Little Fresh Cafe & Bar (已結業)

上次同朋友黎過呢間Little Fresh，覺得食物質素同水準都好高，今日約咗另一個朋友傾計食飯，所以專程帶佢黎試試一開𨋢門已經見到一張白色嘅打韆鞦凳，再望埋入餐廳，係以藍色嘅天空同海洋為主題，加埋呢張凳就好有渡假嘅感覺餐牌選擇嘅種類都幾多，由湯，沙律，主菜，甜品，飲品一應俱全首先就由個湯開始，我同朋友都係鍾意食海鮮嘅人，所以貝柱龍蝦湯就最適合不過，Little Fresh呢個龍蝦湯個人覺得係必試龍蝦味好濃，裏面仲有蜆肉，蝦，青口同貝柱粒，最加埋龍蝦湯嘅味道食真係好好食跟湯仲會有蒜蓉包，烘得啱啱好，脆得黎唔會好硬，好香嘅蒜蓉味再加埋香草一齊食，再點少少湯，好食到想食多塊前菜我哋叫咗個白酒煮蜆，呢個白酒煮蜆真係落重料，白酒再加埋蜆汁本身嘅鹹味，已經好鮮味，再加埋煎香左既煙肉，洋蔥，青豆粒同香草令到個湯更加香，更加出色嘅係佢落咗小小辣椒，令到個湯多咗一層味道，朋友話呢個時候好想要一碗白飯黎餸個汁😂😂煙三文魚扁意粉個味道都好出色，個白汁好濃好creamy，但係又唔會太過結，將煙三文魚切成絲同意粉個醬汁混合埋一齊食，雖然望落去冇咁好睇，味道絕對好過將兩樣野分開食朋友鍾意食牛扒咁就當然要叫返一個

成日都有種感覺cafe食物質素就係mama!但呢間算係令我改觀嘅一間餐廳。呢間little fresh位於旺角彌敦道旁邊嘅一條巷仔，恆威商業中心18/F!門外擺放左一張藤椅，睇餐廳個名都知想營造一個小清新嘅感覺俾食客。草莓水果茶 $44 飲落味道天然唔太甜，紅茶味道幾突出。Mojito $78我最愛嘅cocktail 就係mojito, 想不到調酒水準都幾高，飲到酒味而且酸甜度適中。每個湯都配蒜蓉包，蒜蓉包焗得非常香脆，用上新鮮香草同新鮮蒜粒調味。小貝柱龍蝦湯 $68 飲落好濃郁蝦味，小貝柱都鮮味。湯內仲有青口、蜆、蝦 tim~周打蜆肉忌廉湯 $68飲得出絕對唔係罐頭貨色，香滑淡忌廉口感，配上青豆同大量蜆肉，只係用左少少胡椒調味，已經非常出色。煙燻迷迭香雞翼 $78上菜時雞翼會用瓦煲仔盛住，在頂氣孔放上迷迭香香草，然後透過放火煙燻至底層嘅雞翼可充斥住迷迭香香氣。龍蝦汁海鮮意大利飯 $138 龍蝦汁同個海鮮湯味道有點類近，不過意大利飯嘅米粒煮得剛好，仲保留到少少咬口感覺。法式牛柳佐紅菜頭莎莎醬 $168牛柳order左7成熟，紅菜頭莎莎醬味道唔會太搶味，加左青椒粒增加口感。牛味算濃，而

係旺角真係好多cafe，但好多質素都好參差😢😢😢😭今日嚟試下依間，好有驚喜既小店👍🏼👍🏼👍🏼👍🏼❤️❤️❤️❤️先講一講個湯先，我同男朋友都叫咗一碗湯，男朋友叫咗周打蜆湯，我叫咗海鮮龍蝦湯❤️❤️❤️👍🏼👍🏼兩個都好足料，味道好好！呢塊蒜蓉包不得了！好香蒜蓉！真係好想食多幾塊❤️❤️❤️❤️白酒煮青口，加咗啲煙肉碎煮，好香❤️❤️❤️黑魚子意粉🥰🥰🥰🥰牛扒，最鍾意係佢嘅薯蓉加咗啲雜菇落去，正❤️❤️❤️❤️蘋果多士，好香❤️❤️❤️❤️

