬特別, 一上黎係 生勾勾, 滑山山既, 睇落可能覺得有d噁心, 但我就喜歡佢夠特別, 出面好小可以見到有得食呀! 夾起左一條直接放入口, 又幾新鮮, 佢有小小似生蠔咁滑, 第2個食法就係可以放係碟加小小調味, 咁樣比就咁食更有鮮味, 近近影仲有眼睛, 食起黎十分有趣。第二道就係 燒鱈魚乾, 依個十分抵食, 買黎配酒是一流, 燒到好香好脆, 遠遠就已經聞到香味! 期後因為收工太餓, 等唔切慢慢既串燒, 於是先叫了一個石鍋溫泉蛋豚肉飯。有雞蛋仲有鋪滿滿既豚肉，好好味，一人一個已經可以吃飽再準備歡暢飲酒同小食。小食我地分別叫左豬大腸串 蒜芯豬肉卷西班牙夾心肉，因為食左飯所以叫唔多串燒呢！豬大腸串 燒得好香，同平時食到滷水味係完全唔同嘅風味，好香口

Mokumoku沙律$98食材好豐富的一個沙律，，有羽衣甘藍，蒟蒻， 西班牙火腿。沙律是酸甜的一種，作為前菜比較輕盈，感覺好開胃。西班牙產黑豚肩肉串 $38第一次食黑豚肩肉串，有意外的驚喜，肩肉的部位肥美多汁，但食落唔會覺得好油膩。西班牙豬頸肉薄片的豬頸肉油脂味好香，外皮燒到呈金色，有點脆口。豬肝串$28朋友點了這個豬肝串，本身唔太偏愛豬肝的的都覺得不錯。豬肝的味道濃郁突出，配上串燒汁更加惹味。喜歡食豬肝的朋友必定喜歡。豚肉蒜芯卷$32用帶有油香的豚肉包住本身無油的菜類-蒜芯，蒜芯燒至不油不乾，就好似平時食甘菇肥牛卷甘，食落有兩個層次。燒甘鮋$348用一夜干去做的燒甘鮋，咸香味十足，佐酒好菜式。總括黎講，呢間居酒屋的串燒都好高質，火喉夠好，食材新鮮。因為疫情關係可能好多朋友都減少外出進食，店員同我地講佢地宜家做緊外賣8折的優惠。唔想外食的朋友可以試下外賣呀。

第一次認識這間日式豚肉串燒專門店是始於尖沙咀店的，猶記得當初因餐廳有豬的各種刁鑽部位做串燒而躍躍欲試，豬腸豬脷豬顎骨豬頭肉豬腦乜乜乜，直至一嚐那網油豬腦卷令人驚艷的惹味程度，加上串燒選擇多達55款，實在要吃上好幾次才能把想試的都試完，今天適逢在銅鑼灣下班，便帶着伴侶前來，一試再試。七本鎗14度純米原酒，吃串燒實在沒有不下酒的可能，這支由日本滋賀縣出產，冨田酒造旗下之七本槍純米原酒只有14度，低酒精度是新世代日本酒風潮中眾多主流風格之一，在兌水調整之外，更多酒造嘗試挑戰低酒精度原酒，低酒精度原酒的主要關鍵在於控制並掌握發酵期程，在酒精度拉高前便停止並完整釀造作業，入口具有柔和的香氣和堅實的米麴類香味，頗為簡單而清淡，柔和的酸味令人愉悅，餘韻也順暢地流動。由於酒精度只有14度的緣故，因此酒體頗為輕盈，單飲表現似乎會略帶沉悶，但以食中酒作為出發點，便無很有錯。前菜蒜蓉蕃茄，以蕃茄作為前菜的日本餐廳吃過不少，但伴以蒜蓉同吃的還是第一次，本身是蒜頭的超級粉絲也極愛蕃茄，這道前菜當然是正中下懷，加上日本蕃茄的選用以及和風醋醬汁的加持，是一個很好的開始。鱈魚乾，Mokumoku 的鱈魚乾烘得異常脆身

今日黎到食豬好出名既mokumoku居酒屋，上到去都好似日本既居酒屋咁，見到有張海報星期四女仕有一杯免費既啤酒，咁岩今日就係星期四😍😍😍店員好熱情既招呼，每樣食物都介紹得好清楚令到我每樣都想試☺️☺️雖然爆晒場但係佢地都好投入工作，令到全場氣氛好好👍🏼👍🏼一黎既係蒜蓉蕃茄沙律，好清新，酸酸甜甜加上蒜香味，蕃茄新鮮好食估唔到刺身一樣出色，一啲都唔馬虎，全部都勁新鮮帶子好鮮甜，肉身好厚海膽無腥味，大大片好甜油甘魚，三文魚一樣好肥，但係又唔油膩赤蝦，啖啖肉都係咁甜佢隻豉油店好可愛😍沖繩苦瓜豬肉串，好有沖繩既味道小小苦小小甘，加上豬肉再有自家制既醬汁，令到豬肉既味道提升，又可以中和番苦瓜既味道👍🏼👍🏼佢有啲特別既內藏可以試下，有豬腦，豬膶，豬腰豬腦既感覺係好似雞子咁，不過佢多一陣豬既香味，加上醬汁，唔難入口，感覺幾好豬膶同豬腰燒至半生熟口感好新奇，比起平時既更滑更帶出鮮味😊豬顎骨肉，肉質好軟滑，唔會好韌，好有豬味，又係啖啖肉唔錯👍🏼👍🏼由於氣氛太好，叫多左幾杯酒又想再叫啲送酒野食，店員再推介個西班牙豬肋肉🤤🤤一上枱好似牛扒咁，燒得岩岩好，邊位都唔會好燶，但係佢好有咬口，每一啖都滲透出豬肉既油香，加

