Lab Eat Bistro (豉油街) (已結業)

平日的12：30路過，見到餐牌幾吸引，就上左去喇。上一層大部份都是2人枱，很多一個人吃飯的，再上面還有一層。最主要吸引我是威靈頓三文魚，二話不說就點了。頭盤是2粒炸雞和沙律菜，菜新鮮，炸雞還暖暖的很好吃。主菜威靈頓三文魚，第一感覺有點像宜家家俬的酥皮批。味道不錯，配菜也很好吃，醬汁應該是菇菇忌廉汁，很不錯，但不夠飽。再配甜品，3啖吃完的小蛋糕。咖啡味道不錯。記得準備現金。整體算很不錯，價錢在旺角來說貴，但以味道，又有頭盤甜品來說，$97還不錯。1：05pm走的時間，都已經坐滿人了，可能上一層都很多人，要舒服的吃可以早一點來。

2月21日朋友慶祝生日聚會，揀選左呢間平日路過見到既西餐。地段方便，都容易搵到，我同4個朋友book左8點，食半自助餐。內裡寬敞，每枱坐位相隔有距離。自助餐有沙律、炸物及各樣海鮮。甜品比較多選擇，當日有火焰雪山小件蛋糕切出來，口感不錯。主菜有牛、雞、豬，意大利飯同三文魚扒，我地5個揀全部唔同試下😜最後當然唔少得一早request左既拿破崙千層酥賀朋友生日😄店員都有禮貌，用餐時間90分鐘算合理，CP值高既西餐廳。

約咗8:15食晚飯，去到睇完餐牌點餐15分鐘，跟住就同我講要截單，都唔緊要！點左4樣嘢，都未食到兩樣，就話要比錢，我入嚟時又唔講咁早截單，又話十點收檔，個客都未食就驚死唔比錢咁⋯咁既services 叫人點去第二次！？

Lab eat bristro 係旺角好出名，有2間分店，之前食過另一間感覺唔錯，所以今日朋友生日就試下榮高呢間啦～🫡一早就係openrice book左位，今日打黎confirm booking既時候，店員話有分半自助餐/普通dinner，半自助就係主食+$98升級，咁我就話問下朋友先🤔店員都好好話留住近自助區既四人位比我再決定⋯去到現場入左座，最後朋友都係覺得90分鐘要食主食加自助區太趕，我地仲有蛋糕🎂所以我地就諗住落單散叫，點知店員一句話：「唔得喎！」我地心諗點解唔得？店員話留左比你地啦，坐係呢區一定要加$98升級，咁我地話調位囉，坐返去普通區，店員就勁唔耐煩😑之後擾攘一番，先安排返我地過去，仲要催我地快啲過去😑勁無禮貌⋯之後上菜既時候，我地叫左4個main, 2個side, 根本唔夠位放，又唔收走啲食完既碟，係咁催話要放低🥲叫佢收，就一句話：「放低先啦」唔理人🙂咩事？？冇拉拉點解要受氣⋯切餅費收左$150，但咩服務都冇⋯出面餐廳係會幫手按人頭切，分碟🤨🤨食物方面, risotto味道好古怪，啲肉質又奇地地鬆軟，搞唔掂，唔建議😖牛扒、豬肋骨正常啦，埋單$1500，4條友，其實ma

從未試過食餐飯都可以食出浪費生命嘅感覺！尋日情人節，同太太提早幾日book定位，交咗$500訂金，準備夜晚8:30開餐食到10:30。8:20門口已經排長龍，個店員8:35先出現，慢慢放人入去，上到去已經差不多8:45。今日餐單係半自助，我需要自己去攞冷盤，冷盤味道尚可種類較少，而且每份份量都好細，兩層樓嘅人全部落晒去同一層搶嘢食，手慢就唔該等下一round再攞。距離入場時間1小時後（無誇張，真係齋等成粒鐘），即係9:30 ，第一碗湯終於送到來，羅宋湯，真係好一般，仲不如我自己煮嘅。9:50終於上咗第二碗湯，黑松露奶油蘑菇湯，我認為成個套餐裡面做得最好就係呢碗湯。10:10，主菜牛板翼同三文魚扒終於到，魚扒尚可做到皮脆肉有汁，牛扒就一般般啦，肉質偏硬，鋸都鋸唔開。10:50，艱難地食完主菜，等多十幾廿分鐘，甜品終於到，焦糖燉蛋味道不錯，士多啤蛋撻好一般。十分鐘食完離場，好飽，唔知係食到飽定係激到飽。流程已講完。我想講嘅係，未試過食餐飯可以食到咁狼狽，有一種浪費生命嘅感覺。我想講間餐廳根本就冇準備好點樣喺節假日服務顧客。既然已經set咗節假日餐單，即係意味着犧牲咗可選菜品，換來更加快捷嘅

