La Mensa Grill & Bar (Plaza 88)

营业中

休息中

今日放假去遠D既地方Grill 下先，揀左荃灣西站大約行7-8分鐘既Plaza 88新開冇耐既 La Mensa Grill & Bar ，鍾意呢度附近地方好空曠，唔會太多人，餐廳環境又舒服，門口有幾張枱可以帶狗狗一齊Chill 🤗一諗起有得食Taco就Happy 🌮🥗▪️Prawn Mango Avocado Salad $ 158叫個開胃頭盤先，呢個沙律有齊我全部最鍾意食嘅嘢，大蝦，牛油果，泰式芒果，小蕃茄，黃紅椒，沙律菜，重點係佢地自家調配既沙律汁，酸酸甜甜，超級好味😋🌮▪️Mexican Taco Chicken $ 120必食推介，墨西哥薄餅包住雞肉餡料，餡料用番茄，青椒，洋蔥帶微辣嘅蕃茄醬汁炒過，好惹味，再加上小番茄，牛油果醬，酸忌廉，加埋檸檬汁一齊食，正正😋是我杯茶🍟🐠▪️Beer Bettered Fish & Chips $ 175用啤酒炸槳炸過的魚柳外皮特別香脆，魚肉超級滑，而且炸魚已經調咗味已經好好食，但當然要加埋檸檬汁同埋他他醬才算完味，粗薯條就係冇得輸，大大條外脆內軟，正到爆🍹▪️Whipped Cream Chocolate $ 45超級邪惡，面頭全部都係Cream

呢間酒吧位於荃灣工廠區附近，不過都唔算太難搵，喺市中心行過去大概都係10分鐘左右，就算平日來講，都算幾多人嚟食。裝修都幾靚，不過位置唔算有太多，如果想去嘅就真係要book位，咁啱我哋今日去到，可能就嚟關門，所以人唔算多。呢度半條豬肋骨，份量嚟講都算幾大份，兩個人一定夠食，新鮮熱辣上枱，薯條卜卜脆，薯條灑上BBQ粉，配合個豬肋骨一齊食，好惹味。之後嚟咗個招牌芝士漢堡，蔬菜同肉嘅比例差唔多，塊牛肉好口，一咬落去勁多汁流出來，漢堡包個皮係焗過，所有配合一齊食，好好味。另外叫咗個墨西哥餅，呢個係個前菜黎，唔好講笑，佢嘅汁食完之後好夜魅同埋好開胃，加埋檸檬酸酸甜甜嘅口感，食完之後好想再食。

今日早咗收工，所以同埋👧🏻老婆一齊搵好野食，咁啱有個朋友介紹荃灣有間酒吧啲嘢幾好食，所以趁未夠六點就去試吓。我四點幾去到，都見到仲有幾台happyhour緊，仲有見到有人帶寵物坐咗喺門口嘅枱，我覺得佢最好嘅係可以帶埋寵物一齊嚟食嘢。食物嘅款式都幾多，而家全日做緊buy1get1free cocktail，如果兩個都飲酒嘅話其實都幾抵。叫咗個墨西哥卷配雞肉，餅底有少少脆，味道濃郁，入口有少少辣味，加埋牛油果醬同埋蕃茄粒，好新鮮嘅感覺。半條豬仔骨嘅份量，豬仔骨肉夠林，好容易撕開一條條，上菜時仲熱辣辣，另外薯條落咗好多BBQ粉，食完覺得好滿足。最後叫咗個芝士漢堡，估唔到啲份量咁大，食完個豬仔骨嘅薯條之後，個漢堡包都係連埋薯條，佢嘅牛肉好Juice，加埋蕃茄同菜一齊食好fresh既感覺。

最近拿到了消費卷，我便和朋友去荃灣行街。見到附近有個商場叫 Plaza 88, 地面有一間好靚好特別的餐廳，我同朋友一望就被吸引入去食lunch.入到去d裝修真係好靚同好有去了外國的感覺。三文魚闊條麵 salmon fettuccine ($138)一看個貌相已經好吸引，而且聞到好香的味道。闊條麵索哂d忌廉汁，每一口都好香濃。三文魚好足料，份量好足夠好好食。然後仲有車厘茄同梅乾，食落帶少少酸味好開胃，所以雖然佢好多忌廉汁，但食落完全唔會溜。呢個配搭真係非常好！雞肉片漢堡包 🍔 chicken schnitzel burger($155)漢堡包好大，份量好多，雞肉係炸得好脆口。咬落去好脆好好味。漢堡包入面還有很多配料：生菜，番茄，所以食落去個味道好豐富。而d薯條係比較粗身果種好香口，食落非常惹味。最後埋單都係$322，食物質素同環境都好好，呢個價錢絕對係值。

