La Mensa Grill & Bar (Plaza 88)

营业中

休息中

今日放假, 同亞女去荃灣 shopping, 行到 plaza 88 食番個 brunch 先.餐廳高雅中帶有古典味.好想食奄列同 pancake食物 colourful, 賣相吸眼煙三文魚奄列, 份量夠大多士好香脆金黃色的奄列, 裏面有紅洋蔥, 三文魚, 蘑菇, 軟芝士, 真係好好味呀香蕉藍莓 pancake, 大廚擺放得好有心思 有香蕉片, pancake 裏有藍莓, 配以楓糖漿, 好飄香大大塊嘅 pancake, 軟綿綿的亞女杯士多啤梨奶昔好迷人, 香甜嘅士多啤梨味, 加上頂層嘅忌廉, 令人難以抗拒. 我杯雲呢拿奶昔也好細滑一個甜在心頭的 brunch.

近荃灣楊屋道附近有幾個商場，入面都好大同幾多野行，今次去到plaza88 入面有間西餐廳，係食多國菜，環境好舒服同埋食物都好高質。見到menu有豬、牛、羊同雞排，又有墨西哥菜，又有美國漢堡包，又有印度咖哩食，都好多選擇。中午黎到，叫左個咖哩牛油雞，係北印度地道滷雞，附加咖哩牛油汁，仲可選擇印度蒜簿餅或配白飯，我就揀左薄餅，薄餅好香芫荽味，配埋咖喱冇得輸。另外叫左雞肉香蒜醬意大利粉，有d香草，蒜蓉，松子、巴馬臣芝士，岩岩上枱熱辣辣食好好味。最後叫多個烤豬肋骨（半份），呢個有驚喜，佢係嫩烤美國排骨，配埋自家秘方醬料醃製，仲有埋炸薯角，份量好多，兩個人食夠哂，估唔到豬肋骨都幾多肉所以都幾抵食。環境一流，嘢食都好好食，估唔到荃灣區都有咁好食嘅西餐廳。如果喺荃灣附近，不妨黎試吓。

星期一中秋假期，夜晚唔想煮，所以叫左屋企附近呢一間餐廳的外賣，平時都有去開間嘢堂食，服務麻麻，嘢食OK，但點知今次外賣就（ordered炸雞，意粉&pizza），中伏！阿仔中意佢地D pizza，所以今次嗌左La Mensa House pizza, 食食下，有嘢咬唔斷，仲要塞左喺牙隙，驚覺唔對路，拎條嘢出來，大家望下我用開牙線的，呢條無論樣貌或質感都一模一樣，令人嘔心我原本都諗住唔好投訴到外賣平台，知道商家喺疫情當下的各種艱難，同餐廳負責人電話溝通左就算。開頭態度都算好，又道歉又話重送pizza過來，我都話唔使了，下次留意，但都唔該請話俾廚房知。第二日，send左副圖俾我，問我條嘢係咪同圖中呢條一樣，我覺得唔可以話非常似，只可以話係同宗同源一模一樣！但您絕對唔會估到間嘢點答佢話，呢條嘢係Cheese！！！！你滷味！線狀cheese？！虧你講得出！！

本身以為荃灣都係得大鴻輝同商場入面先有正野食，估唔到今日第一次經過楊屋道呢面，原來有個Plaza 88既商場都內藏好西‼️。呢間係一間Bar and restaurant，有Happy Hour又有outdoor area🌞 估唔到一街之隔都有個咁舒服既環境可以俾大家chill住咁吹下水食下Snacks🥂。🐒雞肉香蒜醬意大利粉💰$138係一直想食既青醬意大利粉😍雞肉份量都多，而入面除左有雞肉，香草，蒜蓉之外，仲有唔少松子同巴馬臣芝士🧀上枱時候夠熱，十分夠味🍝。🐒烤豬肋骨(半份)💰$198睇相都本身想嗌呢一個，上到枱依然俾佢嘅size震撼咗🤩完全想像唔到如果嗌全份係有幾大🐷嫩烤美國排骨on top有自家秘方醬料醃製，怪唔得同出面食到嘅BBQ醬唔同🔥加埋炸薯角勁滿足🍟。另外店舖都有提供薄荷水，超級Refreshing，仲要唔洗加錢🤣依家Openrice訂座滿$599仲有8折，嗌埋三四個朋友share就岩岩好👍🏼

