Lady M

营业中

休息中

一直聽好多人話過lady m 係全世界最好食的蛋糕店咁我難得經過附近就買左兩個返屋企慢慢食😍😍😍😍我就分別買左rose 味同焦糖海鹽味的千層蛋糕焦糖海鹽個個真係幾好味又吾算太甜啊都幾接受到的只不過個rose個個呢就真係有點甜可能我吾太like太甜的野掛但係個價錢真心有點太貴了真心唔拾得食同埋吾係好值呢個價其實味道真係好普通啊冇大家講到咁好味有點名大於實的感覺呢個價得寧願食其他真心唔太抵☹️☹️☹️☹️

今日係開sem第一日番學,正當我未回魂仲hea緊之際😪,朋友見我咁無精神,突然係後面拎出一盒take away既cake,omg!原來係lady m!之前食過佢既原味千層蛋糕,真係念念不忘！之前見佢出左新口味都好想去食,但奈何每次經過排隊都排好耐,今次竟然唔洗排隊😍玫瑰千層蛋糕好香,食落都好夠味,仲有千層蛋糕既口感,好正,另外仲有伯爵茶味！雖然伯爵茶味都好清新,但我自己覺得個味唔太match,另外可能我fd擺左一晚再拎番campus,千層蛋糕有d變型,不過整體黎講都好食既😋😋🍰

這天完成了一件計劃已久的事，又作了一個大決定，為奬勵自己，就好好吃個豐富甜美的下午茶吧！排隊等候約20-30分鐘，終於可以點餐及入座。這天選了「皇家奶茶慕絲蛋糕 Royal Milk Tea Mousse」及「海鹽焦糖千層蛋糕 Salted Caramel Mille Crepe」兩款蛋糕及「桂花茶 Osmanthus Blossoms」。圖左是「皇家奶茶慕絲蛋糕」，它由頂層焦糖、中層淡奶及底層的茶味組成。當用叉由頂層到底層切一小片放進口裏，慕絲蛋糕在口裏漸漸溶化，混合成香濃的英式奶茶味。略嫌奶味蓋過茶味，若奶茶部分減少少甜度，茶味略為再濃郁一點就完美了。圖右是「海鹽焦糖千層蛋糕」，它由焦糖及奶油層層疊疊所組成，外圍伴隨有碎朱古力，層次豐富。奶油味香濃，感覺較為膩一點。吃過甜點，喝幾口淡淡的桂花茶，感覺清新，減少罪惡感。

今日經過尖沙咀又同男朋友去試下人龍店先！今次就特別d先😎😎McCafe都出左千層蛋糕，一於比較下有咩分別啦！去到lady m發現開左咁耐，條人龍仲係度呀！🙈🙈不過就短左d！排左15分鐘左右就有位喇！為左打個靚卡，我梗係叫玫瑰千層蛋糕啦！男朋友就揀法式香蕉千層酥！玫瑰千層蛋糕上面仲有玫瑰花瓣，真係好靚呀！食落蛋糕同d cream都好滑，又有香濃的玫瑰味，真係好好食呀🤤🤤🤤🤤🤤法式香蕉千層酥就遜色左d喇！但蛋雖然都好有香蕉味，但係個酥皮唔脆，可能放得耐已經變淋左喇🙈🙈🙈口感亦無千層蛋糕咁滑！唔係招牌款式真係差d！跟住就去McCafe試下新出的柯華田千層蛋糕。其實一睇就知個分別，我數過lady m個蛋糕有21層，而麥當勞一個得10層，而蛋糕明顯比lady m嘅厚一陪！食落無論蛋糕定係啲cream都好實。仲食到一塊塊皮tim!🙈🙈🙈🙈果然一分錢 一分貨！😂😂😂😂如果俾我揀，我會寧願俾多d錢食lady m！因為麥當勞的又唔係平，$28其他地方的質素都好過佢！🙊🙊

今日同朋友係海港城逛街 見住有d肚餓就黎試下Lady M💁🏻‍♀️熱潮既過去 其實都仲有人排隊食雖然排隊等30分鐘但比起之前無咁誇張 趁未排長龍都想試試😋<綠茶千層蛋糕>由於我係綠茶控 所以綠茶既野都唔會放過第一啖好香濃既綠茶味 岩岩好 😋<玫瑰千層蛋糕>呢個賣相好吸引 普遍都多人食呢款😬食落都有啖玫瑰花香味道 味道有少少甜不過同朋友兩款share食 甜度又會中和返少少👍🏻整體黎講千層蛋糕每層都好分明 質感都好軟林林下次有機會都想試試其他款味蛋糕

