Little Fresh Cafe & Bar (已結業)

好耐冇去旺角樓上cafe了，網上見哩間新開評價不錯，就同朋友上黎試下，估唔到野食同服務都咁好，食得好滿意呀！一出lift見到靚靚白色竹籃打卡位，影番兩張靚相先。入到餐廳見到藍天白雲天花，好夢幻呀，我小時候都好想自己房間係咁。覺得餐廳既佈置同擺設都好舒服，幾靚呀。估唔到廚房細細地供應到咁多款野食呀，好多選擇。煙三文魚沙律$98沙律配上蜜糖芥末醬甜甜地好fresh, 煙三文魚三大塊，整體不錯。玫瑰鮮奶咖啡 $40奶味較濃既咖啡，grande size，淡淡既玫瑰味會係女士們最愛，拉花都幾可愛。慢煮紅酒牛肋條配蒜蓉法包 $78哩碟小食好好味，蒜蓉法包烤至金黃色，勁脆勁香。鮮茄紅酒汁酸酸甜甜好開胃，慢煮做法既牛肋條好林又入味，好高質！白酒蜆肉扁意粉 $118好足料落左好多蜆肉，讚！用蒜片同欖油爆香提升意粉既香味，扁意粉彈牙好入味，略橄欖油多左少少。餐廳加左塊紫蘇芽喺意粉中間，店員告知食完意粉可咬下紫蘇芽，有清新口腔作用，非常有趣同細心。黑松露卡邦尼長通粉 $118黑松露香味好突出，哩碟意粉雖簡單制作方法，但味道好好味。用餐期間店員態度非常友善，小店要加油，會再黎支持！

今晚約左個好耐冇見既朋友聚舊，一如既往，選擇去旺角Cafe。 從前去開的cafe ,大多數食物質素只是一般，但這間新開的cafe 令人有驚喜！ 餐廳地點方便，位於旺角登打士街。放工大約19:00 到餐廳，職員好友善安排座位。餐廳環境舒服乾淨，餐牌選擇都多。我們叫了好幾款share -😋白酒煮蜆 $78以白酒的果香帶出蜆肉的鮮味。湯底清甜，蜆肉不算肥美但新鮮。-😋南瓜野菌湯🎃$58平時食西餐很喜歡喝南瓜/ 松露忌廉湯。如果兩者mix 埋，又會係點呢。濃郁的南瓜湯質感不算十分creamy，相對沒有那麼滯；味道卻很香甜。底部有足料的野菌散發著獨特的菇香，味道不錯。還有一塊蒜香脆多士👍🏻-😋煙三文魚沙律配蜜糖芥末醬 $98這款沙律是百吃不厭的。沙律作為清新開胃前菜確實不錯；嫩綠爽脆沙律菜色澤新鮮。特別是車厘茄，大大粒爆多汁！配上咸香的煙三文魚，美味又健康。-😋南瓜汁燴牛油蟹肉芝麻菜意大利飯 $138一向很愛意大利飯那種軟綿帶煙韌口感。金黃色的南瓜汁均勻地沾著每一顆Ristto；加入蟹肉蟹籽，令鮮甜程度提升。-😋法式香草檸檬烤雞配雜菜沙律 $138香草將鮮雞醃製入味,利用檸檬的清香更能呈現雞肉的

