La Vache!

营业中

休息中

無餐牌原來只得沙律薯條牛排餐。呢個都唔係主要問題，問題係本人怕會流血的牛排所以一般都會叫well done。轉頭個captain仲返黎問well done 係咪即係9成左右果種，我話係，心諗識做西餐有經驗真係唔同。諗住well done 少少粉粉地只要唔流血都收貨。點知唉，沙律失望菜加醋加小核桃，普通幼薯條，主菜黎到2份牛排切好放一齊2個人可以分都幾好，但係個well done 就110% 乾嗮全深咖啡色，食到後面直情係食牛肉乾。終於知道點解個captain咁奇怪問多次係咪90%果種well done 原來呢間個standard 係比正常熟20%左右，大家注意另外要注意甜品唔係跟餐，需然個甜品有正常水準，但係半個餐既價錢。間間西餐medium rare都唔同standard 真係難搞。

“La vache” means “the cow” in French. They only serve one kind of dish here- that’s ribeye steak (cut into strips/pieces) with bread, salad and fries. Bread was warm 👍🏼; salad tasted fresh👍🏼; fries thin and crispy 👍🏼. I didn’t like my steak too bloody so ordered the medium. The plan was to eat the sides of the steak first, letting the middle bits to be further “cooked” by the candles thoughtfully placed under the plate of steak. It worked out, but my steak was a bit chewy with tendons in places.

Walked in on the other day for lunch. Didn’t take fancy photos, they all looked the same as there is only one item on the menu ;)Fries are great as usual. With unlimited supply of fries, it’s just heaven for fries lover. The steak was a little bit overcooked this time. But they changed it for me at once upon request. Still delicious.They served dessert for free during the 4th wave of covid. Forgot the name of that cake but it was surprisingly good.

呢間野成日都好多人排隊 個日平日6:00pm去到唔洗等就有位😚但同朋友3個人坐個張枱有少少逼🙈呢度每人均一收費 $318 另加一 order既時候只需要講要幾成熟就可以了🤣或者需唔需要加飲品/甜品~前菜每人有兩片法包🥖配牛油同合桃沙律🥗 之後就到主菜美國安格斯肉眼扒🥩同薯條🍟我地每人仲加左杯紅油🍷🤪🥩我叫左medium 朋友叫左medium rare🤤我覺得medium rare好食d嫩滑d🤣牛扒都好juicy而且唔多肥膏同筋👍🏻可能因為下面有蠟燭保持溫度 牛扒食到最後會愈食愈熟咁🤣所以個人覺得叫生少少都ok🤪🍟薯條有驚喜 係幼身既 條條都好香脆 (上網睇原來係用牛油炸😳)鹽既鹹香味岩岩好 點本身用黎配牛扒既個個蘑菇忌廉醬會食唔停口🤯薯條可以無限添加添!🤪

情人節搵餐廳，搵左想食好耐既呢間法式牛扒la vache. 早左一個月訂枱。 餐廳係酒吧街入面，都算易搵。呢到serve一款野食，唔使諗主菜，野飲就紅酒cocktail汽水果汁都有，因要送薯條，就叫左啤酒同蘋果汁。主菜肉眼扒，前菜有麵包+沙律仲有甜品，重要係薯條無限refill. 麵包外皮唔會太硬，入面好軟，再加溫室牛油，好香口。沙律新鮮，有核桃係入面，不過d菜好大塊，食落少少狼狽，個沙律醋比較酸，食到咪起眼。 主菜到，我地叫左一塊medium, 一塊medium rare. 兩塊肉質都好嫩，我地覺得medium好食少少，比較易咬開。 牛扒咬落好香口，如果食中有牛脂既部分就仲正！ 扒下面有小蠟燭熱住，加分，太生果d仲可以用下面個火慶下佢。 都要讚下個白色松露芝士醬，唔會太咸，配上牛扒可以昇華。 無限refill薯條，係幼身果款，好脆，每次添都係剛剛炸起既，好難唔好食。 餐廳仲有比三支迷你醬，方便大家調味。 最後，食到8-9成包都仲有個甜品，今日係橙味蛋糕。 入面有一絲絲橙皮，唔似用左化學野， 個cream都好味！ 訂枱時候指明係特別日子仲會幫你畫埋碟

