Lady M

营业中

休息中

呢間野實在太出名了，成為打卡聖地～所以都同朋友諗住試下！餐廳個外貌，食物嘅外貌係幾靚，for影相真係唔錯。但至於食物，我點左玫瑰同原味，可能我期望太高，有啲失望。

< 熱情🌞🌞🌞熱情果千層蛋糕🍰>"Passion fruit Mille Crepes"其實熱情果千層蛋糕都推出左一段時間，今次終於可以同最新嘅竹炭蛋糕一齊試埋😋😋😋 本身係對呢個Passion fruit crepes 有更加高嘅期望，因為當喺澳門獨家推出嘅時候，我已經好有衝動衝去澳門食🤣🤣🤣 但係唔知係咪期待愈大失望愈大，我覺得竹炭咖啡俾我嘅驚喜大好多，會"嘩"一聲!!反而passion fruit 好易淪為配角，純粹較為酸酸甜甜去balance 番竹炭嗰richnress~ 所以如果單獨個別咁去食呢個passion fruit crepes 我就覺得會比較普通同埋單調😂😂😂 不過如果你好怕甜好怕腻，我覺得呢個都係一個幾易入門嘅選擇，因為口感較light💕"Passion fruit Mille Crepes" by Lady MLove how the fresh passion fruit glaze and the passion fruit pastry cream refresh your tastebuds ~

<<Halloween烏烏卒卒黑蛋糕>> 🎃🎃"Charcoal Mille Crepes" by Lady M出名行高貴路線嘅Lady M趁halloween轉行型格路線🤣🤣🤣推出咗呢個"竹炭咖啡千層蛋糕"🤩🤩🤩唔係講笑, 甘吸引，推出左我即刻跑去食😅😅😅比我想像中好食,同埋好rich好creamy!! 講真心，我好驚好濃好重咖啡味既甜品，但係呢個黑蛋糕嘅咖啡味做得好有炭香😍😍😍cream做得好細膩但咖啡味唔算好搶好出，反而似dark chocolate 嘅味~ 😋😋😋 Definitely worth a try!不過食食下，真係會有啲heavy~ 最好揾個人同你share~🍰🍰🍰🍰🍰🍰🍰🍰🍰🍰P.S. 食完記得抹咀🤣🤣🤣超級無敵黑!"Charcoal Mille Crepes" by Lady MLove the richness of the coffee-charcoal pastry cream which pairs perfectly with the handmade charcoal crepes, delicate yet soli

Lady M既千層蛋糕甜而不漏，不太嗜甜既我係佢既fans！最近推出左新既竹炭咖啡千層蛋糕，雖然外型不太討好，但都決定同朋友試一試新口味今次係海運大廈等左大約20分鐘就可以坐低嗌野食，最後揀左3款千層蛋糕(左) 竹炭咖啡千層蛋糕 ＄75(上) 熱情果千層蛋糕 ＄75(下) 玫瑰千層蛋糕 ＄75竹炭咖啡既味道似係重朱古力多過咖啡味，如果比較鐘意食甜d既味道係唔錯既選擇，因為比起其他口味係稍甜反而我比較偏好熱情果，酸酸甜甜既味道比較清新d，而玫瑰味就係我同朋友既最愛，每次堂食同外賣都必點

其實我之前食過一次外賣，今次朋友想食又見少人排，一於試下堂食。對上一次外賣，已經係一年前，果陣食過玫瑰味/原味/抹茶味同已經冇左嘅伯爵茶味，個人黎講，結論係原味係最好食。味道係就係唔錯，但價錢真係太貴，所以不宜經常食，一年食一次好😂😂講番今次，見到有新野竹炭咖啡味，成個外表極吸引，非常適合呃like，所以即刻叫左。另外就叫左熱情果，因為朋友食過話都唔錯，幾fresh。講左竹炭咖啡味先，的確第一啖個咖啡味都幾重，但之後就開始慢慢淡左，個味都幾夾，不過食完個嘴會黑晒，所以食完記得照鏡。熱情果味都唔錯，幾清新，唔會太甜酸酸地，同埋個熱情果味唔會好假，都幾好食。不過我都係最鍾意原味，雖然今次冇食，竹炭咖啡味都可以排第二位。完。