通常樓上Cafe比你嘅感覺，都係可以坐耐啲傾吓計！而你唔會對啲嘢食特別有期望😅呢個係我過往的經驗，而呢一間就令我非常之意外🤩今日反工一早係OpenRice搵定食咩，就搵左昵間 little fresh 的西餐廳🤭收工即刻去食飯，但係個大廈都係比較難搵嘅🙈喺後巷入面，感覺有少少奇怪😂但上到去裝修幾好好舒服天花板有雲嘅，侍應好熱情，好好禮貌地帶我地入座！雖然場面唔大但係舒服嘅！有播音樂令你個人好relax同埋電視機都播着啲廣東歌MV~ 坐低無耐侍應就攞咗table Water俾我哋同埋menu😁呢度嘅嘢食係要散嗌嘅,冇set Menu😝價錢都合理的～湯方面嗌左周打蜆湯，份量唔算多😹但係好足料而且忌廉湯底好香濃，絕對好過好多大餐廳👍🏼蒜蓉包熱辣辣，好脆品，好香！主菜方面由於呢排要食熟野，所以朋友嗌左牛柳就冇同佢share🙈而我就嗌咗黑松露卡邦尼亞長通粉，而且小食方面我哋嗌咗炸魚薯條！炸魚薯條比好多炸魚薯條專門店更好食！個粉好薄而且非常脆口魚肉厚身又好滑！薯條一望就知唔係平價薯條，係我哋鍾意食嗰隻！好快就要薯條就比我地清晒啦！跟住朋友嗌左個水果茶，水果茶酸酸地令你更加開胃！事實證明有時真係唔好

平日晚上想同朋友chill一chill，揀左呢間喺旺角既cafe，雖然喺旺角咁旺既地帶，但樓下既入口就係轉入小巷既大廈入口，有啲反差既感覺。搭lift上到去又即時有另一種感覺，有少少暗既西餐廳feel，幾moody，暗暗地反而幾好feel，感覺放鬆啲！門口仲有個吊床仔，望到都已經覺得黎到係放鬆既時候。我地兩個女仔，所以都冇叫好多野食。雞翼幾乎係出去食飯必叫既野😂呢度幾特別，叫煙燻迷迭香雞翼，黎到時係蓋住蓋既，有個迷迭香會插住喺蓋位，上到枱會即時再燒，職員仲會即時講解點整，而家點做。一開蓋急不及待想食😂冇影到相，但平時少食呢隻味既雞翼，覺得都幾好味，喜歡～另外仲叫左個羊架，叫左七成熟，上到黎時，覺得擺盤幾有心機。同埋幾特別，仲有個茄子伴碟，唔係就咁恰熟左擺側邊，而係有啲炸過，似天婦羅既感覺，我地都覺得幾好食。講返正題 - 羊架，係幾好食既，覺得七成剛好，唔會太"un"，再點埋個檸檬薄荷醬，就覺得多左一層fresh既感覺。同朋友打算一人一杯cocktail，有啲名係唔知咩黎😂😆特別多謝職員耐心回答！最後我地叫左strawberry kiss同埋cosmopolitan，係啲咩黎？大家估下呀

生活中的小清新🌿旺角嘅唐樓裏面竟發現有高質西餐廳呀👏🏻裏面以藍天白雲為主 感覺舒服食物選擇都多 仲有多款cocktails選擇 ✨ 法式甜酒豬鞍扒配玉桂蘋果 $158豬鞍扒size都幾大 配菜有薯蓉同玉桂蘋果薯蓉勁creamy 應該落左好多奶去煮呀玉桂蘋果同豬鞍扒簡直係天生一對甜甜嘅蘋果 非常解滯🥰豬鞍扒 肉質較實 肉味濃嘅 煮得剛剛好👍🏻✨ 法式燒牛柳配自家製紅菜頭莎莎醬 $168燒牛柳選擇左五成 肉還是粉粉嫩嫩的✨醬汁非常開胃又惹味✨ 煙燻迷迭香雞翼 $78呢個賣相夠特別 煲仔上 用火槍煙香迷迭香香氣撲鼻 裏面有啲咩 就要等你地去發握喔😏✨ 周打蜆肉忌廉湯 $68好多蜆肉 忌廉湯濃郁👍🏻✨ Rose Mojito 玫瑰味好岀 唔會好重酒味🤭🍽 Little Fresh Cafe & Bar 🔎 旺角登打士街36號恆威商業中心18樓全層