得一個牛扒餐 $318淨係要揀牛扒幾成熟 飲品同甜品就得已經係2人晚餐限聚令嘅時候食5個人去食 我就自己坐一枱可以獨食成籃麵包麵包暖粒粒 配埋個牛油好軟熟好香好好味沙律我唔食嘅😂所以無得講等扒到Rib Eye (medium rare)🐮我就鐘意食生啲而面頭就帶有啲焦香食落口感鮮嫩 肉味濃郁又夠晒juicy配埋蘑菇醬 真係好正一路有蠟燭熱住🔥所以食到最後唔會話凍冰冰 變到柴皮咁同埋嗌medium rare 就算後尾再燒熟啲都唔會太鞋任食薯條🍟即刻炸起 又熱又脆口但其實第一輪已經好多所以通常我都係refill一次就夠最後就係甜品車🤩我哋就揀咗3款shareLemon Tart $128最鐘意食lemon tart一大層燒過嘅meringue中和返酸酸哋嘅檸檬再加埋最低薄薄哋嗰層撻口感同味道都好正Paris Brest $128榛子味超級濃郁上下兩層泡芙就好香脆不過食得多就膩咗啲Pistachio honey chocolate tart $128errrrrr......好硬好多nutsNot my type埋單每人五百幾好滿足嘅一餐依間嘢都嚟食過幾次，係得一次塊牛扒太乾 所以食唔晒🤫其

呢間餐廳一直係我嘅to eat list到，咁啱朋友生日飯就嚟咗呢間慶生啦 ♪ 餐廳只提供一個set dinner，以牛排作為主菜 ( ´ ▽ ` )ﾉ -Set dinner $318/位前菜係香脆合桃有機沙律🥗，沙律醬酸酸甜甜好開胃，蔬菜亦新鮮爽甜餐包都夠熱同香軟，加埋牛油好好食😋牛扒我地叫咗5成熟，餐廳已經幫我地切好咗一塊塊，而且為咗保持溫度會放蠟燭係碟下面保溫，好細心呀 ♡薯條係牛油炸，可以無限refill牛扒入口都算嫩滑多汁，外表亦煎得香脆，入口係好香濃嘅牛味，一啲都唔會騷但食到某幾塊邊位有根，完全咬唔爛，非常韌身😅 而且油脂感好重，愈食愈漏🥴幼身薯條炸得較乾，食落香脆可口，雖然係無限任添，但因為太油膩，所以都係添咗一次就算(˶‾᷄ ⁻̫ ‾᷅˵)ฺ 餐廳用膳時間90分鐘，員工係外國人，要用英文落單 🧏🏻‍♀️-👾味道：5.5/10🔙回頭率：5/10（10分最高）

依間法國餐廳好早之前朋友介紹過後已經想去試但係佢平時十分之full booking，今日襯住最近少啲人食午餐，終於可以試到！果然無令我失望餐廳裝修格調好，坐得十分之舒服，暗暗地好適合同另一半去慢慢傾下計，享受豐富午餐服務方面，侍應們態度好好，而且fill野速度十分之快，好多時你唔洗叫佢地已經主動行埋黎幫你fill，值得一讚食物方面，餐廳只有一款食物供應就係牛扒set包括牛油麵包、沙律、牛扒同任食薯條，如果有預約仲有蛋糕甜品味道方面，沙律菜本身好新鮮，而且餐廳有加左醋，酸酸地非常開胃！作為前菜好合適牛扒我地叫medium rare，黎到已經幫我地切好哂，雖然係叫左三成熟，但牛扒感覺唔會好生，食落好嫩又多汁，餐廳仲有個蠟燭仔係盤下面熱住，等你可以慢慢歎又唔會攤凍，十分細心最後值得一提既就係個薯條，新鮮炸起，熱辣辣之餘仲要唔油膩，我本時小食炸野都忍唔到口食多左幾條最後埋單兩人加埋700蚊，個人認為值得一試！各位可以襯住最近午餐少啲人book 可試下

筆者朋友最愛牛扒同薯條 生日飯係到食最完美！不過。。我無book到位。。大失策   記憶停留左以前只得walk-in既時候唯有後尾黎返食lunch補數啦 La Vache!得一個set 午餐晚餐都係一樣坐低唯一要揀既就係牛扒既生熟度 前菜：核桃沙律配黑醋，麵包主菜：牛扒，薯條牛扒用蠟燭烘住 慢慢食都唔怕上左牛後就會有侍應拎住盆薯條過黎夾比你 無限refill架🤩牛扒碟上既醬應該係蘑菇？我都唔清楚 不過點牛扒同薯條都好好食❤️之前食既時候個侍應介紹過可以用個個醬撈蛋黃醬 每個枱面都放左細細樽既Heinz茄汁同蛋黃醬 不防試試今次唔見有甜品車 唔知係因為疫情關係定一或午市冇 每次黎親都一定會撞正有人生日 餐廳會播生日歌試過餐飯起碼聽三次😂 今次lunch都唔例外哈哈

