Mini Club (已結業)

平時大多數與友人偏愛人多熱鬧的尖沙咀諾士佛臺，或是尖東一帶飲野傾計，因勝在地點方便。雖老地方是好，但總會悶的。轉轉場，換換新地點才夠意思。是夜，選址山林道一帶的Mini Club。山林道不少酒吧林立，而Mini Club全部也是室內座位，窗邊位置勝在夠開揚，即使獨個兒來，傻傻地倚在窗邊位置，感覺也應該不錯。酒吧燈光偏暗，環境舒適，來的客人大多以白領為主，而Bar枱放滿了各樣的酒精，在這裡一邊喝著酒，一邊看著Bartender 為客人精心調酒也是一件樂事吧。而每次來到酒吧，我們都較喜歡坐在典型的高椅，感覺不像在普通的餐廳吧，擁有雙腳懸空踏不到地的自由感覺。古典的設計用上英國旗、色士風、音符、Che Guevara畫像、Old school吊扇等，配合各式各樣的手工啤，不落俗套。平時也甚為喜愛Cocktail，調配Cocktail好講求調酒師技巧，配合各樣的酒，顏色及味道總有變化，不像啤酒只有苦澀，每杯總是擁有獨特的味道，亦較易入口。這裡的自家製Cocktail與別不同，其中這杯Einstein配合名字，以科學家做實驗的物理瓶奉上，內裡滿滿是寶藍色的酒精，單看賣相已非常吸引。店員細心解說飲

今天幫一個朋友慶生，請佢嚟Mini Club豪一餐，里面嘅擺設裝修都幾有氣氛，跟住仲點埋佢最鐘意嘅海鮮大餐加飲料，佢見到好開心咯。先嚟試下佢哋嘅冰鎮手工啤酒，我哋點咗India Pale Ale (UK)口味比較淡、Chimay White (Belgium)口感就尚算OK；除咗啤酒之外，我自己點咗Drink Mud，左邊係朱古力冰沙，如果鐘意酒味重d可以適量調入右邊嘅酒飲。另外再點咗Strawberry Me比我朋友，上面有威化餅、朱古力同新鮮嘅Strawberry調制嘅一款酒飲，冰冰涼飲落好sweet，就好似我哋嘅友誼咁，哈哈；食嘅方面有Deluxe French Toast，雖然賣相比較簡單，但里面有蝦，三文魚、鵝肝，用法式制法烹調，味道仲算OK。Pizza Stick, Cheese Rice Cake and Red Bean Ball味道比較大眾，芝士年糕同紅豆球灑咗小小綠茶粉，食落有d綠茶香，所以唔會好濟。最后介紹嘅大餐當然係新鮮飽滿嘅Live Oyster& white pearl同埋Seafood platter；冰鎮生蠔同海鮮拼盤睇見已經令人食指大動，先加點lemo

姐妹有喜事 緊係要賀一賀佢啦🎉🎉🎉少不了去返我地嘅老地方慶祝😌😌一早book左位 7點半左右到達 已經爆左8成✌🏼️今晚扮豪啲 叫左海鮮拼盤😂😂 話晒有鮑魚 龍蝦 麵包蟹 玫瑰蝦同翡翠螺等等丫 鮑魚鮮甜到不得之了 又有咬口 中間帶點糖心感覺翡翠螺勁大隻 好彈牙 不過鮑魚好食啲😂麵包蟹啲蟹膏多到爆 蟹味香濃👍🏼👍🏼👍🏼 食完頭盤 叫返個主菜墨西哥卷先有芒果配煙三文魚同忌廉芝士配燒牛肉芒果酸酸甜甜 完全帶上煙三文魚嘅香味👍🏼燒牛肉香到少食牛肉嘅姐妹都忍唔住口 食完再食😙 最後叫多個白酒忌廉煮蜆配蒜蓉包大蜆每隻都被好creamy嘅忌廉包住 食落好鮮甜蒜蓉包岩岩焗起 配上粒粒蒜蓉 香脆又惹味👍🏼怕熱氣嘅就點下忌廉汁 又有另一番口感😌 食海鮮當然要飲下酒啦 今晚放棄左紅白酒轉飲店員推介嘅人工啤啤😙😙😙 作為香港人 無理由唔飲呢支囉😁 入口有果香味 帶苦但回甘 好正 無改錯名👍🏼 呢支係店員推介之一 比較淡味 但好多泡泡😂 呢支banana bread 係姐妹最愛💕💕聞落好香banana味 飲完after taste都有 好打耳😙 最後我叫左honey dew作結尾 有honey嘅香味入口比較淡

