LAB EAT Restaurant & Bar (金巴利道)

营业中

休息中

Happy Friday 就嚟呢度食餐好嘅，餐廳本身需要預約，否則有可能冇枱，特別是星期五六日呢啲時間，因為之前試過冇book枱食唔到，所以今次醒左啦！我哋點左個西冷牛扒，蘑菇湯，三文魚沙律同香檳。三文魚沙律係好開胃嘅餐前沙律，當然三文魚都好新鮮，之後嚟咗蘑菇湯，入口好濃郁，滿口蘑菇香，之後就到西冷扒，我哋點左六成熟，表面煎香有效鎖緊肉汁，切開仲見到好鮮嫩嘅部份，粉紅色的，另外服務員都好細心，會同我地簡介菜色嘅特別之處，值得一讚！

10oz 肉眼扒-睇落大件,但不算厚,味道一般 外層脆,肥瘦均勻,肉質鬆化,值得推介👍🏻海膽黑松露意粉 - 配搭特別,海膽尚算新鮮,但汁太濃 總體來說,性價比一般地點有點難找,除非你知聖嘉諾撒學校係邊;店外有污水灘,感覺有點骯髒,但店內環境不錯,可惜枱與枱之間太近,現在香港好多餐廳價錢不算平(其實都貴,3人吃最後$10xx賣單),但都好迫,想搵個地方食飯傾計不容易😢服務員態度一般,個人認為服務員最重要的是笑容,揾個人著西袋企係門面又如何呢呢呢~~~

若不是朋友帶我來這餐廳，我相信我不會找到它的所在位置，餐廳位於街道的轉角位，亦沒有指示牌，難以讓人發現。我和朋友730到達餐廳，想不到位置不顯眼的餐廳亦差不多滿座，幸好我們只是兩個人，所以很容易安排到座位。餐廳內裡燈光柔和，牆壁掛有油畫，桌上點著蠟燭，很有情調，讓人可以靜下心來享受晚餐。SUN BIRD 是窩在薰衣草上的紫色小鳥。整杯酒都散發迷人紫色。店員介紹飲品是加入了藍蝶花、青檸、荔枝等食材。淺嚐一口， 像是西柚汁的味道，甜中帶酸，然後是甘甘的酒味。這是酒精濃度低的飲品，適合平日少飲酒的人士。白酒芝士煮青口，一鍋青口差不多廿隻。醬汁濃稠，芝士的鹹香帶有蒜香味。青口飽滿，一口一隻，令人很滿足。另外，伴有2塊蒜香多士，多士很酥脆，蒜香恰到好處。蘑菇意大利飯意大利飯濕潤，均勻沾上了淺啡色的醬汁。飯內加有十多塊蘑菇片，增加了口感。米飯有嚼口，充滿蘑菇香味。最後來一份新出的自家製甜品，雪白外型精緻高貴，像一個小錢包。雲尼拿外層包裹著酒心朱古力內餡。雲尼拿幼滑香甜，入口即融。然後嚐到酒心朱古力的甘苦，很有層次感。

想食呢間餐廳好耐，見到網上訂座有優惠加上媽咪生日，正評又咁多，就一於Book左呢間！事前係開飯已經睇到有幾款dishes推介，心目中已經揀定呢幾樣野食！龍蝦湯，龍蝦都味都算幾濃，$78黎講份量都算適中，有番多d龍蝦肉會更好香煎鴨肝配紅梅汁，煎得幾香，口感都好好，加埋紅梅汁食，都幾開胃。香煎帶子黑松露意大利粉，失望既唔係味道，而係原先想食‘海膽黑松露意大利粉’,海膽竟然賣晒！最想食最多人評價竟然賣晒！不過好在帶子都冇令我地失望，帶子既Size仲夠晒份量，充滿香味！配埋本人最鍾意嘅黑松露都幾一流香煎美國西冷 (10安士)，肉質都口感都相當唔錯，煎得好香，仲做緊半價，認真抵食！比利時朱古力心太軟，朋友推介呢個都好高評價，不過本人覺得普通左d，同一般朱古力心太軟唔太大分別！店員悉心為媽咪準備左個生日畫碟最後，由於唔夠飽，再點多一份西班牙海鮮燴飯飯既味道係唔錯，係海鮮煮得唔夠入味總括黎講，野食都係好味既，唯獨是溫度真係唔夠熱。。

