Le Monde

营业中

休息中

有時Weekend唔想去太遠，多數會去觀塘搵食，駱駝漆或者工廈都有好多選擇，有啲仲要幾高質！【Le Monde】有提供Weekend Lunch Menu，價錢$68-$228不等，可以加錢要餐湯/小食/飲品。《龍蝦湯 (+$25)》見到加$25有龍蝦湯，所以棄選咖啡了。賣相好精美，龍蝦味道濃郁芳香，口感剛好唔會太稀/太濃稠，店員會問加唔加黑椒，我加左少少，但覺得唔加好味啲！配搭一件軟法包同新鮮沙律，加$25有呢個質素確實好唔錯😋《法式慢煮油封鴨髀配薯蓉及酸紅椰菜 $158》估唔到前幾日食唔到鴨髀，呢度比我見到有☺油封鴨髀需要用鴨油浸泡1-2天，然後再慢煮，工序繁複。用鹽、黑椒、Thyme醃製，簡單調味已經好好味。外皮呈金黃的焦糖色，肉質實淨亦嫩口，鴨肉香味幾突出。伴以甜醋、薯蓉、酸紅椰菜，味道豐富，如果薯蓉再幼滑啲就更正喇。《法國鯖魚配蘿蔔醋汁及薯條 $108》法國鯖魚兩大塊，煎得金黃香脆，完全見到鯖魚的油脂，肥美甘香，肉質軟嫩唔算好多幼骨，簡單用海鹽調味已經好好食，而且蘿蔔醋汁令鯖魚變得更鮮味。

觀塘呢間法國菜🇫🇷都算係我近期食過最正嘅一間。裝修優雅風，🍽餐具都好有法式韻味💃🏻。週末嘅午餐時間，未算人多，我地坐窗邊位，透住自然光🌅，相都影得靚啲。Shrimp Bisque ($25)呢個湯叫濃蝦湯，🦐蝦味的確幾重，同龍蝦湯又無差幾遠。Le Monde Confit Duck Leg with Mashed Potato & Braised Red Cabbage ($158)油封鴨髀嘅皮超脆，🦆肉質好比雞髀咁嫩滑，好保持到水份。伴碟嘅薯蓉唔會太油，🍷另外仲有幾有驚喜嘅酒釀蘋果。French Mackerel Fish with Pickled Radish Vinegar and French Fries ($108)鯖魚都一樣煎得好出色，皮脆得黎又唔會感覺好油，👍🏻而且肉質比日式餐廳食到嘅更為鬆軟，加上酸汁令味道更特別。

約了好友食飯，揀左呢間觀塘既西餐廳，貪佢近近地，行去觀塘都係10分鐘左右😄餐廳裝修幾空曠，燈光昏暗幾有情調既❤️✨Le Monde特製龍蝦湯$85湯既質感不算黏稠，但龍蝦味道濃郁✨法式洋蔥湯$78洋蔥湯面加上可拉絲既芝士同麵包一齊焗，睇落好飽肚！味道不算太濃郁，清清地✨法式滿煮油封鴨腿陪薯蓉及紅椰菜$238鴨腿肉質嫩滑，但外皮非常香脆，兩種口感相撞好正！唯一可惜係薯蓉不夠細膩，食到爽口既薯仔..✨美國安格斯極黑頂級一口牛柳配俄羅斯汁$158牛柳不會太濃味，比想像中清淡，感覺不錯

朋友前晚拉咗我嚟到觀塘嘆法國菜🇫🇷Le monde環境優美 而且非常闊落😻服務態度💯 值得一試👏🏻一坐低又新鮮麵包食 質感鬆軟🥐🍞👍🏻✨Onion Soup 💰70有法包 芝士 洋蔥絲🧅味道清甜☺️✨Signature Shrimp Bisque 💰85龍蝦味好突出 啖啖鮮味🦞可能係我飲過最正嘅龍蝦湯🥳✨Confit Duck Leg with Mashed Potato & Braised Red Cabbages 💰238鴨脾皮脆肉嫩🤤加上薯蓉同紅椰菜都好夾 極級推薦👍🏻✨Tenderloin Stroganoff 💰158第一次嘗試俄羅斯汁🇷🇺味道唔錯 點下法包一流🥖牛柳粒好大粒 份量十足🐂