約左位朋友去Mini Club傾計食野，聽聞佢地既手工啤酒唔錯會有驚喜，膽粗粗既我跟左朋友黎飲番杯XD遠處望去，充滿酒吧既風格，我之前去過銅鑼灣果間，估唔到事隔差唔多半年再次黎到mini club 環境燈光昏暗，加上背景流行歌既襯托，成個氣氛都唔錯，岩晒一班朋友黎聚會傾計窗口位更有feel，不過我地一早黎到，都已經見窗口位比人book晒枱，好搶手！ 車打芝士焗薯條，岩岩上既時間熱騰騰，芝士半溶狀態，薯條食落去好香脆，個SIZE適中，芝士味咸得黎好香，同個薯條幾搭 生蠔，同朋友揀選左兩隻法國生蠔、兩隻美國生蠔，美國生蠔海水味較重，肉質爽厚，蠔味鮮濃金屬味較重，而法國生蠔味道則較鮮甜，比美國的海水味較淡，先食法國再食美國，先品嚐到佢既口感層次分別。 白酒忌廉汁煮大蜆伴蒜蓉包，上菜時香味撲鼻，好似好吸引，蒜蓉包香脆又夠蒜味，可以伴少少忌廉汁一齊食，而個蜆既忌廉汁偏咸，令成個菜式都只覺咸味，少左一份忌廉既香甜味道，有啲失色。 海鮮拼盤，拼盤好豐富，見到已經忍唔住要開動，材料包括熟龍蝦、 睡蟹、加拿大翡翠螺、法國翡翠螺藍青口、鮑魚、玫瑰蝦、鑽石蜆等等多種海鮮。樣樣都好新鮮吸引，拼盤另外會附有黑醋

這天是好朋友的生日，想帶她去一間情調較好的餐廳，早前去過MINI CLUB的分店，感到很不錯，於是今次近近地挑了尖沙咀分店。尖沙咀分店位於山林道，之前來過這條街很多次，整條街都是餐廳林立的。來到門口才知道原來是半開放式的設計，既可以留在室內又可以呼吸外面的空氣。 剛坐下店員就送上了花生作小食，讓食客可以一邊看Menu一邊吃。 專誠帶朋友來就是想來吃生蠔，這次挑了南非和法國的生蠔。南非蠔海水味較淡，入口甘香，而法國的生蠔則是蠔味較濃。 這次又點了兩杯special cocktail ，這個似盤栽的叫Drink Mug?，那到底是乜？原來是以Oreo餅乾碎製成的飲料，裡面有百利甜酒和奶，感覺似加了酒精的曲奇沙冰，好適合想淺嗜酒精又怕苦的女士。鍾愛粉紅色的我沒半點猶豫就點了這杯Strawberry me，看到最喜愛的士多啤梨味零食放滿杯頂，我就非常興奮，建議先吃零食，不然餅乾會浸久了會變得不好吃。喝一口，沒有什麼酒精味，卻嗜到了玫瑰香味，還有士多啤梨的香甜味。之前去歐遊時候沒有機會去瑞士，也要嘗一下著名的芝士火鍋。材料包括海鮮、肉類、蔬菜、法飽、薯條，基上都是熟的，驚

