Luna Kaffe

营业中

休息中

位於通菜街嘅新開西餐！價格望落好抵好吸引，唔洗$100就有鐵板威靈頓牛柳餐。餐配是日餐湯，加$20仲可加配酥皮湯是日餐湯係白湯，忌廉湯，湯質感挺身，加左蟹柳，增加口感。鐵板 威靈頓牛柳，五成熟，見咁抵嘅價錢，點都有少少擔心牛柳會唔會好韌或者硬。但上枱到食落口，質素係喺呢個價錢之上。先講下賣相，鐵板非常夠熱，上枱時一路冒煙。威靈頓牛柳酥皮紋路明顯，漲卜卜，一睇就覺得好新鮮。牛柳唔難切開，鐵板上嘅五成熟中間帶少少紅，食落口肉質都唔錯，唔會太韌，太實或者太乾。食落都有牛肉味，性價比好強！酥皮亦都唔會完住同牛柳分開，食落都唔覺油膩，厚度啱啱好。鐵板配上少量蔬菜，甜粟米，車厘茄，翠玉瓜，燒熱食真係特別好食。餐加$15配薯條，薯條份量多，新鮮炸起，好夠脆。餐飲跟左杯熱奶茶少奶，味道正常，飲落都幼滑性價比高嘅menu，絕對吸引左唔少人前黎一試。

今日遲咗放工,知道呢排D餐廳好多都好早閂門, 唔知去邊度食飯, 就出去旺角睇下有咩食喺女人街嘅中間見到這間餐廳開到十點門口睇完餐牌覺得都ok就入去叫咗個鐵板紐西蘭穀飼肉眼伴燒汁 +卡邦尼大通粉+凱撒沙律兩個人share食餐湯係週打魚湯, 唔係用普通白湯,覺得味道都不錯鐵板紐西蘭穀飼肉眼 $148, 比一般港式扒房 好好多，牛肉質素比想像中好好多 食落咬後有咬口重牛味， 唔係嗰啲醃到淋啤啤嘅牛肉肉質都好結實, 醬汁唔會預先倒曬落,去所以唔會太過鹹五成感覺都符合卡邦尼大通粉， 食落煙煙韌韌每一粒都沾滿曬醬汁凱撒沙律上面有幾片煙肉好耐冇見過凱撒沙律上面真係有煙肉,唔係煙肉碎, 煙肉非常惹味， 麵包亦好脆口上面仲有一隻流心蛋， 可以用蛋汁撈蔬菜食少啲醬更加健康餐廳服務質素都幾好， 侍應們都好有禮貌

新開嘅餐廳又唔同款式嘅主食選擇吉列魚柳漢堡伴薯條$128漢堡既魚柳好新鮮，即炸的！炸得剛剛好，外層酥脆，內裡鮮嫩多汁搭配的薯條口感酥脆，都係新鮮炸起都好細心，會將醬料、蕃茄、酸瓜分開咁大家就可以按自己嘅喜好去放威靈頓牛柳$98用酥皮包著，經過烤箱烘烤而成再放上去鐵板外層酥脆，不過留意放得太耐喺鐵板就算叫5成都好快熟晒，所以都建議放返喺碟度再切黎慢慢食酥皮湯就一定要試 +20酥皮勁酥脆 個湯勁濃郁 👍🏻👍🏻超正小食：脆香雞鎚雞肉炸得金黃酥脆，吃起來口感十分香嫩，外層的麵衣炸得很脆，益力多沙冰口感綿密滑順，混合著益力多香甜味道，非常適合消暑菠蘿沙冰口感清爽，帶有微酸的果香，清涼既選擇價錢相宜，呢間新餐廳都值得一試

旺角新開平民鐵板西餐 估唔到香港晚市竟然有⭐️威靈頓牛柳$98 吸引咗我去試試.⭐️威靈頓牛柳$98呢次叫咗五成熟 如果鐵板上菜 熱辣辣出煙👌🏻表面酥皮鬆脆唔鬆散 👌🏻中間夾住一層蘑菇蓉 Parma Ham 同鵝肝醬🥰牛柳生熟可以自己控制 👍🏻保持到肉嫩多汁旁邊有醬汁 蔬菜 粟米 伴碟呢個價錢唔貴 質素絕對收貨香港應該都幾難搵到性價比高過佢.⭐️紐西蘭穀飼肉眼扒拌燒汁$148再試試其他鐵板餐 等待鐵板上菜嗰時上菜聽到鐵板啫啫聲 會小興奮👍🏻肉眼扒幾大塊 今次都係叫咗五成熟👍🏻少少筋位 冇咩肥位 容易切得開都肉嫩.⭐️黃金脆香雞堡伴薯條$128感覺雞扒先係本體 大過嗰個漢堡包好多影咗一陣相 最後先食佢 都仲超級脆 加分中間夾住蔬菜 蕃茄 酸瓜旁邊伴粗薯條 熱辣辣點埋醬汁 好邪惡.今餐有餐湯同埋飲品 可以加配酥皮湯同埋小食呢間平民西餐好抵食 價錢唔貴 出品都OK.#hkfunfoodrecord窮遊香港#hkfunfoodrecord_旺角.#LunaKaffe (旺角) @lunakaffe 地址：旺角通菜街25號地舖Tel: 6575 8404.⭐️評分：味道：4/5 環境：3.5/5服務：4/

記得咁耐以來，都淨係食過一次威靈頓牛，因為唔係好多餐廳會整，就算有，都十分貴，今次行過通菜街，竟然見到呢度$98就有得食威靈頓牛，簡直不能相信啊！跟餐的周打魚湯熱辣辣，食落有不同海鮮，非常滿足。我哋跟餐叫咗四個小食，分別有螺，雞鎚，魷魚，薯皮。魷魚雖然寫住香辣，但就算唔食得辣嘅人，都不會覺得辣，只係10分惹味，吃不停口。芝士焗薯皮一定要叫，芝士拉絲得來，口感非常豐富。蒜香螺下面有薯蓉墊底，滲入淡淡香草味，螺整得非常之入味，很有水份， 10分鮮。雞鎚脆卜卜，入面肉汁Juicy，最適合同埋啲Mocktail一齊食。威靈頓牛叫五成熟都可以，因為是用鐵板上，會再輕輕加熱。一切開，酥皮10分入味，牛肉厚得來之餘，但是10分粉嫩，非常好食，真的超級抵叫。另一個牛仔骨油粉較多，所以食落去比較滑，薄切，啖啖肉。Peach Tea同Fruit Punch都非常之解渴，仲有真果肉添。