Le Monde

营业中

休息中

觀塘既工廈都有好多好野食，我同朋友今日就揀左一間食法國菜既餐廳到食dinner。呢度佔地好大，每張檯之間既距離都好大，出街食飯都唔洗驚，有足夠空間保持社交距離。呢度有好多唔同菜式可以選擇。我地點左香煎鴨肝配紅酒啤梨，肥美既鴨肝煎到好香，逼出濃香既油脂，清甜既啤梨可以平衡返鴨肝既肥膩感，好pefect！另外，仲有24小時慢煮法式豬腩肉，豬腩肉經過長時間既炆煮之後，肉質好腍，而且好入味！最後，食埋cream brûlée 就perfect！

難得有個空閒既星期四🤣黎觀塘行陣街同朋友食下西餐Chill下啦☺️先有足料口感滿滿既蘑菇忌廉湯😋以及凱撒沙律打頭陣😆🥗Le Monde法式慢煮油封鴨髀(配薯蓉及酸紅椰菜)鴨髀以油封慢煮烹調🍗😋本身有用特製調味料醃製已經好入味🤤肉質夠滑之餘亦好鮮嫩😆食落一啲都唔鞋😋亦唔會太過油😆另外配以柚子燒汁一齊食🤤夠哂香之餘亦別有一番風味！😋澳洲肉眼扒(配脆炸薯格)大大塊澳洲肉眼牛扒肉味濃郁🥩🤩五成熟既牛扒係剛剛好☺️🐮原塊煎香能鎖住肉汁肉質滑嫩Juicy之餘唔起根🤤以黑椒及薄鹽更帶出扒香鮮味之餘😋🥩配合濃郁燒汁更為惹味😋

想在香港食揾一間平價而有質素的法國餐廳真係唔容易，今日朋友帶我來觀塘工廈試吓Le Monde嘅午餐，佢話呢度嘅行政主廚係畢業於藍帶，一試之下果然頗有驚喜。餐廳地方寬敞開揚, 復古的裝修和法菜很相配，還有一個 private party room可供12人作私人聚會，環境很不錯。週末午餐特選(12:00-5:30)共有十款， 價錢由 $68至$158不等，加$25可配濃蝦湯，跟餐另加錢還有小食，飲品和甜品的選擇，以法菜來說價錢算相當相宜。Extra Shrimp Bisque$25~ 特濃蝦湯配麵包和沙律。沙律菜新鲜爽脆，配意大利醋酸酸甜甜好開胃。麵包軟熟又夠熱，很不錯。濃蝦湯好creamy和幼滑，蝦味非常鮮甜濃郁，很美味。Crepe with Smoked Salmon$78~介乎薄罉和蛋餅的口感，質感濃稠，口感鬆化，蛋味濃郁， 上面舖上濕潤的煙三文魚和熟透的牛油果，加上少許pepper, 非常健康可口，是輕食的好選擇。Beef Bourguignon$88~ 牛面頰肉炆得好腍好軟，牛味非常濃郁，好正!紅酒汁加入蘑菇和迷你紅蘿蔔仔，味道香濃， 口感濃郁惹味。以鬆脆的多士蘸紅酒汁真是非常

前菜：熱烘烘的麵包好好食～紅菜頭雜菜沙律配秘製檸檬蜜糖醬$70醬汁酸酸地配合有益嘅紅菜頭相當健康及開胃，好鐘意呢款前菜特製濃蝦湯$85 質地濃稠～不錯主菜：法式慢煮油封鴨脾配薯蓉及紅椰菜$238外皮非常香脆，鴨肉很嫩美國安格斯極黑頂級牛柳七安士$348，我哋叫左5成熟，旁邊有芥末醬可點配菜豐富有焗薯仔、西蘭花、蕃茄、椰菜花甜品法式藍莓批$58法國橙酒班戟$68環境裝修相當優美，有種高級的感覺，服務也不錯👍🏻

