Lady M

营业中

休息中

有朋友生日，買這間蛋糕慶祝，點知一定要網上預約登記用信用卡俾錢才能購買，親身到店舖預約比錢都不可以，((如果老人家想買，冇電腦就不可能預訂了))我們選了一個，玫瑰千層蛋糕，好食，但購買真的不方便！希望日後有待改善！

每次行過海港城呢間Lady M 都好鬼多人排隊，點知今個星期六晚同阿女去完Toys R Us 之後，竟然冇人排隊，可能個陣係食dinner既時間，咁我同老婆就去試下。我地叫左件最classic 既綠茶千層蛋糕。呢間Lady M 位於海運2樓既Open Area. 環境唔錯，不過好多人排隊會幾濟湧，你都唔係好意思食好耐。佢真係做到好多層，每層都好薄，一層皮，一層cream，用义CUT開佢都唔容易整散，同埋真係好滑。以綠茶味剛剛好，裡面D cream 都有綠茶味，但完全無太甜嘅感覺。而你食既時間唔會覺得佢膩下次會試下佢既Signature Mille Crepes 先. 

真係得個環境好少少，，又貴又唔係話特別好食，，做到好似好高檔咁，明明只係食個糖水，食個CAke,只可以話去呢D地方唔需要為食物而去，因為十1分普通去影張相扮下野就可以了：）

到尖沙咀看電影前，經過Lady M 竟然不用等位，趕緊進內吃個快早餐。我吃男了總共點了三件:伯爵茶千層蛋糕 (推薦指數 8/10)賣相别緻，伯爵茶很香，甜而不膩，絕對值得一試。綠茶千層蛋糕 (推薦指數 7/10)沒有想像中的濃味，綠茶控可能會有點失望了。玫瑰千層蛋糕 (推薦指數 7/10)香港限定的，當然要試試看吧！賣相很吸引，一層通透的粉紅薄啫喱上有玫瑰花瓣，感覺有點像香港的區花洋紫荊，絕對滿足了少女心！但吃多幾口覺得有點太甜了，要喝水清清喉嚨。店員有禮貌並一坐下就遞上清水一杯，清水加有有檸檬和薄荷葉的，解膩一流！

好多朋友未食過lady m都唔明點解經常有咁多人排隊食蛋糕但食過一次之後真係完全明白lady m優勝突圍的原因今日行開海港城，又比lady m吸引人流唔算太多，排十幾分鐘已經可以入座見到有限定既玫瑰千層蛋糕另外叫左一個原味軟綿口感加上淡淡的玫瑰花味班戟皮夠薄，唔似坊間有啲千層蛋糕好鞋口甜度適中，非常值得推薦原味更是經典仲叫左一杯玫瑰奶茶，茶味中帶點玫瑰清香，更顯清新用一試難忘形容lady m一啲都唔誇張，難怪呢度既蛋糕長年都咁受歡迎

其實之前已經食左 但一路懶無寫食評當日係星期六六點幾鐘，可能係接近晚餐時間所以其實只係等左五至十分鐘就有位因為之前已經試過另外幾款味既蛋糕，所以今次叫左earl grey 千層糕 ！試一試佢先！落完單之後等大約五分鐘就拎到過黎 (其實唔明點解要咁耐，我唔係無耐性但佢只係係櫃拎出黎放落隻碟跟住行廿步就到)。但既然唔趕時間就由佢。Earl grey 味都好"出" 好真，千層糕本身都好出色，層次分味，但可惜原來夾埋一齊好似茶甘味太重，所以唔係好啱口味。仲叫左個栗子既，唔係千層糕，食唔出有咩咁好食。

lady m 係港女餅是常識吧, 最近出咗隻玫瑰千層,辛苦曬一班港男又要課金lady m, 但係都冇計㗎喎女仔天生就係鍾意甜品， 更何況嗰度嘅裝修設計完全能夠滿足每個女仔嘅少女心， 成個蛋糕都係玫瑰味， 唔會有一層係冇啫喱同玫瑰， d cream 都唔會太甜, 食完個個都變曬公主

7pm就會賣哂d cake！所以大家想食齊d cake真係要趁早！我今次試咗嘅係原味千層蛋糕cream原來真係好犀利好creamy好滑，而且啲蛋皮好簿好簿！！！！！曾經係其他地方食個千層蛋糕，覺得好失望！！好sad........以為千層蛋糕係一件好難嘅嘢！原來皮簿真係好重要架！！！！由於堂食係一定要嗌一杯野飲，所以我就嗌左呢個玫瑰奶茶，其實茶餐廳奶茶真係好飲好多，可能係我唔識欣賞掛，玫瑰加奶茶好怪！

Daddy一返到屋企 見到佢拎住一袋LadyM返來就即刻叫左出來事關係想食好耐但一直都冇機會去冇辦法身為屯門友又咁懶唔想出去咁遠食 陰公2隻味方面 抹茶//抹茶味唔太濃 cream夠滑 如果加上有苦澀味回甘咁會好好多另外一隻係咩味唔記得左🤣🤣🤣隻味夠曬出而且粉紅色簡直係正中我少女心呀但2件野本身都唔大件 要3個人分完完全全係唔夠喉呀🤣🤣🤣