朋友生日, 揀咗旺角一間幾有氣氛嘅西餐廳 Lab Eat Bistro食生日飯, 餐廳以工業風做主題, 晚間配以暗淡色燈光, 營造了浪漫氣氛。 食物以西餐為主, 加入了fusion元素, 其中更有BEEF COMBO、BEEF OMAKASE, 完全滿足牛魔王。【“乜蟹都有”Crab Salad】HK$108梳梳蟹肉堆疊式係蟹蓋上, 將紅蟹、麵包蟹拆肉, 混合了蟹籽+英式沙律醬, 啖啖甘香鮮甜, 又有層次。【火炙長臂蝦海膽醬櫻花蝦意大利飯】HK$248來自澳洲嘅長臂蝦表面被微微火炙, 蝦身依然keep成刺身口感, 食到蝦肉本身彈性同埋鮮甜。海膽醬包裹每粒飯粒, 入口creamy, 飯質有少少煙靭, 粒粒分明。另外order咗個BEEF COMBO-自選牛部位、調味、配菜、兩杯酒類飲品。【慢煮24小時美國榖飼牛小排 配黑松露薯條】HK$388牛小排表面烤至微微焦香, 經24小時慢煮後, 肉質粉嫩軟腍又keep到豐富肉汁, 面層有薄薄一層油脂, 咀嚼時間中滲出牛脂, 肉味香濃。墊底嘅薯蓉索了餘下牛脂兼加咗少少薑汁調味, 沾上薯蓉食, 平衡到口中濃郁味道。自選配有嘅粗薯條, 沾黑松露醬食,

見OpenRice 好多好評，book mark咗一段時間，終於搵一個星期六嘅lunch嚟試吓，2個人叫咗一個牛油果🐓 🍔同一個牛柳仔扒9oz ,當🍔嚟到時，已經嚇咗一跳，乜咁大個雞扒包呀，有一層好薄好薄嘅牛油果醬，算啦，伏咗小小添，不過$100左右，係呢啲質素啊，點知牛扒嚟買真係覺得好伏囉，唔知係咪lunch嘅關係，牛扒係望落去都煎得好靚，叫咗五成熟，但係點解係温嘅？？？吾熱㗎，唔通唔夠時間俾佢解凍？驚煎得耐有過熟，但係食完個雞扒包一陣牛扒先嚟，都等咗好耐，覺得加埋要$380食咗一份垃圾囉。本身塊扒已經唔係三百幾嘅質素，又吾熱，真心伏😢

之前逛街看到這個有三層高的西餐廳，令我很有好奇心，想去嘗試一下，之後發現原來他家到晚上8:30後會有八五折優惠，那還用想嗎趕緊衝啊😂場內空間很大！二樓是開放式座位，而三樓是包廂，適合多人聚會頂級牛版翼扒9oz $348這個牛排餐廳建議熟度是3成/5成，我選了3成，但是不會有什麼血水，怕生的可以選5成，肉質軟糯配上自選醬汁香草牛油更好吃👍🏻慢煮24小時美國穀飼牛小排20oz $388慢煮方式令到肉質軟糯鮮甜，熟度也剛剛好，值得一讚是配菜有足夠調味，薯蓉很順滑好吃這家店的性價比很高，而且自選醬汁也嚐得出有用心調配很好吃，如果唯一要挑剔的就是可能當晚離座是臨近餐廳下班時間，餐廳經理的態度不是很好吧😥但還是推介的👌🏻

