L'AMOUR

平時行開行埋都唔知原來有呢間法國餐廳，因為餐廳大門設計比較神秘，門外人係睇唔到入面嘅一入去就見到好大盞水晶燈，配埋磚紅色牆身都幾高貴✨最後我哋2個都揀左set lunch，睇返要咩主菜價錢會唔同，套餐包前菜、餐湯、主菜、甜品、飲品。前菜 - 蝶豆花木魚清湯，鯛魚刺身顏色好靚，魚有3-4片左右，食落幾特別前菜 - 波特酒釀葡萄，法式鵝肝凍好清新嘅前菜，幾款水果配creamy鵝肝凍，鵝肝凍有淡淡鵝肝香味👍🏻餐湯係南瓜湯，上到嚟熱辣辣好暖胃，南瓜保留粒粒南瓜蓉好有咬口；蒜蓉包好香脆，如果大塊少少就好喇😆😆飲品揀咗個好特別嘅cocktail，叫Rose($128)。好特別嘅presentation，拎到埋嚟係有個波波，入面有啲香氣，好有少女心😍😍不過美中不足係拎過嚟嘅時候已經爆咗😂好彩靚靚職員幫手整過個🥰🥰另一杯係Sexy on the beach($98)，賣相靚，易入口，有好香橙味主菜 - 慢煮西班牙黑毛豬鞍，焦糖蘋果($368)擺盤精美，豬鞍唔會過老有油脂香；蘋果淋上焦糖，火槍有輕微燒過，夾埋肉一齊食都唔錯主菜 - 傳統法式鵝肝牛柳($480)擺盤好似園野森林咁，好有心思，令人忍不住要影

到達門口時感覺非常神秘～按門鐘稍等一會，便會有店員過來開門給你，打開門便看到非常華麗的內部裝修，給人一種既神秘又高檔的感覺呢！【時令海膽刺身多士】擺盤非常漂亮，海膽味道濃郁，非常清甜，一啲都唔腥！而且份量絕對唔係hea你，海膽量多，唔係一小片咁～推薦！非常有驚喜～掋食，會想再encore！【法式龍蝦沙律】最高嗰層係龍蝦，中間係鮮芒果粒，下面底層有藜麥～龍蝦係預先煮熟好放上面，配搭甜甜嘅芒果好香無渣一啲都唔酸，藜麥有些許調味過，整體配搭新清，可作為開胃菜。【威靈頓牛柳】10分10分10分非常推薦！真係好少食到咁高質嘅威靈頓牛柳，唔好睇佢細細舊，但係份量非常適中，食完係飽，而且仲有薯仔做配料。叫左5成熟，牛中間係有粉嫩色，但係唔會有血水，咬落去一啲都唔un，非常嫩口～好好食～【烤焗紐西蘭羊架】羊架焗得不錯，叫左7成熟，不過個人認為5成熟應該會更加好食～羊臊味唔算好重，近排天氣轉涼左，秋天嘅時候食特別溫補～【Cocktail - Dream】上菜嘅時候係一大個夢幻氣泡喺隻杯上面～然係就會如圖咁化為氣體，打卡一流！隻藍色好靚～酒味不太重，有淡淡的蘋果味，易入口適合酒量不太好的我，哈哈～【Coc

L'amour距離太和地鐵站10分鐘路程，而餐廳對出亦都有個大既咪錶位停車場，揸車黎都非常方便餐廳正門採用霧化玻璃設計，間隔街道既煩囂，而室內運用高酒櫃及水晶燈照明，非常有格調餐廳擺盤非常講究，打卡一流。而菜單有非常多種鵝肝菜式，係鵝肝控必到既法式餐廳！法式美食推薦： Appetizer⚜️🪅時令生蠔: 特級新鮮🪅波特酒釀葡萄·法式鵝肝凍: 青葡萄加酒再加鵝肝凍，非常搭配🪅特級魚子醬多士: 一pat魚子醬，不得了🪅焦糖法國鵝肝撻: 香脆酥皮，熱辣辣上菜，勁多鵝肝，味道超濃，鵝肝控必點！🪅蝶豆花木魚清湯·鯛魚刺身: 味道清新鮮甜 Main Course⚜️🪅傳統法式鵝肝牛柳(五成熟): 鵝肝入口即熔，牛柳勁厚，好有肉質，勁有口感🪅法式忌廉鵝肝扁意粉: 忌廉意粉加上鵝肝一啲都唔會溜，仲昇華左成碟意粉味道 Drinks⚜️🍹Mocktails - Bubble bee: 底係果醬，面有果肉，非常鮮甜🍺Draught beer - L'amour: signature beer，較清甜，易入口 Dessert⚜️🍰Tarimasu: 順滑口感，超creamy