相隔差不多一個月又來了Mini Club，今次是尖沙咀山林道分店窗口的高吧檯座位，感覺開揚，天氣還是有點涼意，不時有風吹來都幾舒服。想多點私隱度可選擇較入的吧檯位朋友又點了Drink Mud? $108，可惜這個baileys味很輕，完全沒有銅鑼灣的味道，呷幾口已被人遺忘了。今次我點了另一款的 Einstein $108我如做實驗般左倒右倒，最後調出來是什麼呢？玻璃杯內是一個圓形的冰球，先倒入藍色的特飲，有vodka、blue curacao、七喜、荔枝等，再以另一邊倒入如魚子般就是柚子、小紅莓製成果粒，份子料理一樣，味道夠甜易入口，有荔枝果香味，酒味很輕，途中咬破柚子小紅莓果粒，相當有趣。又繼續是海鮮併盤 $298 及 生蠔 $119/4隻生蠔是Special Geay及Gillardeau，法國品種，爽口的質地，前者味道較淡，後者相對下蠔味較濃。今次的磯燒鮑魚相當入味及嚼勁，不錯不錯。三味炸雞 $78整碟新鮮即炸後上檯，薯條香脆無比，好味得難以停口。還有旁邊的3枝針筒又是什麼東東？原來是醬汁擠在炸雞上，白色是蜜糖芥末醬、黃色是芝士醬，最後是蕃茄醬。炸雞全是小雞腿 (份量只是鐵桶的一

是日白色情人節, 沒有選擇二人世界, 反而相約四友共聚, 地點選了環境情調不錯的mini club, 最近有新的小食供應, 友人大推下, 就訂位聚會吧。想不到星期一晚都有這麼多人, 還好我們有訂位。就坐舒適的梳化座椅, 外排的椅子揭開來還可以放袋子呢, 真方便!餐廳播著音樂不會太大聲, 氣氛情調不錯, 又不妨礙聊天, 蠻好的。餐廳用ipad menu, 既方便又時尚, 這樣以寶麗萊的方式介紹食物, 清楚又吸引。這四款special cocktail好特別呢。先來送酒小食, 芝士餅和花生之中, 我選了芝士餅, 偶爾也想念這濃香芝士餅的味道呢, 好吃到停不了口。手工啤酒 Floris Honey $78有鮮花香氣、蜜糖、槐花、雲尼拿, 入口花香味濃, 配著淡淡蜜糖味, 好清香好易入口, 很適合女生喝。手工啤酒 India Pale Ale $80以雙倍啤酒花蒸漏釀製、花香、回甘, 這款酒味道較甘苦, 感覺好man呢, 花香味還好, 不太明顯, 較適合男生喝。drink mug $108baileys, milk, chocolate syrup, dark rum杯子內有深啡的泥, 長了一

上年去完銅鑼灣Mini Club後對佢既生蠔念念不忘，今日趁住長假期前夕同2個朋友黎尖沙咀分店到一齊食飯飲幾傾計。Mini Club位於山林道，佐敦站行過去都係5分鐘左右。呢度嘅環境都幾清靜，唔會太嘈，傾計真係一流。店內裝修非常特別，有少少英倫風格，牆邊都掛左唔少英國景點既掛畫。真係幾欣賞佢地用ipad 黎做menu，可能係因為環境比較暗睇紙餐牌比較難啦，如果可以好似某著名壽司店咁用埋黎落order就好啦。我地一行3人，叫左2杯飲品，4隻生蠔，一個海鮮拼盤，一個海之幸福摩天輪，同埋一份三味炸雞，份量剛剛好，唯一美中不足既係D食物黎得太快，張檯擺唔晒咁多野食，食起上黎有D逼。Strawberry Me (Rum, Tequila Rose, Milk, Strawberry Puree): 呢杯cocktail飲得又睇得，酒精成份唔高，入口有D似Smoothie，綿綿地，飲落有清香既士多啤梨味。Garnish方面用左威化餅，百力枝同埋朱古力，再用左一支針筒黎裝住D紅糖水，想落幾多可以自己加，鍾意幾甜就幾甜。What The Duck: (Rum, Midori melon, lychee