喺荃灣行街見到有間lunch set都幾抵食而且幾有格調嘅餐廳！✨甜南瓜湯南瓜湯好濃郁，湯嘅質地非常厚身同creamy! 好飲到一滴都唔剩！✨和牛沙律沙律菜非常新鮮一啲都唔苦，而且幾爽口同埋感覺清新夠晒開胃！用和牛做沙律真係夠晒誠意，份量都超級大！✨澳洲肉眼牛扒肉眼牛扒肉質軟諗而且都幾重牛味，廚師都有十足嘅功力煎到啱啱好，鎖住啲肉汁！一切落去果下啲牛扒入邊仲有肉汁流晒出嚟！！餐廳仲好細心配上香烤蔬菜、薯仔同埋胡椒醬汁！✨澳洲魚扒（盲曹）澳洲盲曹魚肉肉質結實、食落口就覺得潤滑，以香烤嘅方式煮令到魚皮夠晒脆卜卜！而且一啲都唔乾同埋冇魚腥味，食得出廚師處理得幾好👍👍👍👍配菜係蒸粗麥粉沙律同埋芒果沙律！芒果沙律酸酸甜甜配上魚肉都幾有新鮮感！飲品就叫咗latte 如果想飲品用餐後先上就記住同職員講，如果唔係就會預設先上飲品後上餐湯同埋主菜呢！Mocha 都幾濃郁同creamy 最後仲有甜品呢，蛋味都幾香濃而且蛋糕裏面都夠晒濕潤，配上士多啤梨醬汁幾清新！

身為荃灣人，最近先知Plaza 88開左間西餐廳🍴呢度唔係荃灣最旺既地段，但反而幾鍾意呢度有種恬靜既感覺，幾舒服🌿餐廳有戶外同室內位置，如果想chill d可以揀戶外位，而室內既裝修就充滿中東色彩，佈滿紅色既梳化凳、藝術畫作🎨、柔和既燈光等等，日頭因為有落地大玻璃，光線比較充足，相信夜晚前來會更有浪漫感覺🌹▪️Butter Chicken Curry 咖喱牛油雞 $168咖喱牛油雞可以揀配白飯🍚或者印度蒜薄餅🫓我地揀左薄餅，薄餅面加左羅勒醬，令薄餅散發住淡淡香草、蒜香味🌿入口好鬆軟，可以點薄荷醬汁或酸忌廉😚至於奶油雞，份量都唔少，雞肉嫩滑多汁，浸喺充滿濃郁香料既咖喱之中，味道微辣，夠惹味🥰咖喱牛油雞配薄餅真係一流，好有風味👍▪️Salmon Fettuccine 三文魚闊條麵 $138三文魚係三文魚扒切粒而成，忌廉汁好濃郁，夠晒creamy😜面頭仲加左唔少芝士粉，有好香既芝士味🤩闊條麵偏薄身，口感都唔錯，而三文魚份量都幾多，基本上食每一啖麵都夾雜住三文魚❤️建議2人或以上share，一個人食會太邪惡😆

難得上網見到呢間新開Pet Friendly餐廳可以帶埋狗仔座户外，即刻過黎試下環境唔錯，充滿異國風情午市套餐唔算貴，已包餐湯/沙律，飲品，甜品煙三文魚沙律醬汁酸酸甜甜口感清新，沙律菜亦夠新鮮爽脆肉眼牛扒配烤蔬菜 大大件肉眼扒，份量十足，烤得剛剛好肉質軟淋，連埋烤蔬菜一齊食，好滿足啊燒五花肉跟飯五花肉肥瘦適中，皮好脆仲有配埋沙律菜，可以減一下油膩感最後仲有是日甜品食完都幾滿足可以同寵物去嘅餐廳唔多，做主人記得要自律啊