我朋友同我慶祝生日, 位置不算方便,平時又好少去開呢頭, 所以就試下. 琴日係星期日, 我地book咗 6:30pm, 我大約6:15pm到, 已經見到有2檯人.一入門口好有情調, 環境舒適, 最適合情侶. 大約7:15pm差唔多已經full哂.坐底之後, 見到menu全部都好吸引, 但我地得兩個人, 最後我地叫咗 Lobster Bisque, French Style Onion Soup, Baby Lamb Rack with Rosemary garlic Sauce, Porcini Risotto, Mango Magic, Purple Sunbird餐廳送的小麵包好普通的小麵包Lobster Bisque $78好香濃, 龍蝦香味好重, 同其他餐廳既龍蝦湯非常唔同, 湯入面有龍蝦肉, 好味到再想來多round. French Style Onion Soup $78好傳統既洋葱湯, 將洋葱切碎, 再加d香料煲成湯, 多士上有芝士, 多士吸收湯既味道, 多士同個湯, perfect match, 好味到呢 Porcini Risotto $208好香濃既牛肝菌, 上面有

原本book這間餐廳食晚餐，但有事改食tea，去到大把位，只得兩檯客，坐低ㄧ睇tea menu，只得好少選擇，本來想走但入咗來又唔好意思出返去，最後我要咗carbonara，老公原本想食炸薯條配唔記得咩腸，點知話今日無返腸，咁就應該係menu到刪咗佢，結果老公揀唔到食咩，唯有揀咗個炸餃子，上到來個餃子炸到黑晒好硬，隔離仲有啲生菜伴碟好怪好彩個卡邦尼味道還算ok，最後埋單俾佢睇openrice coupon, 佢又話唔用得，要夜晚先用得，但張coupon上面完全無寫，真係好失望，所以大家如果要用coupon記得之前打去問下用唔用得先，如果唔係又白費

最近番工番到好攰，決定獎勵一下自己，去一間高級餐廳食飯餐廳好有情調，一坐低就有個生蠔menu，叫左4隻法國女皇蠔試一試生蠔好大隻，加埋檸檬好清新，有淡淡海水味， 肉質肥美，夠新鮮，入口好順喉麵包熱辣辣，雖然係叮熱嘅，但係都夠誠意嘅經理介紹左兩杯飲品，一杯係碟豆花荔枝特飲，令一杯係蜜糖lime特飲。前者有d淡，似罐頭荔枝味；後者反而太甜，雖然個味好新穎，但係甜到要拿捏得好。忌廉汁青口配蒜蓉包好好味，尤其是係個包，外脆內軟，蒜蓉有夠香青口好新鮮，個汁好好味，好濃郁，但係唔夠汁，個包唔係好浸到我至愛系西班牙海鮮飯，我覺得甜得滯，不過好香番茄味，亦都有淡淡彩椒味，海鮮都好新鮮，又多款式，不過較淡口呢個羊架係全餐飯最好味嘅菜式，一切開，啲肉嫩到嚇親我，仲要冇乜血水，唔會好腥，而且好香嘅炭烤味，又唔會有羊蘇味最後叫咗個甜品作結束，心太軟整得好好味，擺碟都好靚，陪埋雪糕食好正埋單都要千幾蚊，抵唔抵食見仁見智，不過耐唔耐一餐其實都無乜所謂，但獎勵下自己啦！

朋友生日約食飯,佢生日都要佢自己安排餐廳真係唔好意思,不過男仔係要有風度嫁啦黎到無耐佢就安排左食物,雖然無得比意見不過我信得過佢生蠔黎左,隻隻好大隻,特係鍾意澳洲生蠍,好大隻又夠鮮味法國蠔都OK,不過唔夠大隻不過整體都幾新鮮魚肉幾鮮嫩同嫩滑,而且無骨,可以好放心食魚肉好夠味,而且好多肉,食完開始飽飽地海膽黑松露意粉,海膽好新鮮,味道好濃,而且好大份,好正意粉個汁唔太傑,意粉本身都好韌,口感唔錯而且餐廳服務幾好,不停為你加水,值得一讚

