Le Menu

营业中

休息中

今晚為外父慶祝生日，見到佢做緊買4送1嘅放題+龍蝦牛柳set，就決定試下，e間野我對上一次黎應該都有十年，估唔到裝修都keep住係懷舊風，去廁所都要拎鎖匙…落完order等左十幾分鐘，終於有得食…第一轉嘅刺身擺得係似樣嘅，之後嗌嘅已經變成一堆垃圾咁…刺身得帶子同八爪魚係正常，其他都冇味…串燒上得仲肉酸，所以冇影到，一口牛咸到我個腎都叫救命，雞軟骨似臘鴨味，牛舌唔似燒熟，似係灼熟再燒一燒…唐掦炸雞同冬菇天婦羅算係今晚最好食嘅野，起碼有食材應有嘅味道，熱同脆…天婦羅蝦接近正常，南瓜同蕃薯係完全冇味…茶碗蒸正常，溫泉蛋正常…原價$538一位你俾d咁嘅野我………真心冇下次，除非我失憶！

以前試過呢度既buffet,食物種類少但價錢唔貴，還可以的，今次约朋友來這兒的中餐廰飲茶，坐低已經無人理，侍應好像只招待熟客！寫好點心紙想交俾侍應時個個好似見唔到咁，最後要勞煩穿著經理服的工作人員才有人跟進！朋友想要碟辣椒醬叫了幾次才有人理，但有人理都無辣椒醬俾到！食物水準一般，似一般酒樓的水準，價錢以酒店級來説算合理，但服務水平就…..原本見晚宴價錢算實惠，想母親生日時來設宴，但見服務如此，真的不敢再來！

生日來到六國酒店Staycation住番一晚，package 價千五元左右，2大1小，已經包括住房1晚，4小時任飲任食日式放題，還有第二朝早的All Day Breakfast 早餐，價格非常超值。今次就分享一下早餐的體驗啦！客人可以按個人喜好選擇蛋嘅煮法，無論煎蛋、炒蛋、太陽蛋都非常細滑美味。煙肉煎得非常之香口惹味，而大啡菇亦都非常之大隻，菇嘅味道非常出眾，仲好juicy呢！！司華力腸都煎得好香口，而且仲好大條，不過味道比較淡。不過呢度杯熱咖啡係可以無限任添飲的，熱咖啡的咖啡味道非常香濃，真的不錯。唯一不足的是麥包多士烘得有點兒燶，有點失望吖！！～整體來講，酒店餐廳的食物質素水準算是不錯，不過不失，而且環境氣氛都非常之好，地方夠寬敞，坐得非常舒適，而且服務員亦非常細心，值得推薦。

來六國酒店Staycation，package 價千五元左右，2大1小，已經包括住房1晚，4小時任飲任食日式放題，還有第二朝的All Day Breakfast 早餐，價格非常超值。今次先講下酒店嘅4小時任飲任食日式放題體驗。飲品可以選擇紅酒、白酒、蘋果汁、橙汁或汽水，可以無限添飲。刺身有好多款，不過三文魚、吞拿魚質素不算高，中規中矩，反而帶子同甜蝦較為鮮甜，要回本的話，可以主攻帶子同甜蝦。每位客人敬送煎龍蝦、牛柳及鵝肝一份，味道同質素水準平均，不過不失。個人覺得鵝肝夠肥美，都幾好食。熟食選擇都有好多款，有日式大阪燒、章魚丸、炸雞、炸豆腐等，味道不錯。壽司嘅質素都好好，尤其係火焰三文魚同埋鰻魚壽司，都非常好食。串燒方面，個人比較推介燒冬菇、燒菠蘿、燒雞翼、燒帶子、豚肉串同埋燒牛柳粒，都幾惹味。中場餐廳服務員仲送咗炸蠔畀我哋食，蠔炸得相當香脆，而且入面嘅蠔肉都好多汁。甜品種類實在選擇唔多，不過個人就推介日式紫薯芝士蛋糕，簡單得嚟反而味道不錯，而且非常軟滑。餐廳值得一讚嘅係，服務質素非常之高，雖然顧客都多多要求，但係佢哋落單都落得好快，起菜亦都非常之準確，完全沒有漏單，而且環境非常寬敞舒適