突然想食生蠔，諗起mini club。星期六book左8點，店員提醒happy hour八點前order有8折，所以7:50黎到。一坐埋位就俾左iPad餐牌我地睇，點左個seafood platter+白酒（ $428）+ 4隻生蠔（$148）+車打芝士焗薯條（$88）+香烤蜜糖雞翼（$78）點完呢幾樣之後話想再睇睇，侍應再提醒我地8點前落單8折....（係咪覺得我無錢俾原價？）環境同一般酒吧咁，8點幾唔多人，但愈晏愈多人nuts任加, 好好味 seafood platter + 生蠔出場 seafood platter：蟹身唔多肉但多膏，蟹鉗鮮甜多汁龍蝦多肉，無雪藏味，唔錯其他海鮮不過不失最中意食法國生蠔White preal:第一啖咸,第二啖甜,味道獨特, 口感鮮甜Gillardeau:肥美, 結實有彈性, 口感爽脆鮮甜, 海水味不濃烈食緊seafood platter既同時, 薯條都到左, 張枱好迫=.=薯條凍左唔好食, 唯有食下海鮮又食下薯條薯條配上溶溶地既芝士, 比配茄汁好味好多食完一半seafood platter,雞翼都上左枱食完凍野, 飲左酒, 凍凍地食返D熱野就p

好耐未去過Club 放松下喇，今晚就約埋兩個好朋友去坐下，減減壓，有個朋友話最近佢去過Mini Club唔錯，環境同食物都符合我地口味，呢間Club位置比較寬闊，感覺好有空間。摩天輪唔系凈系可以坐，仲可以用嚟裝嘢食，海之幸福摩天輪裝左五種唔同品牌嘅炸野食，有炸蝦，炸蠔，炸魷魚，炸蟹鉗同埋泰式蝦餅，一次可以食曬幾個菜，每個品都幾好食，而且炸得唔油膩，雖然系炸蝦，但都食得出蝦嘅新鮮，泰式蝦餅更系食唔停口，整得好好味。今晚我最中意嘅都系呢個西班牙伊比利黑毛豬火腿，我地點左系兩年果種，火腿年份越耐越正，雖然兩年唔算好耐，但肉質真系好結實，無睇切得薄薄一片，但咬落依然好有口感，味道就更唔洗講喇，令人好驚喜，中意食肉嘅朋友一定要點嚟試試，唔會令你地失望。

夜晚無無聊聊，最啱呢就係搵埋三五個知己，一齊去bie一bie~~再食埋個宵夜，咁樣噶夜晚先會覺得唔寂寞！我好鐘意呢間mini club嘅原因，喺因為呢度嘅環境比較清淨，唔會好嘈，而且佢嘅menu仲喺ipad menu。特別推介呢樣Oyster4件！啲生蠔好新鮮，而且仲有好多。每個生蠔嘅肉都超大舊！！食落去好香海鮮味，而且肉質好滑、好嫩。甜品呢我就鐘意呢款Strawberry Me，成杯野嘅賣相真係好可愛，好啱女仔飲。而且仲有好大粒士多啤梨，同埋梳打餅，下面喺好香好香士多啤梨味嘅奶昔~~車打芝士焗薯條，薯條好粗，而且熱辣辣，有好香嘅cheese味，不過食得太多會覺得好漏。建議少食~白酒忌廉汁煮大蜆伴蒜蓉包，聽個名都覺得好犀利！其實就喺啲忌廉湯浸住啲蜆，順便仲可以拿嚟送麵包，好特別嘅搭配，麵包點忌廉湯好好味。大蜆幾新鮮。嚟呢度點可以少得啤酒呢~~呢款酒叫一代宗師，反正我平時都ok飲得，口感唔錯。