Le Monde ， 觀塘區（近牛頭角站）隱蔽上樓法國餐廳！餐前麵包配自家製牛油Toulousse sausage with French Fries ($88)入口juicy 的法國圖盧茲腸，絕唔係一般的香腸可媲美。USA black Angus tenderloin stroganoff ($158)美國安格斯極黑一口牛，入口軟滑有肉味。伴碟的多士非常香脆。Sous vide pork belly in French style ($158)24小時慢煮的法式豬腩肉，外脆內軟，有脆有嫩的口感。Side dish ($38/ each)Broccoli with cream cheeseSautéed mushroom 價錢相宜的伴菜，多吃無妨呢！

中午時間，約咗個喺觀塘返工嘅朋友食飯，講起大家最近都好迷一套關於巴黎嘅外國劇， 於是就喺觀塘搵間法國餐廳食飯。 呢間叫Le Monde 嘅餐廳喺鴻圖中心，要喺大堂搭lift上去，地點都幾方便，不過唔講真係唔知呢度有間法國餐廳。 間餐廳都幾大間，裝修得都幾靚，我見到有一啲樂器擺喺度，估計夜晚會好有情調，適合拍拖撐枱腳。我同朋友都揀咗芝士焗加拿大龍蝦配蝦汁菠菜意粉 (168蚊)，同埋加咗18蚊升級做濃蝦湯。等咗一陣，湯、麵包同埋沙律就嚟到喇，個麵包好鬆軟，無論你就咁食或者點湯，都好好食㗎。個湯好有蝦味，啱哂勁鍾意食蝦嘅我，同埋個湯口感軟滑，好飲。至於沙律嘅菜都幾新鮮。 頭盤令人很滿意。好快主角就嚟喇，隻龍蝦都幾大隻喎，廚師好細心咁將個龍蝦鉗拆咗殼，放喺龍蝦身度， 美觀之餘又方便客人進食，個龍蝦連埋芝士汁一齊食好正呀，龍蝦肉有鹹鹹地嘅海水味，仲有唔少膏添呀，得半隻真係唔夠喉哈哈。至於個蝦汁意粉，每條意粉都索到湯汁，口感彈牙，煮得啱啱好。 而菠菜新鮮無渣，呢個配搭絕對無違和感，成碟勁好食，不過如果個意粉多少少就好啦。我餐飲叫咗凍檸茶，慢慢飲傾下偈，好寫意呀，如果你想喺觀塘食好啲、坐得舒服又唔想

來到我們最喜歡的觀塘海濱長廊， 感受著舒爽的海風， 寬闊的海景， 享受著寧靜， 慢慢地來到浪漫的餐廳😄裝修優雅， 環境舒適寧靜， 套餐選擇很豐富， 主餐牌的選擇也很吸引。溫泉蛋特濃卡邦尼意粉滑捋捋的溫泉蛋， 蛋黃如泉湧般流出來， 蛋味濃郁沒有腥味 ， 意粉彈牙爽口 ， 醬汁香濃， 加上香烤煙肉更添美味。美國安格斯極黑頂級牛 配俄羅斯汁牛肉嫩滑 肉味香濃， 個人小意見， 可添加少許 海鹽 增添風味， 香烤多士可沾上俄羅斯汁品嘗， 絕不要浪費美味的醬汁啊。法式慢煮油封鴨髀配薯蓉及紅椰菜法國餐必點的主菜， 我哋香脆酥嫩， 肉質不錯。 最有驚喜是配菜紅酒煮洋梨， 煮得非常出色， 味道同埋質地都係perfect。😋😋

Le Monde 主打價錢較為大眾化嘅法國菜! 餐廳寬敞舒適, 可以喺優雅富情調嘅環境享受法國菜!法式麵包三款法式麵包好軟熟, 味道不錯!法式洋蔥湯 $78 即叫即製, 新鮮熱辣！面層鋪滿了芝士, 好吸引! 焦糖化嘅洋蔥散發出香甜誘人嘅味道, 湯內嘅法包粒烤焗至即將融化, 相當有層次!24小時慢煮法式腩肉 $158慢煮24小時而成, 腩肉肉質香軟鬆化, 肉味濃郁! 再點少少醬汁, 更滋味!溫泉蛋特濃卡邦尼意粉 $108流心嘅溫泉蛋、忌廉汁、洋蔥粒、煙肉、蘑菇及軟硬適中嘅意粉，creamy又好味！炸薯條 $38即叫即炸, 熱辣辣, 脆卜卜, 而且份量不少!法式特濃朱古力蛋糕 $68蛋糕帶濃郁朱古力味, 質感濕潤軟滑又夠甘香, 大滿足!

