Little Fresh Cafe & Bar (已結業)

水牛城雞翼頭盤就叫左呢個雞翼 個醬調得好味 又唔系好辣 好開胃 而加左個醬之後雞翼都仲好脆 唔會腍👍🏻十分推介.帶子白汁意粉帶子煮得好鮮味 而意粉軟硬度控制得好 加上調得好既白汁加蘑菇 整體pasta水準唔錯😬.豬鞍扒加焦糖蘋果豬鞍扒食落唔會好似平時啲豬扒咁硬 而且好入味 加埋個汁甜甜地好夾 而焦糖蘋果有層薄薄既焦糖喺面 酸酸甜甜咁襯反肉味😋 順帶一提 佢個薯蓉好好味吾系用薯粉開嫁 系用真嘅薯仔打出尼嫁.成體我覺得佢嘅性價比都幾高 系旺角平時食尼食去都系個啲嘢嘅話 大家不妨試下啲新嘢

以前這棟大樓多cafe，現時已有不少西餐廳進駐，是晚到訪開業不久的餐廳一試。餐廳空間不算大，晚上的氣氛頗有情調。虎蝦濃湯($48) 味道都幾濃，還有一隻蝦配蒜蓉包來食不錯。青蘋果帶子沙律($88)蘋果同沙律菜份量不多，三粒帶子，味道中規中矩，沒有我想像中的清新感。巴黎蘑菇($48)同朋友也以為是原粒蘑菇，原來是已切碎的菇粒，炒得都算香，不過味道偏鹹，不是太習慣。虎蝦汁海鮮意大利飯($128) 有兩大隻蝦、青口同蜆，份量中規中矩；虎蝦汁都算濃味，飯粒外軟內韌，幾有口感。雖然食物質素不算出眾，但服務很值得一讚，殷勤貼心，是有心的餐廳。

慶祝朋友脫苦海🥳·入口好難搵既一間高質cafe!🐽法式豬鞍扒配焦糖蘋果（$148）推介！！！豬鞍厚得黎煎完都仲keep到juicy口感👍🏻👍🏻焦糖蘋果甜甜酸酸，綜和豬鞍肉膩感😍伴碟既薯蓉牛油比例好好👍🏻不錯吃唷～🍄黑松露雜菌意大利飯（$118）湯汁略微太多，店員好細心解答risotto 醬汁合格標準～如果太乾就做唔到標準既稀杰度😯😯👍🏻👍🏻原來每一樣細微位都會如此講究⋯非常專業👍🏻🍫熱朱古力（$32）養生唔飲凍野😂雖然好想飲沙冰～朱古力好濃👍🏻👍🏻好飲過starbucks既🤤

呢間店經openrice 介紹，見到價錢唔太貴所以決心1試，1行6人朋友聚會……十分驚喜……地點還算方便，但營業時間亦比較夜，所以10分推介！小食， Buffalo wings 最為推介 黑松露薯條亦可以1試主菜，肉眼扒，10推介 豬鞍扒，口感juicy 有肉味 3文魚扒，脆皮香牛油香草油脂味粉/意 試左 carbonara 口感好，蛋黃不會起粒粒 虎蝦汁意大利飯，汁味濃，飯不會太軟，因為唔記得影相，所以無相亦可以老闆討論造一個，個人化嘅煮法！別出心裁小店！可以再去！