係旺角想搵間就近嘅又高質既西餐廳🍽️而家就有好選擇啦😍Lab Eat Bistro樓高3層整體裝修行工業風紅磚牆同木系主調🟫最多仲可以容納150人💪🏻環境闊落舒適夜晚又有情調🪔無論係中午同同事食飯定係下午茶同姊妹傾吓計或者夜晚拍拖都唔錯👍🏻 我哋就晏晝時間去咗食🍽️分別嗌左是日廚師特製意粉🍝醬汁濃厚而且用料都非常充足留下好印象😉之後再嗌咗廚師特選牛排與蛋牛扒🥩五成熟依然可以煮到外面有焦脆嘅感覺內裏軟熟加上半熟太陽蛋🍳我認為係絕配👍🏻加上每個餐都會free部份飲品價錢貼地CP值夠晒高😎最特別嘅係二樓用餐空間可無需場地租借費用😍供私人活動舉辦早餐及下午茶派對💖

✨鵝肝二重奏（香煎鵝肝多士＋招牌鵝肝燉蛋）一道菜 兩種食法1️⃣煎到入口即融既鵝肝配香脆嘅多士😋2️⃣鵝肝嘅鹹香再配creamy嘅焦糖燉蛋口感 充滿驚喜😍👍🏻👍🏻👍🏻多士同燉蛋配合一齊食都好夾👍🏻簡直係perfect match🤤🤤🤤_✨香煎盲鰽魚柳魚肉嫩滑🥰😍😍摩洛哥香草醬帶出魚柳嘅鮮味_✨慢煮24小時美國穀飼牛小排迷你嘅牛小扒經慢煮後令牛汁鎖實，牛味香濃即使煮至全熟，肉質依然軟嫩而不痴骨_✨新抱茶被具特色嘅名吸引左呢個中式茶杯裝有混合桃汁、青檸汁、桃汁、威士忌酒同英國茶有香甜果味，口味清新_✨小店雜果賓治

今晚嚟到Lab Eat Bistro食晚飯，之前幫襯過尖沙咀嘅lab eat，會係偏向fine dining路線，而油麻地嘅bistro就走工業風，樓高三層嘅店舖座位數量頗多，但平日夜晚都好快full house。叫咗蟹肉沙律作為前菜，用蟹蓋盛載蟹肉絲擺盤有心思，沙律醬有加到蟹膏，啖啖都充滿蟹嘅鮮味。主菜試咗牛板翼扒同埋黯然銷魂飯，牛扒有幾款唔同部位選擇，欣賞餐廳會喺餐牌加入每款扒嘅肉質同脂肪比例等描述，等客人容易啲挑選到心水嘅牛扒。我地叫咗三成熟，外皮香脆入面依然係嫩粉色，幾腍幾好食。sides方面我地叫咗個法式洋蔥薯角，焦糖化嘅洋蔥痴實晒落啲薯角度，每啖都食到洋蔥嘅甜味，好正～～黯然銷魂飯個飯底係忌廉汁risotto，醬汁香濃，叉燒用鴨胸整好創新，咬落好爽口。食肉又點少得點杯酒去配返呢？嗌扒餐係可以用優惠價錢配杯紅酒嘅，但因為我只鍾意飲白酒就單點咗杯chardonnay，好易入口又有葡萄香。成餐飯最有驚喜係個拿破崙，內餡除咗超幼滑嘅吉士醬之外仲有香脆嘅糖蔥餅，糖蔥餅甚至比酥皮更脆，係意想不到咁夾，推介～～～

當晚與朋友19：30入座，叫了兩個前菜、一個意大利飯、一份牛扒以及兩杯Mocktail，大約21：00左右，一名短髮年約45-50歲之服務員問是否需要last order，因為21：30 廚房截單，餐廳營業至22：00。我與朋友看完甜品Menu 後表示不需要加單，隨即店員問枱上食物是否可以清走（尚有薯條1／3及牛扒盤上之配菜），我地表示薯條留下，其他可收走。約5分鐘後，即大約21：05，同一店員又問枱上食物是否可以收走，薯條其實仍然未食完，然後我倆表示仍需要，之後店員走開。再大約5分鐘後，即大約21：10，該店員又出現問同一問題，當時尚有其他約十數枱食客，亦尚有其他侍應捧餐予食客，而現場亦從未爆滿，未有人等位等情況。最後我與朋友21：30前離座，以免阻住該名店員姐姐收工（但明明餐廳收22：00，明明無限90分鐘，明明唔係得返我地一枱）。總結，食物只屬普通，價格亦並非特別性價比高，服務欠佳，永無下次。