本人訂了酒店 Package 餐廳服務生水準九流 😡😡😡1）佢餐廳係分左右中西餐廳分開門口 , 估唔到接待員的服務真的分得好開,假如你問著個中餐接待員就唔關我事 , 這樣的酒店服務我都係第一次見 🤣🤣🤣2）早餐時間十點開 , 餐廳門外冇人接待,餐廳內有服務員 , 她見到但都冇人出嚟招呼 , 過了時間客人企喺門口等 , 後來入去問可以入得未, 她還說等等 , 我見她還要做埋手頭嘢先正慢慢出來招呼客人 , 這樣的服務比茶餐廳還要差🤬🤬🤬3） 坐下點完餐後 , 我叫他比杯熱水 , 他第一時間說了三聲等等...等等...等等.....比客人嘅感覺他語氣係好煩 😡😡😡4）包下午點心放題 , 其中一樣點心叉燒酥 , 點完一次就話冇 , 稍後我見另一枱客人剛剛入嚟坐我哋隔離 , 他點的叉燒酥就有 , 這樣的叫放題 😡🤬😡總結以後都唔會幫襯垃圾酒店 ❌❌❌❌❌❌❌

同三個朋友一齊食放題，未試過酒店既放題，以為都有一定水準，不過有點失望….大部分都係細細碟，不過試完未有點多次既心態。甜品冇乜味，同埋串燒同天婦羅唔熱…..而沙律系列好普通….不過同朋友一致認為刺身算係唔錯，而主食一人一碟既牛+鵝肝+龍蝦，個龍蝦好乾同硬，比較難咬，鵝肝就唔錯。但係如果酒店放題係咁既話，近$400，我會選擇返出面專食放題既食店比較合理。不過職員服務態度好好，而且訂位既時候都盡量配合你既要求，唔錯唔錯。

.第一次喺酒店食放題🙆🏻‍♀️疫情期間，放題真係會比buffet安全🤭上星期就一行四人試咗六國酒店Le Menu極尚和風任點任食放題🇯🇵呢到汽水果汁任飲，仲會每人送杯白酒食放題當然要食刺身🐠🐟呢到有七款刺身揀，幾新鮮，唔會充滿雪味/未解凍好嘅口感🤭甜蝦同三文魚尤其好食🦐除咗刺身，仲有壽司🍣啲飯唔多，唔洗怕會被塞飽😹呢一餐嘅另一個焦點就係每位食客都會得到一份鵝肝牛柳配龍蝦煎香咗嘅鵝肝油脂爆棚，好邪惡，如果有多士/黑醋配去解膩就更好牛柳唔韌，有肉味，唔錯焗龍蝦🦞超多膏，焗得好香，但略嫌overcooked咗少少其他小食都唔錯，例如串燒、天婦羅等等，最重要係全部都好夠熱，所以味道一定唔會太差🤓有幾樣都印象深刻，燒菠蘿好甜無渣、軟殼蟹天婦羅又香又脆，鰻魚櫻花蝦炒飯有鑊氣，粒粒分明甜品入面我地就最鐘意白玉紅豆抹茶凍同和風抹茶木糠布丁抹茶味唔假，白玉超煙韌，明明好飽都忍唔住叫多幾個嚟食所有野都好細份，等大家可以試多幾款食物～ 滿足！

宅渡假第二餐任食日本放題，餐廳會送一份牛柳，鴨肝，燒龍蝦半隻任飲橙汁， 蘋果汁，可樂，送白酒一杯首先就點選魚生，服務員也會溫馨提示，不要太快點其它熱食，因為都會出得好快，怕D食物會凍左魚生款式包括，（三文魚，生蝦，八爪魚等。。。）魚生都很新鮮之後就會上牛柳，鴨肝和龍蝦牛柳不柴，鴨肝好juicy，龍蝦都很多肉放題包括，沙律，刺身，日式涼菜，壽司/卷物，熱湯，日本小吃，天婦羅，串燒，煮物，廚師精選，飯/麵類，甜品食物款式也非常之多種類，而且每份都是小小份，所以絕對不會太飽嘗試不到其它食物基本上所有食物味道和質素都非常之好而且食足4小時，完全可以慢慢嘆環境寬敞，絕對唔會坐得好迫