官塘既工廈一向都有好多被埋沒左既美食, 今次呢間 Le Monde都算係其中之一. 我同朋友係到食左個晚餐,餐廳環境闊閣,食物質素都唔錯! 我地叫左2個dinner set, 分別都配左麵包同個龍蝦湯. 面包係烘熱左既,味道都唔錯.龍蝦湯煮得非常濃郁, 鮮味十足, 更加係值得一讚. 我地就揀左2個廚師推介既main course:法式慢煮油封鴨脾配薯蓉及紅椰菜 ($238)呢道油封鴨脾係我今餐最滿意既菜色. 鴨脾既外層炸至金黃色, 口感香脆, 鴨肉亦煮得剛好, 肉質嫩滑唔會太老,配埋特調既醬汁,令人回味無窮.美國安格斯極黑頂級一口牛柳配俄羅斯汁 ($158)呢道安格斯一口牛味道有少少似傳統既紅酒燴牛肉,一口牛既牛味十足,可惜既係口感略為韌左D,如果可以再炆耐D味道會更佳.

今日約左朋友係觀塘食Lunch朋友就帶左我去依間新開既法國菜一入餐廳就覺得好有格調如果夜晚黎食應該仲好Feel餐廳提供Lunch set 包餐湯沙律主菜同餐飲揀左加拿大海膽帶子意大利飯仲有法式慢煮油封鴨髀配薯蓉及酸紅椰菜首先嚟咗餐湯同沙律今日嘅餐湯係龍蝦湯飲得出冇乜額外調味突出左本身龍蝦既味道然後到主菜既部分加拿大海膽味道好鮮甜帶子亦都煎得啱啱好意大利飯嘅醬汁食得出加咗海膽味道更加濃郁同有層次米飯咬落偏硬同帶有煙韌油封鴨髀煎得好香咬落有少少酥脆感配埋酸酸甜甜嘅黑醋汁仲有充滿紅酒香嘅啤梨食落油而不膩加埋一齊味道好夾整體食物質素唔錯有正宗法國菜水準餐廳裝潢環境有格調座位好闊落有機會會再黎試下佢既Dinner

夜晚同朋友黎食法國菜，估唔到係工廈臨立既牛頭角可以搵到一間格調氣氛都咁好既法國菜餐廳。第一道 美國安格斯極黑頂級一口牛柳配俄羅斯汁 ＄158牛柳粒接近5成熟，脂肪同肉既比例岩岩好，牛味出哂黎，配合店家獨家秘制既俄羅斯汁，非常好味，一啖汁 一啖法包片 一啖頂級牛柳，絕對令人回味無窮。性價比極高。第二道 紐西蘭羊排配焗薯 ＄168因為羊排新鮮，因此店員表示羊排可以選擇生熟程度，我揀左五成，因為我本身唔怕羊騷味，如果怕既朋友可以揀七成熟。羊好林好新鮮，特別要讚焗薯，好甜，焗到個面好脆，加上少少酸甜，差d搶走埋羊既角色。第三道 焗大啡菇配蛋 ＄68超新鮮既大啡菇，冇雪味，上面加埋一隻溫泉蛋，好夾。

觀塘除咗多Cafe之外其實都有好多唔同高質嘅西餐食㗎，喺附近返工嘅朋友推介我黎試吓呢間質素都唔錯嘅西餐廳，價錢都唔會話太貴，環境非常闊落，可以好舒服咁同朋友一度食嘢一路傾計🤎_Shrimp bisque & salad 午市套餐都有好多款選擇，龍蝦湯飲落好香濃好足料，配上沙津同麵包好正好開胃_Canadian Urchin and scallops risotto $158店員同我哋推介呢款意大利飯，飯粒比較分明，食落去有口感，配埋帶子一齊食好滿足_Confit Duck Leg $188呢度菜有驚喜，鴨髀食落去做到外脆內軟，肉質都幾軟諗，配上的薯蓉食落都幾綿密，同朋友都好覺得有口感份量啱啱好_午市套餐嘅選擇都幾多下，套餐亦都會包嘢飲一杯，鍾意食甜品嘅朋友仔可以加錢食埋是日甜品，整體來講值得一試👍

