LAVA Restaurant (已結業)

位處於土記譚公道的"Lava"，一路是小弟心目中近來其中一所很想去試，很想去嚐的餐廳....這裡是區內絕無僅有主打西班牙菜tapas的bar restaurant，而且店內還有不少頗具gimmick，頗有創意的送酒小吃供應。一場來到，自然要將之一網打盡....既有送酒小吃相陪，又怎能沒有主角 ---- 酒 ?這一支好像源產自本地手工啤酒小廠的出品，酒精濃度比一般的啤酒像是略高 (約6.8%)，喝多兩口後近年酒量越變越淺的我也不禁有點"wing wing哋"。未喝已先呷及嗅到麥香與花香，風味的確頗獨特，入口麥味濃苦味亦重，其aftertaste確係濃烈悠長，是相當的夠勁度....若不是有小友在的話，我是絕對不會在這一類bar restaurant點凱撒沙律的....羅馬生菜片爽脆新鮮；煙肉碎亦不吝嗇地下。缺點乃是dressing有點太稀身太"水"未夠濃郁，而且沙律中亦未有用上脆卜卜的crunton，取而代之竟只是已變淰的法包邊，味道自然遜了一籌也不止....接下來的這一粒號稱作"鵝肝金莎"，的確是十分有綽頭....初時對我們這兩個鵝肝迷來講對這一道小食著實是滿心期待的。而事實上將金莎式的

黎土瓜灣搵野食，其實唔算方便，因為無地鐵但lava 既位置係唔方便之中都算方便，因為係大街巴士一落車，過對面就係叫返杯野飲先，原本想要青檸沙冰可惜今日無，轉左菠蘿沙冰，飲完成個人爽哂連舊新鮮菠蘿都可以食埋西班牙式炸薯仔粒配溫泉蛋侍應好熱情咁主動介紹食法，首先可以就咁食個薯仔粒其實個底係收埋左個蕃茄香椒汁，另一種食法係幾溫泉蛋mix埋個醬汁黎食，味道其實我覺得似墨西哥辣醬不過加埋溫泉蛋既西班牙式食法幾特別，原來薯仔唔一定點茄汁原本想叫個西班牙式香辣虎蝦，但侍應話今日有daily special 係白酒煮法國藍青口，係menu 上無既， 於是改食藍青口青口份量都幾多，配搭少少車厘茄白酒味淡淡地，所以沒有搶過青口既鮮味侍應仲俾埋個兜俾你裝青口殼食完小食& starter，叫返個pasta，蒜香大蜆扁意粉，意粉幾彈口，有咬口，蜆都好鮮甜甜品就要個加泰羅尼亞焦糖燉蛋，係凍食，面層鋪上nuts， 燉蛋好滑好creamy， 呢個我最鍾意

是日經過土瓜灣見到Lava ，門外擺放著餐牌，喺一間新派西班牙菜，於是入內一試店內裝修簡潔，環境優雅，座位舒適，不會太迫😊龍蝦海鮮西班炒飯，用盤上桌，龍蝦、魷魚、大蝦及蛤滿佈飯上，鮮味滲出，賣相已經好吸引龍蝦煎得好香，肉質好爽好味，龍蝦頭重有蝦膏👍🏼，蝦膏好甜好鮮味。大蝦好大隻，新鮮彈牙。飯喺用西班牙米煮成，相比起意大利飯比較焾身，飯吸收晒海鮮味道，再配少許青檸汁，相當好吃☺️慢煮牛腩千層腐皮手工包，有驚喜。牛腩好入味，腐皮卜卜脆

之前假日黎過，居然Full House，今次平日黎同Book定位…環境幾好，平日人唔多，靜靜地。有Set 有A la carte叫，Set 選擇唔多，不過A la carte就有幾多選擇。叫左個Set 加個Dish南瓜湯﹕南瓜味唔夠濃，同埋太水，可以再好一DCeasar: 羅馬菜尚算新鮮，COUTON 太硬唔脆，個Dressing 幾好但係就多左少少，由於羅馬菜原塊上，食起上黎有少少麻煩。Spanish Tortilla: 正路貨，無驚喜，蛋身夠厚，味道偏淡，要自己加鹽。加拿大黑毛豬扒配意大利黑醋洋蔥﹕主角出場，黑毛豬係我至愛之一，但係佢一放上黎就有少少失望，佢切開左一片，呢個對我黎講係最失敗既 Presentation，好多地方都咁做，睇落份量多，以為方便個客唔洗自己切。其實好響塊扒，一切左，已經走左肉汁，未食個樣已經好乾，兼且黑毛豬扒Well Done 左。好彩夠係名乎其實既黑毛豬，肉質口感尚在，如果唔係真係要放棄，浪費左良好食材…可惜！人唔多，服務幾好…食材新鮮，貨真價實，就係處理得唔夠好，無驚喜，以土瓜灣區黎講，有黑毛豬扒食都算係咁！