Location : 3.5/5Decoration : 2.5/5Food : 2.5/5Service : 2.5/5Since I arrived in HK in 2016 I always avoided “La Vache" since I didn't get the concept of just having what we call commonly a "steak frites" in France.Anyway, my partner who insisted and had good memories from the Central Branch, brought me there and the waitress mentioned that we had to wait 45mn... Here was not keen to but well...Anyway, we came back, sat down, nothing special to mention except that I was a bit surprised that there

聽朋友介紹試吓呢間唔使揀嘅餐廳食牛扒。疫情期間，午餐都算多人，坐低就送上麵包，麵包細咗啲，不過我諗應該可以 refill? 合桃沙律用上 balsamic dressing ，酸酸地好開胃。牛扒係 ribeye steak 好腍同埋好夠味。薯條又真係好好味又脆，仲可以免費無限添加👍🏻👍🏻👍🏻 喺OpenRice訂位仲可以有免費甜品，份量相當大嘅藍莓蛋糕🍰。$318 /set唔可以話平，不過水準係OK嘅。仲有儲印仔，四個午餐可以送一個，都算係叫做平咗啦！

呢間牛扒算係我試過最好味既牛扒之一。以往好怕食到韌牛排，咬黎咬去都咬唔斷，咬到口都攰。本人實在中過太多次伏，搞到都有d害怕食到唔好味既牛扒。其實呢間牛扒一上菜的時候有少少失望，因為擺盤真係唔多靚，用鐵碟裝真係好少餐廳會咁做。但係食左第一淡之後完全就冇左呢種擔心，因為真係好好味呀！牛扒煎到啱啱好，一d都唔難咬，不過就好juicy，雖然薄薄一片但係牛味好重。另外仲有任食既配菜同薯條薯條個賣相就似m記咁，但係食落唔會好似m記咁油同軟淋淋，係脆身同埋薯仔味好出。set裡面包一杯紅酒，紅酒都係容易入口，唔會好澀。overall都係一間好好質素既牛扒餐廳，會再去幫襯

很早就種草了這家法式牛排店，最近入冬後天氣也越來越冷，最適合在溫暖的室內幾chill得享用美食啦這家只有一種set，適合我這種選擇恐懼XD餐包鬆軟搭配牛油🧈核桃沙律🥗非常優秀👍🏻開胃爽口牛排我們叫medium，服務生會在下面放上小火使🥩一直保持溫熱。搭配蘑菇醬，味道很🉑️作為薯條控，這家的薯條真的可以打滿分了，剛炸出來空氣感十足，可以無限♾️refill，實現薯條自由！最後還有是日甜品，裡面也有加入核桃和其他堅果🌰，甜而不膩的口感，做的也很用心。

2021 年既第一餐交左比La Vache!🍾️ 餐廳只有一款主菜 就係Steak and Fries 🥩 Steak既serving size 都唔細，再加上任食既薯條都算幾抵食套餐除左佢既扒仲包括一份沙律。牛扒建議叫medium或以下🙈肉質唔錯，又嫩又濃味。薯條幼身，而且條條都好脆！唔夠喉可以refill🥰因為好耐之前食過所以完全無睇過menu，以為甜品係include係個set入面。點知原來差唔多$100份～不過佢既Lemon Tart都幾出色，開胃又唔會太酸 都唔錯。另一款個人認為麻麻無咩點食🙈

當日我們即場Walk in沒有訂座 餐廳只有一個牛扒餐 $318+10%入到去餐廳職員就會問我哋想要牛扒係幾多成熟 先來會有個沙律 之後上牛扒 我哋嗌左Medium Rare 入面半生帶點紅色 食落口非常之軟熟入味 亦都唔會過分太生嘅感覺 另外餐廳薯條係可以不斷refill 食既過程中 職員推住㗎甜品車 你就可以即時order 職員就會為你介紹全車嘅甜品 最後我哋嗌左檸檬撻 酸酸甜甜不錯 唯獨份量會有少少多 三個人食咗啱啱好