LAVA Restaurant (已結業)

星期五夜晚度度都咁多人，今次去土瓜灣揾食，果然無咁逼。前菜要咗西班牙火腿，48個月o既黑毛豬，無parma ham 咁肥，入口有濃濃o既鹹香味，同烘香麵包一齊食，好味～西班牙黑毛豬火腿 $280要咗呢支檸檬味啤酒，夠 FreshDamn Lemon $58食完咸嘢，要一支 sparkling water 清清口腔 $40西班牙炸薯粒配溫泉蛋，番茄香椒汁 $65一黎到整開隻溫泉蛋，流啲蛋黃出黎，撈埋d番茄香椒汁 ，酸酸地，辣辣地幾好味LAVA 慢煮牛腩，手工飽，千層腐皮 $62fusion 菜，有啲似肉夾饃，但佢加咗脆腐皮，同d牛腩一齊食，幾得意。西班牙海鮮飯 + 龍蝦 $315食西班牙菜，梗係要食西班牙海鮮飯！唔加龍蝦平 $65，咁當然要加龍蝦啦。龍蝦好新鮮，煎香咗好彈牙。好多海鮮，啲飯好多汁，加咗檸檬更加鮮味。鵝肝金莎黑朱古力$58鵝肝配朱古力，呢個配搭第一次聽。咬落去好凍，口同鼻會噴煙，哈哈！ 要試！LAVA 分子海綿蛋糕配意大利雲呢拿雪糕 $69海綿蛋糕真係好似海綿！（好似廢話） 但真係好似海綿！雲呢拿雪糕仲食到一粒粒雲呢拿雪糕籽，有誠意。環境舒服，適合傾計談心～

前一晚喺屋企食既睇到TBB既飲食節目介紹呢間餐廳，爸媽話好似幾好味，於是我第二晚就帶左佢地去食勒，哈哈！3個人叫左2個dinner set、鹽焗原條魚&西班牙海鮮飯焗龍蝦 share大家食～～西班牙海鮮飯焗龍蝦 $315好大煲熱辣辣好香，飯係金黃色但唔係咖哩飯～ 而係類似海鮮汁既味道，吱上檸檬汁拌抣食更加惹味開胃。飯面放上龍蝦，好有睇頭，肉唔多但厚，亦鮮味彈牙；飯中亦有中蝦、蜆同八瓜魚～蝦大隻多肉、蜆肉肥美、八瓜魚亦夠稔身～～鹽焗原條魚 $148上枱時外層海鹽呈金黃色，鹽蓋打開左露出魚身，魚肉主落一d都唔乾身，食落果然鮮嫩多汁～～ 雖然用鹽焗成，但只作調味，唔連鹽食的話，魚肉一d都唔會咸～ 2個dinner set ($198+10%) x2南瓜湯好香濃，啖啖南瓜溶我鍾意！不過不失，菜新鮮。紅菜頭沙律有紅菜頭、柚子肉、橙肉、walnut 碎、橄欖油～酸酸甜甜好開胃，都幾飽肚。香煎爐魚配藏紅花魚湯 賣相好可愛，好似拆禮物甘！打開後有藏紅花魚湯 浸住香煎爐魚～唔乾又入味，連湯都可以飲埋～但份量比較細，岩女仔食多d。仲嗌左個黑毛豬食，我爸極速食左我連相都影唔切XD 相信質素唔錯！

土瓜灣新開業的酒吧餐廳，今晚特意與友人試試。餐廳環境大又寬敞，座位舒服空間感大，入去感覺好舒服。牆上放了不少手工啤酒。西班牙式炸薯粒。薯粒用上新鮮薯仔切粒，炸得香脆薯香濃郁，上面放上精緻的溫泉蛋，攪拌後，薯粒吸收底下的秘製醬汁和溫泉蛋蛋漿，濕潤帶點香甜，味道層次高，非常香口滋味。荔枝沙冰。荔枝汁加上鮮奶打成沙冰，荔枝香甜清新，味道清香不太甜膩，喜歡荔枝陣陣的果香。西班牙海鮮飯。滿滿都是海鮮的海鮮飯，大大隻八爪魚、鮮蝦、蜆、辣肉腸和不少的蔬菜，飯粒濕潤剛剛好，吸盡海鮮味道，入口鮮甜咸香豐富，海鮮爽口彈牙，鮮甜味道極高。