星期六經過海港城，居然見到Lady M無人，見無所事事，就入去坐低食件cake休息一下。一去到，都唔使諗就叫左個千層蛋糕同士多啤梨蛋糕，皆因全場都係食呢幾款，反而飲品真係要諗，最後我揀左個顏色好特別的藍蝶花梳打。揀好左要自己出去排隊，店員都好有禮貌咁介紹，其實我都諗好左，比完錢，我就拎返個牌仔返位，呢個時候，已經有10幾人排緊隊啦！（好彩早佢地10分鐘姐！）蛋糕好好食，有口感，但我個人鍾意士多啤梨蛋糕多啲，杯特飲好似益力多，坦白講，麻麻地，早知叫杯花茶幫助消化。整體來說，蛋糕🍰水準好，但如果要我排15分鐘就未必會啦。

Lady M永遠都係咁多人排隊 但大多數排隊嘅食客都係內地旅客 好少香港人食 特別係尖沙咀呢間 不過等又唔等超耐 大概等10-15min 可接受嘅時間！入到去坐底咗之後 就要出counter落單加俾錢 跟住坐定定 等人攞你嗌咗嘅嘢食過黎啦😍坐咗一陣，好快就送蛋糕黎！玫瑰千層蛋糕！一睇到個樣 已經覺得好正 因為好靚 勁適合相機食先 哈哈 除咗樣靚 味道都好好！目測超過25層嘅千層蛋糕 每層都勁薄！入口即溶😭😭真係好正 甜度都適中 。之後到海鹽焦糖千層蛋糕！好濃郁嘅焦糖味！但食多幾啖會覺得有啲膩，所以 建議同朋友share食 會好啲。

Lady M 以千層蛋糕為聞名，的確別家的真的是比下去，價錢當然都有番咁上下。港女蛋糕似乎不是港女吃的，入座的大多都是內地遊客呢！ 最近推出的有皇家奶茶mousse. 椰子千層和海鹽焦糖千層，其實 earl grey tea crêpe 真的耐人尋味！ 希望會再度推出～！海鹽焦糖千層～$75千層蛋糕層層分明，超過23層的朱古力千層皮，質地比原味的更實淨，中間的cream 略比原味的甜一點點，面層有海鹽焦糖，喜歡甜味重一些的會喜歡這一款

LADY M風靡千層蛋糕界, 次次經過都大排長龍認真厲害。聽聞要整一個成功的千層蛋糕不是易事, 要有一定耐性和功力! 今日經過海港見人龍尚可接受, 排左30分鐘堂食慢慢嘆！一直好想知到底有幾好味! Lady M 的signature cake $75 , 賣相好吸引未食已經充滿視覺享受 。果然.. 蛋糕質地軟綿, 細膩柔滑而且層層分明, 食落有香濃綠茶味同蛋香，最重要係佢夠light唔漏, 我依個甜品控一個人都食得哂一件 🙈 雖然說索價唔平 , 但要做到如此水準都係值得嘅! 久唔久當獎勵下自己, 絕對會再黎試其他限定 ❤

放假同女朋友行街，行到攰攰哋女朋友話想食lady m ，咁咪帶佢嚟食囉...係商場嘅中間個位都幾明顯，一大班人喺度排隊，女朋友話已經比之前少咗人㗎啦咁咪一齊企喺度排隊排咗都有20分鐘左右。然後有人安排嗌咗cake 再去坐低，之後就有人送過嚟。女朋友影咗100張相先可以食嗌咗個玫瑰花千層蛋糕，同朱古力千層蛋糕我梗係要試吓點解一件cake咁貴，仲要排咁耐隊食咗兩啖覺得啲cream好好味每一層都有足夠嘅cream食囉唔會好膩！唔怪之得咁多女仔會鍾意食！玫瑰花味唔係話特別濃，味道啱啱好！正啊朱古力個隻反而冇玫瑰花嗰隻咁好食，個人應為朱古力太甜加埋cream會好膩。不過佢啲cream都係好滑身整體來講都係好好食！