上個禮拜個best frd喺英國返嚟，聽日就走，今次同佢食好啲餞行，嚟到哩間有西班牙菜嘅餐廳食飯，叫咗碟西班牙炒飯兩個人Share。碟飯真係好大碟……碟飯有蝦，八爪魚，蜆，煙肉，都算足料，啲飯用咗燈籠椒粉炒，所以食落有種甜但帶苦澀嘅味，不過就唔辣嘅，啲飯就炒到唔軟唔硬，而龍蝦就用叉一撩就殼肉分離，個飯我個frd好鍾意食，我就ok la 。女人真係有兩個胃……明明話碟飯好飽，但又可以食到甜品，哩個分子甜品幾得意，一粒粒果啲彩色蛋白好似食風咁，入口即融😂 海綿蛋糕真係好似海綿咁，質感好軟綿綿，而且有淡淡啲蜜糖味，碟面仲有啲瑪莉餅碎用嚟點雪糕食，個甜品幾特別，幾好味。

吃西餐，我總會先吃一道沙律。其一，當然是吃沙律是一道開胃菜，其二，卻是沙律是挺能從細處反映餐廳的用心程度。這個沙律，火箭菜本身具備的芝麻香氣和微辛，配合紅柚香橙等的香甜多汁，綴以少許芝士提味，給我不錯的印象。開胃菜過後，自然是主菜。點了一客西班牙海鮮飯，上有半隻龍蝦。龍蝦肉自然鮮美脆嫩，表過不提。海鮮飯有蝦，蜆等配料，特別的是當中還有著一些檸檬，但吃的時候，其實沒有怎樣吃到酸味，倒是混和海鮮醬汁的味道十分的濃郁芳香。吃海鮮，我的習慣是一定要喝酒。本身就是啤酒的愛好者，叫了一杯mahou。據說這是西班牙銷量最高的啤酒，一嘗之下，口感清爽順口，酒精濃度不高，麥味倒是頗濃，個人感覺還不錯入口。甜品是焦糖榛子配意大利朱古力雪糕。我自己本身不是甜品控，所以也不多評判了，感覺還是挺好吃的。整體好吃度可以上90 分。

呢間BAR餐廳個環境都幾舒服, 燈光柔和, 面積都幾大 空間感強叫個SET, 有沙律🍎🍐🍊🍋,湯🍵同 MAIN凱撒沙律, 我幾鍾意佢個presentation, 做得幾好, 啲生菜好大塊, 咬口好新鮮好爽脆👍, 同埋佢嗰個煙肉嘅鹹香, 再夾埋芝士🧀, 令人回味無窮😋😋西蘭花雜菌湯🍵, 味道有啲似龍蝦湯, 再慢慢去品嚐, 有黑胡椒嘅香味, 而雜菌就已經磨成容 , 飲落去口感 , 幼滑得嚟又香濃👍荔枝味smoothies, 超大杯,都係58蚊,飲落去奶味同埋荔枝味達到平衡，好香滑，超好飲 香煎鱸魚配藏紅花魚湯🐟🍵,用一個牛油紙包住個蝴蝶結紮住, 都幾得意, 一打開, 紅花魚湯香味四溢 鱸魚浸係魚🐟湯裏面, 吸收埋魚湯精華, 魚肉質都幾滑, 係魚湯裏面, 仲有埋青椒同埋青椒, 咬口都幾爽脆👍👍

今日又再黎Lava 不過係土瓜灣嘅分店 呢間同旺角感覺好唔一樣 比旺角 依度多咗種悠閒感 可能地理位置唔方便 相對少人流 都係依種感覺既原因差不多1300到達 店內有少量人客 估唔到有lunch menu $79有餐湯 餐飲 主菜都有七八款 煙肉粒配意大利雲呑 一咬落口 就有濃濃既芝士味 雖不好芝士 但卻感覺佢做得好好食 濃得黎又唔會感覺好heavy 大概有七八粒 配上煙肉 蕃茄 口感好rich 正正正✨海王湯係跟餐既餐湯 你唔好諗住個湯好有cream 其實係近水質多啲 無乜味 唔太特別 都不太好飲 所以只係飲咗少少