之前聽過大埔開左間高級法國餐廳，口碑唔錯，今日終於過咗嚟試，果然沒有失望。間餐廳地理位置其實唔難搵，不過由於門口好低調隱敝，可能要花少少時間先搵到個門口😅裝修咁特別，自然食物都好有心思。我哋點了一個set dinner,好豐富，有：法式濃湯係海鮮湯，超足料，啖啖都食到海鮮，超級濃！前菜係刺身，新鮮而且味道好特別！魚子醬多士魚子醬份量都唔少，上面仲有金箔，賣相好吸晴！鵝肝撻呢個超好味，大大件鵝肝係個酥皮撻入面，好香口，有入口即溶嘅感覺！主菜可以自由選擇menu 上其中幾個main course ,我哋揀左威靈頓牛柳，一分錢一分貨！靚料不在話下，烹調方法令個牛更加出色！我哋另外點左北海道松露帶子薏米飯而家興生同飲食唔食碳水化合物。薏米飯好有質感，加上黑松露creamy 滑溜的醬汁，有少少似食緊意大利飯但口感更佳更健康！全部菜式都超吸晴，又睇得又食得！推介黎fine dining!

本來做定功課諗住同朋友慶祝生日，特登搭車過嚟可以食餐法國菜。點知未去到前菜都已經覺得出咗事由法國菜變咗連普通西餐廳都不如嘅味道。而最慘嘅就係你係比法國餐嘅價錢食普通西餐廳都不如嘅質素而且仲要係喺新界嘅地區食。個鋪租已經同中環尖沙咀嗰邊有分別，理應食物質素係可以提升，但係事實完全唔係咁！真心希望餐廳同店主睇到可以好好咁改善唔好再令有心過嚟嘅客人大失所望！唯一可以讚嘅，就係門面做得好好，而且食物嘅擺設都有心機，只不過食嘢就係要食個味道同埋質素以及新唔新鮮，但呢啲最基本嘅都冇辦法提供到。

今日同女朋友慶祝紀念日，特登搵咗一間位於大埔嘅西餐廳，有酒店廚師打理，水準都有返咁上下——————🐽 巴哈馬火腿卷火箭菜，水牛芝士首先叫啲健康小小嘅前菜，巴馬火腿味道濃郁，卷住火箭菜一齊食感覺好清新，配埋水牛芝士有好 creamy嘅感覺🐽 焦糖法式燉鵝肝，鵝肝焦糖蘋果批焦糖鵝肝一定要叫，鵝肝醬配埋面頭嘅焦糖脆脆加埋自家製焗餅乾，每一啖都好滿足；而鵝肝多士亦都好正，鵝肝入口即溶，同蘋果批一齊食中和左鵝肝嘅油膩感🐽 自家製蟹餅配檸檬忌廉汁蟹餅炸到外皮好脆，咬落入邊嘅蟹肉亦都好多，配埋檸檬忌廉汁一齊食好開胃🐽 威靈頓牛柳一道難道好高嘅主菜，但呢度嘅出品水準出奇地高，酥皮包住巴馬火腿再用蘑菇蓉包實牛柳，食落味道層次好豐富，牛柳5成熟嫩口得來牛味亦重