同朋友去旺角食晚餐，這是一個鬧市中的小天地大愛🥰🥰🥰很脆口， 性價比高的小食🥰🥰🥰🥰🥰🥰湯底香濃，只是蜆太小， 但湯底香濃☺️用大蜆比較好一點很滑而且香滑🥰🥰🥰的本身唔食牛，所以感覺很好🥰🥰🥰好香的肉眼， 大家都會換愛的一款見到都知道晚餐有水準， Portions 很大，女士們都大滿足🥰🥰而且心機之佢🥰🥰連擺碟都很花心機, 大愛. 只是酒類選擇不多, 我相信將來會更多選擇🥰

琴日同朋友想西餐，有朋友推介了這間新開的樓上cafe,所以想一試。這間cafe入口在一個隱蔽的小巷中，所以有點難搵，而且難看見。.一出電梯門口，有一個像搖籃的椅子。而有個門寫了店名，用了霓虹光管，讓店名光亮起來。餐廳座位不算太多，但坐得舒服。桌子上放了一早擺好的餐具，而椅子是藍色的短凳。四周圍都掛了細燈泡💡裝飾，有浪漫的感覺。點了兩個餐湯，一個小貝柱海鮮🦞湯$68。一個周打魚蜆肉忌廉湯$68。一個煙燻迷迭香雞翼$78。一個主菜澳洲榖飼牛眼扒配奶油蘑菇$238。一個大蝦汁海鮮意大利飯$138。一個自家製蘋果金寶$88。草莓水果菜同雜果水果茶，各$44。小貝柱海鮮🦞湯同周打魚蜆肉忌廉湯海鮮湯很濃的海鮮味，湯十分鮮甜，青口很爽囗丶貝柱新鮮大粒，而海蝦不霉而爽囗。周打魚湯，很多蜆肉，而且無沙。魚味很突出，忌廉湯不會結身，飲落口很順滑。兩個湯沾上脆口的蒜蓉包，很入味，而蒜蓉包都不會做得馬虎，蒜香味很濃。草莓水果菜同雜果水果茶水果茶都很大杯，而冰很少。水果茶入面有草莓，蘋果等新鮮果粒，而不是用了罐頭水果。草莓水果茶的草莓汁成分多，比較濃，而雜果的，各種水果味都有。煙燻迷迭香雞翼店員會用火槍把迷迭香

今日同fiancé黎油麻地又再試褂😩😩😩真係好煩，揀極都搵唔到最啱心水，決定唔到，唯有食餐飯再諗。search到呢頭有好多cafe，見到呢間藍色為主既裝飾，藍色控既我即刻😍😍眼，上到去發現原來勁細間，大約20個位，好彩時間尚早，walk-in 都有位。一坐睇見到啲碟好靚，有啲法文係上面，餐具係金色，個柄係油左啲藍色油，配合返成間餐廳以藍色做主題。再望下個天花板，個底油大藍色，再用白色油左啲雲，望完心情靚返啲。我坐個位正正望住廚房，見到廚師好忙碌🤣而waitress只得一個，但佢好犀利，一腳踢，而且咁忙都重keep住主動幫我地加水，服務態度好好，勁nice！今時今日係香港服務好既餐廳愈來愈少。我電話就快無電，見牆上痴左張貼紙寫住有得叉電，問佢借左尿袋同線，救左我部機一命啊！😂講返野食方面，我地叫左小貝柱龍蝦湯同紅菜頭甘筍湯，估唔到呢個小貝柱龍蝦湯其實係海鮮龍蝦湯😮入面有蜆、青口、小貝柱同蝦🦐！蝦重要好貼心咁去埋殼，開頭太暗睇唔清楚我以為原隻蝦殼，一放入口先知係去左蝦殼身。味道唔會過鹹，不過可以再濃啲。紅菜頭甘筍湯勁甜啊！可能平日少飲呢款湯，覺得驚喜啲，開頭以為blend埋甘筍一齊，不過係