今日路過土瓜灣，原本諗住去飲下午茶。點知見到呢間餐廳新開，價錢又唔錯，所以就同老婆入咗嚟試吓新嘢。除咗環境不錯之外，員工態度非常友善，食物味道及賣相也不錯。總括而言，性價比非常高。

2個人，叫左1 個set dinner(紅菜頭沙律， 是日餐湯，黑毛豬扒配黑醋洋蔥沙律), 再加1 個香煎辣肉腸配紅洋蔥，車厘茄。餐廳內坐得都幾舒服，仕應都幾盡加介紹食物。值得再試

今日係本人既唔知幾歲既生日, 由於預先知道係九龍城果邊收工, 親愛的就預先幫我book定位於土瓜灣既Lava Bar & Restaurant。門面都幾好feel好適合返工一族happy hour既好去處, 順帶一題隔離舖既酒吧都係屬於同一店主, 主力就飲野為主, lava就西班牙菜式。推介Inedit手工啤 330ml ($58) - 對於女性朋友相對較易入口, 因為麥味冇甘重, 反而帶點果香及花香, 雪到凍冰冰夏天飲一流。順帶一題啤酒杯都係為專飲Inedit而設。紅菜頭, 火箭菜沙律配橘子介末汁 ($52) - 有好多唔同配料, 包括紅菜頭、橙、西袖同埋火箭菜。個sauce幾清新, 加埋水果令人更加開胃。慢煮牛肉包 （$62/2件）本身以為$62得一件，原來有兩件都幾抵食。個包做得好鬆軟，牛肉撕成絲煮得好稔好入味，一咬落去就爆汁，牛味濃！特別既係佢夾岩香脆既腐皮一齊食，口感更佳！意大利原條鹽焗爐魚 （$135）本身以為係泰菜先有，原來有意大利食法。成條用鹽包到好實，廚師好似開盒甘打開左一邊見到魚身。魚肉幾滑又唔會太咸，但近魚頭位置有小小腥、不過整體幾好味。lava分子蜂蜜海綿蛋糕配

放工之後好想獨個兒去relax下，所以去了公司附近的lava bar,位於土瓜灣十分方便手工啤酒$72~我的減壓之選，手工啤酒的特色就是每支也是獨一無二，呢支麥味重，回甘味濃郁set dinner~$198頭盤～紅菜頭沙律，用上火箭菜西柚、橙肉好juice又清新配合橄㰖油和柚子汁酸酸甜甜好好味、開胃前菜蘭度豆湯~西餐中比較常見，但有點似綠豆湯但豆已打成蓉，清清地黑毛豬扒配沙律～溫室沙律，顏色靚之餘仲好特別，非常有心思，黑毛豬的橡木味濃厚，厚切口感更豐富外脆內軟不用配任何sauce也夠曬味分子料理海棉蛋糕配雲厘拿雪糕$69～賣相100分味道也是100分，海棉蛋糕是分子料理味道好特別，雪糕系gelato好幼滑smooth配上馬莉餅碎蛋白脆脆巧得意又脆脆