今日朋友生日,特登入大埔同佢食餐飯慶祝一下,問咗幾個住大埔嘅朋友都推介我去呢間餐廳酒吧食飯,佢哋話食物質素都幾好,氣氛又唔錯,所以我地去試下。L,'AMOUR ,餐廳環境好有格調,氣氛令到我有好放鬆嘅感覺。最適合同朋友喺度傾下計,食啲嘢。首先點咗兩杯酒,Rose ,cocktail望落去都好特別,上枱時有個氣泡最適合打卡,睇住個氣泡爆破慢慢滲出一陣輕煙 ,入口味道都唔錯,唔覺有酒精,加上有荔枝味甜甜地,真係好好飲。龍蝦沙律,材料非常豐富,而且顏色亦都相當吸引,望落去就好是一件藝術品。龍蝦肉爽口彈牙味道鮮甜,配埋各種新鮮嘅蔬果令到鮮味更加突出,食完個沙律真係好開胃。烤焗紐西蘭羊架,羊架size都好大件, 入口羊肉味香濃,肉質仲係好鮮嫩嫩滑,有少少脂肪,最先食到淡淡的羊肉香味再嚟就係油脂嘅香味。忌廉加拿大海膽扁意粉,賣相相當吸引,一大片新鮮嘅海膽放喺意粉上面,見到已經流口水,海膽嘅味道好鮮甜,而且鮮味已經融入咗意粉入面,每一啖意粉都食到海膽嘅鮮味,加上忌廉香味,意粉味道好有層次,值得一讚就係意粉軟硬度適中,唔會太過淋,好有口感。

今日同女朋友黎到大埔搵食見到呢間西餐廳裝潢有格調，氣氛好好就帶女朋友入去嘆下餐牌好多選擇，豬牛雞海鮮都有有好多款鵝肝菜式，岩哂我口味亦有套餐，好經濟實惠時令生蠔生蠔好新鮮，味道鮮甜帶有海水味，鹹度剛好自然口感好爽，完美的頭盤芝士黑松露薯條薯條炸得香脆，做到外脆內軟既口感配上黑松露好香口，食到停唔到焦糖法式燉鵝肝鵝肝燉成膏狀再加上焦糖好似食緊焦糖燉蛋但係味道係滿滿既鵝肝配上麵包平衡返油膩咁俾到驚喜我，必點！帶子黑松露薏米飯薏米飯口感同米飯相差不遠但更健康，可以放心大口大口食黑松露好足料，每粒米都沾滿左，好惹味帶子彈牙鮮甜同薏米飯好夾Mojito，Russian咁chill既環境又點可以無酒調酒好高質，好順喉不能錯過

同女友人入大埔專登試下呢間隱世法國野，就咁睇門面，唔講都唔知係餐廳！
只要㩒一㩒鐘，職員開門，入面嘅環境就一清二楚，呢個設計非常好，可以比客人有驚喜之餘仲提升私隱度。
我刻意唔影相，等你都可以有我體驗到嘅驚喜。


今日第一道菜就先嚟咗 半打法國蠔。
蠔好新鮮，淡淡海水味又唔會過咸，而隨碟上嘅海鮮醬都好夾，值得一試。

第二樣係 魚子醬溫泉蛋沙律
我覺得呢個沙律個靈魂係隻溫泉蛋到，一定要確保個生熟程度啱啱好先至可以令成道菜昇華，而廚師確實係完美呈現在溫泉蛋應有嘅口感，亦同魚子醬同三文魚籽做到無縫配搭

第三樣就嚟到主食嘅 忌廉法國海膽薏米飯
我自己就畀呢個飯完完全全俘虜咗，原因係佢每粒飯嘅口感都可以做到好「煙韌」，而海膽又非常鮮甜，一碟真係完全唔夠，勁想叫多碟外賣比男朋友試下，但都係下次帶佢嚟試埋其他菜式。

最後一樣亦都係今日主角，威靈頓牛柳。
作為無牛不歡嘅我，威靈頓牛柳係我必選嘅食物，因為佢外脆嘅酥皮配上肉汁豐盛嘅牛柳，確實係好難有其他牛嘅菜式可以挑戰到佢嘅地位。而L'amour嘅呢份威靈頓牛柳亦係無所挑剔，牛柳粉嫩，酥皮外層酥脆，配埋其他配菜，真係可以為我呢個晚餐畫上一個完美嘅