今晚去左間地方比較難搵既樓上cafe，食物質素、環境都好好！小貝柱海鮮湯 - 足料海鮮湯！有蝦、青口、蜆同小貝柱南瓜野菌湯-三款不同菌類配以南瓜濃湯白酒煮藍殻青口-大大隻青口，以白酒同香草、煙肉煮成。南瓜汁燴牛油蟹肉芝麻菜意大利飯 - 用濃郁南瓜汁煮意大利飯，有南瓜既甜味。澳洲谷飼肉眼牛扒配奶油蘑菇- 奶油蘑菇加薯蓉好食！牛扒已經切成條，好細心！咬落肉汁多，肉嫩。玉桂焦糖蘋果吐司- 吐司好軟滑，加上蘋果粒同埋焦糖，幾夾。雜果水果茶-有蘋果、士多啤梨、藍莓既水果茶。迷迭香芒果菠蘿沙冰- 飲得出用新鮮芒果同菠蘿製成既！最後記得去個洗手間，賞下盛放既櫻花~

旺角高水準西餐廳 Little Fresh Cafe & Bar  節日時時有,唔知下一個節慶你又想好了去那裡開飯呢?5月母親節,又係時侯帶埋屋企人去品嚐一下不一樣的好味道早陣子我展開了本地小店系列文章介紹反應很好,好多網友推薦唔同類型既餐廳給我今次就去到旺角區,一間相對小人認識但出品有著高水準的西餐廳店內提供多款餐湯,前菜沙律,漢堡,意粉,意大利飯主菜有法式烤雞,法式燒牛柳,甜品豬鞍,煎脆皮三文魚扒配海蝦,香草燒羊架,澳洲肉眼扒魚,雞,豬,牛,羊,滿足大家既對肉既追求甜品亦做得好出色有三款,都係即時製作由上菜既裝盤,細節,見得到餐廳主廚對食同美感係有要求另一點做得好,就係服務會慢慢上菜,食完一道換一道上菜亦會對菜式加以簡單說明菜式南瓜野菌湯,小貝柱海鮮湯南瓜湯濃郁香滑,加上野菌香味,喝起來順滑帶南瓜肉甜味,健康又有益既一款湯品小貝柱海鮮湯 有大蝦,青口,蜆各一隻,肉質飽滿,湯汁鮮味夠濃郁好喝！海鮮味更為突出配上2片焗香既多士伴吃烤雞沙律配以多種沙律菜,小番茄,再加上煎香既厚雞肉,外皮煎得香口,雞肉仍然嫩滑多汁配上自家秘製既沙律醬拌勻一起吃,開胃清爽黑松露燴意大利飯 意大利飯最講究飯粒

呢間樓上Cafe個入口真係好唔起眼，明明Google map都話我哋到咗，我同朋友喺個十字路口兜左好多個圈先搵到幢大廈入口要喺條巷仔行入去🤣🤣🤣Cafe面積唔大，大約坐到廿幾人，我地坐嘅位置可以望到半開放式既廚房，佢哋煮嘢食嗰陣啲香味傳晒出嚟真係令人流哂口水🤤🤤🤤.🥫周打蜆肉忌廉湯$68南瓜野菌湯 $58忌廉湯味道鮮甜，入面除咗有蜆肉，仲有啲青豆同紅蘿蔔粒 。至於南瓜湯就較濃郁，入面仲有好多野菌。湯會配埋蒜蓉包，好香蒜蓉牛油味又好脆！勁想食多件😆如果多人share，推介大家就咁單點蒜蓉包，真心好食🥳.🍗煙燻迷迭香雞翼 $78上枱時佢哋會用火槍燒著蓋上面啲迷迭香，燒完再焗大約30秒就食得！肉質嫩滑，食嘅時候感受到陣陣迷迭香嘅味道😍😍😍.🥘大蝦汁海鮮燴意大利飯 $138飯煮得淋身，而且啲飯吸晒個湯汁，味道非常濃郁😋再配埋青口、蝦同蜆，海鮮夠新鮮，唔錯👍🏻.🐏法式香草燒羊架配薄荷醬 $178有三件羊架咁多，七成熟，食落一啲都唔騷又唔乾，夠腍，點少少薄荷醬又幾好味！如果上枱後覺得都係有啲生，可以要求佢哋再煮熟啲。配菜仲有薯蓉同茄子天婦羅，薯蓉香滑得黎又夠creamy，仲有啲粟米粒添😍.🍹芒果水

