LAVA Restaurant (已結業)

上個禮拜個best frd喺英國返嚟，聽日就走，今次同佢食好啲餞行，嚟到哩間有西班牙菜嘅餐廳食飯，叫咗碟西班牙炒飯兩個人Share。碟飯真係好大碟……碟飯有蝦，八爪魚，蜆，煙肉，都算足料，啲飯用咗燈籠椒粉炒，所以食落有種甜但帶苦澀嘅味，不過就唔辣嘅，啲飯就炒到唔軟唔硬，而龍蝦就用叉一撩就殼肉分離，個飯我個frd好鍾意食，我就ok la 。女人真係有兩個胃……明明話碟飯好飽，但又可以食到甜品，哩個分子甜品幾得意，一粒粒果啲彩色蛋白好似食風咁，入口即融😂 海綿蛋糕真係好似海綿咁，質感好軟綿綿，而且有淡淡啲蜜糖味，碟面仲有啲瑪莉餅碎用嚟點雪糕食，個甜品幾特別，幾好味。