今日男人生日，知道日頭會陪佢去九龍城，所以一早search定附近有咩好野食，book定餐廳同男人慶生，比我搵到呢間，見d口啤唔錯於是靜靜雞book定枱：p 有空間感令人坐得舒適，而且乾淨整潔～同佢慶生當然要叫返杯酒飲啦～店員推介呢款，果然岩我飲～味道淡淡 麥味唔濃，十分易入口 ，好岩女士飲～ 平時唔飲啤酒既我竟然成杯好快飲晒！ 我要認住呢款啤酒先得！紅菜頭沙律有大舊既紅菜頭、柚子肉、橙肉、walnut 碎、橄欖油～要拌勻食味道先均勻～柚子肉、橙肉帶酸甜好開胃～紅菜頭微甜又健康一向係我沙律首選～48個月風乾 Parma ham 呢個價錢本身覺得比起其他貴左少少，但嚟到之後食入口就覺得物有所值。因為鹹度適中，夠薄身～ 伴碟仲有脆法包多士，比較硬身有咬口。燒豬腩肉呢款唔似中式嗰d大大舊，而係一片片可以食得好斯文～ 皮燒到好脆，伴碟有蘋果蓉、青豆粉、溫室蔬菜，、岩鹽灑喺面。肥瘦平均，唔覺得溜。慢煮牛肉包 $64/2件包係該店自己做，好鬆軟做得好好～牛肉好稔好入味，汁多一咬就溜汁！入面仲夾住脆腐片，好fusion, 味道唔大但好有口感～ $64有2件幾抵食。鹽焗原條魚 賣相金黃好靚，廚師一早將鹽

番工太辛苦，訓完兩個星期酒店搞完一個大比賽，終於可以見下屋企人，決定要對自己好d，於是係姐姐提議下去食一間位於土瓜灣嘅西班牙菜餐廳。餐廳嘅地理位置其實幾方便，過左斑馬線就見到，搵都唔洗搵，同媽媽去到入去坐住等家姐，侍應好好人咁招呼我地坐低。餐廳裝修好有格調，有個半開放式廚房，可以見到廚師係入面製作食物嘅過程，座位都好闊綽舒適，人唔太多，所以好安靜，營造左一個可以坐低飲酒傾心事嘅氣氛。我地叫左個set dinner $198，有沙律，餐湯同main dish，好似幾吸引咁。凱撒沙律蔬菜好新鮮，食落好清新嘅感覺，而且凱撒沙律嘅醬真係起左一個好重要嘅作用，酸酸地嘅醬汁令人覺得好開胃。餐湯係冬瓜湯喺西班牙餐廳飲到冬瓜湯其實都係一件幾新奇嘅事，睇到佢個冬瓜湯顏色好清，但味道一d都唔淡，冬瓜切咗做粒狀，細細粒食嘅時候唔會擘大個口咁不雅。主菜係加拿大黑毛豬扒配意大利黑醋洋蔥暖沙律送上泥個賣相已經好吸引，黑毛豬嘅肉好瘦，帶住少許脂肪，而肉嘅顏色係淡淡嘅粉紅色，食落肉質真係同一般豬扒唔同，有嫩滑嘅感覺。暖沙律有煮熟左嘅洋蔥同小蕃茄，黑毛豬扒嘅味道本身係比較淡，但有洋蔥同小蕃茄嘅配撘，唔會單調。西班牙薯仔

妹妹最近返工趕緊個project，上兩個星期冇返屋企要訓酒店，今個星期終於做完啦，為咗慶祝佢完成左一個咁大型嘅工作，我同媽咪決定帶佢出去食餐好嘅，諗住喺土瓜灣近媽咪返工嘅地方，上openrice揀左一間好似唔係好多人食過嘅西班牙餐廳Lava。其實呢間餐廳嘅地點都算好方便，好多過海車都會經過呢度，但係因為我同妹妹都係係香港島嗰邊返工，都要用成個半鐘先答到過嚟，睇住個天由入紅隧嗰陣係光嘅到到出紅隧變咗黑，果下真係好炆，所以下次我都係寧願搭船或者搭地鐵過左海先至再轉車，雖然係麻煩左啲，總好過係巴士上面坐成個半鐘。餐廳唔算好大，大概有八至10張枱，但係都有三四個侍應，所以佢哋服務都好好，唔會話冇時間理你，一入到去已經見到媽媽坐低左，仲已經叫咗兩道前菜添。紅菜頭，火箭菜沙律配橘子芥末汁$52紅菜頭好冧，應該蒸熟左，好易入口，甜甜地可以鄧返匀火箭菜嘅苦澀味，沙律面頭灑上咗一啲果仁絲，散發淡淡的味道，酸甜開胃既橘子汁，恰如其分作為一度晚餐嘅開首。Lava慢煮牛腩，手工包，千層腐皮$93一set兩個包嘅關係，我哋加左錢要多一個，賣相同埋口感都有啲似喺台灣或者內地會食到嘅肉夾饃，用慢煮方式牛腩保留左牛腩