去過幾間的Mini Club分店，店員服務都是一樣的好！不過若論環境，當然是有倒轉巴黎鐵塔的銅鑼灣店最教人印象深刻。雖然他們營業至很晚，但我們每次來都是晚飯時間，所以人不算很多，環境較靜，相信深宵時份會較多人來暢談談心。這裡經常出新產品，這次又有驚喜！就是連Cocktail,普通的食材都換了新的賣相！ 首先是名字都有趣的Drink Mud?即是問人「飲乜？」，實際上是朱古力Oreo沙冰，將酒精倒入蓋上Oreo的朱古力沙冰當中，愛烈愛不烈，隨你倒多少。 我自己不太喜歡過濃的酒精味，所以很喜歡這樣分開上，亦喜歡朱古力沙冰作底，加些少酒精點綴的配搭。 另一款可愛的Cocktail，名字同樣搞笑，叫作What the Duck? 粗口似的！其實是鴨仔+浴缸盛着Cocktail，酒味挺濃，連泡泡都有味！更可加入爆炸糖增添玩味，會邊喝邊聽到爆炸糖的「噼噼啪啪」。 看到這摩天輪就有種幸福感，可能是因為它盛滿炸物！ 五格內分別有炸蝦、炸蠔、炸魷魚、炸蟹鉗、泰式蝦餅，每樣兩份方便分享，更有沙律用以平衡油膩感。 炸蠔不會有過老的問題，內裏仍保持鮮嫩。

相約姐妹們傾計 緊係要搵個坐得耐又舒服嘅地方啦mini club 絕對係推介之一一早book左位 8點準時到達 店員留左窗口位置俾我地 叫左藍青口+白酒配法式甜品拼盤😋😋店員細心推介左兩款岩女仔飲嘅白酒呢款白酒入口清清地 去到喉嚨先感到味濃飲得白酒緊要叫個藍青口配下啦藍青口以冰鎮方式送上 加上少少檸檬汁同辣汁入口鮮味十足 肉質清甜有嚼頭😋😋之後店員再為我地送上甜品拼盤喜歡佢地用木盒放甜品 有另一番風味👍🏼甜品有馬卡龍 冧酒朱古力 朱古力慕士 鮮果果凍 奶凍 同焦糖布甸等等馬卡龍有香檸同雜莓味 味道香濃而不過甜朱古力慕士濃濃朱古力味 中間夾住粒粒朱古力碎焦糖布甸超好食 焦糖面燒得脆脆 布甸幼嫩滑溜👍🏼話咁快又飲完支酒 下次要試其他款式😁

Cheese Fondue @ Mini Club因為出差的關係，今年唯有和老公提早慶祝情人節，懶得搵地方的老公，就和去年一樣帶我到ＭＩＮＩＣＬＵＢ慶祝這個酒吧是我們經常會來的地方，喜歡這裡環境寧靜舒適，客人都是附近打工的白領為主，客路斯文，可以舒服地坐上一整晚另外親切有禮的服務員也是令人非常滿意的地方，對酒不太認識的我們，每次來都會找店員為我們挑選，他們不是為了謀利為我們介紹貴的酒，而是會因應我們的口味，和點選的食物而介紹，而且他們每一位都對酒和食物的搭配非常熟悉，十分靠得住我每一次都喜歡坐在窗邊的位置。不過遲來的話就會座滿了客人，因此我通常為了坐到心儀的位置都會早一點來平時窗戶都會打開，可能今天天氣太冷因此都關上了，每次我們來坐到這裡，點上一支酒，傻傻地望著外面的街景一個晚上，這就是平凡的浪漫罷～這裡的MENU是用IPAD給客人檢視食物款式圖文並茂非常清晰顯示食物款式和價錢趁天氣凍凍地就來一客Cheese Fondue加紅酒SET $428由店員推介下點了來自澳洲著名酒莊Grant Burge的 Benchmark酒質飲落非常細緻,有股非常特殊的木味飲下去很舒服,跟芝士鍋蠻配的,酒