最近和友人相約到旺角聚舊，發現旺角的後巷之中，看到一張申領酒牌的通告，經我和友人一查，才發現在不起眼的商業大廈中有一所有特色的餐廳，當然決定一試！我們點了三款餐， 西班牙蕃茄玉米片、魚子白汁帶子扁意粉和血腥瑪莉海鮮長通粉。西班牙蕃茄玉米片 ($98)餐牌上標價$78，隨後才確認實際價格為$98。由蕃茄汁和粟米片組成。蕃茄汁頗為足料，碗內怖滿了蔬菜，倒上脆身的粟米片之上，一口就能吃下蕃茄味的蔬菜和脆脆的粟米片，蕃茄汁口味較淡，雖然和脆片相尚配合，但偏水的醬汁弄得四處均是蕃茄汁，頗為狼狽。魚子白汁帶子扁意粉 ($108)只有兩粒帶子和一些磨菇，意粉份量則足夠，魚子白汁尚算夠滑，意粉都算入到醬汁味道，但不太濃味；帶子口感普通，不爽口，整體水平可以接受，但不突出。血腥瑪莉海鮮長通粉 ($108)有三條海蝦和一些蕃茄醬。血腥相信就是只怖滿在各條長通粉上的蕃茄碎，蕃茄醬口感辛辣，配合長通粉味道和口感都不錯，頗令我開胃；海蝦殼雖然已煎至脆身，但蝦肉肉質軟綿綿，沒有脆爽口感，蝦殼連上蝦肉一齊食，口感因而打折扣，個人較喜歡海蝦要先去調蝦殼。整體則不過不失。以上三款食物質素可以接受，但不要抱有超高的期望，

筆者的星期五都是花在工餘學習上，難得學期與學期間有空檔，就趁這個機會與友人發掘一下搵食消閒好地方。看了不少網友食家的分享帖文，來到了這家樓上Cafe「Little Fresh Cafe & Bar」。餐廳位於登打士街36號。但抵達附近範圍後，卻一直找不到相關大廈。筆者與友人在街上徘徊了一圈，才恍然發現目標大廈。在地理位置上，對餐廳來說是有一點不利呢。所幸最後有驚無險順利到達這家樓上隱世餐廳，甫出電梯口便發現了打卡位了。食物選擇種類頗多，價錢定位亦合理。而且餐廳是免收加一服務費，對比區內其他同類餐廳是更划算。大家工作了一天，早已飢腸轆轆，就先來一客小食大快朵頤吧。墨西哥片惹味咸香的味道，本就是大受歡迎的零食。餐廳為它配上了香甜的蕃茄汁佐蘸，醬汁內還有青紅椒粒、豆粒。兩者相遇，咸中帶甜令味蕾更加享受。白汁意粉配上了雜菌粒。意粉醬汁質咸creamy，入口頗重牛奶香。帶子煎得兩面金黃，味道雖有點偏咸，但配上奶香的意粉則是剛剛好。起初以為長通粉配的是普通番茄醬，但吃進喉嚨後卻散發出絲絲辣味。以為是毫無殺傷力的甜味道，轉眼間化成嗆人的辛辣，難怪要配上血腥瑪莉之名了。海蝦肉尚算彈牙，共有3隻，頓時感

油麻地樓上Cafe一向都好多，今日要介紹高質，行過會唔小心miss 左既一間😂喺度食晚餐非常有格調，同朋友傾計都可以好舒服🙂👍#挪威脆皮三文魚扒配甜椒海蝦🦐 💰138主角三文魚扒真係好脆，食落好似食緊薯片，三文魚扒好juicy 唔會好乾身，size絕對唔細，食落好滿足。配角都好出色，薯蓉食落好香牛油味，食落仲會有小小薯仔粒同粟米粒😋好正😆仲有兩粒炸蒜，食落真係唔會成口蒜味👍好味指數：😋😋😋😋（五分最高）#虎蝦汁海鮮意大利飯 💰128🦐蝦食落好香香草味，唔會好淡，意大利飯好有咬口，份量都唔惹少，食落唔會好乾身👍好味指數：😋😋😋😋（五分最高）#荔枝西柚特飲 💰52荔枝味夠重，但唔會好甜，味道岩岩好👍🙂但份量太少😂#玫瑰芒果特飲 💰52有玫瑰🌹花瓣喺杯面，芒果🥭味同上一樣唔會好甜👍但份量太少😂