今日朋友話帶我入土瓜灣搵好野食。平時真係好少入土瓜灣，因為無地鐵唔方便。但朋友食過一次之後,，大讚好味，講到好吸引，就一於入黎試試。可能因為平日，我地夜晚八點到，唔駛等位直接入得。餐廳裝修幾有格調，啱晒情侶拍拖，或者放工黎飲杯野relax下。Menu得一張紙，唔花巧。雖然係西班牙餐廳，但個人認為菜式偏向西式分子而且非常有創意。好多款都好想食!首先我地頭盤點左openrice好多人都有叫既鵝肝金莎。起初以為有兩粒，原來得一粒。Size比普通金莎大少少。佢面頭係一層薄薄米紙，包住一層金薄。切開一半share要有d技巧，因為佢係實心一舊，而外層係硬朱古力，所以要小心搵匙羹護住先好切。入面同真金莎一樣，有原粒榛子，仿真度超高。waiter提我地唔好影咁耐，要襯凍先好食。所以拿拿臨相機食完，就到我地啦~鵝肝texture好滑好滑，就好似純朱古力溶係口既感覺。而鵝肝的味濃郁，鐘意鵝肝既朋友一定不能錯過! 不過個人認為朱古力甜，鵝肝咸，所以食落口感覺有d違和。個人prefer分開兩樣野食。另外叫左另一個頭盤，格仔餅配西班牙芝士加黑毛豬火腿。依度既格仔餅並唔係街邊或者甜品舖食既厚身waffle。佢似餅

約左友人來這裡食飯, 來前睇下其他食友介紹知道這裡提供西班牙菜式為主.位置都唔難找就係大馬路地段. 當日星期三晚上同友人來到真係嚇一跳, 晚上7點除左我地之外只有1-2枱食客真係生意難做.先來女待應介紹我地試下佢地自己來貨既檸檬味手工啤酒, 我同友人都各點一枝.$58/枝味道清淡多無咩酒味似cider酒精度低, 講真我令願飲杯生啤開心D.講真餐牌食物選擇都唔係好多,當晚亦有Set dinner選擇.最後我地決定散叫.點左一粒鵝肝金莎($58)講真價錢又真係抵呀...不過來到我自己就麻麻地入面鵝肝有點腥出面再包層朱古力配埋一齊覺得怪怪, 我個人就不推介.再來就係慢煮牛脾千層腐皮包($62)一客有2個包真心覺得抵呀, 入面牛腩煮到好水淋身一絲絲, 出面個包亦好鬆軟, 可惜成個包最敗筆於個腐皮, 當晚食時個腐皮有輕微油膱味, 如果唔係這一道菜係我當晚十分喜歡!最後我地點左個半隻龍蝦西班牙飯, 份量多我地2個人食盡力都清唔晒,海鮮量多而且新鮮, 龍蝦亦煮得剛好再配埋檸檬汁引出海鮮鮮甜味道. 只係略縑飯身煮得較硬及乾身.整體上小食配搭都幾有特色, 海鮮來貨亦新鮮, 加上人唔太多所以座位亦舒服應該