喺旺角想話搵個地方坐低plan行程，cafe一定係不二之選🤫 旺角恆威商業中心全棟都可以話係聚集晒所有Cafe嘅地方，眼花撩亂要諗去邊間都好考腦筋🌚喺網上介紹呢度開咗間新嘅文青cafe，所以今晚就帶齊旅遊書捉住永遠榮譽旅伴黎plan下6月之行👾喺高處望住繁華嘅旺角別有一番風味..兩個人獲安排坐左一張四人枱唔侷促之餘仲好鬆動。烤雞沙律🥗店員好細心地提醒烤雞新鮮煎起要小心辣咀🙊配上酸甜意式醬，清新得黎唔會話好油膩，作為開胃前菜最適合不過🗝白酒煮蜆內有乾坤，除咗蜆肉之外，其他佐料都好豐富，有煙肉片香菜等等，真係鮮味到連汁都撈埋🥁因為太肚餓嘅關係，我哋一人叫咗一客主菜😏佢餐牌嘅選擇好多元化，當然第一次黎梗係揀番d廚師推介黎試啦😼法式牛柳紅菜頭莎莎醬⚙️紅菜頭係健康嘅Super food. 一路都好想試奈何唔知除左齋食仲可以點處理。今次呢到嘅廚師就巧妙地切碎仲製成莎莎醬，一改以往据扒一定用黑椒汁嘅傳統，破格創新而且效果仲非常唔錯🥰慢煮牛柳鎖住肉汁，火喉適中、牛味濃香，估唔到係cafe都可以食到咁高水準嘅西餐👍🏻法式豬鞍扒配焦糖蘋果，一上枱已經比佢嘅份量嚇親🙀估唔到豬鞍扒咁king size👊🏻以呢

今日係HAPPY FRIDAY + 38婦女節,同老公收工黎到旺角覓食,我突然心血來潮想去恆威商業中心睇到有咩食,見到Little Fresh Cafe & Bar 個名幾得意,就係咁簡單既原因,我地就上左去食飯啦~ (尋找Little Fresh既兩公婆Haha)一黎到已經坐滿半場客人,呢到環境唔算係大,但感覺有情調,抬頭一望就係藍藍既天空,盡管出面係晚上,我地呢到都係晴空,果然IDEA幾FRESH呀!!呢到食物既選擇好多,雖然睇到我地花多眼亂,但作為一個精明既太太,對眼都係會掃射睇下食物既價錢,啊~佢又收得幾公道嫁啵員工親切既笑容,同埋設心於地為客人去諗,例如:不如我幫你放係呢邊等你多D位呀﹑請慢用等字詞真係令人好舒服。有時重會同我地傾計,詢問客人食物既質素同意見,為我地做一D小簡介咁,睇得出佢地好用心,想做好所有事情。小食:$68黑松露薯條﹑$78煙燻迷迭香雞翼。推介煙燻迷迭香雞翼,煮法新穎有睇頭之佘,入味到不得了,又香又野味,迷迭味極濃,而雞亦隻隻都超大隻。兩杯野飲唔止賣相高分，味道更高分，好新鮮，飲唔到糖精味。羅勒士多啤梨沙冰酸酸美美好開胃,而老公果一杯真係好似菠蘿既外形呀!

多得朋友介紹呢間餐廳，真係有驚喜！大廈入口係難搵少少，係後巷入面🙄𨋢又得一部，平時無咩事都唔會行入去果種上到餐廳，第一個感覺係...好細😂心諗我個friend係咪坤我...呢度竟然有好野食？！諗深一層果d做都好有名氣嘅餐廳最初都係由細做起，又book左位，姑且一試意大利飯唔會太硬，同汁個比例適中，唔會一pat野咁卡邦尼長通粉，個汁真係無得輸！最普通嘅嘢就試到功力！好脆，上枱果陣仲熱的，一d都唔油膩老闆好nice，朋友話我生日，專登搞左個小驚喜！好靚，真係佩服到五體投地⋯⋯多謝老闆的用心唔知點解間舖個廚房有4個人，樓面得1個女仔serve客，但係佢好nice，佢會盡量安排好枱面嘅擺位令到我地覺得無咁迫，食物上得太快反而無位擺，同廚房夾得好好（或者呢個就係open kitchen嘅優點）最後.......連個廁所都有驚喜.........