荃灣市中心多人就係人都知, 如果想係呢區感受到一份寜靜既用餐時間, 距離市中心少少, 就係Plaza88地下就有間好chill既西餐廳😌🍃餐廳有室內或室外坐位, 店內裝修以復古風為主調, 坐位好舒適👍🏻職員多數為講英文的外籍人士為主，但英文唔好都唔緊要，都會有講廣東話的職員☺️事緣因今日天氣有的熱, 開頭我地坐室內但近門口的位置, 但坐坐發現有少少🤏熱，又見到卡位有人走, 立即同店員講想轉位, 而佢地都好樂意為我地咁做👍🏾1/ 惹味魷魚🦑 $130本身冇諗過叫呢味, 但見隔離食得咁滋味就忍唔住叫左黎食喇! 送到黎熱辣辣, 外皮超薄而且香口, 內裡既魷魚好彈牙😋同埋呢份魷魚真心好大份, 我地2個人食就真係多左的, 可以話係4人份量, 送啤酒一流👍🏾2/香蒜烤雞肉沙律🐓🥗 $145橄欖油非常香，而且撈得好均勻, 完全唔需要再自行處理, 而烤雞好入味, 肉汁鎖住係入邊, 好Juicy!!💦3/ 三文魚闊條麵🍝$138 三文魚肉嘅份量都幾多, 而闊條麵同我平時食既唔同, 佢地比較薄身而且麥味較重, 帶住濃濃既芝士味🧀, 再加上酸酸地既蕃咖乾點綴, 令整件事多一份層次, love it❤️埋單時,

聽講荃灣開咗間餐廳人同狗都可以今日咁啱天氣幾好就決定帶埋狗狗一齊去坐室外餐廳係食多國菜所以好多唔同種類嘅菜都可以食包括有西餐墨西哥咖喱薄餅等等今次就決定是啲平時少食開嘅嘢啦兩個有分別叫咗墨西哥餡餅、葉盤雞快同埋大蝦海鮮燴飯雖然下午嚟到但係cocktail都有買一送一但下午想飲咖啡唯有下次再叫啦首先嚟咗墨西哥餡餅可以揀牛肉又或者蝦今次選擇左蝦係用番茄汁嚟整好好食 再加埋蕃茄醬牛油果又或者酸忌廉好鍾意食呢個之後就係大蝦燴飯同樣地都係用返茄汁海鮮嘅份量都多亦都唔會因為用返茄汁而太酸蝦亦都好多肉至於呢個熱盤雞塊上菜嘅時候真係熱辣辣入面都有好多雞不過略嫌有少少鹹所以同麵包一齊食係啱啱好麵包呀有蒜蓉味份量亦都好多兩個人叫咁多嘢都係五百幾蚊好抵食又好食下次你都想再嚟呢度試試其他嘅菜式特別推介墨西哥餡餅

荃灣近排開咗個大型商場 Plaza 88😗 位置都非常近地鐵站🚉 Search呢度有咩食就見到呢間餐廳🍴 約朋友嚟呢度午餐 但係原來OpenRice嘅地圖係唔啱㗎 搞到我朋友搵咗一大輪都未見人影🤔 好彩最後有驚無險都順利嚟到咋餐廳有分室內同室外嘅座位 今日天氣比較熱 所以就揀咗室內嘅位置😺 室外位置比較chill 室內環境就好有格調🥰肉醬意粉呢碟看似平平無奇嘅肉醬意粉都大髀我哋有驚喜🍝 意粉幾彈牙 而且份量都幾多 呢個啲比較高身好似食極都仲有🤣 肉醬嘅茄汁唔會太酸 仲好香香草味添啊🌱特式薄餅呢度都有好多Pizza揀㗎 不過我哋就想乜都試吓 就嗌咗呢個特色pizza🙊 香腸 辣肉腸 火腿 洋蔥 辣椒 煙肉 菠蘿真係想食咩餡都應有盡有啊🥳 Pizza餅底比較煙靭 唔係出邊食到既Pizza就咁一舊粉嘅感覺 面頭芝士唔算係超級多 但係都做到拉絲嘅效果🧀 個人覺得茄醬 芝士 餅底嘅比例好好 唔會有任何一個搶咗另一款配料嘅味道 呢間餐廳食物幾好而且環境都幾舒適 難怪星期六一開門已經有一半嘅座位有客人啦👍🏻

好耐冇黎荃灣,估唔到荃灣西呢頭有D特色餐廳,呢間可以食墨西哥菜。我叫左牛肉FAJITAS,牛肉切成一條條,鐵板上,牛排燒成網紋狀,有三色椒,至於個WRAP就分開上,有OLIVE OIL係個表皮上面,醬汁有牛油果蓉、SOUR CREAM同埋SALSA,味道唔錯!有肉味,同埋色彩繽紛。配合返餐廳既環境,有異國風情。甜品就每日都唔同,呢個係椰汁蘿蔔鬆糕,味道幾特別。呢度既店員服務幾好,我見SET LUNCH都幾抵,可以一試!

