影片
港铁油麻地站 A1 出口, 步行约3分钟
继续阅读
开饭介绍
提供法式菜的咖啡店兼酒吧，布局简单干净，性价比高，菜式摆放精美，适合拍照打卡。意式什菜汤味道带有淡淡香草香丶黑松露酱薯条酱味香浓丶三文鱼扒香口味美，是享受精美西餐的好地方。
继续阅读
营业时间
星期一至日
12:00 - 00:00
以上资料只供参考，请与餐厅确认详情
今日同朋友黎到旺角登打士街36号恒威商业中心18楼既＜LITTLE Fresh Cafe&Bar＞(温馨提示：由于小本经营，地方比较偏僻难揾，先到油麻地A1出口，背住出口右手边望到大厦与大厦之间的小巷行2条街，就会到楼下啦，入去上18楼)上到18楼一眼望晒，地方细细地，约30个座位左右，适合约返三五知己聚餐倾计 我地先睇菜单，拣左＜金沙焗龙虾芝士扁意粉＞同＜BBQ酱配炸无骨横财猪手＞ 先黎餐汤同牛油蒜蓉包无话咩特别，正常既 ，蒜蓉包暖既，唔系摆系到风干成日硬口𠮶啲先黎讲＜金沙焗龙虾芝士扁意粉＞卖相精致吸引，意粉挂上浓浓的芝士汁味道唔错 份量以lunch 嚟讲差不多 整体嚟讲 个人觉得如果酱汁同龙虾能淡味少少会更加完美啦至于＜BBQ酱配炸无骨横财猪手＞卖相几好睇，第一时间见到炸脆皮既咸猪手去骨 摊开，表皮睇到炸起既焦皮，色泽红棕色，底下伴碟有薯蓉，紫椰菜丝，西兰花，碟边有用汤匙勾出既BBQ酱，色彩缤纷，先令眼球注目，吸引食客对食物质素既观感，做得唔错再黎试食，伴碟既紫椰菜丝，西兰花同薯蓉，普遍做法，唔会太突出亦无喧宾夺主抢左猪手既地位至少猪手，可能厨师唔想猪手炸太深色，油炸温度比正常炸既温度低些许，但炸时间长左少少食得出皮有啲韧，厚肉部分肉质偏干偏硬，入口开始有感觉到柴，但猪手有脂肪部分食落去仲有肉汁同嫩既口感，点BBQ酱食，的确惹野！ 总括黎讲，今日黎到 ＜LITTLE Fresh Cafe&Bar＞ ,系油尖旺区算得上大众化价钱，又够饱，卖相可以既小餐厅，大家值得去试食另一个温馨提示，如想去试食，请做好预约会好啲，因为预约再讲埋优惠码＜B43889＞,会有9折嫁，大家有兴趣就去试下啦
继续阅读
前排睇完黑白大厨，朋友介绍左呢间fusion 菜，可以试到啲好新颖既菜式，重点系用料新鲜；上一次同朋友食果个旧menu比较多特别野，今次再食已经换左menu~试左个青口意粉同埋好似系蕃茄猪颈肉意粉，卖相好似好普通咁，但系食落有惊喜，个青口唔似平时出面食果啲无味既青口，佢系带有海水味，食落好juicy，而猪颈肉就好爽口；我个人就觉得青口果个正啲😆希望下次再去又有其他新菜式啦🤭#揾食 #旺角 #旺角美食 #小店 #吃货 #西餐厅 #fusion菜 #lunch #foodblogger #foodstagram #instafood #chill
继续阅读
烟花女海鲜意粉$88烟花女我听完唔太明就问下侍应。侍应讲到话系意大利名菜，甚至乎有个意大利人特登走落嚟食都话赞好👍🏻 佢讲到咁我就叫试吓。我查返、原来在义大利文中， puttana 是妓女的意思。 传说这道料理是佢地在辛勤工作之际，可以快速烹煮 出来的菜色。事实上系有种蕃茄酱嘅甜甜味道，都有少少酸辣。感觉唔错。伴碟都有唔少海鲜，有虾、有蚬、有青口、有黑橄榄。托斯卡纳绘鸡扒配薯菜 $108原来佢原文系（creamy)Tuscan chicken ..唔怪得知佢个酱汁系之前冇食过～ 都真系creamy geh ~ 可以话系奶油主导的，但鸡身煮得几juicy and tender 薯菜都系炸得几香口竹薯条🍟 令人忍唔住食⋯ 侍应话系美国特登订返嚟嘅，外脆内里保持住薯仔味。
继续阅读
洋葱汤：好好味，散发住香草味🌿，喜欢香草味🌿嘅，应该会喜欢火魔醉蚬：每张枱都会点嘅菜式，一上枱，店员即在上淋上酒，成碟蚬即时变得好惹火，好吸晴，好适合打卡😎牛肝菌汁牛背骨意大利云吞：一睇个名以为云吞系主角，点知上菜时见到咁大件牛背骨，都好惊喜，牛背骨的肉不会干，肉烧得刚刚好，牛肝菌汁香浓，牛背骨和意大利云吞蘸上牛肝菌汁，令味道特出😋西班牙海虾蛋饼：卖相看上去不错，但吃时觉得有点油腻，蛋味不太特出。
继续阅读
餐厅入口隐藏喺高楼大厦嘅小巷到环境虽然唔算好大但坐得舒服采光度十足☀️set luncb呢个价钱包埋餐汤/沙律同嘢饮好抵👍🏻order左两个意粉一个系烟花女海鲜意粉 $88海鲜有蚬，青口，虾，鱿鱼意粉炒得好香好好味煮得啱啱好又够干身！一上台闻到好香蕃茄味🤤食落少少辣辣地👍🏻冬阴功猪豚肉意粉 $78冬阴功味十足酸酸辣辣除左猪豚肉仲有同几款菇一齐炒一样系炒得好香😍钟意食冬阴功嘅绝对推荐大家试下泰式酱汁混合西式意粉原来都可以咁夹🫣餐汤系昆布蚬肉味噌忌廉汤昆布同蚬肉都好多，饮落唔会太咸带有少少忌廉味配埋蒜蓉牛油嘅软法包 超松软好好食🥹🥹仲叫左个火魔醉蚬 $88喺你面前淋上酒蚬肉大粒冇沙有牛油香之外酒味亦唔会太重钟意食蚬的话呢到料理都好推荐🥹🥹👍🏻👍🏻仲有tea set menu同朋友上黎食嘢倾下计都唔错呢到仲开到凌晨2点！有啤酒饮添就算倾计都唔会太吵几舒服✨
继续阅读