睇食評話呢間餐廳不錯，於是來試試順道慶祝。餐廳裝潢不錯，不過裝了幾部大電視，一路食一路睇TVB感覺都幾怪。地方頗擠迫，隔離枱講乜都清楚入耳，好茶記feel我們點左生蠔，無花果沙律，牛扒同奶油煮青口，牛扒處理得好好，要5成熟真係5成熟而且血水，不錯不錯。青口也ok處理得很清潔無海草痴住。沙律同生蠔都一般，無特別服務也一般，我又入門到出門都聽唔到welcome / thank you, 侍應哥哥咳到痰聲都出埋都唔戴口罩，用手掩住就算，手又唔洗就上餐，見佢捧住人地碟意粉咳左聲，hummmmmmmm埋單折左千多蚊，從環境服務同食物質素，周圍選擇都好多。

揀餐廳同老婆慶祝生日~睇到open rice好多人覺得好食~咁就去試試，地點已經好唔方便，行去都幾遠，揸車又無位泊~未去到已經打嚟問到未~hold 枱15分鐘~未食已經話8點9交枱~我以為食緊放題~有時間限制~枱又細，又逼，唔見得好浪漫~成牆都係電視我坐喺電視下面張枱，成晚好似俾人望住食飯!講返食物，點咗藍青口，啲獻都未溶海膽多士，海膽苦的龍蝦湯，好咸洋蔥湯，好淡主菜嚟啦~~盧魚~最好食係下面嘅紫薯蓉~最後~之前我order咗生日甜品~佢無問我都無叫佢拎了~無境無服務~食物一般

在尖沙咀, 隨意一搜排行頭幾位的美食, 就來了這家位於轉角位的西餐廳。幽暗的環境裏, 吃著浪漫的情懷。一份白酒忌廉青口, 一份芝士火箭菜, 2人已經十分飽。白酒忌廉青口, 幼滑的忌廉, 裏裏外外佈滿每隻青口, 濕潤的青口肉, 爽滑無比, 淡淡的忌廉, 更能帶出青口的鮮味;而芝士火箭菜, 熱溶的芝士新鮮, 用刀批下, 一大片長長的芝士佈於火箭菜的面層, 鹹鹹的芝士, 芝味濃郁, 而且有脆口的感覺, 芝士黏黏的感覺十分飽膩, 配以火箭菜, 中和飽膩的口感。雖然感覺吃得很少, 但我們2人都已經有飽肚的感覺了。

LAB EAT是高質素的餐廳，絕對是把妹的聖地，不過之前一齊食的是一個男生，實在大煞風景，浪費了餐廳，時間和食物。不過經過上次探路，今次當然要約一位女士啦。環境不變，餐廳中間的酒吧依然是餐廳的賣點，放齊不同的酒，就算不飲酒都贏了氣氛。 一開始就有waiter向我們介紹不同種類的生蠔和各種手工啤，隨手就點了De Claire 的生蠔。咸味重之餘，海水味和醒味不大。 而啤酒方面就選擇了white pearl，本地的手工啤，用了陳皮釀造，當然要一試。而另一個英國手工啤，甜味重又有花香，老少咸宜。 36個月西班牙火腿配密瓜一片薄薄的火腿帶出肉香和咸味，再配瓜的甜味，令每部分的味蕾先作熱身。 香煎三文魚配檸檬文也汁，圓柱形的三文魚內外熟度差不多，不會因為而且外表再煎封了一次，令魚的香味都煎出來。 甜品的賣相不錯，十分。 美國西冷牛扒配紅酒汁，整個拼盤都係充滿不同味道的食材。嫩滑的牛扒配上紅酒汁，再放上薯格和沙律，成件事就對了。

