Lady M

营业中

休息中

係尖沙咀返工，次次經過都見到好多人排隊，一開始唔知係咩，點解排隊咁多人，之後聽同事講，先知原來係Lady M，聽聞有香港限定口味，咁經過見到冇人排隊，試一次，買左玫瑰同埋自己最鐘意嘅士多啤梨千層蛋糕！叉係幾靚嘅，千層皮很薄，甜度適中，食左一個都唔會齁，75蚊一個，飲品都幾便，環境開放式，經過嘅朋友可以試下

終於約到我港女 朋友1號黎Lady M 潮聖！雖然我地跟潮流的tempo已經有些少脫節😂但女生不論什麼年紀，女生與女生之間仍嚮往Afternoon Tea ～～我們享受著一邊呷杯花茶，一邊食件靚cake，chit chat 一個下午。Lady M 來自美國，以千層蛋糕及芝士蛋糕聞名，吸引眾女生的青睞！哈哈，港女afternoon tea 當然相機食先！今次我地分別叫了伯爵茶千層蛋糕（$75），抹茶千層蛋糕（$75）及士多啤梨千層蛋糕（$75）。人氣甜品伯爵茶千層蛋糕夠鬆軟，每一口帶有茶香，入口夠香滑，略嫌咪道偏甜！所以我喜歡選擇花茶來中和蛋糕的甜膩～我個人較喜歡抹茶千層蛋糖，甜度適中，抹茶夠香醇細緻，每切一口，口腔仍留下清幽的抹茶香味。雖然$75 一件千層蛋糕不算便宜，但Lady M 的千層蛋糕確實出色，味道有層次，夠鬆軟香滑，亦值得一試！

Lady M, 港女至愛。我也很喜歡，因為本身很欣賞千層蛋糕。以前吃過綠茶味、伯爵茶味，覺得很有改善空間。由於Lady M的千層蛋糕有多款味道，所以我在好奇心驅使的情況下會不斷嚐試。今次我試的是玫瑰味及原味。原味是好味的，不愧是no.1的原味！玫瑰味除了外觀之外，味道會是如何呢？。。。。。。。。。。。。今次的玫瑰味比之前的茶味系列有驚喜！我會說玫瑰味做得與原味一樣出色！推薦各位Lady 和 Lady的男性好友或男伴一起吃，滑溜的千層蛋糕加上花香的味道＝匹配！

時間：星期日 6pm人數：3原本想坐低食，但太多人等位，都係外賣算。<< 食物 >>伯爵茶千層蛋糕 $75Earl grey mille crepe 甜咗啲。不過真係好香伯爵茶味。好滑。玫瑰千層蛋糕 $75Rose mille crepe (HK exclusive)好清新。法式芝士蛋糕 $68Gateau Nuage 質地軟滑。自己食哂一件都幾漏，建議兩個人分一件。<< 服務 >>分工仔細，一個收錢 + 吸“貨已取”印，一個拎蛋糕，一個摺盒 + 擺蛋糕入盒。蛋糕好快準備好。<< 環境 >>好多人，坐滿。有約十個人排緊隊。白色裝修幾靚幾清。不過冇間開餐廳範圍，較公開，路過途人會見到哂。

工作忙，壓力大就會想食甜品，既然係食，一定要食好的。行開海港城，緊係諗起Lady M。唔想排長龍等位，強烈建議大家買外賣，買一件都有乾冰，行去海邊望住維港食，好幸福呀。今次食原味，蛋香，忌廉仲香，貴少少都值得。但一個人食一件其實都幾飽，食完晚飯都食唔到

如果不是有台灣朋友來，相信不會試⋯還是她告訴我lady m很火. 我們點了earl grey, rose同green tea 既千層蛋糕，rose是比較特別的和好味，earl grey 有點失望，綠茶都沒有驚喜...名大於實.至於飲品，還是算了吧，rose latte 無味...此店應該食樣！雖然賣相沒覺得很美, 但味道更一般...坦白說這價錢算貴，地方都只是臨時搭係商場中間，銅鑼灣店地方靚d⋯⋯幸好是平日不用排很久，而且朋友滿意就好了

原本打算去铜锣湾总店的，据说只有铜锣湾是独立的门店，那天已经到了铜锣湾店准备排队了小伙伴突然身体不适所以还是改到第三天逛海港城时来拔草啦。工作日下午3点多排了10分钟的样子，在商场中庭，中间有一圈沙发座还不错，灰色丝绒质地，桌面是大理石纹，还不错。原味千层蛋糕 68元，表层的蛋皮焦焦的，奶油很细腻，层次很丰富，好吃~伯爵茶千层蛋糕 75元，茶味馥郁芳香，口味蛮独特的，推荐哦没有点饮料，附赠的柠檬水也很不错，很清爽。看到店员切片时，切一刀擦一下刀，可能防止奶油黏连，细节还是很不错的~ 口味确实很棒，价格略贵，有机会再来尝尝其他口味

Lady M 相信好多女仔都聽過呢個名，而我都聞名已久，今晚一於試一試。點知一黎到，枱既數目唔多，同埋又坐滿左人。結果，同幾個女仔排隊買外賣，買出去尖咀海旁食。魚，想食玫瑰千層蛋糕，但已經賣曬啦。結果，揀左原味千層蛋糕﹑伯爵茶千層蛋糕同埋栗子蛋糕。千層蛋糕既口感又幾好，食到有好多層，而且啲cream唔漏伯爵茶千層蛋糕既茶味又幾濃喎栗子蛋糕比千層蛋糕更cream所以，港女cake其實又真係幾好食，唔怪得咁多人排隊買啦。下次要坐係入面嘆

