Mint & Basil (海堤灣畔)

营业中

休息中

送完朋友機，見肚餓就出黎東涌睇下有乜食東薈城餐廳又多人又貴所以比我發現到商場出橋有個屋苑海堤灣畔有間食東南亞菜呢間屬於bar and restaurant 餐廳有部80吋電視，不時會直播足球賽事仲有outdoor坐，如果天氣唔熱，坐出面都好chill首先叫左豬，牛，雞沙嗲串燒有沙嗲當然要配啤酒啦串燒黎講都好大串，呢個價錢都好抵而且真係熱辣辣上檯，好香另外，叫左個泰式乾炒牛河乾炒牛河鑊氣好夠，而且河粉好滑最緊要佢都係新鮮炒，好香又好味食東南亞菜一定要叫咖哩呢度有咖哩羊，真係要食下羊肉依然嫩滑，而且個咖哩小小辣不過唔淨係得辣味，重好香香料味配garlic薄餅好正最後叫多個炭燒魷魚魷魚好細心幫你切哂，一定要配個汁好惹味

今次👦🏻👧🏻約咗去朋友新居前先自私食，呢間可以食齊泰、越、印度食物嘅餐廳非常受唔同種族人士歡迎👏🏻，當日Weekend Lunch Hour係Full House到大熱天時都有客人願意坐喺室外用餐！餐廳食物整體上較濃味，岩曬重口味人士！🌟炭燒豬頸肉豬頸肉邊邊燒得極焦香，同時爽口彈牙唔韌，加埋酸酸辣辣嘅醬汁，啖啖肉，開胃無比。🌟沙嗲串燒（牛+雞）串燒燒得脆口，用上大量香茅醃肉後再烤，做到外微脆，內裏充滿肉汁，配以沙嗲醬相當惹味。沙嗲醬偏向花生醬🥜口味較Creamy。牛肉同豬肉燒得唔會太乾身，咬落去仍然感受到肉質既嫩滑。🌟香炸蟹肉粟米餅用上大量粟米🌽配蟹肉再炸，非常香脆！再配上泰式辣醬，減低油膩感，呢個絕對係送酒良物🍻。🌟泰式黃咖哩蟹肉配麵包呢到嘅黃咖哩係用上蛋炒咖哩，加曬分！用上啖啖蟹肉，唔洗剝殼超方便又滿足。蟹肉🦀️結實鮮甜，比起平時黃咖哩配肉/其他海鮮，更有新鮮感。而麵包就用上蒜茸包，香濃蒜味嘅麵包🧄配咖哩醬，絕對想叫多幾塊麵包配一🌟越式軟殼蟹米紙卷米紙卷內包咗軟殼蟹、米粉、紅蘿蔔🥕、青瓜、醃芒果🥭等不同醃料/漬物，所以味道都比較清爽。而提供嘅醬料就估唔到係Wasabi沙律醬，都幾攻鼻

放假就過咗東涌行下街探下朋友，經過呢間Mint & Basil見幾多人幫襯就入咗去，食物選擇多樣化，有齊泰式、越南及印度菜。餐廳係海堤灣畔商場地下，有户外同室內位置，空間算寬敞，整體氛圍輕鬆。Lamb Rogan Josh 傳統咖哩羊肉（$138）色香味俱佳，羊肉入口即化，香氣四溢，咖哩醬汁濃郁，口感豐富。Garlic Naan 燒餅（$35）外皮烤得微微焦香酥脆，口感鬆軟，加上濃郁的大蒜香味，絕佳咖哩配菜！Aloo Gobi椰菜花炒土豆（$88）椰菜花、土豆口感軟硬適中，配以豐富香料和醬汁，非常惹味。Chicken Biryani印度黃雞飯（$128）米飯粒粒分明，加上多款香料同嫩雞肉炒香，入口較乾身味道濃郁，香氣同辣度都夠。Khaow Niav Mamueng 芒果糯米飯（$88）呢個甜品好有驚喜，絕對不容錯過！三色糯米飯軟糯甜香，芒果鮮甜多汁，再淋上微暖椰漿，讓人一口接一口！Thai Colada（$58）泰式椰漿雞尾酒清爽可口，椰漿嘅香甜和酒嘅苦度完美融合，消暑解渴。Strawberry Delight（$58）顏色鮮艷吸引，以士多啤梨配上菠蘿、檸檬汁調製，入口甜度較酸度高。

