Le Menu

营业中

休息中

吃自助餐慶祝暑假開始。冷盤：款式多，其中我記得的有～沙律：蔬菜很新鮮，有不同的沙律醬，另有芝士粉、煙肉粒，足以自製凱撒沙律。冷麵：一小杯，份量恰當，但比較鹹。火腿有四款，其中有一款很滑。螺肉很新鮮。刺身：要待師傅切，幸好不多人排隊，不需等很久。每款有三塊，三文魚頗新鮮，可惜魚肉內有些「筋」。熱薰：有黃油雞、燒鴨、紅酒燴牛尾、羊扒、清炒時蔬、釀蟹殼、意粉、粥、粉麵等，味道不錯。甜品款式充足，有朱古力噴泉、蛋糕、麵包布甸、心太軟等等，擺放整齊兼很注重衛生，每一款蛋糕都以透明膠蓋蓋好。蛋糕：個人很喜歡甜食，所以全部蛋糕都很喜歡。雪糕：是Häagen-Dazs，吃五、六球已值回成本，哈！有士多啤梨、朱古力、咖啡和雲哩拿味，正！自製窩芙：有得玩、有得食班戟很易做，味道好，另有四種配料，包括花生醬、朱古力醬、士多啤梨醬和煉奶，個人認為士多啤梨醬最好吃。爆谷：沒想到Le Menu會有爆谷機，任食任添，令人滿足。班戟：為我們做班戟的竟然是切刺身的師傅，可見他們多才多藝，呵呵！班戟的配料由自己隨意添加，由於即叫即做，熱乎乎，很美味。餐廳不算大，不太寬敞，有些顧客會坐得很近放食物的地方，雖然拿食物會很方便

六國BUFFET出名多年, 終於可以一試.1. 價錢實惠, 6:30-10:00 時間充足, 飽到試唔晒. 2. 地方唔算大, 唔洗名貴食材, 絕大部份好食, 有refill, 有新款出, 熱冷盤沙律甜品分佈平均, 滿足各類人士喜好3, 服務非常有禮, 勤收碟 (我覺得太頻密添)必食推介如下:熱盤 - 忌廉菠菜湯, 蒸魚, 羊架, 切豬手片, 蝦丸, 炸魚柳, 白汁青口, 粥麵檔冷盤 - 鴨胸, 凍肉, 火腿, 沙律, 三文魚甜品 - brownie, 自製格仔餅, 心太軟, 焦糖燉蛋, 蛋糕, 果撻, 朱古力噴泉, 雪糕, 菠蘿, 紅豆沙麻麻地有(主要原因是肉鞋/ 無味) :切牛肉片, 八爪魚生, 小紅龍蝦其他都好好食, 有位梗係試晒佢啦. 整格仔餅時要睇說明, 朱古力噴泉漿+雪糕可做成脆皮雪糕唯一人多嘈少少, 通道較窄小心d, 呢d可以接受

今次已唔係第一次黎六國酒店LE MENU,一講起BUFFET物超所值既選值就梗係歷度,雖然歷度地方唔大,食物方面既排場都冇其他地方咁大場面令人望到都興奮,不過歷度應該有既食物都有,都係會令客人食到飽到郁唔到~我覺得熟食方面,牛肉D鞋,其他野都OK,刺身方面OK,只係個服務員態度唔太好甜品方面,蛋糕質素都係普通,H記ICE-CREAM一定都係比較受大家歡迎選擇,LE MENU仲有一個好得意既地方就係可以俾客人自己親身試整格仔餅,好多客人都排隊等整以$138免加一食LUNCH BUFFET係而家歷個時代已經好少有,$138既價錢LE MENU絕對係物超所值

