La Mensa Grill & Bar (Plaza 88)

营业中

休息中

呢間酒吧位於荃灣工廠區附近，不過都唔算太難搵，喺市中心行過去大概都係10分鐘左右，就算平日來講，都算幾多人嚟食。裝修都幾靚，不過位置唔算有太多，如果想去嘅就真係要book位，咁啱我哋今日去到，可能就嚟關門，所以人唔算多。呢度半條豬肋骨，份量嚟講都算幾大份，兩個人一定夠食，新鮮熱辣上枱，薯條卜卜脆，薯條灑上BBQ粉，配合個豬肋骨一齊食，好惹味。之後嚟咗個招牌芝士漢堡，蔬菜同肉嘅比例差唔多，塊牛肉好口，一咬落去勁多汁流出來，漢堡包個皮係焗過，所有配合一齊食，好好味。另外叫咗個墨西哥餅，呢個係個前菜黎，唔好講笑，佢嘅汁食完之後好夜魅同埋好開胃，加埋檸檬酸酸甜甜嘅口感，食完之後好想再食。