住東涌既朋友如果好似我咁唔想去東薈城食飯，咁可以穿過東薈城黎海堤灣畔樓下呢間泰式餐廳～估唔到呢間餐廳越嚟越多人食～ 今日閒日過黎食都有唔少人，證明係好食先會有人黎食啦🥰餐廳佈置好靚，好多吊燈，枱上面又有蠟燭仔，好有氣氛～ 我地叫左泰式乾炒牛河，燒雞翼糯米飯，青芒果軟殼蟹沙律，仲有生菜包辣肉碎！ 泰式乾炒牛河啲河粉好寬，好滑，係我鐘意食既果款河粉～ 幾夠鑊氣～ 配料都幾多！有芥蘭同蛋青紅椒～ 份量都幾大🥰呢個燒雞翼都好正～ 有3隻全翼，仲配埋糯米飯～ 最特別係呢個青芒果軟殼蟹沙律，泰式青芒果好爽口，夏天食呢個好開胃，上面有原隻軟殼蟹🤤最後呢個生菜包辣肉碎都係泰式菜常見既食物，呢個肉碎炒得幾入味，辣味適中～ 真係包埋生菜食好夾～🥰整體上呢度環境幾舒服，幾有特色，仲有戶外座位～

📍 餐廳：Mint & Basil (海堤灣畔) (東涌)地址：東涌東涌海濱路8號海堤灣畔地下K號舖1️⃣ 酸辣椰汁雞湯 $98 (細)奶白色湯好夠濃，有青檸蕃茄嘅酸，微微辣非常開胃，雞肉及菇份量足料！2️⃣ 香炸蟹肉粟米餅 $118入面真係有一絲絲蟹肉！仲有甜甜粟米，炸到脆卜卜好好食。3️⃣ 串燒沙嗲 $128/半打揀咗豬、雞，肉好大件，醃得好入味，充滿香料香氣，沙嗲醬好香花生味，惹味香口。4️⃣ 香茅雞翼 $78雞皮炸得好脆，香茅味突出，點來泰式甜辣醬，更滋味。5️⃣ 泰式乾炒雞肉河粉 $118炒得夠，河粉煙煙韌韌，仲有唔少雞肉同蔬菜，仲有啲蝦乾嘅香味，正。

位於東涌的這家越南及泰式酒吧，絕對是一個值得一試的好去處。進入餐廳，充滿泰國度假氣息的環境。整個餐廳的裝潢非常有特色，讓人感到非常放鬆舒適。沙嗲雞肉串燒和豬肉串味道唔會太辣，帶有濃郁的香料味。味道非常正宗，讓我感到像是在泰國吃當地的小吃一般。肉串的口感也非常嫩滑，讓人一口接一口。海南雞飯是一道非常值得推薦的菜品，米飯軟糯有油飯的甘香，雞肉嫩滑，雞皮薄又唔會太肥，美味可口。雞翼配糯米飯搭配好好，糯米飯的口感非常綿密，搭配上炸過的雞翼，口感更加豐富。加上醬汗好有特色好惹味。香蕉奶昔甜度適中，口感濃厚味道清新。椰青也是一個非常好的選擇，好適合在夏天喝清涼解渴。最後，我想提一下職員的服務態度非常友善，熱情地為我們介紹菜品和提供意見。讓我們有溫暖和舒適的用餐體驗。