泥梗22號,就系我honey第15個月ge紀念日;;旦系果日就吾得閒;;就提早左慶祝,,就簡左金日;甘大家又想食buffet,,咪上左泥openrice到睇;;就發現到六國酒店價錢刀幾抵,加上仲系免加一,依家間間酒店刀要加一,,系唯獨呢間吾洗;;心思思咪走去試下 甘吾單止系我同honey食喇;仲有佢d fd, 1共5個人,,甘我地就book左7點半;去到果時,,刀滿滿地,,驟眼睇,d食物吾算太多同埋吾夠多元化;不過最基礎果d 1定有;好似有3文魚,,有8爪魚,等等喇;;甜品1定有喇,,仲有個朱古力噴泉;;仲有個粉麵區牙同埋d熱食區l0r;;雖然系少d野食;;旦d 水準刀ok咖;先講凍食果part先 -3文魚,8爪魚,劍魚: 好鮮好甜-田螺: 鮮甜爽口<-----推介-熟蝦: 好彈牙-雜菇: d味有少少怪,,吾太好味-冷麵: 本人吾太鐘意陣味熱食part:-青口: 辣得泥好過癮-炸蝦丸: 爽口彈牙-羊肉: 1d刀吾so,同埋d肉好"林" <-----推介-牛排: 睇落去系紅色,,甘又吾系代表佢吾熟啵,,系岩岩好,肉質吾韌仲保留到d牛味-咕嚕肉: 由於佢岩岩整起,,所以好脆

拖下拖下,拖成一個半月,先有點動力去處理這篇食評.每次寫自助餐篇我就是這樣,拖得就拖.無他的,見到一大堆資料和一大堆相片,已經無心機去逐一歸位再次來到六國酒店吃自助餐,無他的,一條的算式,少少錢就滿足大大"欲望",未嘗不可?自助餐正式是六點半開始,不過我們例牌早到的,估不到有幾家人比我們更早喎(大家也很心急?)服務生有禮地帶我們入內後,便說可以飲住飲品等待自助餐的開始凍飲有凍茉莉茶,橙汁和雜果賓治.熱飲有就咖啡,紅茶,檸檬片,連冰水熱水也提供好.滿足大眾人士.今次我飲得最多是凍茉莉茶,清香而無甜,飲後令喉嚨也感到舒服先說我沒試過但老友很對口味的環節:凍肉拚盤,餐廳提供不少款式,如幾款火腿,鴨胸,鮫魚,煙三文魚等.然後又是我無興趣的刺身分別有三文魚,吞拿魚,魷魚和八爪魚.全放在櫃台中,師傅即叫即切的.老友說刺身質素不錯.我見到刺身全都立立令,應該夠哂新鮮了吧.對了!壽司配套除了豉油和WASABI之外,竟然有壽司薑啊~~我太LIKE了食到要請師傅幫手加添...至於壽司,有三文魚,魷魚,鰻魚,幾款太圈等,我食了蝦壽司,腐皮壽司,飯軟料鮮都不錯.而冷盤區分別有海鮮,小食和沙律.海鮮只有三樣,龍

Treating teenagers to dinner can be a dangerous proposition, but buffet is always a good bet. With no guidance other than a budget and reviews from Openrice, we opted for Le Menu.Having been through countless buffets, I wasn't really expecting any gourmet dinner (at this budget), but was just hoping for decent food for my young friends (and older friends too).The restaurant, just like the hotel, was recently refurbished and looked comparable to other 4-star hotel restaurants. The place was qu

六國的自助餐算是便宜的酒店級自助餐，$238全包何其勻真。食品方面，BAR檯由門口一直延伸至大廳的最底：(A)爆谷、班戟。(B)海鮮、沙律(C)刺身、壽司。(D)飲品(E)中式熱葷：豬、羊、雞、牛、菜、炒粉麵。(F)牛扒、即煲粥、即煮車仔麵。服務：很好，服務員有禮，而且收碟速度快。總評：清潔度不錯，而且食物在預期中好吃，以$238這個價錢是很超值。勉強要彈的，也許就是部份食物和甜品的味道不足，應該是見習廚師的作品，但總算在賣相方面搭夠。