其實係第二次黎食見到有玫瑰味就即刻叫左 再叫多個原味原味唔洗多講 同以往一樣 好滑 唔會好甜 必食之選至於新口味 蛋糕面頭會有啲似啫哩既野 我個人覺得太甜 唔知點咁基本上唔計面頭啲啫哩 舊蛋糕同原味差唔多 只有淡淡玫瑰味如果下次再去 唔會再叫黎食

我有時都少女心想食下蛋糕，但每次見到Lady M排長龍我都會流住口水遠觀！好在皇天不負中女❤️，朋友竟然買曬四種口味，比我呢個為食貓試到！今次試嘅口味包括：綠茶、伯爵紅茶、玫瑰同埋原味千層蛋糕！我的最愛- 原味首先，千層蛋糕做到層層分明原味好食之處係唔甜同埋個皮有燒過，好香蛋味，食落有布丁味道！而且一d都唔漏，超級棒！最失望 - 伯爵紅茶4款中最甜，可能因為我鍾意飲earl grey，所以覺得d味有d假...蛋依然好軟滑！綠茶控注意我身邊個個係抹茶控，對呢個綠茶千層蛋糕讚口不絕，皆因唔膩，男人食甜品只有兩點注意，甜唔甜，膩唔膩，中曬自然bingo！最高收視 - 玫瑰味粉紅色已經值得影，加埋玫瑰就加大分！呢個玫瑰味我就覺得普通左d，無其他人咁激讚，我覺得味道同其他玫瑰味蛋糕差不多，而個面啫喱甜左少少！

終於黎到Lady M朝聖可惜咁啱星期日幾十人排隊佢分兩條隊：一條takeaway,另一條dine in下午四點黎排咗半個鐘入到去坐大部分要搭枱 因為太多人但係唔限時要先到收銀枱俾錢落order然後佢會送食物上枱俾你每人限點三件蛋糕（可能驚坐得太耐？！）我點咗signature千層蛋糕$68一入口好滑好濃嘅cream好重奶味佢第一層crepe係有焦糖 所以甜甜嘅每層嘅cream好薄 好均勻食一件已經飽飽如果有朱古力味千層蛋糕就好啦

上年生日既時候sweetie買左Lady M 既原味千層; 綠茶千層 ;伯爵茶千層味既蛋糕 俾我做生日早餐,味道都ok既!近期玫瑰味好hit,令到我好想試~就衝左去買~Lady M 分開咗2邊排隊,無論堂食同外賣都好多人排隊~外賣都有好多款選擇,目標鎖定: 要買玫瑰千層蛋糕,另外仲買左朱古力棋盤蛋糕,唔知我係咪土豪得滯,個賣餅妹妹問我: 淨係要2件啫?!我老尷話: 係呀~🙈 (心諗: 真係唔好意思,,,我1個人淨係食到2件咋)我見堂食玫瑰千層蛋糕會加多啲花瓣,但外賣就無加,唔知堂食同外賣有咩分別呢?!嗚呀~ 玫瑰花瓣呀~ (撒花~撒花~~)番到屋企細心品嚐,玫瑰千層蛋糕 $75老實說同原味千層蛋糕既分別唔大,食到玫瑰花瓣既地方先有玫瑰香味,粉紅色嗰層似日本水信玄餅既質地,只係得個甜味~朱古力棋盤蛋糕 $58尼件買之前對佢無咩期望,只係覺得黑白格仔併配幾有趣所以買,但食落朱古力好幼滑,Um... 又幾好啊！

LADY M咁多大陸人食係因為大陸既「網紅」現象，所以一開已經好多人排。其實半年前買過佢既ＴＡＫＥＡＷＡＹ，食既時候都覺得好好食。如果有人識得自己整呢個蛋糕，就會明ＬＡＤＹ　Ｍ係真係好抵。當你要一層層咁煎個皮，又一層層咁搽ＣＲＥＡＭ，你就會覺得佢同千層酥一樣，非常之有誠意，而佢只係收你８０幾蚊，真係好另人開心。今次呢個玫瑰味個面既ＪＥＬＬＹ有少少太甜，但係整體都係好好食，好岩夏天咁熱食。杯野飲就唔係好掂喇，無咩味。佢既ＣＨＥＣＫＥＲＢＯＡＲＤ　ＣＡＫＥ其實係幾好食，可惜唔係好多人叫。下次食厭左佢既ＭＩＬＬＥ　ＣＲＥＰＥ，可以試下都好有誠意既ＣＨＥＣＫＥＲＢＯＡＲＤ　ＣＡＫＥ～

有個老友.....日日話尖沙咀有間蛋糕店成日都排長龍...話好食到不得了.....我心諗堅吾堅啊有冇咁好食.....佢仲話堅個流定堅.........不過價錢都吾平既然講到咁超然我就走去睇下佢乜家火🔥🔥🔥🔥🔥🔥個名幾型型環境都吾錯.....典雅中帶點個性.....非常切合女性自主既感覺不過凈喺見到d人都驚....食件蛋糕都要等仲要條龍水蛇春咁長不過....睇真d🌸🌸🌸蛋糕又真喺幾吸引.....🌺🌺🌺🌷🌷🌸🌸🌸🌺🌺🌺🌹🌹🌹🌸🌸🌸🌷叫左尼件招牌千層糕其實真喺得個靚字食落去同一般千層差不多尼件格仔朱古力還可以.....勝在特別小小可以一叫講到尾.....乜野新野都可以試一試....不過價錢堅也貴左小小坦白講都係食環境但試無防