《旺角隱世樓上高質西餐🍴》樓上cafe試得多，樓上西餐第一次試環境佈置得勁有feel之外食物都有驚喜，高級西餐嘅水準🌟🤩-羊架配普羅旺斯燉菜 $158有三件羊架，每件都好厚肉😍😍肉唔係全熟，塊肉超多汁，有少少脂肪位，令到塊肉唔會硬同乾😎而且用咗香草調味，每一件都好入味肉控一定要試下🌞🍴-🍋檸檬迷迭香春雞配雜菜沙律 $128雞既外皮又脆又薄🤩啲肉撕開係有汁🍋用檸檬烤既肉通常味好突出🔥不過個底下嘅沙律菜甚鹹🥗本來以為食雞可以有啲菜中和一下但係啲菜沾哂檸檬汁同鹽個味仲濃過隻雞但係整體來講如果只係講隻雞係唔錯😍肉質都好滑又多汁-藍柑菠蘿西柚特飲 $52藍柑嘅野飲真係超特別，望落超令係有氣架，入面仲有粒粒柑果粒😍味道一d都唔假，飲落隱約有菠蘿🍍同西柚嘅味道，唔係想像中嘅藥水味-🍸藍莓薄荷沙冰 $58沙冰叫左少甜更加fresh 💗而且入口第一陣香係係薄荷味🍃然後先至食到淡淡嘅藍莓香甜味🤩味道清新甜而不膩配合肉類嚟食嘅話係必點之選🔥絕對可以清下喉嚨

#情人節食咩好男朋友話帶我食Pre情人節飯🤫呢個Cafe係到巷仔到入去 入口比較難揾環境唔算大 但佈置好靚 睇得出花咗心機🥰呢度嘅食物質素可以話係酒店水準👍🏻💯.#虎蝦汁海鮮意大利飯 $128超濃龍蝦🦞汁味啊‼️ 海鮮有虎蝦 青口 同埋蜆 呢款海鮮好新鮮沾到龍蝦汁味道更出👍🏻意大利飯煮得啱啱好 唔會淋又唔會硬 好有口感🤤每啖飯都有龍蝦汁 同你食緊隻龍蝦冇乜分別🦞呢道菜係我最尾食既👅落格嗰陣都有勁大陣龍蝦味😂.#法式牛柳 佐紅菜頭莎莎醬 $148我哋叫左五成熟 啱啱好☺️上枱嗰陣有餘溫 加上我又係咁影相 慢慢就變咗七成熟牛柳唔硬👍🏻2塊法式牛柳同男朋友share啱啱好牛柳下面係薯蓉🤤呢個薯蓉真係💯薯蓉用牛油撈過之後特別香 而且入邊有少少薯仔粒同粟米🥰 令到薯蓉特別有口感紅菜頭沙沙醬有驚喜🤩除咗用牛柳配你食之外紅菜頭粒爽口又甜 就咁食都好正😋.#蒜片海蝦 $68呢度菜嘅主角除咗係海蝦🦞之外係啲蒜片同紫蘇葉‼️蒜片烤過之後好脆 除咗配埋啲蝦肉食之外我就咁食🤣每隻蝦用蒜片炒過 特別惹味香口🤤餐廳用心之處係有一塊紫蘇葉食完成道菜之後含住塊紫蘇葉 好fresh🤩個口即刻辟走晒蒜味 唔怕口臭真心塊葉先係我