平日早左放工就去旺角搵下好野食啦～ 今日試左little fresh, 比啲野食相吸引左所以想試下咩料～首先一定要叫我最鐘意食既水牛城雞翼，夠汁又惹味 樣又靚，正！黑松露薯條就正常既，啲薯條好長好脆好可口😋終於黎到主食啦～～～叫左個豬脾扒，伴碟係焦糖蘋果，擺碟好靚 加左分。而個豬脾扒好厚肉 望落以為會好乾 食落有驚喜呀！！一啲都唔鞋 肉質雖然厚但係彈牙 好食呀！不過如果再多啲汁會更加好！有驚喜既西餐，值得推薦比各位.最後食埋個甜品 係法式蘋果西多士，都係好出色，絕對係點綴😋😋

呢餐最好玩一定係呢個煙燻迷迭香雞翼啦 ($78)！用煲仔密實蓋住醃製過嘅雞翼，由煲仔個頂位燃點迷迭香將香味迫入煲仔裡面...想知打開係點? 遲啲話你知！😉水牛城雞翼成日都食，呢間都算整得唔錯！外層有小小脆，加上辣辣地嘅蕃茄辣醬，辣度絕對可以接受，食落幾濃郁惹味，唔錯！😍意式華道夫沙律 ($78) - 我會覺得佢就係新鮮生果雜菜沙律，最正係加埋好多又大粒又甜嘅提子乾，食落好開胃！🤤大蝦汁海鮮意大利飯 ($138) - 個外相我覺得幾靚，匙羹放埋去果下以為啲飯肯定好硬，點知食落去硬度幾適中，而且好煙韌，比個讚！雜果水果茶 ($48) - 呢杯夠fresh，水果都幾足料，最特別嘅佢其中一樣生果唔係用常見橙肉，而係用柑...係幾特別嘅🤣不過橙嘅味可能會再出口啲，但我都覺得係清新之選👌生活太悶就要搵少少新鮮，得閒都過嚟fresh一下😂

意家市面上有好多樓上cafe，開到成行成巿，今次我哋選擇食嘅呢間Cafe小編覺得都幾高質，首先講講佢哋嘅時服務質素係可以用招呼黎形容，即使當晚係full House，佢哋依然攞出一副專業嘅精神去服務客人值得讚賞👍👍再講講食物果方面值得推薦嘅係水牛城雞翼，小編都幾欣賞佢嘅煮食方法，整得幾有特色有美國嘅風味，另外佢嘅炸魚薯條都好好味，小編建議大家食炸魚薯條嘅時候，嘗試一下唔好點醬汁，因為我覺得原汁原味永遠先至可以呈現到食物最真實嘅一面，同埋一間餐廳為我哋烹調食物方法嘅一種呈現。所以小編都係建議嘗試一下原汁原味。

和朋友撐枱腳，朋友提議位於旺角的Little Fresh Cafe & Bar 。坦白說，這裡有點難找，因入口在小巷，若不是她帶我過去，我也不會知道這棟大廈的入口在哪。不過上到餐廳，卻是另一種感覺，面積小小的，用色簡單但舒服，加上牆上的畫，氣氛也不錯。而且餐廳在播放著的中文歌曲MV，剛好很多也是在家中會聽的歌。白酒煮蜆 $78聞上去頗香，加入煙肉蒜片去煮，味道不錯，而蜆肉也不腥沒沙。較特別的是上面的紫蘇芽，職員介紹是留在最後含在口中再咬碎，有清除口腔氣味的作用。美中不足是蜆肉真的較小顆，份量亦偏少。英式炸魚薯條 $98真的得大件，外層香口不油膩，切開後魚肉軟滑沒有散開，味道不會太鹹。薯條外面炸到金黃香脆，內裡口感軟綿，薯味十足。法式甜酒豬鞍扒配玉桂蘋果 $158 豬鞍扒口感軟嫩多汁，配搭香甜的玉桂蘋果，味道更覺得突出。焦糖蘋果吐司 $88職員表示吐司是採用法式做法去弄到香口，而保持口感濕潤，加上香甜的焦糖蘋果，感覺特別。最後來一杯檸檬茶，消滯解膩。想告訴大家，這裡竟然是洗手間。最貼心是這洗手間除了壁畫，還有這些個人護理產品供應，十分驚喜。雖然說是地方不好找，但這天是平日晚上，我們離開