⭐️La mensa Grill & Bar(荃灣）⭐️今日經過荃灣市中心，尼到新開既88商場，地舖入面，有一間chill嘅意大利菜餐廳，餐廳有戶外座位，周圍種滿盆栽，啲人感覺舒服。餐廳裏面嘅座位都坐得好舒服，我哋今日坐咗係一張紅色沙卡座。菜單方面，選擇都算頗多，主要係意大利菜同墨西哥菜，亦有鋸扒， 漢堡包等等⭐️墨西哥粟米雞肉夾餅（$120）⭐️呢啲打卡一流，放夾餅嘅陶瓷架充滿着異國風情，賣相方面添加不少分數。香烤嘅墨西哥粟米餅裏面有豐富嘅材料，包括青椒、蕃茄莎莎、洋蔥、酸忌廉、生菜等等，而且神奇地，竟然有肉桂喺裏面，但係我覺得唔係好夾。雖然餐牌寫有牛油果醬，但係我就食唔出有。而且青椒味道有啲濃， 未必個個啱食。⭐️牛肝菌忌廉意大利飯（$140）素食之選👍忌廉汁香濃，加上香蔥嘅味道，個醬汁調味唔錯。牛肝菌都幾多，Risotto粒粒分明,但稍嫌有啲乾身，如果多少少忌廉汁就Perfect。欣賞餐廳嘅裝修，同埋食物既器皿都別具心思。以我觀察，餐廳都算係受歡迎，人流一直絡繹不絕，而且侍應亦都服務周到，雖然好忙，但係仍然絕不怠慢，只係一個笑容多一點就更好。

今日約左一大班朋友去慶祝生日🎂因為貪佢有outside坐邊便可以帶狗狗去食飯，大聲啲傾計都唔驚嘈到人個芝士薯條性價比好高，又大碟蜆肉扁麵好蛋蜆肉，但麵就真係比較少，但尚可接受燒肉拼盤就岩我地啲男人食肉獸既慾望

荃灣楊屋道原來有一間環境闊落食物高質嘅餐廳，地理位置唔算好便利，我都搵咗一陣先搵到間餐廳。餐廳係食多國菜，以中東、西式為主。最近好喜歡食中東菜，覺得佢哋嘅調味好香口。我同朋友揀咗蝦芒果牛油果沙律、大比目魚片、歡樂pizza餅，我再叫咗杯latte。咖啡唔係餐廳嘅主打，唔好期望有出面cafe拉花嘅咖啡水準😂建議可以叫其他酒類飲品。蝦芒果牛油果沙律，好食！芒果甜，蝦調味恰當，沙律醬均勻地撈勻左成盤菜，比例份量都控制得幾好。唯一少少可惜嘅係菜比較淋身，如果新鮮啲就無敵了。大比目魚片，實物對得住個名，條魚的確幾大舊。上面鋪咗啲食Taco會有嘅酸酸地蕃茄醬汁，好滋味，魚肉嫩滑，底下再鋪咗啲小米，非常滿足！歡樂pizza餅，顧名思義為我哋帶來歡樂。Pizza配料豐富，調味恰到好處，應該係即叫即製，熱辣辣好好食🥹推介！