放工之後返到屋企收到個驚喜，就係我想食咗好耐嘅懷舊糖蔥餅拿破崙千層酥。之前響Lab Eat Bistro食飯已經想試呢個甜品，但係當時個肚實在冇晒位，所以逼不得已放棄咗。原來呢個甜品有得外賣，我屋企人知道我想食，特登外賣咗俾我，氹我開心。我見到即時心心眼。拿破崙酥餅用透明膠盒裝住，整齊乾淨，都幾精緻，好適合送禮。急不及待試吓個拿破崙千層酥，造型好靚，拿破崙有三層，中間以吉士醬波波相間，中間嗰層酥餅以糖蔥餅代替，好特別，有種fusion感覺。酥餅非常新鮮，香脆鬆化，吉士醬香滑，食落唔會好滯，口感幾light 。糖蔥餅令口感更加豐富，甜甜的，脆卜卜，令人停唔到口。真係食過返尋味，我上網search，原來隨時隨地可以係外賣平台上叫外賣，但要早一日落單，因為所有拿破崙蛋糕都係每日新鮮製作。

今晚約咗由澳門來香港拜年既朋友，佢話想食西餐，我帶佢去旺角行街之後，帶咗佢上咗間之前食過唔錯既西餐。餐廳係以英倫工業風格裝修，朋友好鍾意。我哋點咗一個前菜、2個main course再加杯飲品share 食。前菜：「乜」蟹都有混合紅蟹同麵包蟹既蟹肉沙律，d蟹肉一條條，全部真蟹肉放響蟹蓋入面，堆得滿滿，上面放滿蟹子，外觀十分吸引，打卡一流。蟹肉好鮮，啖啖肉，蟹肉以蟹膏拌勻，好邪惡，每一啖都是香濃甘香，睇得又食得。法式豬鞍扒呢個係第一個main course 。豬鞍扒係意大利黑毛豬，煎得金黃焦香。menu話七成熟最perfect。果然，塊豬鞍扒好易切，唔硬，入口唔鞋，肉質鬆化，唔會乾巴巴，仲充滿肉汁，好有驚喜。配埋芥未同蘋果果蓉，少少辣少少甜，好解膩，十分之好味。另外，薯角以香草牛油炒，好正。串串蕃茄爆汁，唔錯。頂級牛板翼扒另一個main course 係 牛扒。牛板翼扒係牛隻既珍貴部份。我哋叫咗5成熟。切開粉紅色，粉嫩粉嫩，油花幾豐富。肉質柔軟，d肉汁鎖住係d肉入面，冇好多血水流出，好難得。沾上我哋揀嘅香草牛油，牛扒更加香。配菜薯蓉好香滑，加上雜菌，不能錯過。凍朱古力濃度適中，都算香滑，

/𝑳𝒂𝒃 𝑬𝒂𝒕 𝑩𝒊𝒔𝒕𝒓𝒐 🇭🇰/#sa旺角篇 ➖➖➖<鬧市裏工業風西式餐廳🍴多款🐮部位>➖➖➖店舖正正位於旺角嘅中心點 人流都幾多 附近都有唔少選擇～如果想揾中價位 環境好少少嘅地方呢度都幾適合 一大班人去食都得 樓高三層 座位都多 其實都坐得有少迫 環境偏昏暗 但勝在食物選擇都幾多 而且部分都係頗有特色嘅fusion 料理😙➖➖➖1️⃣乜蟹都有 $108 係蟹肉salad 黎 可以share 🫶🏻裏面有絲絲蟹肉同蟹籽 份量多 啖啖肉🥰用左紅蟹同麵包蟹蟹肉 咁多肉的確幾豐富！ ➖➖➖2️⃣火炙長臂蝦海膽醬櫻花蝦意大利飯 $248 個汁都幾creamy幾濃郁 每啖飯都食到🫶🏻長臂蝦呈透明 印象中係半生熟狀態 幾新鮮 如果再彈牙啲就好 櫻花蝦稍為俾個汁搶fo 唔太覺 ➖➖➖3️⃣慢煮24小時美國穀飼牛小排 (20oz) $388🌟 有多款牛部位 例如:牛腰、牛板翼等 今次牛小排用慢煮方式肉質軟腍😆肉色都夠嫩紅 熟度剛好 另外可以自選醬汁紅酒/香草牛油/阿根廷香草醬🫶🏻 要左最後嗰款！可以另加$48 要配菜 要左牛油炒鮮菌😙➖➖➖4️⃣Sparkling iced tea 有氣檸檬茶