工作性質關係，我成日都會約客去cafe傾野。老實講都唔會有咩期望😬 唔好太嘈，野食正常已經感恩🙏🏻琴晚同左個客上去開會，都係成日去個棟cafe黎😬 所以好熟路上左去搵。估唔到竟然有驚喜👏🏻👏🏻上到去無咩人，心諗中招啦。不過算啦，都慣左。點知當叫野食個時，cafe既人推薦左幾樣野食，全部都幾好味😳 上菜個款又幾靚，忍唔住都影左張相📸個肉扒好香，而且好好味，因為肉好嫰同香。佢地話係肉既油香，我唔係好識🙏🏻之後重有個牛扒，煙“芬”雞翼同卡邦尼意粉同青口。牛扒又係好正，d伴菜水果d人話好食，卡邦尼既味都好特別👍🏻可以講得上佢既野食係香港既cafe level無可能食到👏🏻👏🏻佢重有得飲咖啡，飲酒，board game, 掟鏢，唱K之類🤔幾多元化👍🏻 佢既老闆員工重同我地傾計，幾nice👍🏻值得再去既cafe👍🏻👍🏻 提一提佢既打卡位竟然係廁所😂好大好靚好多細心位👍🏻不過我一向唔影相唔打卡🙏🏻見佢每個位都咁花心思又新開張，打個post支持下佢地啦👍🏻

當晚我自己一個上嚟靜靜咁樣坐係一個角落頭度，有個好親切嘅女店員畀咗個menu我我嗌咗半打生蠔一杯白酒！個生蠔一上嚟嘅時候我打咗個突冇諗過係咁大隻食落去嘅時候覺得幾正，海水味五會好重，爽口脆身甜 個口感好full body 而佢哋亦都有三種食法第一個係配上檸檬汁，而第二個係配上佢哋自制嘅cocktail source ，第三種嘅就係佢哋自己調教嘅日本醬油！！醬油上面有啲蔥花，多一份細膩，我就覺得有第四種食法就係咩都唔加直接食我試過曬唔同嘅食法真係覺得好似個女店員所講！各有千秋各有各風格 然後我叫多咗個 血腥瑪莉鮮海蝦燴長通粉，個長通粉都好有驚喜第一口食落去嘅時候係酸酸甜甜但係佢慢慢散發出一種辣到，但唔係刺激性嘅死辣，個味幾得意， 幾開胃 然後我飲埋杯白酒 就趕反工lu,對我泥講覺得cp值好高，價錢仲好抵添 我會再encore！！

數天前和男朋友慶祝紀念日，一早已決定了到這間餐廳慶祝，之前在網上看了一些關於 Little Fresh Cafe & Bar 的資料，對這間餐廳有一定的興趣，源於它的環境比一般的樓上cafe花了更多的心思。很久沒有到樓上cafe吃晚飯了，再次到旺角這個樓上cafe集中地是常識吧。一上到該樓層的範圍，便看見了一個擺設，有點像夏威夷風情的吊椅，頗為特別，也可供客人打卡之用。Little Fresh Cafe & Bar 位於旺角一座舊式的大廈，連大廈的正門也在後巷的，女生去的時候真是小心一點好。一進到門口便是 Little Fresh的霓虹燈招牌，個人很喜歡霓虹招牌的物件，是近年流行的東西，型格中又不乏新鮮感。裏面的環境同樣令我感到煥然一新，天花上是藍天白雲的圖案，藍天白雲的圖案下又有一串串的燈串，在環境有點昏暗的情況下也有燈串照耀。牆壁旁邊又有掛畫，這樣便彌補了環境細小的缺點。食物種類跟一般的西餐廳沒有什麼大分別，也有小食、意粉、意大利飯等等。小貝柱海鮮湯即是有小元貝的意思，除了小元貝外，還有青口、蜆肉和大蝦，海鮮的數量十分多，不在話下，味道也新鮮。湯底偏稀，像是龍蝦湯，但沒有龍蝦湯的稠