前幾日同朋友放假去行街街,黎到尖沙咀海港城近海運既空地多人就不嬲都係啦,仲要有車展所以不以為然,但朋友見到lady m就開始發瘋了,咁小妹就陪佢排下隊啦,今日條龍唔算好長,排左大概40min左右,排得咁辛苦,緊係坐低食😋小妹之前都有食過唔同味既,都係鍾情原味多d,今次都唔例外,叫左原味既千層蛋糕😋lady m真係好多人like~佢既cream分佈得好平均之餘又唔會太稀無左個蛋糕型,呢個就係佢既長勝之處,甜而不漏,i like it😋😝

LadyM敢岀名 應該個個都聽過而我自己就食過3次 only！！全部自己付費唔系試食黎架因為通常都要等位and唔平呀始終今次就買两件外賣番屋企慢慢enjoy敢食啦玫瑰味就食過两次 原味就第一次食我發現原味好香蛋香 有種燉蛋？既味道😹😹超！好！食！呀！好驚喜因為諗住原味會好普通真系會令你一啖一啖停唔到口💁🏻‍♀️💁🏻‍♀️食完之後 我推介原味多過玫瑰🌹不過真系唔平呀 所以間中一次就已經好幸福啦😚😚

下晝去咗尖沙咀誠品書局行街，攰攰地，就行咗過隔離海港城搵嘢食，我朋友話想食甜品，就去咗lady m 超級好彩，可能係閒日嘅關係，所以冇乜人排隊！我哋等咗大概10分鐘到，就有得食！我哋叫咗傳統招牌原味千層，同埋綠茶千層蛋糕 其實之前已經食過幾次，但係就唔係經常黎，每次黎食都覺得好好味我本身唔鍾意食綠茶，所以我朋友就食得比較多！佢話綠茶味好重！尤其是中間嘅cream，唔會好淡，綠茶味好濃！佢就比較鍾意綠茶多過原味~我就鍾意原味多啲，其實係最正宗嘅口感，好鍾意佢嘅皮整得好薄，唔會好脆身，夾埋啲cream，又有口感，有野咬下，好特別，我係因為lady m所以鍾意咗千層蛋糕🍰份量方面，啱啱好適合下午茶~唔會去到好飽，但係唔會感覺冇嘢落到肚

講起千層蛋糕就一定會諗起Lady M👑相信大家都認同佢嘅手藝十分高超👨🏻‍🍳每件蛋糕都有二十幾層皮🏯而且每層又薄，忌廉又平均，賣相高貴✨但味道方面未必拍得住佢嘅手藝🤷🏻‍♀️試過 抹茶🍵玫瑰🌹海鹽焦糖🍯，都覺得忌廉味太重太甜，越食越膩，反而原味最入口！😆.✅ 原味千層 Signature milles crepes $68 : 眾裡尋它千百度👀驀然回首，食過咁多隻味👅都係原味最好！🌟除左甜仲有淡淡嘅乳酪酸，將味道提升到另一個層次～而且忌廉入口即溶🤤加上最頂層嘅千層皮特別厚小小，口感較特別！👍🏻.👌🏻 玫瑰千層 Rose mille crepes $75 :賣相漂亮✨千層上面有玫瑰啫喱同花瓣🌹可是玫瑰味唔係幾出，主要都只係甜🍬.👌🏻 抹茶千層 Green tea mille crepes $75：原本期望抹茶會無咁甜同埋多啲甘苦味🍵只可惜都係太甜...食幾啖就夠啦～

下晝唔使返工，所以同女朋友去咗附近商場食甜品，本身諗住食糖水！但係見有Lady M，所以帶咗女朋友去嘆個下午茶~不過就排長龍但係女朋友鍾意，就陪佢等！都等左成30分鐘左右先有位，不過我明白真係有咁上下質素先會有咁長條龍呢度比較特別，就係你坐低左之後先至行出去叫嘢食，要先付款，好似仲有啲規矩唔知每人限買啲乜嘢咁樣因為午餐食得太多，所以叫咗少少食，就係原味嘅千層，同埋一杯玫瑰特飲見到買相已經好靚女朋友梗係相機食先，仲要影咗好耐先有得食我自己覺得原味千層簡直冇得頂，仲要係層層分明，超級利害有cream都唔會太流，亦都唔會太乾冇味道至於玫瑰特飲(我唔係好記得個名)，我就覺得還好！都係玫瑰香味比較特別！唔係太有驚喜總之，飯後甜品來講都算唔錯有樣又好味，不過堂食就冇得外賣就比較唔方便如果唔係，應該會買啲返屋企食