最近，我喺旺角發現咗間樓上cafe，賣嘅西餐唔單止好抵又好食，連擺盤都好精緻⁣⁣⁣。😍⁣⁣⁣迷迭香芒果菠蘿沙冰 （$58） ［好飲度：8/10］⁣⁣⁣呢個沙冰真係好驚喜。🤩 食得出入面有一絲絲嘅果肉，好明顯係用真生果打成，不過呢啲都係基本。😏 最驚喜嘅位在於佢blend完後mix咗rosemary，令到佢唔係得嗰陣生果嘅死甜味，而係添咗層迷迭香嘅清新感覺。😚 咁樣亦都避免咗因為飲嘢太甜，食嘢嗰陣遮咗個味覺嘅問題呀⁣。☺️⁣⁣⁣法式牛柳佐紅菜頭沙沙醬 （$148） ［好味度：7/10］⁣⁣⁣個牛柳口感非常之好，咬口非常有肉質嘅感覺，唔會太un又唔會乾身，而且都冇落鬆肉粉，個牛排感覺好real。🤤 而且肉汁嘅份量都ok，牛味好充足。🐂 特別嘅係個莎莎醬creamy，好食之外感覺都好特別。😜 下面薯蓉混入少量嘅粟米，夠清新，同時雖然好有牛油香，但係竟然唔肥膩喎，鹹度又適中，薯蓉做得非常出色⁣⁣。👍⁣⁣香蕉果仁朱古力法式多士 （$78） ［好味度：6/10］⁣⁣開頭我以為呢個french toast係沾滿咗蛋漿牛奶之後炸嘅，點知其實只係烘嘅。🤯 咁原來呢個之所以叫french toast嘅原因所

上星期食左間旺角cafe 好印象深刻想介紹下🥰佢地有到會 包場服務 成班人又食又玩 得左情人節當日仲會有情人節套餐添呀‼️❤️依家堂食 fb / ig like 同share仲可以按人頭減ʜᴋᴅ ①⓪ 無限次使用💙.坐窗邊位可以俯瞰旺角景色 別有一番感覺我地當日18:00黎 仲可以欣賞到天亮至天黑既一刹那🥰.🐓水牛城雞翼好好食呀 有5隻 酸酸甜甜 小辣非常開胃 醬汁好多🙌🏻朋友係 #黑松露控 佢話必點呢個薯條呀份量都好多下 食唔曬🙈脆炸熱辣辣即食好幸福。.主食我地點左5成熟肉眼扒🥩當然熟成程度係可以自己揀架啦拎到黎既時候好似藝術品🎨咁靚呀 視覺效果滿分💯我地就覺得5成好正 而且用心製作已經切好曬 肉質非常鬆軟仲配左牛油薯蓉同蘑菇 非常香 真心高質之選👍🏻.2杯特飲都好ғʀᴇsʜ 清新感ɢᴇᴛ!!!.呢個價錢同食物 再配呢個環境同景色 好ᴘᴇʀғᴇᴄᴛ!!!雖然唔可以同尖沙咀中環soho區比較但絕對用心之作同有人情味💓

裝修得好有情調同心思嘅一間餐廳，好啱慶祝節日嘅時候黎食😚現場播住廣東歌同普通話歌，好開心聽到好多首衛蘭嘅歌✨✨✨.1️⃣法式豬鞍扒配焦糖蘋果($148)煎得夠嫩滑，絕對唔會又硬又乾又韌，肉質軟腍細緻，口感豐香甘腴🥰真係令我一試難忘，亦都係我食過最抵食又好食嘅一間😆👍🏻👍🏻👍🏻.配菜都整得好出色，令成道菜味道昇華✨✨薯蓉滑溜，調味同坊間嘅餐廳唔同😘好想叫大廚教我點樣整呢個薯蓉🤤🤤最後食埋酸酸甜甜嘅焦糖蘋果，好滿足🤤🤤🤤2️⃣南瓜蟹肉意大利飯 ($128) 最近都幾鍾意食南瓜🎃系列食物，而蟹肉炒得香脆可口，配埋濃郁南瓜味、creamy嘅意大利飯食，更有口感😚😚不過由於豬鞍扒太過好食，搶晒呢個飯嘅風頭🤣食完個飯唔夠喉，希望佢個份量會多啲啦🙈🙈.3️⃣香芋拿鐵($40)紫色飲品唔一定只有紫薯，仲有香芋✨✨✨拉花好靚，香芋味十足，甜甜嘅一杯鮮奶飲品🥰.由於我地覺得個扒太好食啦，我即刻推薦咗朋友去試🤣問咗老闆，佢話年終無休❗️新年假期照開，亦唔會加價或者收加一 (本身都冇收加一) ‼️😚😚超有愛啊！餐廳環境、餐牌：

