Mirage Bar & Restaurant

营业中

休息中

8月4日在網上見到香港萬麗海景酒店提供Movenpick 雪糕afternoon tea set，某些信用卡有半價優惠，被Movenpick 雪糕吸引，馬上打電話訂位，但最快要9月12日先有位，無法啦照訂，等到頸都長埋，今日足之可以品嚐Movenpick 雪糕afternoon tea set喇，買相幾吸引，食到半飽就問waiter 未有Movenpick 雪糕喎，佢話雪糕送到8月31日，當時覺得有被呃嘅感覺，寫明係Movenpick 雪糕afternoon tea set但成個tea set竟然係無雪糕嘅，訂位時又無話個Movenpick 雪糕afternoon tea set8月31日後不會送Movenpick甜品綠寶石，真係有誤導成份！係時候講返個下午茶喇，咸點有鴨肝芭菲，鴨肝脆卜卜好香口，炙烤三文魚滑滑好味道，芝士素菜三文治，用法包但法包唔脆而且仲好韌添，失敗，椒鹽魷魚好味但唔夠脆，法包及魷魚應該係預先整定所以都唔脆！焦糖貝殼蛋糕一般啦！高麗芝士餅唔錯！露絲瑪莉草莓圈頂層薄薄的草莓好味，但下層浸左糖水又淋又濕又超甜怪怪地唔好味！雲呢拿石榴好味但餅底太甜！柑桔朱古力OK喎！棉花糖

訂位時要求窗邊位，入座時真係安排了。可惜是外面有建設工程，破壞了海景。餐廳内環境清靜，服務又好，可能係酒店餐廳。一心來食Tea set，因未夠鐘落單，一直掛住傾，過了時間都不知，服務員好好，主動過來幫我落單。Tea set 送到，看到都開心。餐飲叫了凍朱古力和凍O茶。本想先食鹹再食甜，但是兩人真的食唔晒，所以揀靚和想食的食先。總括是鹹點好食，有個係芝士蛋糕，真係好香濃芝士味。有個應該是三文魚，鹹鹹地好好味。甜點就真的大甜，唔係好啱我口味。我們邊傾邊食，不知時間，坐到天都黑，店員都沒有打擾我們。走時，發現其實客人食緊晚餐了。

上次在 Mirage Bar& Restaurant 挑戰漢堡包鍛羽而歸後，日前再次舊地重遊，就是為了難得一試的法國牛肉。 作為一位牛魔王，對於來自世界各地的牛肉當然是愛不釋手，近日香港萬麗海景酒店就參與了首屆法國牛肉節，對於吃慣了來自美國、澳洲、巴西、日本，甚至於韓牛的朋友，實在是有新意，尤其是對美食甚為考究的法國人，自然對要出口到外地，而又具代表性的牛肉有要求。今次引入了來自勃艮第大區的夏洛來牛，勃艮第除了是知名葡萄酒產區外，同樣是美食天堂，而夏洛來牛在生產環境、過程及品質都經嚴格監控，令牛肉有豐富油脂，帶堅果的香味，從而獲得法國法定產區認證（AOC）。 法國夏洛來腹腿牛肉他他（HK$88 / 100克）客人可先在吧檯，跟大廚講明要幾多份量既牛肉，廚師會即時切下，在客人面前秤準，然後便會即場製作牛肉他他。整份牛肉他他不單有配菜沙律，更會附上即炸薯條，講真，薯條炸得香脆可口，又乾身，毫無多餘油份，好正。至於主角之一，牛肉他他切得細碎，但仍保留嚼口，微辣更是挑起食慾，再呷上一口紅酒，令肉質軟熟，味道是更上一層樓。 烤法國夏洛來連骨肉眼扒（HK$148

之前睇網上blog, 有優惠筍價蟹high Tea, 即刻同姊妹book咗一日，以我所知係好full, 星期六日滿晒，我姊妹請咗一日例假先至食到個Tea, 環境好唔錯以前係間吧而家變咗做間餐廳。食物唔錯，仲有額外多一個movenpick甜品, 雖然唔係10分好食但係個presentation都幾靚。不過啲侍應叫極都唔過來，話咗針水又唔記得，不過我投訴佢杯咖啡唔夠味佢都有換俾我，在額外加幾句話仲係唔得嘅話就再搵佢都算係咁，好多師奶幫襯。不過而去個價錢已經算係咁，用恒生卡找數仲要$100以下，仲唔係勁抵?