哩排諗唔到食乜好，就聽朋友推介，齊齊去食香港好少有嘅法國料理啦。而哩間店舖位於牛頭角嘅工廈，仲要係觀塘嘅工廠區，聽到個地址都好錯愕，但其實間餐廳有藍帶大廚助陣，可謂臥虎藏龍，啲野食超高質，又抵食，真係平靚正 野食方面，佢地嘅特制龍蝦湯超好飲，濃郁得黎，味道唔會好似出面其他店舖咁超咸，而佢地個法國油封鴨脾又外脆內嫩，我朋友話佢地還原到佢之前係法國當年巴黎食嘅道地風味，個廚師非常了得，唔洗去法國就食到咁正宗嘅法國菜而我最鍾意嘅菜式反而係法式橙酒班戟，非常特別，酒味唔算太濃，鍾意食甜品嘅大，可以試一試，有質素保證。整體而言，哩間係法國菜超高質，又無出面嘅店舖咁貴，下次想食法國菜一定會再黎哩間餐廳，諗起都流口水

今日有老闆請食飯😆完全冇發現原來公司附近有個咁嘅餐廳環境幾好，位與位之間好寬躺地方都好大，一到一點就坐滿晒人初頭見到個餐牌都覺得咦唔平㗎喎但係後尾發現都坐滿晒人應該都係一間好不錯嘅餐廳👻我嗌左個黑毛豬，跟住歡樂組長同其他人就叫咗牛扒同埋卡邦尼意粉首先上一個前菜沙律同埋湯南瓜湯好味好creamy ，沙律新鮮，個沙律汁好特別講唔出係咩味，好似黑醋又唔似黑醋咁然後就係主菜黑毛豬首先個黑毛豬肉質夠淋，淋中又帶爽係咪好難理解呢，總之切開啲黑毛豬入邊啲肥膏，你咬落去又唔會覺得佢好肥😆正仲有佢啲伴碟係紫薯蓉好特別仲有就係細粒薯仔點黑毛豬個醬汁都好好好味，唔係鹹反而帶啲甜然後我試咗其他同事嘅卡邦尼意粉同埋牛扒牛扒反而變得普通不過卡邦尼意粉有驚喜👍🏻佢唔係嗰啲乾身嘅意粉，好creamy個種仲有隻半山熟雞蛋，蛋汁混和埋一齊very good👻然後完全唔記得咗原來佢有甜品香蕉班cake都唔錯喎實在令人十分之滿意嘅一餐除咗杯latte如果可以拉埋花就Perfect😆

今日同男朋友週年紀念🤭依排疫情期間，都無出過去用餐呢佢帶我去觀塘食晚餐慶祝，觀塘工商大廈有好多隱世既美食餐廳，所以今次我都抱有期望咁去，果然無令我失望呀入到餐廳，感覺好舒服，燈光和諧，地方寬敞，入到去職員有替客人探熱，做足安全措施仲有張紙放口罩，幾貼心望吓餐牌，以法國菜尼講，價格適中先尼兩個湯，一個係濃蝦湯，一個就洋蔥湯。濃蝦湯非常讚，好濃郁既蝦味！芝士洋蔥湯，層芝士係可以拉絲，個湯唔怕咸，有甜味頭盤係鮮帶子薄片配牛油果醬，帶子鮮甜再配晒牛油果，好清新，唔錯另一個頭盤係法色鵝肝醬，配多士吃，鵝肝口感順滑主菜方面，這個法式野菌鴨肝釀鵪鶉配羊肚菌汁，首先食法國茶要先細味那個汁，法國菜既汁都比較講究。鵪鶉再點個汁，很配，好好味法式墨魚釀雞卷配忌廉汁，雞卷肉釀感墨魚提升了口感，必定要點個汁最後一個甜品，係驚喜呀！男朋友預先order了😍擺盤很靚！總括尼講，好滿意今餐！cp價高呀，仲要依家去做緊8折