今日去完迪士尼，出嚟決定去東涌食嘢！決定就去海堤灣畔果頭，呢度環境好清幽！見到間泰式餐廳有室內有室外😍室外，仲要勁大個螢幕，第日有波睇嚟食一流🤭同朋友叫咗幾樣嘢食下，都幾唔錯👍紅咖喱雞肉：食落酸酸甜甜辣辣，加埋濃郁既椰漿，津惹配料，好惹味！紅咖喱唔會太辣👍雞肉好嫩滑😍入面既秀珍菇都好好食馬拉盞炒通菜：我覺得佢同出面泰式野再唔同d，甜d又無咁辣😍好岩胃心！愈食愈開胃菠蘿炒飯：小朋友最愛呢個🤭米食落粒粒分明，菠蘿都幾鮮甜無渣，雞肉好嫩滑，仲有d魷魚😍👍最愛面頭有唔少肉鬆，正泰式炒金邊粉：食落口感好綿密又唔會太濕，都幾多芽菜、豆乾😍口感幾好👍另外，花生碎同辣粉放一邊，要幾多自己加👍

東涌東薈城附近有間東南亞餐廳超有特色，無論環境食物都使我滿意，使我感覺好像去咗旅行呀💕泰式串燒有齊豬、牛、雞三款肉一次品嚐到，燒得剛好十分惹味呀！炭燒豬頸肉一片片豬頸肉肉汁鮮嫩，點特色自家醬更有風味！杏仁炸香蕉🍌粒粒香口杏仁在外，外脆內軟，飯後甜品真好吃😋仲有印度式的薄餅都好吸引！🍹Yellow sky Cocktails 🍹 類我勁愛，充滿鮮果味道清甜可口！Mint & Basil 📍東涌海濱路8號海堤灣畔地下K號舖

This is by far the best restaurant I have ever been in Tung Chung!  Are you a fan of Thai cuisine?  Are you a fan of Vietnamese cuisine?Are you a fan of Indian cuisine?Are you up for a few cocktails or mocktails?Do you fancy sitting outdoors under chilly weather?Well, this place can satisfy all your wishes! This is the place where it serves Thai, Vietnamese and Indian cuisine, aside with alcohol options. After my third and recent visit on Mother's Day, I know I should write Mint and Basil a revi

今日同媽媽慶祝母親節，喺東涌行完街，就嚟到依間餐廳食飯，法國餐廳嘅食物質素同環境氣氛都不錯！🥗泰式柚子鮮蝦沙律 - $88入面有鮮蝦、柚子、花生同其他蔬菜，再加上酸甜既泰式醬汁，真係好開胃。🍴越式鮮蝦米紙卷 - $98米紙卷裡面有新鮮既蝦肉、蔬菜同米粉，吃落口幾清爽可口。🍢沙爹串燒 - $128用炭火烤熟，仲有少少窿邊，唔使點花生醬汁都已經好香香茅味。串燒都幾大串，真係啖啖肉。🐔海南雞飯 - $138是雞肉幾嫩，個飯係油飯，仲要超大碗。🥔椰菜花炒士豆 - $88依個菜幾特別，椰菜花同士豆一齊炒，仲撈埋其他蔬菜碎，醬汁就偏辣。

今日同朋友難得閒日下晝放假就決定去個悠閒地方食個午餐慢活下。揀左東涌附近呢間泰式餐廳，諗住食完仲可以周圍行下。嚟到環境確實係非常寫意，充滿東南亞氣息，而且佢嘅午餐都唔貴，我哋各自要咗個午餐（揀咗柚子沙律做前菜，朋友就要咗個冬陰功海鮮炒飯，我就要咗個泰式炒金邊粉），再點一條泰式監焗燒魚一齊食。呢到除咗泰國菜亦都有啲印度同越南菜式，種類都唔少，環境又靚，相信假日同夜晚應該唔少人光顧。轉頭好快個沙律就送到，柚子沙律酸酸甜甜，柚子夠曬開胃而且份量都好多，仲有加左臘腸增加口感。之後泰式金邊粉同海鮮炒飯就準備好份量又係多得緊要，個海鮮炒飯有好多彈牙又大隻嘅蝦，冬陰功味道好突出但係唔會太辣，反而好開胃辣辣地。伴碟嘅炸雲吞夠晒香脆，咬到脆卜卜，好味。至於金邊粉夠晒正宗，唔會炒到淋曬又係用上各種嘅配料，蛋，新鮮芽菜，韭菜等等，食落口感好豐富，加埋跟碟嘅少少辣椒片，更加惹味，熱辣辣炒起，令人特別有食慾，大碟又滋味。至於條烤魚又係要推介俾大家，因為覺得非常之嫩滑。裏面嘅魚就算簡單唔點任何醬汁，都有啲芫茜同埋魚原本嘅清香，魚肉嫩到仲有少少肉汁，肉身仲有少少彈口夠新鮮。如果鍾意泰式食法可以點佢跟嘅醬汁就會多咗一