忙裏偷閒，原來好爽㗎！近日收到很多whats app通知，話呢間酒店餐廳做 promotion, 百幾蚊一位嘅 Tea set好抵食。於是，好醒咁……嚟walk in,冇訂枱，就梗係要……等，係常識吧，好彩都係等咗差唔多半個鐘啫。環境好舒適，Tea set 好精緻，味道好，仲食得出廚師嘅心意，有時間，記得嚟試下呀！

想係灣仔揾地方坐得耐，食物又ok,環境舒服，價錢可接受，我會推薦依間餐廳約左朋友食lunch,近幾日又不停落雨，萬麗海景有個好處係地鐵上天橋一直行就到前菜：南瓜湯幾鍾意依度的南瓜湯，其他餐廳的南瓜湯好多都好濃，飲完已經飽3成，依度南瓜湯比較light，但仍然有南瓜味主菜：三文魚薯蓉三文魚煎得幾香，而且無overcooked, 三文魚overcooked就會好實，切就會碎，依度煎得剛剛好。重點係塊三文魚皮，煎得好香。唯一缺點係上枱時唔夠熱加$55就有dessert buffet+一杯飲品，甜品soso,食幾杯movenpick雪糕都抵。(我地兩個人去食，一個人加$55就可以，無規定要全枱人都要加)SPG member最基本都有10%off, 唔知有無時限，記得問下Express lunch set, 我地以為上菜會好express, 食又要express, 原來唔會。坐左3個鐘，環境都靜，坐得舒服

13款睇落好靚不過好多都唔好食期望已久可惜十分失望了😞只有雪糕、椒鹽鮮魷好吃其他只係可以話差差差甜品好多都係怪味又唔夠凍鬆餅好乾好乾又硬咖啡得個苦字又唔香奶茶仲難飲似奶水咁稀酒店呀失敗

LG主動約Tea time當然要赴約啦，找了個邊上的位置又可以看到一點海景適合聊天，Tea set 層架排上來不論鹹點或甜點都很精緻，搭配的飲品是coffee &tea，如果想要點其他飲品就需要20或50元，當我們食完鹹點waitress再送上一個玻璃盒子，裡面裝著一個珍珠貝殼，waitress 介紹是薄荷朱古力陪薄荷雪糕，確實很清新很有夏日feel ，其他的鹹甜點的出品都很好。用恆生信用卡結賬還買一送一，真是超抵食。

在夏日的下午炎熱的暑假令人不想在戶外流連食tea變左一個美好的選擇剛巧有bb展所以好多家長成班人甘去食tea周六的tea set只是168可以讓人在3點食到5點半食tea一定要由最低層食起有芝士的多士加上番茄食上芭菲，可以有鵝肝味第2層有原味及朱古力味鬆餅配上法國做的士多啤利及橙果醬最高層全甜點有用薄朱古力包住半溶的朱古力十足有洒心朱古力的感覺仲有似馬卡龍的甜點是用上自制的芝士及白色的醬最後有由白朱古力做的貝殼包住摻合住朱古力碎片的雪榚

今日公司開大會，lunch就去左 Mirage bar & restaurant.貪佢環境幾靚可以同同事一齊吹下水。以lunch set 嚟講，佢性價比真係好高，百幾蚊就有交易南瓜湯-忌廉味好濃，好creamy 鴨肉沙律吞拿魚西瓜他他同事叫左扒三文魚配薯蓉，三文魚煎得好脆，薯蓉都好香滑。安格斯牛扒-牛肉味濃，好juicy仲有羊架性價比極高，得閒不妨同朋友去試試吖👍🏻