🇭🇰#香港捐窿捐罅記 instagram : foodkiller_dk新店開左係一處滿佈cafe 既大廈 不過佢地反而就主賣西餐 因為老闆自己想獨樹一格 唔想近住大隊 就睇下佢既野食得唔得😌 順便一提 佢地係冇收加一 更抵😌-🐷法式豬鞍配焦糖蘋果🐷（$148）中意食豬既朋友其實都一定知道 豬同蘋果係好朋友 味道係十分之合配 講返個豬鞍 又淋又juicy 老闆話因為佢只係煮到個豬鞍到大約7成 所以仲係多肉汁 肉質就唔會死死實實 必叫👍🙂白酒煮蜆配扁意粉🙂老闆話係跟左酒店個recipe 去煮個意粉 蜆冇沙 不過果味淡左少少 可能因為冇加任何師傅（味精） 比較健康 扁意粉啱啱好 al dente 👍總結來說 價錢合理 質素幾高 值得一試👍-🎈旺角登打士街36號恆威商業中心18樓全層-平均傷害：$150

今日同女朋友行旺角 肚餓緊係要搵野食 啲連鎖店已經食到厭 於是就搵下有無啲小店 點知比我地搵到呢間鋪頭 餐廳嘅佈置裝修等都具心思 仲有可以望到旺角嘅景觀 食品同飲品既選擇都非常足夠 餐廳仲會播流行歌 聽到好有共鳴 首首都耳熟能詳肉眼扒配奶油磨菇套餐套餐跟一個法包同餐湯或沙律 跟一杯野飲 咁我就簡左餐湯 栗米湯 栗米嘅味道好濃郁大廚將啲栗米整到好碎好碎 飲落易入口 唔洗點樣去咀嚼 法包擺盤精美 法包有啲吞拿魚醬 魚子醬 青瓜 食落嘅味道都好夾 尤其係個吞拿魚醬 個味道最突出 法包皮都好脆 咬落去會聽到好清脆嘅 咔嚓聲 肉眼扒擺盤好有霆風嘅藝術風格 個扒煎得洽到好處 調味出色 扒既size都大 肉同脂肪嘅比例完美個奶油磨菇溝埋薯蓉 好食到難以形容虎蝦汁海鮮意大利飯有四隻蜆 兩隻青口同蝦 份量足 食落有好香嘅香草味 個飯好軟塾 個醬汁好驚喜 食落有少少食到磨菇飯嘅味個飯十分推介 下次黎都會叫飲品有好多種類 咖啡類 茶類 沙冰類同一啲特飲 仲有少少酒

朋友介紹左一間新開嘅樓上西餐廳比我，話環境清靜，好啱同男朋友去食。雖然地理位置有啲隱蔽，但餐廳裝修好有心思。整體佈置以藍色為主，牆身同天花都有手畫嘅畫。最欣賞係佢洗手間有好貼心嘅女性用品、牙線等提供。黑魚子蟹肉吞拿魚法包。法包入口鬆軟，青瓜嘅清新同蟹肉吞拿魚好夾，上面嘅黑魚子增加左整體嘅口感。虎蝦濃湯。濃湯顔色偏紅，湯身較稀，入面有茴香同黑椒調味。入口有好濃嘅蝦味，淡淡嘅忌廉味，飲到最尾會有小小嘅黑椒味。肉眼牛扒配奶油蘑菇。肉眼牛扒五成熟切開鋪面，下面嘅好香嘅奶油蘑菇，再下層有薯蓉。牛扒切開上碟，入口有好濃郁嘅牛味，唔會煎得太老。蘑菇同奶油嘅香味好夾，薯蓉可以中和牛油嘅膩。虎蝦汁海鮮意大利飯試完佢個湯就好想食埋呢個飯，配料有蝦、蜆同青口等。欣賞個飯軟硬適中，唔會太硬，汁嘅份量都啱啱好，唔會整到啲飯變左粥咁。