新年過後，朋友話想食呢度有waffle + Haagen - Dazs 既Tea , 我一如既往咁輕鬆答應，但係去到餐廳時我驚覺：少年，你太年輕了！😏😏😏 因為佢除咗有Waffle + Haagen Dazs 外，其他全部都係甜品，無鹹點😰😰😰😰😰😰😰😰😰😰😰😰😰😰😰都怪我無睇清楚😢😢 我仲未食晏添嗰日！😔😔😔不過話説返，佢嘅waffle 又真係幾好食，外脆內鬆軟，佢仲要係厚身嘅，我覺得係幾唔錯，而雪糕方面，有4款味俾你揀，你可以一件waffle 揀幾個雪糕都okay，除咗咖啡我無食外，另外三款我都食晒，我最愛都係Green Tea 🍵不過🤣🤣🤣🤣🤣 Waffle 我都食左三件，（1/4 cut 為一件) 除此之外全部都係甜品，有apple crumble , 3.6奶凍等等，我其實都試左個list 一半左右嘅甜品，可惜除咗奶凍外，我真係覺得其他麻麻地。。。😰😰😰😰Well, 埋單百幾蚊，我覺得唔係幾抵lor~~

之後就開始第一餐喇，就是Semi buffet lunch8款菜式選一款主菜，任食沙律吧本人就點選羊扒配薯蓉燒汁，另一款白酒浸星斑魚柳配紅波椒忌廉汁，西式主菜包是日餐湯兩個沙律吧也有很多款式，e. g（沙律菜，蕃茄仔，薯仔沙律，秋葵等。。。）沙律吧會不斷添加，任食首先忌廉湯羊扒，不太柴，也不太騷配上燒汁👍👍👍服務員也會詢問需要薄荷醬料為你加配白酒浸星斑魚柳配紅波椒忌廉汁，魚柳沒有腥味，肉質結實魚柳下還有一堆薯蓉😋包兩杯咖啡或茶整體上半自助餐都算中規中矩，份量都算多

其實我訂呢間酒店staycation就係為左個晚餐 本身對黎嗰晚餐係有絕對嘅好評 因為呢度嘅員工都好好服務尤其是著銀色衫嘅經理我帶住小朋友佢不斷地留意到我嘅需要 未忙時又主動幫我地影相 我地6點就入坐諗住同小朋友一齊就快食快散一開頭覺得刺身同埋其他食物都非常之唔錯 食未到一半就通知佢地個海膽龍蝦可以上 咁佢地回覆係煮緊要等陣 咁我地就一路繼續食其他食物啦 後尾就開始越來越多人但係我相信佢地做得哩個主題都預左好多人 只不過我冇諗到等一個龍蝦要等左兩個半鐘最後我地8點30分先至收到龍蝦上檯 其實期間已經掙扎左好多次好唔好返上房比小朋友訓左先或者叫佢送上房 仲要其實都食到好飽都唔係真正嘆緊隻龍蝦 因為不斷地乾等好無聊就不斷地少少少少咁叫黎食下 最後我用左唔駛3分鐘暴風吞左龍蝦牛扒 之後就通知我地仲有個甜品 收到一個好細小紫薯拿破侖 雖然係好好食但確實又好細粒 其實唔止我地我附近嘅客人都等左好耐有 啲情侶直情等唔到個甜品已經要走最後啲員工叫佢地入返嚟 真係真係好細粒 上檯後我一秒就放左入口就返房 只可以話係美中不足

