Lady M

营业中

休息中

上兩個月趁係海糖焦鹽蛋糕售賣嘅最後一日，就來左尖沙咀間Lady M食下午茶！ 我地叫左三個蛋糕，兩個係千層，分別係海糖焦鹽同熱情果，另外叫左個朱古力mousse。 Lady M嘅千層蛋糕果然係好高質素，cream好滑，味道唔係太甜，食得出同普通cream唔同，d皮都真係好薄。而且我覺得佢嘅千層蛋糕嘅口味配搭得好好，唔會令到個蛋糕完全淨係得甜味。海糖焦鹽蛋糕面個層嘅焦糖同鹽拼埋，鹹鹹甜甜咁，味道好新鮮，可惜呢款唔會再賣。至於熱情果都幾好，酸酸甜甜嘅配搭，我自己就好鍾意。 個朱古力mousse蛋糕唔係太甜，苦苦地，都好軟滑，但對比起千層蛋糕，我地覺得佢嘅mousse蛋糕同其他蛋糕店比就唔係太特別。 我地仲叫左三杯凍玫瑰花奶茶，賣相幾靚，一飲落去玫瑰花味好重，感覺好清新，加上淡淡奶味，玫瑰花同奶茶呢個配搭唔錯，好適合d唔鐘意飲甜野嘅人！

係海港城行到好攰諗住揾個地方坐低休息下 就前往lady M 一如以往 咩時間都係有一條好既人龍🤦🏻‍♀️等左足足有30分鐘呀。。。叫左Green Tea Milles Crepe $75 我中意呢間既綠茶制品 冇一種假既綠茶味 曾經試肻其他公司「抄考」呢個甜品時加入大量綠茶精 令口味變得好假🤔但我自己最喜歡既都係Earl Grey口味 個種清香既味道似乎仲未有另一款甜點比得上 可惜今日一早售罄😢不過呢間甜品店都係間中去下就足夠

成日喺網上面都見到呢間千層蛋糕嘅宣傳於是今日經過就順便試吓啦 我哋分別叫咗幾件唔同嘅味道share分別係熱情果綠茶 蛋糕嘅價錢就大概係7-80件每隻味道都唔同 蛋糕來講呢個價錢都算係貴 但係食落覺得都幾好味都算係值返呢個價唔同其他千層蛋糕 佢呢度千層蛋糕舖得好平均食落亦都唔會好膩 賣相亦都整得好好 個人覺得佢熱情果同埋綠茶都幾好味但係因為嗰日去到嘅時候大部份味到已經賣晒 所以就是唔到佢最近季節限定嘅口味 但係我哋見到佢嘅原味都幾多人買 於是我哋又買多咗件 原味食落主要係cream嘅味道食得多幾啖會覺得有少少膩 所以如果怕膩既朋友可以試返其他生果嘅口味 感覺應該會fresh d

港女必食既ladyM，其實係我個fd帶我食先知呢間野，係味姐係我唔算港女呢？嘿嘿食左唔止一次，好鐘意堂食果陣係lemon water，可以解膩但Lady M既蛋糕都唔係話好甜，70$左右一件cake，個層次做得好好，好好食，怪唔得咁多人食啦。話係港女cake只係因為賣得貴姐，冇試過既人一定唔明白架，唔知人地背後做既辛酸。我今次係食朋友買俾我既朱古力好滑，好正，以前仲食過玫瑰味，佢唔係化學玫瑰味，而係好fresh，好味

Lady M，一個沒人不合知的蛋糕店，難得進了店，當然要試原味千層蛋糕和棉花糖熱朱古力，千層蛋糕每一層皮都好薄Cream告好滑而棉花糖熱朱古力就甜甜地，幾好飲...價錢中等，都算是幾吸引人吃了一件已經感覺很滿足，其他口味蛋糕，例如:玫瑰千層蛋糕，就要下次才可以試到了

見到lady m 出左新款 成舊黑色既蛋糕 竹炭咖啡口味 買番屋企同屋企人分享下 雖然望落就唔係好吸引 但新口味 點都要試下 買一舊又唔夠食 就買多舊原味 諗住岩岩新出會有好多人排隊 點知無人排 超快買到手 可能已經過哂香港人新鮮期 拎到番屋企打開見到溶溶地 放番入雪櫃雪下先再食 雖然買既時候都比左舊冰保溫 但都會溶 建議都係即場食比較好竹炭咖啡千層蛋糕 食落好似無咩咖啡味 得好淡好淡既味道同想像中完全唔同 千層蛋糕都係原味好食d 無得輸 真係食到一層層既口感 但價錢又真係幾貴 只可以偶然食一次

知道Lady M很久，但一直沒有去幫襯。直至突然想搵件cake吃吓，朋友就話不如Lady M，反正未食過，就試吓係咪真係大家所講咁好食！人龍比之前路經時短了很多，等了15分鐘左右便能入座。去睇勻時咁多款cake，始終都係被抹茶味吸引，就點抹茶千層好了！Cake來了，層次分明，忌廉香滑，茶味濃郁，同早幾年在上野吃過的抹茶千層味道很相似，那個只要400円，但Lady M呢件要$7x，仲細件啲添，真係幾貴吓！真係間中一次半次獎勵下自己先會再食喇～