黎左間係土瓜灣既西班牙酒bar餐廳~入店内氣氛好好！播著輕快既音樂燈光昏暗帶點情調樓底幾高無壓迫感！而細心留意之下見到d座椅都係帶vintage感既皮座椅！i like it叫左杯enedit~飲落氣泡綿密，之後有陣陣既花果香味道滲出來~口感順滑飲完一枝唔夠喉！再叫多枝手工啤two birds brewing sunset ale~有種熱帶風味既感覺跑出來！飲後after taste有d咖啡香and焦糖既味道！都好特別lava格仔餅配西班牙芝士黑毛豬火腿~賣相好得意一小塊一小塊方便入口！而且真係即叫即整熱辣辣喔~好香脆鬆化！唔會食完之後個口乾爭爭！配左個特色醬食得出有點蕃茄同埋有d蒜蓉味~所以好香口惹味餡料既黑毛豬既咸香味真係好吸引！成件事真係好好食最後叫左個羊架配火葥菜沙津，羊架有3大塊~選了7成熟！9食落0%羊羶味肉質香軟樕滑不需任何醬汁調味都好出色~旁邊既火葥菜亦好新鮮，沒有臭青味！條條都爽脆帶香味~very good!

This is a very special appetiser that can't be found easily else where... with the foiegra pate, mixed with hazelnut and chocolate... getting you in between the angel and devil... You can't expect the original taste of Paella here, but for lobster lover, this is the dish to go as it mixed well with the seafood risotto.After quite a rich taste dinner, we are recommended to try the homemade honey cake with ice-cream, the cake itself could be too much subtle, dominated by the nice ice-cream.   

儍爸約了朋友飯聚，我又帶囝囝囡囡出去食餐好的 土瓜灣除了一些地道食店，亦多了有質素的西餐和食肆進駐 這晚我們就去了嘆西班牙菜 位於大街紅磚牆的店面，好易搵的 店員介紹店內受歡迎的手工啤酒，但是我不太好啤酒又要與囝囝囡囡一起飲 所以點了兩杯不含酒精的 ... Pineapple Smoothie HK$65 和 Lychee Smoothie HK$65 炸到脆卜卜的 ... 炸魷魚配青檸辣椒 HK$85 ... 就啱哂愛香口食物的我們 至鍾意它個醬汁，裡面有點青檸蓉，味道酸酸甜甜帶微辣，點魷魚圈一起食好夾的 LAVA 慢煮牛腩包 HK$62 外面的包好鬆軟，經過慢煮的牛腩軟腍又多汁，配埋帶酸的紅洋葱爽脆又開胃 真是好想食多個 ... 一客兩個真是好抵食 另外，點了一份晚餐 ... 有沙律 + 餐湯 + 主菜 HK$198 可以揀凱撒沙律或紅菜頭沙律，囝囝囡囡不太鍾意紅菜頭，所以揀了凱撒沙律 主菜 ... 加拿大黑毛豬扒配意大利黑醋洋葱暖沙律 厚切黑毛豬扒煮至剛熟，裡面的肉質呈粉色，食落去鮮嫩多汁，肉味濃郁 ** 以上分享是以我的口味、喜好和情況作出分享及感受，一試 /

今日約左朋友過來土瓜灣，經過附近就試一下這間西班牙菜。首先我地點左一客炸薯粒配溫泉蛋，炸薯粒賣相精緻， 上面鋪著溫泉蛋， 上枱時侍應好貼心地告訴我們要將蛋漿同底下的香椒汁與薯粒混和， 才能避免食到底部時薯粒會過鹹。香椒汁味道同BBQ醬好相近， 但係就有辣的感覺，不過這種辣味就非常特別， 有別於一般辣椒醬的辣味，而係一種越食越過癮的辣， 會不斷想食直到全碟食完為止。之後牛腩包上枱時用一個好別緻的木架盛載著， 給予人一種好高級食府的感覺，由於呢個包唔適合放涼之後再食， 所以我地即刻就放入口品嚐，而一咬落去的時候， 牛腩汁就從麵包入面「必」出嚟，配上一條條由牛腩撕成的牛腩絲， 牛味濃郁，再加上表面的幾塊脆卜卜的千層腐皮， 再配上兩小片浸過醋的紅洋蔥，配合得天衣無縫，令人食慾大增。藏紅花魚湯被包裝成一個禮物包般，賣相好靚， 上枱時就好似拆禮物咁，打開之後有一陣香味，湯入面有4塊爐魚， 爐魚皮好明顯被煎得好香脆，但由於浸住藏紅花湯的關係， 所以魚肉並唔乾身，至於魚湯就好濃綢， 但勝在配上了小黃瓜同洋蔥粒，正好配合並中和了魚湯本身的味道。最後奉上的是龍蝦扁意粉，龍蝦肉好大件、鮮甜結實， 意粉配上龍