最近揾到一間好有格調，價錢又唔貴嘅法國菜。可能因為係工業區，又係樓上舖，都幾隱世。但味道真係令我好驚艷，必定再去會下佢！大家聽到法國菜都會諗到個貴字，不過呢到Weekend都會有Lunch Set，最平係$68起，最貴都只係$228，同外面普遍西餐價錢相約，但食物質素絕對唔普遍！濃蝦湯（跟餐加$25）：味道就係龍蝦湯嘅味，真係超級濃，加左忌廉係又濃又滑，同埋都幾大碗，唔會兩啖就飲完餐前麵包：塊包黎到係熱辣辣，好濃牛油味，但又唔會好膩，好軟熟勁好味！法式慢煮油封鴨脾配薯蓉及酸紅椰菜（$158）：黎到嘅時候以為鴨脾煎到干晒，切落去先發覺誤會左，皮已經脆晒，但入面嘅肉重係好Juicy，鴨肉好香嫩，令我同朋友好驚艷！薯蓉都係另一個驚喜，係香港食親嘅薯蓉都係開粉嘅，呢到真係用薯仔去壓成，廚師應該係特登唔壓碎晒啲薯仔，食啲時候重可以食到一粒一粒嘅薯仔，好特別！最正係有煮過嘅蘋果，好香肉桂味，酸酸甜甜好開胃！慢煮法式紅酒燜牛頰肉配法包（$88）：黎到已經聞到紅酒煮得好香，食落牛頰肉好嫩，紅酒味已經入晒牛肉，但唔會比個汁搶晒陣牛味，個口入面嘅味道好立體好有層次，真係極高質！紅酒汁點法包食真係一流！最後

觀塘非常高質樓上法國餐位於觀塘巧明街鴻圖道中心！< Le Monde>一去到餐廳門口，侍應禮貌相待然後安排座位俾我哋，頭先我哋睇吓餐牌有咩食，其實一路知道佢哋嘅龍蝦湯係餐廳王牌，咁當然就試咗佢嘅龍蝦湯，口感非常Creamy，裏面亦有蝦肉！真材實料，佢哋有麵包奉送，將麵包沾上龍蝦湯！非常幸福感覺，然後叫咗佢哋嘅廿四小時慢煮法式腩肉， 名副其實慢煮！肉汁鎖住係腩肉裏邊，啖啖都係滋味！法式慢煮油封鴨髀配薯蓉及紅椰菜！鴨髀，連埋外皮一齊食，濃郁嘅鴨香滲入鴨嘅肉質裏邊！從此愛上食鴨髀！出邊一般好難會試到呢種味道！食到舔舔脷！另外我哋仲叫咗一支白酒，店員好用心咁介紹每一款酒嘅口感同埋味道！因為我唔鍾意飲一啲好厚質嘅紅酒，然後店員就推介左呢一款俾我哋！果然冇介紹錯！呢款紅酒質地非常清澈！啱晒我哋呢啲女仔嘅口味！最後一題！呢度都幾full下！當晚都有好多人喺度聚餐，記得預約食飯啊！因為真係非常之好食同埋滿足地方又靚😊

觀塘依家愈黎愈多好食餐廳🍴最近同左朋友嚟到工廠大廈，食咗一個好休閒嘅法式Lunch🌹首先講吓餐廳嘅環境，地方好闊落，比人感覺一種好舒服好寫意既感覺。Lunch係可以單點既，方便返附近返工既客人，放Lunch都可以食個好味飯。 我地一人叫左碗濃蝦湯，我好鐘意呢種配搭，細細杯，飲落好方便，唔好以為用杯就得好少，份量都okay多架！ 而且蝦味濃，足料！主食我地叫左海膽意大利飯share! 海膽，係用靚野，新鮮，甜👍🏻 食過數一數二既好味海膽，唯一美中不足嘅係得一塊，唔夠候，不過飯入面都有撈到海膽碎既。 另一個我哋叫咗法式紅酒炆牛頰肉配法包，牛肉入味，易入口，唔un. 值得一讚係餐廳擺盤都唔差。員工態度都好好：）法餐係正既！下次再食過😝