LAB EAT Restaurant & Bar (金巴利道)

营业中

休息中

聖誕節前與朋友提早慶祝食晚飯，餐廳很有節日氣氛，非常適合一大班朋友聚餐。因應節日的關係，餐廳亦推出很多特價食品及酒類，可供選擇。我們都選了一支酒，品嚐一下，順便慶祝聖誕節就到。這支酒很適合女士們，甜甜的，很易入口。前菜，raclette cheese，熱溶芝士加上一片片肉上，再配沙律菜，相當適合且很開胃，很好的搭配。還點了黑松露田螺，擺盤相當有心思，比起一般牛油田螺，有黑松露而加分不少，味道更加突出。主菜，我選了龍蝦，份量十分，芝士香脆，濃香忌廉，不油不膩，是不錯的主菜選擇。最後，我們點了一份甜品。很完滿又滿足的一個夜上。

聖誕前夕, 又到LAB EAT 食飯, 其實之前已經黎過, 覺得呢度氣氛幾好所以ENCORE!!!上次黎主要食蠔, 不過今晚食聖誕大餐, 想試啲唔同既野.頭盤有Caesar Salad Prawn, 大蝦沙律當然有大蝦啦, 呢個沙律d蝦好大隻, 唔似出面d蝦沙律咁死實實, 有新鮮蝦果種彈牙既口感, 咬落口感好正, juicy得黎啖啖肉!  配埋羅馬生菜一齊食, 個感覺好fresh, 當然仲有傳統Caesar salad既Parma ham同cheese, 係我鐘意既味道啊!! 不過唔同既係呢度Caesar salad配埋toast, 又幾特別喎! 之後有White Wine Blue Mussels, 以前食過一次白酒藍貝, 果種creamy既口感, 真係一試難望! 難得Lab Eat都有, 當然要再叫來試啦!其實藍貝要creamy好食, 一定要揀法國既, 而Lab Eat就係用法國藍貝, 而且份量都好多,雖然唔算好大隻, 但粒粒都好飽滿, 肉質好creamy好肥美, 配埋個忌廉汁同香草, 食落去好香滑, 粒粒都滿足, 邊食邊試支Gls Volare Rose (我地每人點左杯氣泡酒)

23/12 諗住無24/12咁多人就相約朋友喺衣一日影燈飾，諗住23/12唔多人實在太天真太傻，竟然book 唔到位食晚餐，要4點9食early early dinner，咁都有個好處，真係無咩人同可以叫tea set....掛住食唔記得影tea menu 😂咁其實平又唔係好平，你當平時散叫價錢，不過多杯飲品，我地喺tea set 揀左兩個食物，三文魚沙律同熱溶芝士，再另外叫個松露海膽意粉～松露海膽意粉～未食就聞到好香松露味，海膽新鮮，creamy 度剛剛好唔會太heavy熱溶芝士，侍應將剛剛熱溶左嘅芝士淋上火腿上面，賣相相當吸引，而芝士同火腿亦都好match 最後三文魚沙律就無咩特別喇都算豐富嘅early early dinner

- 待應生服務態度勁差 😑-上左main 先上starters😅- 菜色用材不配合 🙅‍♀️- overpriced 💰 - 位置狹窄👀- I will never visit this restaurant in the future

因為有小許前因，加上老婆大人穿了高跟鞋，又因為這個"lab eat" 的地址實在太"特別"了(87-89 號不在84, 85號的後面)，所以老婆大人是黑著咀臉進入餐廳的。招呼我們的侍應還不識趣的說要"準時"八時半還枱(當時不過是七時半)！頓時老婆大人的臉更黑了，坐下後更說不想吃了。因為這裡的生蠔不錯，才選老婆大人生日的日子來試試。另一位侍應看到我不停張望生蠔的餐牌，主動拿了那個餐牌給我們！好言相勸之下才點了六隻生蠔，一個帶子意大利飯。(原本生蠔有一個套餐是有白酒/香檳的，但老婆大人說她其實連生蠔也不想吃，酒也不想飲)最終生蠔來了(我們點了兩種生蠔)，正如那位拿餐牌給我的侍應所介紹的一樣，生蠔很飽滿，很大隻，另一種就比較重海水味。帶子意大利飯相對就有點平凡了，帶子沒有煎過/煎得不夠，意大利飯不夠乾(可能擔心我們還不了枱，盡快煮給我們罷)最終八點就完成了(信用卡收條上顯示的時間是2000) 。當然當時的情況沒有可能有心情影相罷。

