影片
更多
2023-01-07
315 浏览
自從10月去完泰國旅行，就冇再食過泰國菜，聽朋友講東涌有間環境幾好嘅泰國菜，所以都特登上嚟試吓。嚟到先知原來呢度係一間連埋酒吧嘅泰國菜除咗食飯之外，仲有Shisha同埋唔少Cocktail 。環境方面除咗室內之外，都有好多室外嘅位置方便啲食煙嘅朋友。今日唔飲冬陰功，試吓飲酸辣椰子雞湯，揀左大頭蝦果款。佢啲款湯嘅香料唔係太多，所以味道比較淡，可能要跟返香港人嘅口味掛，個人認為酸多少少辣都是少會更加好味。而佢攞嚟整湯嘅大頭蝦都好新鮮，好貼心地幫你一開二，隻蝦都仲好彈牙。然後就叫咗個咖喱炒蟹肉配蒜蓉包，我呢啲懶人為咗食蟹唔使整污糟手，所以揀咗炒蟹肉而唔係炒蟹。不過估唔到佢呢度嘅炒蟹肉唔係好似泰國咁用新鮮蟹肉，似乎係用咗冰鮮蟹肉，所以啲蟹肉唔係好食到有蟹本身應有嘅鮮味。但係個咖喱蛋就好好食。好食到朋友要額外嗌多個薄餅嚟食埋啲咖喱汁。順帶一提，佢個薄餅都真係幾好食，夠晒鬆軟但唔會油笠笠，索晒啲咖喱汁之後簡直係冇得頂。然後就叫咗一個我最愛嘅鹽燒魚，佢條魚唔似得泰國嗰啲咁大條，而且攞嚟醃嘅香料都唔係好一樣。不過一打開都好香芫荽味，呢隻名我覺得幾清新。拎走晒啲芫荽之後見到其實佢條魚都好Juicy，唔會
嚟到先知原來呢度係一間連埋酒吧嘅泰國菜除咗食飯之外，仲有Shisha同埋唔少Cocktail 。
環境方面除咗室內之外，都有好多室外嘅位置方便啲食煙嘅朋友。
今日唔飲冬陰功，試吓飲酸辣椰子雞湯，揀左大頭蝦果款。佢啲款湯嘅香料唔係太多，所以味道比較淡，可能要跟返香港人嘅口味掛，個人認為酸多少少辣都是少會更加好味。而佢攞嚟整湯嘅大頭蝦都好新鮮，好貼心地幫你一開二，隻蝦都仲好彈牙。
然後就叫咗個咖喱炒蟹肉配蒜蓉包，我呢啲懶人為咗食蟹唔使整污糟手，所以揀咗炒蟹肉而唔係炒蟹。不過估唔到佢呢度嘅炒蟹肉唔係好似泰國咁用新鮮蟹肉，似乎係用咗冰鮮蟹肉，所以啲蟹肉唔係好食到有蟹本身應有嘅鮮味。但係個咖喱蛋就好好食。
好食到朋友要額外嗌多個薄餅嚟食埋啲咖喱汁。順帶一提，佢個薄餅都真係幾好食，夠晒鬆軟但唔會油笠笠，索晒啲咖喱汁之後簡直係冇得頂。
然後就叫咗一個我最愛嘅鹽燒魚，佢條魚唔似得泰國嗰啲咁大條，而且攞嚟醃嘅香料都唔係好一樣。
不過一打開都好香芫荽味，呢隻名我覺得幾清新。
拎走晒啲芫荽之後見到其實佢條魚都好Juicy，唔會燒到乾爭爭，而且仲保持到條魚本身嘅鮮味。最正嘅係啖啖肉，點埋個泰式海鮮酸辣汁就不得了。
呢度冇椰菜苗，唯有叫返炒通菜，佢個通菜都幾好，唔好炒到變晒色，又唔會太鹹。
最後見到呢度嚟親嘅人，都會喺呢個炸香蕉，於是我哋又叫嚟試下。又真係好好食，好味到朋友試完第一嚿就同我講話佢想食埋剩低嘅。出邊個皮好似麵包皮咁，唔會太油唔會太厚，加埋本身香蕉嘅甜味，成個味道啱啱好，鍾意食甜啲嘅朋友仲可以點蜜糖。我覺得呢個絕對可以encore。
食飽飽之後，我地每人叫左杯cocktail，分別係Thai Shower同Tropical Jungle。前者係個名泰國風啲，後者就個杯泰國風啲。兩杯都係比較清新嘅味道，酒嘅份量唔會太濃，都幾適合食飽之後飲杯嘢chill下。
唔覺唔覺，我哋都食咗兩個幾三個鐘，證明呢度都真係幾chill架。喺呢個地方同埋環境之下咁嘅價錢屬於正常價啦。
张贴
