影片
更多
2020-10-24
49 浏览
中午時間，約咗個喺觀塘返工嘅朋友食飯，講起大家最近都好迷一套關於巴黎嘅外國劇， 於是就喺觀塘搵間法國餐廳食飯。 呢間叫Le Monde 嘅餐廳喺鴻圖中心，要喺大堂搭lift上去，地點都幾方便，不過唔講真係唔知呢度有間法國餐廳。 間餐廳都幾大間，裝修得都幾靚，我見到有一啲樂器擺喺度，估計夜晚會好有情調，適合拍拖撐枱腳。我同朋友都揀咗芝士焗加拿大龍蝦配蝦汁菠菜意粉 (168蚊)，同埋加咗18蚊升級做濃蝦湯。等咗一陣，湯、麵包同埋沙律就嚟到喇，個麵包好鬆軟，無論你就咁食或者點湯，都好好食㗎。個湯好有蝦味，啱哂勁鍾意食蝦嘅我，同埋個湯口感軟滑，好飲。至於沙律嘅菜都幾新鮮。 頭盤令人很滿意。好快主角就嚟喇，隻龍蝦都幾大隻喎，廚師好細心咁將個龍蝦鉗拆咗殼，放喺龍蝦身度， 美觀之餘又方便客人進食，個龍蝦連埋芝士汁一齊食好正呀，龍蝦肉有鹹鹹地嘅海水味，仲有唔少膏添呀，得半隻真係唔夠喉哈哈。至於個蝦汁意粉，每條意粉都索到湯汁，口感彈牙，煮得啱啱好。 而菠菜新鮮無渣，呢個配搭絕對無違和感，成碟勁好食，不過如果個意粉多少少就好啦。我餐飲叫咗凍檸茶，慢慢飲傾下偈，好寫意呀，如果你想喺觀塘食好啲、坐得舒服又唔想
呢間叫Le Monde 嘅餐廳喺鴻圖中心，要喺大堂搭lift上去，地點都幾方便，不過唔講真係唔知呢度有間法國餐廳。
間餐廳都幾大間，裝修得都幾靚，我見到有一啲樂器擺喺度，估計夜晚會好有情調，適合拍拖撐枱腳。
我同朋友都揀咗芝士焗加拿大龍蝦配蝦汁菠菜意粉 (168蚊)，同埋加咗18蚊升級做濃蝦湯。
等咗一陣，湯、麵包同埋沙律就嚟到喇，個麵包好鬆軟，無論你就咁食或者點湯，都好好食㗎。個湯好有蝦味，啱哂勁鍾意食蝦嘅我，同埋個湯口感軟滑，好飲。至於沙律嘅菜都幾新鮮。 頭盤令人很滿意。
好快主角就嚟喇，隻龍蝦都幾大隻喎，廚師好細心咁將個龍蝦鉗拆咗殼，放喺龍蝦身度， 美觀之餘又方便客人進食，個龍蝦連埋芝士汁一齊食好正呀，龍蝦肉有鹹鹹地嘅海水味，仲有唔少膏添呀，得半隻真係唔夠喉哈哈。
至於個蝦汁意粉，每條意粉都索到湯汁，口感彈牙，煮得啱啱好。 而菠菜新鮮無渣，呢個配搭絕對無違和感，成碟勁好食，不過如果個意粉多少少就好啦。
我餐飲叫咗凍檸茶，慢慢飲傾下偈，好寫意呀，如果你想喺觀塘食好啲、坐得舒服又唔想食得趕，想慢慢傾下偈嘅話，不妨嚟呢度食飯啦，絕對唔會失望。
另外呢度嘅服務都唔錯㗎，店員個個都好有禮貌，而且會留意住有冇畀漏餐具，例如佢收咗我飲湯嘅匙羹，畀意粉我嘅時候就會再攞另一隻匙羹畀我食意粉。
有機會我都想嚟呢度試下佢嘅晚餐，嚟個完美嘅full set dinner。
张贴