又到聖誕! 又到聖誕! 老公好怕人多, 所以提早訂枱同我食聖誕大餐, 搵左間好有情調既西餐廳同我慶祝.Lab Eat 雖然唔近地鐵站, 但勝在夠格調, 燈光好柔和, 就好似食緊candle night dinner咁, 感覺好romantic, 適合兩公婆拍下拖仔, 享受二人世界! 而且聖誕節, 多左好多聖誕佈置, 好有節日氣氛啊, 真係sweet sweet 既呢！望住份MENU 真係花多眼亂, 貼心既店員推介左幾款食物俾我地, 之後老公發板, 揀好食物後, 店員先黎杯餐前酒 + 餐前麵包. 餐前麵包 - 意式軟包微暖鬆軟, 配上橄欖油同黑醋, 係standard Italian taste!餐前酒 - Gls Volare Rose黎到咁有情調既餐廳慶祝, 又點可以少左酒呢, 店員介紹左呢支Gls Volare Rose俾我地, 支氣泡酒甜甜地好易入口~ Lobster Bisque(龍蝦湯)嘩~ 龍蝦湯真係不得之了, 龍蝦味非常非常之濃郁, 廚師將個湯打到非常幼滑, 仲有啖啖龍蝦肉, 爽口彈牙, 非常之好味, 一飲難忘! Main course - Iberico Pork Ra

今晚同兩個frd黎傾下計食dinner! 今次揀左呢間bar, 可以飲酒又可以食晚餐... Volare Buddy & Pink Grapefruit Sparkling 少少酒精， 非常易入口呀🥂🍾生牛肉薄切 第一次食生牛肉，好驚會好怪， 但完全唔會，配埋芝士薄片同埋甜甜地sauce... 好夾呀！ 下次黎要再食呢個 好正 熱溶芝士火腿薯仔店員首先會上左火腿先， 再拎住岩岩燒熱左既芝士掃落黎...芝士有啲脆口..加上熱熱地..配落火腿到👍🏻👍🏻Black Truffle Escargot一上檯就有好香黑松露味，啲黑松露滿瀉咁滯😍😍M5和牛 叫左七成熟，肉質好鬆化，脂肪比例唔多...唔會好漏，但油香都好出 ...配埋薯格配菜，幾好👍🏻最尾食埋甜品，大滿足

又到同男朋友既紀念日，今次佢揀左呢間好多人選擇去慶祝節日既餐廳，我好滿意呀!首先環境方面，好有情調。而且就黎聖誕節，餐廳內外都裝飾到好有聖誕氣氛。一去到比個酒吧吸引左，忍唔住要左杯聖誕特飲-Christmas Generation佢係一杯士多啤梨味既伏特加，如果唔飲得酒既人可能都會覺得幾強烈，但中意飲既就會覺得好refreshing。另外都要左一支礦泉水比病左既男朋友，可能心理作用D水真係甜D，哈哈!到食物方面，先上左餐包，餐包煙煙韌韌配上橄欖油同意大利黑醋，係一個好開始。之後就要左3隻生蠔，雖然唔係話好大隻，但好新鮮，加少少檸檬汁已經好好味。另一個前菜係唔係度度都有得叫既洋蔥湯。個湯睇落好深色但其實好清，入口好舒服。而且上面有塊芝士多士，面包索哂D湯加埋溶溶地既芝士，好正!再要左我既最愛煎鵝肝，個size比我想像中大，油分岩岩好，配合2個水果醬同脆多士，食哂全塊都唔會漏。男朋友就要左羊架，完全唔會蘇，外層煎到好香，入面D肉仲係好多汁，但怕生肉既朋友可能可以要求煎熟少少。到最後甜品既部分，要左個每日都唔同既home made dessert，今日係一個朱古力蛋糕，貌相好似一幅畫咁，食落