每逢星期日都會出去行下街 今次就去咗尖沙咀嘅海港城 行咗一個鐘多啲已經開始攰啦 所以就搵個地方食下午茶 遠處已經見到人山人海嘅lady m 於是就去咗排隊食蛋糕排左20分鐘左右就有得入去啦 一坐低就即刻order左兩個蛋糕 一個係伯爵茶千層蛋糕 一個就係綠茶千層蛋糕 嘢食一嚟到嗰刻已經流晒口水 不過都係相機食先伯爵茶嘅味道好有清香味 然後食落去嗰一刻口感一流 非常鬆軟 不過可能因為入面太多cream 食左一半已經有d漏 不過都好滿足

七十多元一件蛋糕實在奢侈，適逢生日就決定當作生日蛋糕，享受一次這被譽為紐約神級的甜品，先付款後上餐的形式很方便，地方闊落環境優雅，很適宜兩女孩談天說地，照片拍出來也特別美！📸👯當天和友人14:40到達🕝，排隊約50分鐘後終於有位，一入座馬上到櫃面點餐，點了三件不同味道的千層蛋糕🍰，和兩款飲品🍵。蛋糕和飲品上齊了，這畫面太棒了❣️光看著就一直狂拍照，捨不得吃掉。由20層薄薄的班戟皮，再在每層均勻的塗上忌廉做成，Lady M的千層蛋糕是美感與手藝並重，又是完美層次感的作品。(香港限定口味)玫瑰千層蛋糕 HKD 75第一口很清新齒頰留香，值得一試，但愈吃愈甜，不喜歡太甜的食物伯爵茶千層蛋糕 HKD 75能吃得出茶香，也是愈吃愈甜，吃到最後就不喜歡了，不會再選擇這款抹茶千層蛋糕 HKD 75個人認為抹茶味最好吃，吃完整件蛋糕還是很難忘，最推薦抹茶千層蛋糕，必吃，喜歡抹茶的朋友必試熱抹茶鮮奶 HKD 68好喝，就是平常的味道，很喜歡凍朱古力咖啡 HKD 60一般，很普通的味道————————————————————整頓下午茶總數HKD 353真的有點貴，不過也是要品嘗一次的😜但我覺得不需要再吃了，

Lady M進駐香港都已經好一段日子，尖沙咀海港城入面嘅分店仍然經常大排長龍，去到假日更加連外賣受歡迎口味嘅一件蛋糕都難求。日日旺場，自必有過人之處。暫時仍然鍾情Signature Mille crepe，無需任何花巧，簡單得黎已經好好味。一層又一層嘅crepe好薄，卻又充滿蛋香。每一層之間嘅cream十分細膩香滑，連唔中意食cream嘅我都一試難忘。下午茶時光，慢慢嘆一件原味crepe cake，每一啖都係一種享受。（如果唔洗排隊的話;p)

除左下午想tea 一tea，夜晚都想食下tea。點解晚上9點幾去都咁多人，仲大排長龍！唯有take away先得。裝修好清雅，用上真花顯氣派。簡約的蛋糕design。返到屋企，可以慢慢品嚐。買左兩件cake。依家有好多Earl grey tea 的產品，連Lady M 都唔例外，伯爵茶千層蛋糕($75)，真係好多layers，薄薄的crepes夾住cream，面加一層earl grey cream，每一口都滲透住淡淡茶香，再呷一口earl grey tea，好歎！綠茶千層蛋糕($75)也不錯，面頭佈滿綠茶粉，帶清香的味道，整體好軟滑，令人十分享受的甜點！

來自紐約的人氣蛋糕店Lady M，最出名的當然是他們的千層蛋糕，位於尖沙咀這家更是任何鐘數同日子都是大排長龍, 難得見到條隊比平時短就去試試啦!而我地今次就點了士多啤梨千層蛋糕～雖然$75一件的確唔平，但蛋糕的質素還是有保證的，每一層的皮都很薄而每層的cream和皮都很平均，味道口感都相當好。除了蛋糕外，這裡的環境佈置簡約優雅，同樣適合姐妹淘和情侶食cake打卡傾計和自拍～但如果假日或tea time/dessert time來到，就始終難逃排隊的命運了～(最怕排隊了TT)

係isquare食完丸龜製麵 心思思想食甜品我地行左去海港城ladyM環境：海港城分店係位於商場中心 屬於pop up形式 所以食既時候會俾人望住 食物：我地兩個叫左兩個玫瑰crepe cake+一杯玫瑰奶茶本人係crepe cake迷 ladyM既crepe cake的確好唔錯皮做得好薄 皮同皮之間既cream又濃又滑但食一件基本上已經覺得好漏價錢：玫瑰千層蛋糕$78 玫瑰奶茶$68 海港城入面食甜品呢個價錢係合理 tea time會有set for2 但其他時間$150食個甜品值唔值。 就自己衡量了

聽人講就聽得多，每之前去過見到人龍都怕怕，趁倍男友去海港城買衫，又未到晚飯時間就拉他陪我去試一下，心諗一定要排隊啦，點知去到唔使排隊喎，可能係閑日日子，，買咗一件原味千層，一件法式香蕉千層酥和一杯熱美國咖啡，這件原味千層味道不錯，但我還更加喜歡這件法式香蕉千層酥，這個忌廉很香濃幼滑，也喜歡香蕉香味濃郁，他的酥皮也做得非常鬆脆，咖啡比較淡味，但我還會再來試別的款式，因食完甜品後人都會開心D，減壓的良藥。