又食，今次係le兩種味道：第一次食奶茶mousse cake 🍰, 正！茶味濃厚但唔會苦，雖然千層蛋糕先係signature, 但mousse cake 一樣造得好出色！

千層蛋糕在早前興起一段日子，而Lady M已在港又開了一排，經常聽聞那千層蛋糕超好吃，從而令不少人到來朝聖大排長龍，而小妹從不習慣與人「逼」，故一直也未嚐過這千層滋味。不過，是日經過尖沙咀這間分店，有見輪候的人不算多，就決定與姊妹Y一同Hi Tea~雖然輪候的人不算太多，但店內亦滿座。可望望餐牌，或到櫥窗看實物賣相。選好蛋糕後，可自行到收銀處下單及付款。呵呵，雖然我們只得二個人，但偷偷連隔離的蛋糕一併拍下，顯得非常豐富！原味千層蛋糕，看來是最多人點選，隔離的遊客一口氣點了五份！每塊千層也逐件煎，故整得出色的蛋糕也不容易，而這個蛋糕質感帶軟，入口即溶得很厲害，有點吃過後不知道在吃什麼感覺，問心，其質感小妹挺欣賞，加上滲透芝士奶香味，味道不錯，不過如果加一丁點兒嚼勁會更好。玫瑰千層蛋糕，賣相相當不錯，灑上玫瑰花瓣之餘，整個亦粉紅色，拍照一流。其千層也是較軟，裡面夾少量Cream，上層鋪上一層啫喱，相比原味芝士蛋糕有點兒甜，而玫瑰味不太突出，有點失望。朝聖過後，味道是不錯，但沒有人人說的想像中好，如果以大排長龍時間及金錢來衡量，就好像不太值了。

咁啱同好朋友都放假，見閒日就勇闖Lady M！雖知假日多數排隊排到打蛇餅，今日3點去到，竟然排10名以內，好快就有得入座！我地叫咗兩款千層蛋糕，熱情果同埋焦糖海鹽，兩款都好好味！千層蛋糕兩款都唔會覺得漏，熱情果甜甜酸酸，好清新本身都擔心焦糖會唔會太甜，又唔會喎，好適中，好享受同朋友仲有叫花茶，分別係柑橘洋甘菊茶同埋桂花茶，一邊歎茶（可添）一邊食蛋糕，一邊同摯友傾偈，我地講笑自己變咗闊太 美中不足係，海運分店位置商場中間位置，無景可言，加上愈晏愈多人排隊，尤其某國遊客，真係比較嘈，所以有啲扣分。

抹茶千層蛋糕$75呢個千層糕其實帶出抹茶味，而且比想像中好食。雖然有cream但唔好太油膩，抺茶味唔算太濃郁，但每層都做到好均衡。好食所以會推介抹茶味玫瑰千層蛋糕$75玫瑰味睇落去好靚，所以叫左，不過食完抹茶味食之後食呢個 會覺得呢個淡味少少 。

想試好耐了 但每次見到長長的人龍都卻步今早同朋友去重慶換Yen之後去海港城見到餐廳唔多人排隊😳心動地去試左抹茶千層蛋糕等了大約15分鐘就入座了-這款蛋糕很適合綠茶擁躉❗️淡淡的綠茶甘香配合濃郁香甜奶油😋一片叠一片組成的千層蛋糕 至少20層以上😳 面層鋪滿抹茶粉，像一片草地-餅皮與忌廉層疊交錯餅皮夠薄夠煙韌，忌廉香滑，甜度適中層次相當分明，入口creamy，有水準之作所以熱潮到現在還未過 每日仍有很多棒場客每一口都很邪惡但口感細軟香濃 好難抗拒 🤤一試難忘-