友人極力推薦六國酒店的staycation放題本來帶住bb都無諗過去staycation但係package真係太抵最平約一千已包2人4小時日式放題仲有芝士龍蝦同威靈頓牛扒cocktails 、拿破崙蛋糕當然仲有一晚住宿真係唔過夜都抵於是決定一解食buffet癮🤪因為唔打算過夜book咗最平嘅房遼闊房景就冇啦但都好少咁樣睇灣仔嘅office景都特別吖食物質素確係中上咁樣包房食放題都係第一次最緊要有大床比bb放電而上菜節奏幾悠閑可能房內枱唔大中場可以餵下奶、訓下覺其實食四個鐘一定夠飽推薦各位咁樣放輕鬆慢慢食都真係唔錯包vip房都無床啊🤪所以我哋覺得幾好

自從肺炎之後，六國酒店lunch由buffet轉咗做semi-buffet，有日突然心血來潮就嚟咗試牛扒，結果發現好有水準🤤最近仲做緊星期一、二買三送一，於是即刻組團同同事一齊嚟鋸扒😋唔知係咪因為呢排先有嘅discount，全場爆滿+salad bar要排隊😱比起我上兩次嚟食大把位揀真係差好遠😂我哋連menu都冇睇就直接叫西冷，我叫medium rare，同行三人就叫medium。🥕🥖先上餐湯同包，分別係甘筍湯同法包。Le Menu嘅湯係走幼滑路線，飲落冇渣，超級creamy，蘸啱啱烘脆外皮完全唔硬嘅法包再搽埋牛油，簡直一流呀😋之後就到主角 - 扒西冷牛扒配賓尼史牛油啦！🥩我嘅medium rare非常完美，食落完全冇筋亦唔會太韌，夠厚兼啖啖肉！反而其他三位嘅medium一個啱啱好，一個過生，一個過熟兼有筋😂，我食咁多次都冇事，睇嚟都好睇彩數😂今次配嘅bearnaise butter都好好食，龍蒿有佢獨特嘅香氣，同埋牛扒一齊食好特別，不過我個人鍾意佢九月出嘅蘑菇汁多啲😝今次仲多個洋蔥圈喺面，都係正常發揮👍🥔佢哋嘅焗薯又係好好食，有得揀煙肉碎、細蔥、mustard同埋sour cream

一個月內去了四遍 Staycation，真是各有動人精彩處，既有親子，又有探討本土情懷，當然有放鬆身心的 Staycation，而今次走訪的六國酒店，套票除了房間及兩位日式放題外，最重要係有 Sake Class。而Sake Class安排於星期六下午，正好checkin後放低行李就上堂。上完堂當然要買枝啱太太飲既清酒，加上酒店可以代為預先冰鎮過，就正好配襯返日式放題。由於是All You Can Eat，總共有五張紙，包含了沙律、刺身、涼菜、壽司、熱湯、小吃、天婦羅、串燒、煮物、飯麵及是日主打的西班牙黑豚肉菜色。先講講Off Menu既「迷你鮑魚撈麵」，只要食放題既客人都會送上一份，細細碗但都有原隻鮑魚，麵條係公仔麵，但個人覺得如果係稻庭烏冬會更感矜貴。沙律先以菠蘿青瓜蟹柳沙律、柚子櫻花蝦沙律及半熟蛋伴魚籽打頭陣，清清味蕾的感覺。其實仲有日式田園沙律及香草蕃茄牛油果沙律，但無可能一次過食太多。刺身種類多，而且質素好，帶子、八爪魚、甜蝦、三文魚、吞拿魚、希靈魚及魚全都點了，用來送清酒一流，又可以無限量追加，正。日式涼菜有芝麻豆腐、日式涼拌海蜇、味付八爪魚、中華沙律、味付螺肉及日式冷麵

唔好食唔係難食但真係唔好食點解呢個旋風黯然銷魂飯會係招牌？個蛋係好薄但係冇乜味亦冇乜口感叉燒乾同埋鞋嘅味道上亦完全冇特別我覺得茶餐廳都整得好食啲😂後面係鮑魚撈出前一丁毫無驚喜同屋企整差唔多兩個餸齋點都要過百對面中餐好食好多冇下次