L’amour 無可挑剔的高級法國餐，每道菜似為食物著上盛裝禮服般精緻優雅。🥖前菜小食✨海膽多士海膽肉厚油潤，帶海水鹹鮮。金箔點綴，盡顯高貴。🧆主菜擺盤太用心太美麗了🥰色彩斑斕的食用花，羅勒香草扮演的盆栽，像在花園用餐一樣，使人挪移不開目光欣賞。✨ 黑毛豬鞍焦糖蘋果黑毛豬肉質緊致彈牙，豬肉清香，一點騷味也沒有，很喜歡這道主菜沒有太複雜的醬料。✨威靈頓牛柳法國藍帶經典菜式。牛油酥皮外層脆身又鹹香，夾住五成熟牛柳恰度好處。伴碟薯蓉有牛肉汁香味，不簡單。🍨甜品✨焦糖蘋果配雪糕蘋果每片薄如紙，盡顯大廚刀工，焦糖脆和水果粒覆蓋蘋果片上，加上香軟果仁雲呢拿雪糕，非常美味。🍸飲料✨Mijito 有想起杰倫的歌嗎？🎶「麻煩給我的愛人來一杯Mojito ，我喜歡閱讀她微醺時的眼眸 」入口舌尖先受梳打氣泡衝擊，接住感受到薄荷葉青檸的清新🌱，After taste再有白酒陣陣的苦澀，非常有層次👍🏻✨Sexy on tree 由於酒量淺，調酒師貼心推介這款無酒精飲品☺️由甜甜的蘋果汁、果蓉、桃紅色果醬調配果汁上有霧氣煙泡泡，泡泡爆破一刻，煙霧瀰漫，撲鼻而來濃濃果香。無論顏值造型，真係激發姨母我既少女心🤣💕🍽環境

-法國菜係一種我幾鐘意嘅用餐體驗，精緻同慢活嘅節奏，但係法國菜通常都好貴，所以好少食🙈 今次終於比我搵到間價錢可接受、食物又高質、坐得又舒服嘅法國餐廳😍😍😍-😋 蝶豆花木魚清湯+鯛魚刺身 ($188)👉🏻 個湯一飲落去就係日本熟悉嘅味道，鹹鹹地，好鮮甜！👉🏻 鯛魚刺身原來係放埋落去，開頭以為係另上😂 鯛魚味道本身比較淡，配住啲湯黎食味道會更出，好特別☺️-😋 時令魚子醬+巴馬火腿+杏仁+餅乾拼盤 ($388)👉🏻 我人生中第一次食魚子醬🤤🤤 搭配餅乾黎食，係鹹得黎又香甜嘅味道！超正！！！魚子醬份量好足夠，基本上食曬餅乾都仲有剩😂👉🏻 下午茶時間同朋友黎飲下酒，食呢個小食應該幾有feel🥰-😋 烤加拿大海膽多士 ($68/pc)👉🏻 除左係日本，好耐無見過咁大舊海膽啦！仲要係勁鮮甜，同日本食到個啲差唔多，多士烤到脆薄薄薄，每一啖都配合住滿滿嘅海膽，一定要再encore！-😋 威靈頓牛柳 ($398)👉🏻 值得一讚嘅係，侍應會等你完成小食部份先上主菜 (香港好多餐廳係一次過上矖🙈)，所以我地食個陣仲係熱辣辣，牛柳叫左7成，岩岩好，牛味好重好香👍🏻👍🏻👍🏻-😋 Pink Lady ($118)

今日朋友約咗我嚟呢間L’AMOUR食西餐，太和火車站行過去都唔算太遠，食完行去大埔超級城都好方便一去到見佢哋門口用霧化玻璃，外面睇感覺有種神秘感，入面用餐就覺得私隱度高，會好享受嗰種氛圍情調L’AMOUR無論食材、內在環境&裝修、格局同服務等等完全都係酒店級數，真係好難想像會喺太和呢個低調小區會出現呢間L’AMOUR高質西餐餐廳隻杯同張餐杯都印埋L’AMOUR名，真係好靚House White (4/5)如果中午食西餐，一般都會選擇白酒，所以我哋兩個都點咗House White試吓，都唔錯，果香味濃，容易入口，亦都非常開胃烤加拿大海膽多士 (5/5)首先嚟咗份小食，我哋點咗三件海膽多士，下面件多士煎得好香脆，再加上海膽味道鮮甜。海膽有啲raw嘅感覺加埋下面煎到脆卜卜嘅多士，放入口個口感好特別，味道都好有層次呢度嘅餐碟都用LE CREUSET泡沫龍蝦湯(5/5)食完小食，跟住隨即就嚟咗份龍蝦湯，碗湯非常濃味，亦都相當滑身，味道好rich龍蝦肉都唔算少傳統法式鵝肝牛柳(5/5)鵝肝入口即溶嘅感覺真係超正，夾埋牛柳煎到油香味好出，聞到都已經流曬口水🤤，食落質感真係一流，鵝肝嗰種軟加埋牛柳有啲