今日同朋友 行行下街覺得好攰 就見到Lady M😋😋😋平時都係食外賣拎走多，今次就坐下試下堂食蛋糕賣咁貴真係有佢既價值💗Service真係吾差，個個staff都好有禮貌今次就兩個人叫左3款CAKE🙈🙈🙈原味千層蛋糕每次都一定要食🤔我都吾知點解 可能覺得佢係始祖掛😂 但每一啖放落口個感覺吾識影容 d cream好軟💓而且每一層都好均勻 真係抵佢賣呢個價錢玫瑰千層蛋糕呢款就比較清新d , 味道相對原味冇咁濃郁 不過多左一陣花既清新味道😋然後食埋晚飯 一日好滿足咁完嚕

雖然Lady M出名左好耐，但我一直都未試過。今日同男朋友係海港城食完dinner後，見到Lady M，就忍唔著想試下😬。雖然係星期日晚上，非但唔洗排隊，店內仲有唔少空位，唔通Lady M熱潮已過🤔？一入去，店員已經問我地係堂食定take away，簡左堂食後，店員就叫我地簡位坐，然後佢俾左個牌我地，reserve左張枱。原味千層蛋糕🍰 $68賣相上係最普通既一款蛋糕，但味道明顯優勝海鹽蛋糕。甜度適中，蛋糕非常軟滑，有種入口即融的感覺，食完亦唔會膩👍🏼海鹽焦糖蛋糕 $75賣相好靚，一層一層根根分明，睇得出師傅手工上既細心。但個人認為海鹽焦糖太甜，忌廉有點多，食左半個已經有啲膩。千層蛋糕同我想像中的有點落差🤔，始終價錢唔便，對佢既質素會更有所期望。

每次黎到海港城既lady m都係要排隊，無諗過到而家都熱潮不減。今次黎係想食想抹茶朱古力棋格蛋糕，之前新推出果陣成日都賣哂，好彩今次黎仲有🙊。可能係期望太高，覺得個棋格蛋糕好普通，雖然話係有朱古力蛋糕，但係完全無朱古力味，而且面頭既抹茶味道偏甜。只可以當佢係普通蛋糕黎食，完全係失望☹️。但lady m個千層蛋糕依然保持水準，咁多款千層蛋糕最鐘意都係原味，好creamy但食落又唔會漏，甜度適中，下次黎都係叫翻千層蛋糕好了。

This is a famous cake shop in Hog Kong, the cake is delicious and the environment is good to chill with friends and take beautiful photos inside. Although it’s a bit pricey but worth trying.

好耐之前當Lady M 重未開到黎香港嘅時候已經有係美國食過幾次，到後來剛剛開黎香港時亦有食到兩三次 (都係朋友請食 懶得自己排隊😆) 佢哋嘅蛋糕我基本上都食過晒，一直以黎 食得最多嘅都係原味，因為係我最愛嘅味道 其次就係伯爵茶口味。今次有幸又有朋友買咗佢哋嘅千層蛋糕俾我食，今次係綠茶味 之前一直都冇食過 事關我唔係綠茶控 都唔太特別鍾意食抹茶嘅食物🤔但今次呢件蛋糕又令我對抹茶味嘅甜品有改觀💁🏻‍♀️食落口有好香嘅綠茶粉味 但又無抹茶嘅苦甘味 反而中和左平時奶油嘅甜膩禁。相對原味千層 佢冇咁重蛋味 ，而奶油依然做到有雪糕咁滑嘅效果 奶香味依然好足 餅皮一樣非常薄身，可能因為多咗抹茶味 我覺得相對原味來講 佢更加冇咁甜 適合唔特別喜愛甜點嘅人選擇食咗咁多年 依然keep到水準 認真不簡單