從來愛到香港萬麗酒店 Mirage 嘆茶，型格舒適、樓底高、光線足，重點是下午茶精緻美味得來價位相宜。最近餐廳更推出奉送 Mövenpick 雪糕甜點的【Summer Afternoon Tea 夏日清新下午茶】，平日$148位 / 週末$168位，恆生卡更有半價優惠，簡直是全港九抵食之最！ 不似很多酒店的優惠要指定高貴的卡種，下午茶的半價優惠適用所有恆生卡！因此8月週末幾乎都爆滿，平日到訪也有不少食客！半價後平日價$80/位還有找，可以豪氣升級 One Chai；說豪氣其實只是加$20，由 TeaCha Tropical Sunset Tea 加檸檬而成的 Mocktail 很清新消暑。 愛酒的可以試試 Summer Fizz (+$50)，同樣都是 TeaCha Tropical Sunset Tea 茶底，加上汽泡酒及檸檬而成，酸度及酒意都幾明顯。不升級飲品的話，也可照樣選點冷熱咖啡／茶；由於餐廳最近引入了全球限量生產90部的拉桿意式咖啡機 Leva x 90 Edition，啡迷可以一試～ 來到下午茶點，其實我最感興趣是這款由糕餅部總廚 Roger 師傅設計的「綠寶石」，白朱

一星前經open rice book左 28/7 15:00。27/7 10:15打嚟confirm booking但係係confirm 27/7 15:00。話已經係早幾日打過比我，話28/7full左。話改左27/7.但我無收到任何電話,亦無miss call.仲話係我話改27/7。嗰一刻真係有啲嬲.首先話係我改日期。我再三話我無收過電話，之後又話留左言。我覺得確認booking方面好需要改善。如果唔係佢mark錯左話我改日期。咁到預約好嗰日,我咪白行一趟?

今晚跟食友來到位處灣仔海旁的萬麗海景酒店大堂的Mirage Bar & Restaurant，這裡坐擁多幅大型落地玻璃窗，置身其中令維港夜景盡入眼簾，當中的25尺高中央吧台令客人坐享迷人海景外，也可品嘗中西特色美食及可來杯調酒師即製的特色雞尾酒。 不過今晚因人多的關係，大家便圍坐在窗旁的長檯，等待一系列來自澳洲Stockyard的穀飼優質牛扒出品的美食。而穀飼方式飼養的牛除了口感更柔軟，也可令牛肉保留更多大理石紋的脂肪。 前菜來了生蠔及牛油果他他沙律等，生蠔海水味不算非常濃但餘韻卻鮮甜，另在大熱天中吃點沙律令人胃口更好。 跟上牛扒的八款配菜包括幼滑薯蓉、炸蕃薯條、香烤蒜頭及香草蕃茄等，還有秘製蛋黃汁、雪梨酒肉汁及蒜泥蛋黃醬等來配搭所選的牛扒。這晚的主角不用說自是牛扒，雖早知但幾份一起送上時感覺還是很澎湃，加上大得過份的斧頭扒，原來十二寸長的斧頭扒因太巨大只好在旁邊待命，這陣容真叫人期待。 先試200至250穀飼的金牌黑安格斯肉眼牛扒，這稱為肉眼因肉身中間通常帶像一只眼般型狀的肥膏，雖有肥膏在附近肉眼扒入口卻不油膩，肉身軟熟令吃不了太多肉的朋友也想多試一點。 來自350日穀

呢度下午茶時段眼見商務客較多，環境優靜，坐下傾下計吾錯！ tea set份量吾多，包一杯飲品，叫了茶但並吾係一般洒店咁一壼茶上，呢度只係一柸的，真係吾夠飲所以我地都有額外再點飲品。 茶點味道ok, 不過份量比起其他酒店tea set算少。

環境優美，坐在窗邊心情特別好，胃口大開，一路食一路影相至開心甜點精美，影相呃like一流，逐樣影都好應該太靚靚啦！ 喝一口茶再歎件精品，真係好幸福唷推介大家黎歎tea