10-3-2011約朋友 J 食 lunch 由我拍板, 當然要搵個好坐一點的地方, 打電話問過得悉呢間人氣 buffet 店的 lunch 除了 semi-buffet 之外, 亦有「非 buffet」的 3-course set 供應, 就訂呢度試試吧. 大家都叫了 executive set, 有 starter, main, dessert 及 coffee / tea.Waiter 先捧出一籃麵包俾我哋揀: 揀了蕃茄 foccacia 及 baguette, 不過後者好韌, 前者則超乾, 兩款都唔多掂喎...Starter 揀了shrimp bisque: 飲落幾濃「蝦殼」的味道, 仲有大量爽口的蝦肉增添咬口, 不過有點太鹹, 質地亦略嫌稀了少少, 可以更好的.無試朋友的 Caesar salad with seared scallops, 賣相不錯, 朋友亦話「幾好食」,「芝士味好香」etc, 應該都不錯吧.Main 揀了 pan-fried tiger prawns with light XO sauce ($128): "light XO sauce" 似淡味版

一個自助晚餐可以唔使加一..我真係第一次食..仲要係酒店水準及港島區...都算ok^^我地一家三口...食得好開心.首先食三文魚剌身.八瓜魚刺身.之後再食龍蝦仔...嘩..好甜呀!呢個價錢我係西貢食都唔得la~係咪呀!佢地d服務生..收碟好快..呢個值得一讚...起碼唔會令我的女兒攪亂我的食物..嘻嘻!希望下一次再來食....

昨晚家人生日, 揀左間比例平的自助餐..感覺上, 除左價錢之外, 其他都冇咩可取之處, 我的意思唔係話餐廳的食物唔好, 而係冇咩好食, 基本上係冇一種食物會令人留下印象~冷盤來說, 沙律, 刺身, 冷盤都有齊晒..熱盤都係樣樣有D, 蒸魚, 雞, 羊扒樣樣有, 仲有一個粥麵擋...甜品方面就好一點, 比較算多選擇~ 喜歡吃甜的都應該唔會失望...整體來說, 這個自助餐可以一試...不過都係試一次好了~~~

食物水準都可以, 環境衛生抵食都ok, 但遇到個服務態度差嘅部長, 搞到哂mood! 都係嚟食嘢啫, 唔係咁嘅態度對待客人, 今時今日咁嘅服務態度, 真係唔會再幫襯第二次!!!

雖然係星期五晚但早一日打去訂台都話要waiting list，前面有6張台等緊果隻要有人no show或cancel booking先會輪到位好彩星期五下午3點幾就打黎話安排到位咋!!! buffet6:30p.m.開始，當日6:30去到即刻安排入座同男朋友一齊去食$228 無須加一服務費，好少有係灣仔既晚餐黎講，仲要係buffet，非常抵食入面環境好靚，好柔和，可能係坐窗口位，好舒服！唔會好迫咁，值得一讚入座果陣我見到佢有本簿，佢會事先安排好邊個坐邊架所以如有特別要求，打去book果時單聲就得啦！食左好多海產不過選擇唔算多上面已經係所有海鮮類(未包括日式果d e.g.魚生)海螺夠fresh龍蝦仔就爭少少日式美食好味呀！去拎左幾次先夠皮沙律是意外的新鮮熟食耐唔耐會轉菜式可以隔一陣出去行一轉，會有驚喜有蟹，但我地無食仲有即製生滾粥檔，自選材料，有師傅幫你煮，不過太飽最後都無食到不得不吃的心太軟另外，飲品方面大大力讚鮮榨橙汁夠哂濃好味過果汁先生仲有薄荷賓治 and 低糖凍綠茶 and 冰水凍飲只有呢幾種熱飲有紅茶同咖啡，自取lemon or 糖 or 奶只有呢2種服務方面refill快，