朋友同我講荃灣有間餐廳，都幾好食而且價錢都唔貴，所以今日星期日就決定同佢一齊過嚟食，因為見到今日天氣唔錯就坐喺出邊。蝦芒果牛油果沙律，來到份量都𣎴少，因用檸檬香草汁味道特別，菜新鮮，蝦用烚仲都保持到爽口，芒果和芒果新鮮。朱古力奶昔我勁喜歡飲，在網路看到幾靚，當然過來試，這裡的是用維記雪糕，當然沒有失望，杯周邊有朱古力醬真心幾靚。雞肉蘑菇燴飯，巴馬臣忌廉芝士味好濃，雞肉嫩滑，燴飯配上醬汁剛好而且好入味。下次再嚟嘅時候應該就會試吓坐入邊，因為入邊嘅裝修同埋啲梳化位都幾舒服。

見天氣咁好帶兔伯去食嘢，有間餐廳可以戶外坐岩晒，食完仲可以順便帶佢去曬太陽。沒想到來都幾大份而且味道不錯。牛油果蝦沙律，沙律好清新，芒果微酸口感口感不太淋身好味，每棵菜都有沙律醬又不會太多不錯。 墨西哥鐵板燒烤 配牛肉 ，來到Sasa 聲熱呼呼十分吸引，沒想過牛肉會份量咁多，牛肉味都有口感幾嫩，而且仲有4片墨西哥薄餅，醬汁有3款，最後個款加了點包牛肉一齊食好味，$175好抵食。朱古力奶昔，奶昔用維記牌，味道好濃香仲有朱古力醬同頂有忌簾增加滑度同朱古力味。

La Mensa Grill & Bar喺荃灣嘅分店，同樣擁有室內同埋室外嘅座位，地方比啟德店更濶落！店舖位於轉角位，有柔和嘅日光照落嚟，都真係幾舒服！Mexican Nachos /w Chicken $135有齊晒三色Nachos醬同埋芝士，Nachos係選用有調味嘅，齋食已經好香脆好惹味，點埋三色醬真係正到不得了！呢份Nachos連雞肉粒有烤過！而且份量勁多，幾個人Share都夠食！Salmon Fettuccine $138三文魚扒切大粒再煮熟，多汁好味！忌廉汁調得啱啱好，掛汁得嚟又唔會太杰身，仲落咗兩三隻原條乾辣椒，令成碟闊條麵變得更香，食極都唔覺膩！

今日同老婆去試呢間餐廳，見openrice上面訂位有八折加送甜品我哋就馬上去試。去到之後我哋叫咗兩個lunch set一個係肉眼牛扒一個係烤雞。全個場都幾多人而且愈食愈多人但係只係得一個服務員所以叫極都冇人理。牛扒落單嘅時候冇問我哋要幾成熟咁我哋都相信廚師嘅功力，但結果係過熟幾乎係全熟塊牛扒好韌好柴，幸好上有牛味而且佢有啲砵酒汁所以都中午食得到。烤雞其實做得幾好味道，微辣香料好足，隻雞啱啱從焗爐出嚟好熱，配菜嘅炸薯條都好好食好脆如果論質素呢個係中上水平值得再食。但係隨著越來越多人入開始已經做到你唔到咁多客我哋想叫餐飲一直冇人理後來落咗單等咗成十五分鐘都嚟唔到更遑論後來想要甜品完全冇人理我哋結果都放棄咗呢兩個贈品嘅甜品直接買單走人。埋單嘅時候見佢冇畀八折我向佢表示openrice訂位有全單八折，但係佢表示要唉主餐牌上嘅菜式先有set lunch係沒有我即時去openrice嘅優惠細則睇睇係見唔到有呢一個要求。但有一個細項華餐廳有解釋呢個優惠使用要求嘅權利簡單嚟講就係餐廳講曬咁我都冇爭拗照畀錢。只係覺得如果有要求就應該寫清清楚楚，以免顧客期望落空其實餐飯唔算貴，原價我都覺得ok，只係最尾覺