旺角上樓cafe, 旺中帶一點靜靜既休息時間，little fresh地方小小， 都係20個位左右，用心制作精緻既西餐。小貝柱海鮮湯$68睇個碗唔大，但裡面有好多材料，蝦，青口，貝柱，蜆，味道好似龍蝦湯咁濃烈，個湯自然rich而唔係加生粉水。南瓜野菌湯$58南瓜味道濃郁，加上清新既菌味，加左小小橄欖油，令個味道更有層次。白酒煮蜆$78蜆肉比較細粒，份量比較少，除左用上白酒，仲加左菠菜同煙肉去整，味道顏色比較唔同一般既煮蜆，蜆洗得好乾淨，無沙。南瓜蟹肉意大利飯$138意大利飯既硬度好好，比一般改左香港人口味硬身，又比正宗既軟，暫時食過最合我口味，南瓜做基調令成個飯好甜，落左勁多蟹肉融和左係飯入面，每一啖都有絲絲既蟹肉，配埋蟹子又有口感又有鮮味。安格斯肉眼牛扒配奶油蘑菇$238份量好多，五成熟真係五成熟，貼心地切好，方便食用，配菜特別出眾，蒜頭用左酒店做法焗一個鐘，令牛扒味道層次更佳，薯蓉既牛油份量剛好，唔會蓋過味道。蘋果金寶$88蘋果肉好多好甜，質感厚實。水果茶$442個人食左740蚊，完整有湯前菜small dish main甜品，價錢好合理。

五一黃金週假期前食大餐，位於旺角登打士街後巷子大廈的Cafe。餐廳約有廿十多個位置，建議先book枱。南瓜野菌湯 $58餐湯配有蒜蓉包，南瓜湯味道濃，菇量十足，啖啖都有強烈的菇菌味。烤雞沙律 $88一大塊雞扒，雞肉嫩滑，配上特別的沙律醬及沙律菜，非常開胃。法式豬鞍扒配焦糖蘋果 $158豬鞍非常大一隻厚切，肉質Juicy軟腍、肥瘦均勻，肉味香濃，配菜也十分用心，焦糖蘋果脆口，粒粒都被焦糖包著，再加上薯蓉去中和豬的油膩感。大蝦汁海鮮意大利飯 $138海鮮份量滿分，有兩隻大蝦及一隻青口，絕對沒有偷工減料，意大利飯汁的味道濃，飯的濕度控制得剛剛好。自家製蘋果金寶 $88用新鮮蘋果加上即炒焦糖製成，甜度剛好，焦糖凍了後形成一層薄脆，非常有咬口。飲品凍特濃朱古力 $40

在旺角行完街，朋友帶我到登打士街恆威商業中心的《Little Fresh Cafe ＆ Bar》食飯。餐廳面績不太大，其中兩面為透明玻璃窗，可以望到無敵街景，感覺開揚舒服。小貝柱海鮮湯 ($68) - 材料方面，除了小貝柱還加有大蝦、青口、海蜆等，味道似龍蝦湯，香濃味美。周打蜆肉忌廉湯 ($68) - 味道鮮甜、口感順滑有質感。麻辣蒜片鮮海蝦 ($78) - 賣相精美，上枱時蝦身已剝殼，海蝦新鮮爽口，麻辣夠麻夠辣，加上炸脆的蒜片非常香口，讚！南瓜汁燴牛油蟹肉芝麻菜意大利飯 ($138) - 意大利飯煮得軟硬度適中，入口既有南瓜的香甜味，又有蟹肉的鮮甜味，加上濃郁的蟹膏及新鮮芝麻菜，味道更豐富好食。澳洲穀飼肉眼牛扒配奶油蘑菇 ($238) - 牛扒牛味濃郁，肉質juicy，口感軟腍略帶少許咬口。紅菜頭做的醬汁為濃郁的牛味加添一點清新的感覺，加上爽口的奶油蘑菇，甚為滋味。玉桂焦糖蘋果吐司 ($88) - 一上枱已經聞到好香玉桂味，酸酸甜甜的蘋果甚為爽口。吐司蛋味香濃，口感綿密，配上，吐司表面燒得略帶香脆的焦糖，令人忍不住一啖接一啖。迷迭香芒果菠蘿沙冰 ($58) - 迷迭香的獨特香味令新鮮