在Budget極度有限的大前提下，要找間似樣的酒店吃自助餐實在不易，這時，我想起了來過好幾次的六國酒店Le Menu。這個場不大，食物選擇亦不多，但基本的也有供應，而且勝在水準穩定。以$238這個價位，絕對吃得過。由冷盤先介紹起，這兒沒有生蠔，對某些朋友來說可能打了折扣。不過，其小龍蝦和凍蝦，均是鮮甜；翡翠螺肉厚，甜美，有咬口，大抵也彌補了沒有生蠔的不足。進入刺身和壽司的環節，刺身如三文魚大致新鮮，八爪魚亦有點韌，同埋沒什麼味道；壽司，主要是飯糰太實，但配料都是可以的；吃了一小碗冷麵，蕎麥麵是幾爽滑的。熱食的款式不太多，可逐一介紹下。炸蝦丸香脆，口感彈牙，頗有水準的；龍脷卷得靚靚的，味道不對辦；蘿蔔牛腩，我是喜歡蘿蔔多一些，因為夠稔身也清甜沒渣；羊架是過熟了少許；蟹蓋就焗得香口，趁熱食總不會太差。另外跟師傅取了一件燒牛肉回來，同事話太紅太生，於我而言，是對勁，甚至嫌稍稍太熟，但味道是可以的。甜品時間，芝士蛋糕仔富香濃芝士味；麵包布甸香甜又濕潤；朱古力慕思蛋糕香濃幼滑；估唔到食Buffet的心太軟都可以做得流心，算幾好；朱古力噴泉同樣是味道濃郁，跟水果很匹配；外型最吸引的泡芙山，也沒有令

地點有少少隱閉, 都要搵下先搵到佢上到去發覺佢已準備好BABY CHAIR , 不過就冇BB餐具, 反而差少少喇不過景就望告士打道,算開揚啦頭盤有:同埋一般沙律, 粟米紅腰豆果類,普普通通啦熱盤:炸魚我只可以話係有舊魚係入面, 唔係無肉,只係無味羊脾:幾好味, 唔太膻,但又香,幾滋味雞脾:好嫩滑呀,連平時唔鍾意食肉既阿仔都俾面食兩啖(對佢黎講已經算食得多肉) 豬扒:甜甜地, 肉質OK,不過阿仔唔食蒜蓉包:佢有部機俾你自已即席烘包,佢本身隻蒜蓉真係鬼咁香,烘完出黎真係引死隔離西蘭花:佢用左芝士汁, 爸爸唔食得, 不過我同阿仔超鍾意食, 勁香芝士味, 特別係一打開佢個熱盤蓋果下湯有中湯同忌廉湯,中湯無試, 西湯普通甜品:芝士蛋糕:咪就係一件芝士蛋糕咁囉:好綠茶,好紅豆,好栗子,好夾,好味朱古力香蕉慕司:香蕉同朱古力一向都夾到暈,所以食晒木糠布丁:一啖食完都唔知食左囉法式燉蛋:同木糠布丁一樣我一去到已經走去雪糕櫃, 見到佢D雪糕個蓋都未打開, 同埋睇到哈記個嘜頭, 確認正貨有四款:cookie's cream,vanillia,strewberry,chocolate供應埋甜筒, 估佢唔到底

為了慶祝媽媽生日,來這裡食自助餐。雖然係星期二,但可能因為這天是中秋節前夕,所以價錢係$228一位,而且全場爆滿。總括來說,好難用好唔好味去形容這裡的食物,因為大部份的食物都係淡而無味。吃都有味同正常的味道時,真的感到幸褔。雖然有些菜式都有轉其他款,不過吸引力都不足。這價錢對自助餐來說算是便宜,縱使有鎮店三寶,不過我都覺得係物不所值。冷盤海螺: 有沙,又不太新鮮中蝦: 正常,安全之選,但無味龍蝦仔: 好細隻,取殼後,得好少肉食....而且好鹹...可能係海水味啦...鹹火腿: 普通啦,無乜特別薯仔沙律+露荀: 最正常,薯仔沙律都幾好味刺身: 幾新鮮,有三文魚,劍魚,八爪魚壽司: 普通,偏細件熱葷羅宋湯: 顏色紅潤,聞落亦好香,不過飲落就好係水一樣,無味...連就算水煲雜菜都唔會係咁淡味囉...釀蟹蓋: 算是不錯的一樣,有三色椒同帶子,加上忌廉汁,不過個汁稀左d,如果杰d就好味d啦羊架: 我至愛的羊架,好食,好淋。果然係鎮店的食物呀...炸蝦丸: 凍左,不彈牙,不過個皮都炸得不錯的,又唔係好乾。烤肉,豬扒: 肉質老,過鞋。時菜: 好多油,不過味道正常秋刀魚: 都不錯,正正常常囉魚柳: 白