今日係我同女朋友慶祝週年紀念既日子，呢個月係openrice、上網都搵左好多間餐廳，睇下係邊度慶祝好，結果比我搵下搵下，見到呢間法國餐廳，雖然開係觀塘工業區，但入面既裝修、擺設、以至格調都幾高級高質，係causal dinning 既感覺，可惜係openrice竟然冇咩like同笑哈哈！最後望完我就book左呢到，地方又大，疫症呢排就唔洗同隔離坐得咁近添！試完之後，真係幾滿意，無論餐廳安排到菜式，冇人知呢間野實在太浪費！所以我覺得要出返篇比大家，值得黎試下呢間CP值高既法國菜！晚餐set黎講，由頭盤到湯到主菜甜品，選擇都幾好，樣樣睇落都幾有特色，不過最讓我驚訝係，最貴個個set都係$400左右！呢個真係食法國菜唔會食到既價錢...同埋呢間餐廳好甜心，特意整左一個可摺既信封，比我地放口罩用❤️非常之貼心，呢d細微位都睇得出呢間餐廳一定有心思最後我同女朋友一人叫左一個dinner set, 當然唔少得我特意準備比佢既甜品🙉🙈法式洋蔥湯 & 特製龍蝦湯未食前，賣相已經好吸引！龍蝦非常濃郁，飲落有好濃郁既龍蝦味道，佢地介紹時講原來係由牡丹蝦熬左8-12個小時煮成女朋友個洋蔥湯就幾特別，上面有一層

搵食搵到牛頭角，但卻遇上了不太滿足的餐廳。餐廳的環境寬敞舒適。裝橫也不錯。第一印象不俗，但食物質素有點讓人失望。前菜 餐湯 忌廉粟米蜆肉湯味道正常一般。澳洲肉眼扒味道一般，肉質比較粗。牛味也比較薄弱。法式油封珍寶雞腿配柚子燒汁柚子燒汁味道剛好， 雞腿嫩滑是唯一一樣上枱還是熱辣辣我食物。其他都是放了很久才上枱。Le Monde法式慢煮油封鴨髀配薯蓉及酸紅椰菜酸紅椰菜變成甜品梨，味道好奇怪。鴨髀肉質粗糙，不像平常慢煮的幼滑。比較像湯渣的口感。煎西班牙duroc 豬梅頭配洋蔥汁及雜菜豬梅頭一般是最軟身的部位，但餐廳煎得比一般硬身，肉質也非常粗糙。不會再試。紅酒浸雪梨不予置評

係觀塘附近番工，放工想同女朋友揾間靚靚哋嘅餐廳慶祝生日，觀塘呢間法國餐廳平得嚟幾高質素一坐低就有新鮮熱辣嘅麵包籃由於好想試鴨脾，平時都多地方有，我哋就散叫😋蘑菇湯好濃好rich好足料🤤法式洋蔥湯嘅洋蔥炒得好香，芝士勁厚，厚到有拉絲鴨肝多士好濃味，多士烘到好脆，值得下次黎再食，侍應有介紹依碟野要整一至兩日先得。估唔到個餐可以包埋主菜嘅油鴨脾個皮好脆，啲肉一啲都唔乾唔鞋，係餐廳推介我哋試嘅和牛牛面頰好入味，個汁超濃烈，好高水準最後生日叫咗個甜品，可能餐廳見我哋慶祝生日，加多咗份量埋單先知原來仲有8折，一共食左六百幾蚊。好高質好抵食呀呢度有埋stage有live band 包場慶祝party都得😍