放工同朋友飲返杯，帶我去呢間近近地係永光中心嘅日式居酒屋。呢排去過幾間居酒屋，反而呢間幾有驚喜喎！食得出餐廳食物材料質素好有要求，而餐牌嘅菜式都好新奇，好吸引令人樣樣都想試🐷首先前菜係凍蕃茄，個醬汁好夾，夏天食完真係好開胃！再嚟個Mokumoku日式沙律，有羽衣甘藍茄子西班牙火腿好豐富！黑板上推介嘅沖繩苦瓜豚肉串，好正呀苦瓜甘甘苦苦，再飲啖啤酒😍 仲有呢款係芝士明太子長芋！問店員咩係長芋，原來係鮮淮山！同明太子味道好match!而我去親居酒居都必點嘅豚肉秋葵串燒，燒得夠乾身薄薄嘅豚豬油香包住秋葵😋另外，加多個推介嘅西班牙豬肋肉，配上面橙橙地色嘅辣蘿蔔蓉一齊食。估唔到燒豬肋肉又淋又滑！好夾呀！呢個價位食到咁高質嘅同有心機製作嘅居酒屋小菜，真心有驚喜多謝熱情嘅店員招呼，每款菜式都介紹，服務好好。下次一定會再嚟👍🏻店員特格介紹嘅豉油碟😆係好可愛嘅，細微嘅位置可見心思。

今天與好友光顧了一間服務周到，食物種類既多且特別的居酒屋。顧客需先量度體溫後方可進店。Mokumoku沙律內有Parma Ham、羽衣甘藍、蒟蒻及生茄子等，配搭頗特別，清新又開胃。刺身盛合五款有油甘魚、三文魚、赤蝦、帆立貝及海膽，刺身非常新鮮，油甘魚油份特別重。山型縣產煙燻豬腩香脆可口，腩肉脂肪比例剛剛好，外皮脆身咸香卻入口即溶，跟蜜糖芥末醬是絕配。燒竹莢魚乃第一次吃，肉質偏硬身而魚味濃，魚骨也不多。網油豬腦卷這菜式較少見，豬網油包著豬腦一起燒，入口脆脆的但內裡軟身像豆腐花，口感複雜層次豐富。七味豬心串看似雞腎，但相對較軟身似雞潤，容易入口。白金豚肉林檎紅薑卷有驚喜，燒蘋果很清新，而蘋果的香甜減退了豚肉的油膩感。店員還說每到星期四，便會送贈女性客人一杯啤酒😍

鍾意食日本串燒嘅朋友，一定都會搜尋過呢一間《Mokumoku Yakiton》。 呢一間日本居酒屋主打豚肉串燒， 所有刁鑽嘅部位都可以搵到， 而最出名嘅就莫過於來自岩手縣嘅金豚肉， 一定唔能夠錯過。炎炎的夏日， 一坐低， 侍應就會送上涼浸浸嘅《柚子汁凍蕃茄》。 呢一個凍蕃茄令人醒神醒胃， 大大隻嘅肉茄去皮之後雪到凍冰冰， 再淋上酸酸甜甜嘅柚子汁， 柚子嘅香氣同蕃茄嘅味道非常之匹配， 可以去除番茄嘅青味， 另外重點在於上面嘅蒜蓉， 蒜香令到茄肉更加之惹味， 令人急不及待迎接之後嘅串燒。個人認為，食串燒最啱就係配sake。 呢一支 《七本鎗純米原酒》 係一支比較創新嘅米酒。 特別在係因為佢用西班牙嘅雪梨桶所熟成，將兩者嘅特色混合， 創造出簡單而清淡，易入口嘅口感， 非常之適合配以串燒等食物。《燒鱈魚乾》 呢一度佐酒小吃， 入口脆卜卜，令人一試難忘。 咀嚼過後更加可以品嚐鱈魚嘅香氣，鮮味滿溢。食串燒呢啲咁heavy嘅食物一定要叫返一度清新嘅沙律，呢個《Mokumoku沙律》用上新鮮嘅沙律菜、蘿蔔苗、同日本羽衣甘藍， 非常之健康。再配上意大利黑醋汁，同洋蔥碎， 食起來味道層次更高。重點在於上面