好高興和要好姊妹相聚一刻，大家都默識了要選一個好餐廳聚腳，要有情調加環境舒適，非這裡是也。本人獨愛某幾區，可能是因為過往經歷帶來的情意結，尖沙咀是其中次一。這餐門面非常搶眼，餐廳內裝潢時尚，具備bar 枱加大電視，吸引不少外籍人士光臨。我們點了法國生蠔試試，很creamy很 fresh, 不加檸檬和醬汁已很好味，夠新鮮蠔味香濃!Sparkling Punch with Salmon，cocktail 永遠令人著迷。新鮮煙三文魚花配配合甜甜酸酸的雞尾酒，令人心花露放。餐廳送上法飽，如果可以熱上加提供牛油就完美。火箭菜配合酸酸的小pickles，加入香薯和即切的Raceltte cheese，叫人怎能不心動。芝士香還未入口已受盡味覺享受，入口富質感，香濃得要慢慢在口腔品味一番。黑松露田螺配小法包多士，螺肉香滑，陣陣黑松露香，加上脆口多士，怎能不讚?西班牙海鮮飯，海鮮豐富得嚇親人，飯粒富咬口，不錯的選擇。今晚大家都有點大食，登登登登，16安士和牛扒出場。十足份量加厚和牛，配合秘制醬汁，為整晚增加色彩，今時今日少女愛半熟，上碟後快快享用以免肉汁流失。很香濃的和牛，男士一定一見鍾情吧。唔。。。世

Lab使我想起實驗室, 在實驗室往往有新產品新嘗試. 之前來過這家吃, 但每每都會給我驚喜。這次, 我和女朋友2個人來這裏, 環境好不再說了, 是因為它能給我驚喜。老闆為我推薦了SparkingPunch ($78), 圓缸盛載著透明的酒, 酸酸甜甜, 酒精味不太濃, 清香甜美, 易入口; 上面擺放著一朵煙三文魚砌成的花, 精緻無比, 一口把三文魚花吞噬, 口感軟滑, 煙燻味濃郁;而生蠔, 我們選了Gillardeau (3隻$180), 生蠔海水味較重, 較鹹, 鮮蠔味較濃郁, 爽滑, 晶瑩剔透, 入口有點兒清甜;吃完生蠔, 來一碟白酒煮青口, 青口份量有十多隻,汁底黏稠的口感, 香濃的忌廉味, 口感綿滑, 青口肉質剛熟, 沒有外面吃的那麼乾身, 十分水潤, 富有海鮮味, 海鮮味混以白酒及忌廉的味感,齒頰留香。我最喜愛的炭燒西班牙黑毛豬($238), 厚厚的黑毛豬配以蜜糖芥末醬,甜甜的, 肉味香濃而且鮮嫩多汁, 而且剛剛好熟, 十分鬆化, 肉邊帶有點兒肥粒, 油香豐富, 口感細膩;吃完, 感覺新產品的飲品又是一個驚喜, 無論色香味皆俱全, 真期待下次的新體驗。

喺openrice睇中左哩間野好耐，終於的起心乾book位！諗住閒日會無乜人，點知7點去到已經8成full，好期待呀！食個包開開胃先，兩個都試左，左邊就好軟熟，右邊就硬d不過好香芝麻味店員推介我地試哩隻法國女皇蠔，之前都未食過，好肥美，頗creamy,味道唔太濃，新鮮，無乜鐵銹味，好厚肉，唔錯！本新經理有問我地飲唔飲白酒，但我地反而想飲cocktail,佢就話俾我地試下夏天先推出既兩杯特飲，係佢創出黎既，紫色個杯係蝶豆花荔枝，顏色好靚😍當然係無蝶豆花味，只得荔枝味同淡淡飲味，味道淡左少少；而白色個杯就係lime特飲，哩杯明顯個味道好搶，有honey既蜜味，不過就太甜，兩杯既甜度平均番會好d叫左個mussels做前菜，mussels隻隻都好肥，好新鮮，醬汁係濃cream sauce,沾蒜蓉包好正，蒜蓉包反而有驚喜，好香脆好香好香蒜味朋友想食羊，其實我有d怕膻，不過即管試下。一上台，聞落無膻味，五成熟，煎得岩岩好，係岩岩好，無肉水，但入面係超嫩，入口係無膻味，癲覆左我對羊既感覺！驚唔夠飽叫左個西班牙海洋飯，海洋多到好誇張，飯粒分明，好香茄乾味，酸甜好開胃，我不停食飯都無咩食海鮮🤤美中不足係