放工有事去開土瓜灣，人生路不熟。行下行下就0係路邊比呢間小店吸引到。小店門面唔大，但好有格調。一入去就受到店員熱情既招呼，非常溫柔既笑容，熱切地招呼我地入座。坐低周圍望下，店內裝修都係好有格調，睇得出店主對生活有要求。餐牌好簡單，只有一面，有大概二十多款食品，但每一樣都好有特色。我地兩個人點左三樣野食：慢煮牛腩·手工包·千層腐皮，西班牙海鮮飯，意大利原條鹽焗爐魚。《慢煮牛腩·手工包·千層腐皮》手工包令我地非常驚喜，賣相已經好靚，擺碟好細緻好有誠意。慢煮牛腩質感好特別，煮到好唸，而因為慢煮多小時既關係，非常入味，每一小塊肉絲都充滿住濃厚既肉汁。為左增強口感，店主仲加入左少量烤到脆一脆既薄薄碎腐皮。最後到麵包，手工包真係食過返唔到轉頭，人手打既麵包好實淨，好重麵粉味，口感一流。成個配搭，完全無可以挑剔既地方。從未試過甘樣大讚一道菜，但佢的確係我食過最好食既一個包。《西班牙海鮮飯》呢鑊飯一上枱，我地都打個突，甘大個飯既，3-4個人都夠食。海鮮都好多，非常足料，海鮮係滿滿甘鋪滿飯面。而飯底都好出色，慢炒令到粒粒飯都沾到醬汁，好均勻。火候方面都係十分出色，飯粒炒到剛剛好乾身，有咬口但沒有飯焦，而

好久沒有吃西餐了，就在這個秋涼開始的九月，決定來這裡吃一餐西餐。這裡主打的是西班牙菜，其實西班牙菜主打是甚麼，我也不太說得上來，到的時候，也是看自己看哪些可能好吃，便點了。其中不乏很多很創新的菜式，例如有鵝肝金莎，黑朱古力。又或牛腩手工包等。抱著貪新鮮的態度，便專叫了這些新奇的菜式來試，沒想到到最後的味道都還不錯。首先就是頗讓人驚奇的鵝肝金莎，除了鵝肝外，朱古力用上了85度的黑朱古力，單靠名字，確實很難想箇中滋味。其實其口感是偏為軟滑的，吃落的時候，一開始較濃的是黑朱古力的香味和微微苦味。再來才是鵝肝的肥美滋味，在香醇之中帶著點點油香，飽滿感很高。接下來的主食，就是慢煮牛腩手工包。牛腩的感覺是很細的，沒有了平時外出吃牛腩大口吃肉的感覺，卻多了不少柔軟細膩的口感。腍軟多汁而香濃，有點香料味道。手工包軟熟不說，帶有淡淡的麵包香，和牛腩的配合甚是不錯。這道菜，應該會較為合香港人的胃口。吃完兩道，其實肚子已經很飽，但最後還是要吃甜品。甜品，我選了一個加泰羅尼亞焦糖燉蛋，是比較保險的選擇。這個焦糖燉蛋卻是以小瓶相盛，和坊間一般吃的挺不一樣。燉蛋表面鋪滿了一些果仁，甜酥脆香，底下的燉蛋嫩滑絲甜，甜

今晚與媽媽吃飯，預祝開學順順利利，地點選擇土瓜灣一間西班牙餐廳。餐牌選擇不多，但菜式非常吸引。蒜香大蜆意粉。蜆肉非常鮮甜嫩口，入口陣陣蜆香，味道清甜鮮香沒有沙，意粉彈牙味道帶點微微辣味，愈吃愈滋味。西班牙薯仔奄列。一碟四件的蛋餅，煎得蛋味濃郁香甜，味道較淡蛋味突出，入口不算濕潤有點乾身，但是薯香濃郁香口，味道也不錯。西班牙燒豬腩肉等了二十五分鐘終於可以食，即叫即燒等候時間較長，豬腩肉外脆肉嫩，外層烤得脆卜卜，肉質非常鮮甜嫩滑，加上蘋果蓉更是少一份膩感。