今晚同朋友提早食聖誕大餐..揀左尖沙咀呢間西餐廳..環境好舒服.好適合一班朋友gathering食下飯..叫左一人一杯sparking wine..清清既提子味..好易入口..前菜叫左個生牛肉薄切..今次係我第一次食生牛肉..估唔到食落口好滑..完全唔腥..配埋沙律菜芝士..入口即融..令我對生牛肉另眼相看..再黎一個熱溶芝士配薯仔火腿..一開始見到火腿同沙律菜好似平平無奇..原來好戲在後頭..職員拎左好大塊芝士過黎即批落黎...暖笠笠既芝士配埋美味既火腿..冬天食一流..主菜叫左炭燒澳洲M5和牛..超級大塊..但完全唔硬..燒得岩岩好..七成熟..好香好淋...另外仲有芝士龍蝦..好濃芝士味..龍蝦肉質鮮甜..仲有磨菇等配料..最後當然少不了雪糕心太軟做甜品..完美的一餐..

朋友好有心book左呢間餐廳同我食飯跟住google map 但原來間野係轉角位朋友之前食過 話呢度環境唔錯生蠔$150/3隻來自法國既生蠔食落先係好重既海水咸味 隔一陣口腔會有鮮甜味頭一次食先咸後甜 好得意既味道叫左兩杯德國既餐酒 $68/杯Liebfraumilch有花香味 我感覺酒精不重因為我用自己做指標 even我飲哂成杯酒但唔覺有醉意 無面紅無頭暈 哈哈主菜黎啦香煎鱸魚配檸檬牛油汁$298鱸魚口感層次豐富 先係食到鱸魚的嫩再加上條魚煎得剛剛好 面頭果浸好脆口仲有重點係個汁 令到個菜色錦上添花 更香更美味平時食開既薯蓉變左紫色味道同薯蓉無分別 但呢個就健康得多啦最後食埋個甜品 呢個唔太甜既蛋糕好得我鐘意 佢係朱古力味 有好多層layer本來約左下場食糖水 而家唔使咯見到如果黎慶祝生日/周年 餐廳會準備左朱古力字好有心思 另外餐廳員工好有禮貌到時到候會幫我地換碟 好有主動性

估唔到閒日夜晚都甘旺場，坐無虛席。好彩一早Book定位。🥖麵包造型似原隻薯仔，十分香軟，🥂Gls Volare Rose' $78🍹Chrismas Generation $78Chrismas 果杯造型非常可愛，加左伏特卡、薄荷葉、雜莓，好清新。仲有香檳兩杯味道都唔錯、都好易入口，岩哂女士飲。🧀🥔🥓瑞士傳統熱溶芝士配新薯及火腿 $158木碟上放左西班牙火腿、火箭菜、薯角，店員隨後捧著一舊表面熱溶既芝士，剷了一堆芝士舖在食物上，好邪惡但又好味道。🦆🍎香煎鴨肝配芒果紅梅汁燴蘋果 $156鴨肝肉厚，外表金黃內裏嫩，入口濃郁幼滑。配合蘋果、多士食更有層次。🥄龍蝦湯 $78好濃郁既龍蝦味，真材實料。🐟🍠香煎鱸魚配檸檬牛油汁 $298魚肉質感外層有點過熟，但內裹又剛好。薄薄嘅魚皮煎香，有一點魚脂。下面有一堆紫薯同蒜頭片，第一次食呢個配搭，好特別但有點食唔慣。🍰甜品拼盤 $168(朱古力心太軟/雪糕/手作甜品/馬卡龍)紅色既海綿蛋糕有點濕同甜，但裡面莓味嘅慕斯十分好味。泡芙係海鹽焦糖味，唔會太甜。馬卡龍好細粒，岩哂飯後食。心太軟外層焗得香脆，朱古力味濃郁但唔苦。配埋個自家制雲尼拿味雪糕，飽中又帶享

預早跟友人慶祝聖誕節, 我們兩位女生選了這間很有格調的餐廳環境不算很大, 但都很浪漫, 很乾淨餐牌都有很多選擇, 海鮮, 意粉都有先來了餐包先, 很鬆軟生蠔都很抵食, 很有海水味再來一個洋蔥湯, 湯有很多洋蔥煮到已經很軟棉棉, 而且甜度剛好炭燒紐西蘭羊鞍配香草蒜蓉汁,皮脆內軟, 很有肉汁鴨肝, 配上多士味道很夾最後來個甜品就大滿足配埋這杯香檳, 柚子味, 很適合女仔飲價錢中等, 這裡有很多客人慶祝生日紀念日是不錯的選擇!