平時話隱世，係話佢難搵，今次既隱世，係哩間高級法國餐廳完美咁隱藏左係茶記附近😂 餐廳門口仲好高私隱度，禁門鐘先有人開門。睇返Lunch menu 有散叫同套餐，我地今次就散叫，叫左兩個小食、兩個主菜同兩杯House Red巴馬臣芝士黑松露薯條（$128）份量好大碟，仲有大量黑松露！薯條剛炸出黎仲熱架，但一啲都唔油，dip個sauce都好好食，難怪佢係主打！烤加拿大海膽多士（$68/pc)係 滿 滿 既海膽！上面仲有金箔！食落口係滿口海水味，超fresh有啲後悔唔叫三件（$198 /3pc)慢煮西班牙黑毛豬鞍.焦糖蘋果（$258）豬鞍係豬既背部，它有一條大骨，上面有塊圓身的肉，肉質嫩滑無筋。而咁大塊豬鞍都煮得好鬆軟，味道又濃。個蘋果蓉sauce既濃度剛好，唔會太稀掛唔到汁，又唔會太濃喧賓奪主！傳統法式鵝肝牛柳（$398）一上菜，啲鵝肝油仲滴緊落黎，浸滿成塊牛，牛本身都有好牛味，浸埋鵝肝油脂，真係超香！兩杯house red ($58 per glass)價錢合理，紅酒味道偏dry，啱我口味除左食物，餐廳服務都高水準，我只係好細聲同男朋友講左想要佢個牛扒sauce，侍應只係路過，一聽到都問

經營一間餐廳可唔可以做得長久，當然要睇吓食物嘅質素同埋服務，Lamour 我耐唔耐都會幫襯下，因為性價比真係幾高，有時朋友生日飯都會喺度慶祝，想近近地飲嘢有啲 Feel 傾吓計又唔想去咁遠，呢度滿足到我嘅需要。日本時令生蠔 ($288/6件) : 呢度嘅生蠔好高質，所以我都推介俾朋友食，所以叫咗每人一碟 😋 另外再叫咗杯白酒。焦糖法式燉鵝肝 ($198) : 甜甜脆脆的焦糖下就係味道勁濃郁嘅鵝肝燉蛋，用麵包整成花朵形狀，真正嘅睇得又食得，朋友超級鍾意呢款菜式，鍾意食鵝肝嘅朋友一定好鍾意。蒜片辣椒蟹肉扁意粉 ($178) : 意粉蒜香味道濃郁之餘帶少許微辣，而且口感煙煙韌韌，食落相當唔錯。 香煎北海道帶子黑松露薏米飯($198) : 黑松露醬非常香，北海道帶子就輕輕煎過，所以口感鮮嫩得嚟帶啲脆，而且用薏米代替意大利米，食起嚟更健康而且更有咬口。

有問題地方：1>book左9點，8:55分到，要等到9:25分先有位，禁我book黎做咩？佢有得比我地係餐廳入面等都係禁話！2>我去洗手間，行到半路職員同我講話洗手間有人，叫我返去坐坐先，轉頭個人出黎會叫我，點知個人出左黎等左5分鐘左右到有第二個人入左去都無叫我！姐係點？歧視我？到第二個人出黎先慢慢走黎叫我去=_=食物方便：外觀係靚嘅，味道就真一般！還境：個酒櫃燈光同個吊燈係靚嘅！但係有個缺點，睇餐牌會好辛苦！價錢：兩個人叫左兩個晚餐sets$1500計返佢質素嘅話，我覺得佢值$1000禁上下