餐廳位置好近油麻地地鐵站但比較難搵，大廈於後巷位置並唔起眼，地理位置上有點輸在起跑線，相信唔係因為朋友推介黎食都幾難會有機會walk in 入去。上到18樓見到餐廳裝潢得好有心機，麻雀雖小，五臟俱全。旺角油麻地竟然搵到間有得睇下景，晚上氣氛又有情調既餐廳，而且食物選擇種類多，價錢相對比起附近商場裡面既CAFE平。 平日晚上去餐廳，人數唔多，店員有2個。落ORDER 同煮都係佢地。即叫即煮，建議可以叫住前菜，小食再慢慢等個Main Course。煙三文魚沙律配蜜糖芥末醬 見到即刻想食唔記得比相機食先。煙三文魚份量相當多,沙律菜新鮮爽脆,車厘茄大粒又甜,清新又開胃。炸魚薯條魚柳炸得剛剛好，個粉唔會厚，外脆內嫩又厚肉地，魚肉無雪藏味。唔洗點醬都好好味。薯條有落d黑胡椒調味，乾身又唔油膩。好推薦挪威脆皮三文魚扒配甜椒海蝦三文魚扒外皮煎得好脆，魚扒好juicy 唔乾唔嚡，份量好足。仲有2隻已經去左殼既海蝦，又幾貼心。配菜都好出色，薯蓉食落好香牛油味仲有原粒粟米，少可食到加左粟米既薯蓉，有驚喜又好食。食過唔停明明好飽都想食哂佢，再加上三文魚扒既魚油令薯蓉仲滋味左。法式香草檸檬烤雞配雜菜沙律 店員有

朋友約放工後，一齊去旺角食飯，話有間餐廳啲食物質數好掂，環境又正，最適合傾嘢同吹水。間餐廳位於旺角登打士街36号恆威商業中心18樓，因位置比較靜，上到去都唔使等位，侍應招呼我倆座於近窗邊，可以望到街景，但係18樓向下望，真係有小小驚，朋友睇咗餐牌後叫咗一個 大蝦汁海鮮意大利飯 ，飲品要咗凍檸檬茶，我就叫咗安格斯肉眼扒配奶油蘑菇汁，飲品要咗一杯薄荷藍莓沙冰，加多一個小食係水牛城雞翼， 湯就叫咗一個忌廉湯同埋一個海鮮湯，凍檸檬茶都 與別不同，先嚟嘅係水牛城雞翼 ，好香，入口肉質鮮嫩，配埋嗰醬汁味道ok，跟住兩個主菜都一齊上，同朋友一齊分享，意大利飯好大碟，入口充滿大蝦汁味，安格斯肉眼扒，因為我叫咗4成熟，所以比較生，但入口好冧，朋友都覺得唔錯，同朋友話下次可以再來過，試吓其他食物。

Happy Friday 就緊係要搵個好地方食返餐好，而我作為一個Cafe Lover❤️，見到有間新開既Cafe，OpenRice comment 都唔錯，就Book枱試試！大家都知道旺角既Cafe多不勝數，但質素如何大家都有目共睹！今次呢間Little Fresh 真係令我刮目相看！首先講下個環境，餐枱同凳都係以藍色為主，加埋藍天白雲既天花，同埋餐廳既大玻璃窗，真係幾靚，日頭果陣係度飲返杯咖啡應該幾正！Menu既選擇都幾多，由餐湯，沙律，小食，意粉，意大利飯，主菜，甜品，飲品一應俱全！飲品仲有cocktail, mojito選擇！餐湯我地叫左2款，小貝柱海鮮湯，周打蜆肉忌廉湯！Little Fresh既湯絕對真係材實料，唔係罐頭湯黎架！小貝柱忌廉湯蝦味好香好濃，仲有一隻蝦同埋青口，蝦仲好細心剝埋殻！周打蜆肉湯用既係新鮮蜆肉，一般飲既忌廉湯都係比較結身，呢度既唔會好結，但忌廉味都好香，仲有蘿蔔粒同其他香料，好味！湯會配埋蒜蓉包，脆卜卜，好食！嘩嘩嘩，著火呀！呢個究竟係咩黎呢？店員上菜果陣會點著上面既Rosemary...為左保持神秘感我決定唔打開佢，等大家自己去試試！🤩跟住就到主菜出場