講食千層蛋糕一定諗起Lady M！之前見呢度排曬人，所以無能耐去等。近排少左人排，就去試試啦！叫左個Green Tea MilleCrepes ($75) ，黎試下，諗住原味，應該無咩驚喜！Cream 同綠茶都無乜味，全靠最頂果層既抹茶粉。亦都係靠佢，我知確認自己無叫錯。做得好精細，目測有20層既pancake 皮造出黎，不過無乜蛋香。Cream係滑既，塗得好平均，唔會時有時無。個綠茶味太少，或者叫做唔出味，咁其實叫原味同綠茶係只有色差。加上本身偏甜，令到成件事，好油膩甘。製作技巧唔錯，但個味道就真係令人失望。因為千層蛋糕係招牌貨黎既。

finally had a Chance to hang out with my besties! We went to Harbour City for shopping and had lovely food there! Planned for dessert nearby but came close to Lady M and saw jus a short queue here! 喜歡玫瑰千層蛋糕🍰的啖啖玫瑰香，配合每層忌廉的口感得有趣，蛋糕不會太甜，很不錯...我們另外亦點了玫瑰latte,對於玫瑰控的我，眼見著玫瑰latte上的片片玫瑰花瓣真係心心眼呀

Lady M自開業以黎一直都好受歡迎每次新出口味都吸引到我去試今次新推出全黑型格之選—竹炭咖啡千層蛋糕，當然我都咖執輸要去品嚐一番。全黑既千層蛋糕，外型相當特別，吸精度十足！食落其實是咖啡蛋糕，唔覺有咩竹炭味（當然竹炭其實本來就應該係冇乜味）。但可惜是咖啡味也咖係特別優秀⋯⋯反而後面果舊熱情果千層蛋糕仲有驚喜，酸酸地既熱情果好清新，一點都唔膩！試過後，如果各位是追潮流想呃like既，全黑既竹炭千層一定滿足到你既手機。但如果講味道，我都係覺得原味同綠茶千層先係皇道！又如果你已經食厭左原味，不妨可試試熱情果千層，都相當有驚喜；而竹炭千層就麻麻地了。

某日同男友行街撞到朋友，朋友話打算自己一個去食lady M，一講到食⋯⋯我地見冇咩做野就跟埋去喇Lady M長籠大名就聽得多，係有d期望嘅，但同時間中評嘅亦唔少。今次終於見佢一面抺茶 - 抺茶味感覺係面果層做出黎嘅幻覺，cream 奶味香同好幼滑，不過其實冇咩抺茶味。但甜度對我黎講適中海鹽焦糖 - 呢個對我黎講係100%超甜⋯⋯⋯所以⋯⋯食左半口，飲左2杯水我個人食好野，一直都唔孤寒嘅⋯⋯但以$70一件嘅蛋糕黎評，只係屬於平平，並不突出，比佢優勝嘅大有店在。就不講甜到糖尿嘅焦糖味了，抺茶味取勝位置其實都係cream度，所以我明白點解原味係長請熱賣味喇。有緣再見的話，我都只會叫原味了。要讚一下嘅係，服務非常好，所有店員都超有禮貌同笑容，果然係「港女」愛店啊可以即管做半小時大小姐啦

今日終於試到Lady M呢個竹炭咖啡蛋糕😍😍頭兩三啖咖啡味都算濃🤤，唔知點解食食吓就冇乜咖啡味🤔就有少少似朱古力味蛋糕😯不過中間嘅cream依然好滑🤤總括嚟講都好好食！👍🏻😋唔知點解每次食親佢啲蛋糕都會有一種好幸福嘅感覺❤️☺️🤣🤭不過始終最愛都係嗰度嘅Earl grey味可惜而家已經冇咗😭😭希望會出返la~~😍

3人行食完拉麵去飲杯嘢先～本來想食千層可惜實在太飽～加上之前都去過Lady M～所以冇話特別想食cake棉花糖熱朱古力～朱古力味幾香濃～可惜唔夠滑～Um........真係見唔到棉花糖係邊囉法國玫瑰鮮奶茶賣相好少女feel～鮮奶茶上面有玫瑰花碎賣相吸引～飲落有淡淡玫瑰花香Latte水準正常冇咩特別～咖啡豆算幾香～奶打得剛好温度～比起其他coffee shop依杯奶偏多少少～不過都係睇個人口味下次都係食返cake好啦

記得Lady M初初登陸香港，不論堂食或外賣的人龍都是多到不得了，今日平日下午經過尖沙咀海港城，熱潮看似已減退不少，外賣的隊直頭一個一客人也沒有，所以都襯機買返幾個吃一吃，買的款式包括原味千層蛋糕、岩鹽焦糖千層蛋糕、士多啤梨海綿蛋糕、法式芝士蛋糕和抹茶千層蛋糕。在這幾款之中，還是原味千層蛋糕最好吃、最Lady M，而士多啤梨海綿蛋糕可算是最、最、最失望的一款，味道和口感算直與街坊餅店出品的海綿蛋糕一模一樣。其他雖然都好吃，但七十元實在有點貴。

男朋友帶我食人生第一件Lady M 哈哈！連佢唔中意食都食過返尋味！！真係唔同普遍餅鋪或者甜品店既千層蛋糕！呢款系堅系滑同埋好多層，又薄又香！而且唔會太甜，一d都唔濟！超級好味！男朋友話呢款千層蛋糕好「彈」，哈哈，因為難得每層既cream都好均勻，而且餅皮有口感之餘又唔厚！怪唔得日日都排長龍！