去東涌探朋友，一齊去左間泰國餐廳食飯，餐廳可以坐室外，都可以坐室內，兩邊環境都好好，下次天氣涼啲可以坐室外。餐牌有好多選擇，泰國菜同印度菜都有，而且價錢合理，全部嘅食物質素都好好食，我地都好滿意泰式冬陰功湯冬陰功湯用料好足，有好多蝦，而且爽口，個湯落咗好多香料，辣度啱啱好越式軟殼蟹米紙卷米紙卷軟度剛好，好煙韌，軟殼蟹份量都多，點埋個酸甜醬食，好食印度咖啡角咖喱角夠酥香，裏面餡料好多，食落口唔會太油膩印度酥油薄餅 薄餅外脆內軟，唔會油膩，係去泰國餐廳必點嘅食物

🫔MINT & BASIL蒜蓉烤餅熱辣辣蒜香味濃～咬落脆口好好味～唔好講笑食兩件都飽😂泰式乾炒牛肉河炒河處理得剛剛好😋係咪好特別或者好難食兩者都唔係～唔知睇緊既你食泰菜係咪硬係炒河或炒金邊粉要有其一🤣🤣🤣🤣越式烤春卷看落平平無奇無咩特別～但一咬落口勁香勁熱～外皮脆口入面配料滿滿～點埋伴碟個汁更不得了💯必定要試試😋香茅炸雞翼雞翼以為無死🥲真係普通左dd🫠🫠🪖帶返頭盔～可能唔岩小編口味🥹盛惠💰$4xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:環境幾舒服～不過坐室外小心喂蚊🫣整體食物飲品都好食～係個雞翼麻麻地🫠有機會黎到東涌要試下依間👍

東涌比較多連鎖餐廳居然俾我搵到間隱世餐廳有露天位夜晚可以出去Chill住飲野但今次我同媽咪去就唔好啦🤣我哋揀咗室內室內都好靚設計得好有特色燈都比較暗有情調適合情侶過嚟我哋就叫咗一個軟殼蟹芒果沙律軟殼蟹炸得啱啱好芒果係會相對比較清爽同埋唔算太甜佢亦都會放多個酸汁做沙律汁開胃一流另外嗌咗個青咖喱牛肉咖喱比較水但係味道係足嘅配上芝士味嘅餅有一種好滿足嘅感覺咖喱中間亦有其他配菜唔怕剩係得肉🤣冬陰功湯係最成功嘅一個菜佢唔會話太甜或者係辣唔怕辣嘅朋友完全係食得落但係又唔會冇咗嗰種辣味亦都有好多唔同嘅配菜有一隻好大嘅蝦🥰正到飛起📍Mint & Basil

今日晏晝揸開車，嚟到東涌附近見到呢間裝修幾有特色嘅餐廳行埋去睇發現原來係食泰國菜. 但係由於太趕時間，所以選擇咗叫外賣返屋企，今次叫咗咖喱羊膝，雞牛豬串燒，同埋牛肉炒河. 首先以串燒來講味道OK，可能因為拎到返屋企都有啲耐，所以已經有啲乾身。炒河粉就冇乜特別啦因為都係拎到返屋企已經有啲黐埋咗一嚿嚿。不過佢嘅咖喱羊膝真係值得一讚，唔好見佢兩百幾蚊先得一嚿其實都好大份.另外個烤餅點個咖喱汁非常好味最後食淨個汁仲留返來做夜晚晚餐添好味指數：⭐️⭐️⭐️⭐️性價比：⭐️⭐️⭐️