屋企附近開了西班牙菜，當然支持一吓，新開午市8折(吾知至幾時) 黑豚肉，意大利雲吞下次吧！ 環境舒適，服務不错 至爱龍蝦湯很香。。 這裏海鲜飯和别的有點不同，海鲜飯:蝦肉爽像虎蝦，放了鱿魚粒，龍蝦汁很入味，若然汁複雜一點(多幾種海鲜製造)多一點海鲜便perfect..。厨師擺設很美，增進食慾不大喜歡茶包或選一種有茶味的茶包Bar通常飲酒為主，食物普通，環境差。。改觀了。座位舒適，食物新鲜美味，服務態度都好重要，可考慮多一些小枱，一處用膳好去處

星期5晚同朋友食飯旺區周圍都好多人, 於是朋友就介紹左黎呢間佢屋企附近新開既西班牙菜, 晚上7點幾黎到都仲有空位, 餐廳主打西班牙菜, 亦有好多款酒類供應, 空間感幾大, 而且環境幾靜, 感覺舒服~野食選擇唔係好多, 但有好多款特別既菜式係其他地方無見過既~我地點左慢煮牛腩千層腐皮手工包, 鵝肝金莎, 黑毛豬扒配黑醋沙律, 西班牙海鮮飯配龍蝦同埋分子蜂蜜海綿蛋糕配意大利雲尼拿雪糕~先黎鵝肝金莎, 呢個小食好特別, 係一粒金莎既大小造型, 入面有鵝肝+榛子粒, 再包左黑朱古力皮, 十足十一粒金莎, 食落有鵝肝既咸香加埋朱古力既味, 好特別, 一試無妨, 好特別但就唔係話好好食, Vi好欣賞呢份創意同埋個presentation好令~之後呢個慢煮牛腩千層腐皮手工包就十分推介, 聽店員講成個包連入面塊腐皮都係handmade, 睇落好似中式既面包好軟熟, 入面既牛腩超入味好juicy, d 汁多到流出黎, 夾埋個脆卜卜既腐皮好好食, $62有2個抵食!黑毛豬扒配黑醋沙律亦做得唔錯, 黑毛豬扒成吋厚, 肉質煎得剛好, 顏色粉嫩, 入口好香黑毛豬獨有既香味, 肉質有咬口但1 d都唔鞋, 係有質素

好耐無食過西班牙菜，知道土瓜灣開左間新餐廳，就黎試下。話明係Bar and Restaurant，無奶油唔叫番杯黎飲。呢杯係招牌雞尾酒「Lava Sangria」($78)，用紅酒、生果同7 Up調製而成，上面仲有幾粒藍莓，味道帶甜易入口，係我既至愛。問店員有咩好介紹，佢推介左「鵝肝金莎，85%黑朱古力」($58)，細細既一粒，但層次多樣。面層係食用金箔、威化紙、朱古力，入面係鵝肝包住榛子，碟面再加上無糖朱古力粉同靚靚花瓣，齋睇賣相已經贏晒！一啖放入口，先係朱古力既香甜，接住就食到鵝肝既甘香，估唔到一鹹一甜味道都咁和諧。「炸魷魚配青檸辣椒」($85)，面層香脆，帶點酸辣，十分惹味；裡面既魷魚用椰奶調製過，質感柔軟，點埋沙律醬食，送酒最啱。「LAVA慢煮牛腩，手工包，千層腐皮」($62)，一絲絲既牛腩非常軟腍多汁，旁邊既腐皮經過油炸，脆卜卜，形成強烈對比；手工包同饅頭類似，略帶甜味，好食。食西班牙菜，點可以放過Paella？「西班牙海鮮飯+龍蝦」($315)，龍蝦啖啖肉，其他材料仲有大蝦、八爪魚、蜆、番茄、沙樂美腸等等，非常豐富，飯既味道濃郁，非常入味。甜品推介「LAVA分子蜂蜜海綿蛋糕