本星期四與三位友人到觀塘 le Monde午餐，本以為是一般的法國菜兼品嘗的是午餐，没什麽要求，但細看餐牌，發現午餐也有龍蝦湯，便叫來一試，一小件法飽和味濃的龍蝦湯十分夾；未吃之前，高佻靚女主任問要否即磨黑椒，我來者不拒，心中暗想又是用手磨黑椒那種器具來磨，以前侍應用不專業的手勢，弄到枱布也有黑椒碎的情况，浮現心頭，怎知她手中所用的卻是電動磨具，看著黑椒碎紛紛落下，刹是好看！主菜點了油鴨肶，經理哥哥説是用了十多小時的慢煮方法，不油腻，肉質幼嫩，没有吃柴皮的感覺。到了甜品和熱飲，我叫了朱古力疍糕，覺得甜品有水準，但略甜了一點。我頑皮性格又來了，向經理哥哥問有鴛鴦否，出奇地他禮貌地回應，閣下真是地道港人，我會為你調教一杯鴛鴦。嘩，真心甜！如此體貼的服務是第一次！離開後和友人説下次一定試晚餐，看看服務及做餐水準會否不一樣？

Happy Friday難得舊同事特登走黎同我食lunch，當然要揀間好坐傾到計嘅餐廳食好西啦!我揀咗西班牙有骨豬扒飯，朋友揀咗温泉蛋卡邦尼意粉。嘩~好大份呀! 豬扒煎得剛剛好，洋蔥汁唔咸喎，讚! 去餐廳食扒飯我大多都會選擇分開上，有時啲汁咸到嗌救命!今次我地掛住傾計唔記得咗，好彩味道剛剛好。隻温泉蛋好靚呀～白裡透紅，而且好重蛋味。我試咗啖朋友嘅卡邦尼都好好食呀～香濃厚厚嘅汁包住條意粉，正!我地兩個黑啡精，好滿意哩杯夠曬香濃，絕不是啡水!題外話，見到啲食評人話成日追單漏單，我黎過幾次都無咁嘅情況喎!咁嘅環境質素，抵食呀～係apm邊食到咁嘅質素呀!

作為青醬嘅愛好者，見到餐廳有青醬意粉，我一定會試，因為唔係個個青醬都啱我口味。今日lunch點咗個北海道元貝青醬意粉，一上枱好香，食落係我鍾意果種青醬味呀!😍意粉硬度啱啱好，而且啲醬剛剛掛住係意粉到。下次癮起可以黎食啦!

諗住近近地試下新野，又都幾好食!個人不太好杰湯所以叫左清雞湯，太急住食無影到，但係清得來有雞味，加上蔬菜同雞粒同幾鮮。朋友叫既菇忌廉湯就非常濃郁，真材實料。前菜帶子牛油果，清甜帶子原來都幾襯creamy牛油果。主菜煎油封鴨脾，脆皮入口即融，脂肪就係咁來，但真係一路以罪疚既心食哂，鴨肉就非常入味，雖然未去到超嫩，但都好滑。配上酸菜同酒煮梨，balance 到幾好。朋友叫既菇酥皮盒有驚喜，個皮超脆同鬆，啲菇係爽口同幾大粒，唔會一味超濃。甜品揀左至愛朱古力mousse ，非常朱古力重唔會太甜，完美ending!

同朋友聚餐揀岩間靜靜的傾吓偈。食物質素和服務態度，哩個價位真係性價比高嘢食必試呢就一定有法式油封鴨脾，四個字形容～皮脆肉嫩，醬汁食得出用鴨淆加左啲檸檬皮，個人就非常欣賞佢嘅配搭一啲都唔肥膩，可以食多兩啖； 前菜吞拿魚他他都唔錯，方間好多都一餅嘢咁，哩度就有返魚的肉質口感，鮮味純沒多餘的調味。 龍蝦湯配自家製麵包好吃，會唔覺意食多左。紅酒燉和牛面珠墩肉都可以肉香汁濃，哩個價錢淨食㕑師誠意都抵。要提一提佢哋個法式豬腸，腸衣香豬氣濃呀⋯不過唔喜內臟者就未必ok 喇。仲有個時令野菌盒都非常值得推介。好甜食嘅要試埋個 French Meringue 技巧手工野啦，軟硬適中。另外個Chocolate Truffle Cake 都好驚喜，記得留肚食唷！