聖誕臨近，當然係四出周圍搵嘢食去慶祝一下啦。今年我哋已經急不及待，搜羅左呢間有氣氛，有情調，有有好嘢食嘅餐廳去迎接我哋嘅開心聖誕yeah~位於尖沙咀 嘅Lab Eat, 雖然冇高樓大廈嘅靚景，但勝在位置方便，而且餐廳佈置優雅，好有節日氣氛而有情調，不失為情侶談心嘅好餐廳。黎到有情調嘅餐廳，梗係要飲少少酒慶祝下喇。呢支Gls Volare Rose 香檳，酒精濃度唔算太高， 啱曬我呢啲唔係好飲得既人。支酒係好易入口而且飲落甜甜地唔太酸。 朋友揀既呢杯Christmas Generation, 好有聖誕節日氣氛。 同樣地呢杯都係入口非常容易，係用Vodka 同新鮮嘅雜莓水果調劑出嚟，飲囉好好味好清新。餐廳為龍蝦湯配餐包。麵包軟熟，咬落去質地夠彈牙新鮮，建議配埋龍蝦湯食。 龍蝦湯味道好濃， 感覺係擺咗好多龍蝦頭淆製左好多個鐘頭，先會得出咁濃烈嘅龍蝦味。除咗龍蝦味之外仲有淡淡嘅龍蝦肉 ， 令人回味無窮， 值回票價。e 度瑞士傳統 熱溶芝士配新薯及火腿，算係呢度嘅signature, 一上碟嘅時候，店員會為我哋用刀將一大塊大過我塊面既嘅熱溶芝士批上碟，令我地大開眼界。味道方面，芝士味好濃郁，但係

其實，一間餐廳食物的質量雖然重要，但服務態度，也不能忽視啊！作為一間西餐廳，一頓晚飯平均人頭也要六百元，理應服務質素有番咁上下，但餐廳多位職員不停催促，main course未食完，就想收走碟及上甜品，不停由不同職員輪流這樣，門外又不是有客人排隊，餐廳內又有數張吉枱，都不明白為何這樣趕，未叫埋單，已把單送上，然後跟你說，張枱夠鐘了，要交枱了。。。之前一路没有人提示有時間限制的即使食物質素再好，也不會再去幫襯囉，而且啲龍蝦肉仲有啲霉

大家好，嚟到聖誕啦，終於開始聖誕大餐嘅序幕，就由Lab eat restaurant開始， 好開心，今晚約咗一個認識十年的朋友嚟食飯， 我們風雨同路經歷很多開心及傷心嘅日子， 所以就約埋一齊出嚟吃一個 美味晚餐， 去到這間餐廳門口， 就發現佢同我打招呼， 就是這七彩繽紛的聖誕樹， 它靜靜的企著 ， 守候門外， 彷彿等待各位客人光臨這餐廳 ，還用閃著的燈光和打招呼，餐廳內的佈置也充滿聖誕氣氛， 入到餐廳等了一陣間，我的朋友也到了，餐廳的侍應也很有禮貌招呼我們 ， 餐廳的地方不是很大，但是氣氛搭夠， 感覺很溫暖，之前是訂了兩位， 但是餐廳安排給我們的座位比較偏僻難於出入， 座位之間也比較擠迫， 所以見有另一抬比較接近出口位的客人剛走， 就吩咐侍應轉換， 他們也很爽快 說可以 ，看著餐牌點了幾份食物， 未有正餐食之前，送一份兩個的法式餐包，麵包外脆內軟 ，先來個黑松露湯， 淡淡的黑松露湯，味道一般， 所以我就利刀一輝張兩個麵包一開為二， 再撕碎放落湯上，當堂截然不同，豐富了這黑松露湯的味道 ，如再配上日本蘑菇口感應該very good，再嚟一個瑞士傳統熱溶芝士新薯火腿煙韌軟芝士配搭巴拿馬火腿