今次想同朋友搵個地方坐下chill下 飲下酒既餐廳～ 就黎到呢間好多好評既bar restaurant💓 下就5點左右去到～ 餐廳佈置較歐式 👍🏻👍🏻裝修花左唔少心思 有high table, sofa setting 人數由2-8人不等 真係岩哂大大小小既gathering 👍🏻 一坐低 緊係飲返杯啤酒先😋🤭 Nachos is my all-time favorite😝 Nachos 脆卜卜 好多雞肉 仲要係煎烤過 1d都唔hea ～ 拌落sour cream 同 advacado sauce 好惹味 送酒100分咖！ 份量仲要勁多 係好地道既nachos 😋😋 仲好cheesy 😋😋 成碟清哂👍🏻 叫左個back rips 💓💓 好耐無食啦😍😍 一黎到著哂煙 👍🏻 新鮮烤好 正！ 佢有分S & L 兩個人小小就叫左細份 BBQ 醬好濃郁！ ！ ！ 仲要肉質好鬆軟 唔會鞋！ 出面成日食到好鞋肉🥹 其實已經好飽兩個女仔😂😂😂😂 但menu實在無論main or snack 雞豬牛魚海鮮樣樣齊～ 忍唔住叫多個魚堡😂😂😂😂🤭🤭🤭 冒住飽得要命既風險😂😂 仲大個我塊面既fis

今日去荃灣覓食，入左去呢間La Mensa Grill & Bar都有唔少人幫襯，裝修得幾靚，座位寬敞，坐得舒服水加入了薄荷葉，幾fresh，亦適合食完濃味食物清清口腔氣味食品種類都幾多招牌芝士漢堡$165超大個！入面有芝士、番茄、生菜、脆酸瓜、洋蔥、煙肉同好大好厚嘅牛肉漢堡，煙肉煎得香脆，牛肉漢堡係好外國地道嘅烤漢堡，帶有少少燒烤嘅苦味（可接受），不過牛味就較淡薯條好食！三文魚闊條麵$138好creamy!闊條麵係煮到啱啱好嘅質地，好掛汁！有唔少三文魚，上枱時覺得份量好少，但食下食下原來都幾多😋見到隔離枱嘅Pizza好似好好食，我地又再後加左一個歡樂比薩餅$165超大個，佢無寫尺寸，有平日一個大批嘅size，有好多番茄醬，加上烤香了的印度雞肉、平日少加的酸忌廉、薯仔、甜紅椒汁，呢個配搭唔係度度有，幾好食😋明明濃味，但因為有酸忌廉，又唔會覺得好heavy👍🏻2個人埋單$500幾，Lunch嚟講唔算平，但從食物質素同環境嚟講，又值得呢個價，Pizza係特別推薦！

今晚帶呀妹黎呢間位於大河道嘅餐廳大快朵頤，聽呀妹講，係佢嘅朋友大力推介嘅，果然係冇令我地失望到👍👍一去到已經嘩一聲，因為餐廳嘅裝潢好靚，尤其啲燈好華麗，有少少置身歐洲嘅feel野食都好正，我個人最鍾意係個芝麻吞拿魚塊，本身以為淨係落啲芝麻喺燒吞拿魚面頭，估唔到竟然係有大量黑、白芝麻環繞住吞拿魚，個底都係芝麻脆皮，面頭係類似番茄洋蔥莎莎咁嘅醬，整件事好夾😋呀妹最鍾意係佢個墨西哥鐵板燒，有得揀雞或牛，我地就揀咗牛嘅，鐵板燒牛肉加燒彩椒本身已經好好味，再加上正宗嘅墨西哥餅皮同三款各具特色嘅醬汁，而家諗返起都忍唔住流曬口水呀！仲有個牛柳都正，牛味重得黎同啲配菜好夾，尤其係舊菇，有菇原汁原味嘅鮮味，好難得，仲有個原個燒蒜，估唔到可以咁滋味。嘢飲方面我地就叫咗杯朱古力奶昔，啲忌廉好refreshing👍

今日嚟到呢間望落好舒服嘅西餐廳度食下嘢 入到去樓底好高 坐得舒服 仲要有種好specific嘅西班牙感覺 幾特別但估唔到佢裝修咁靚 lunch set嘅價格又非常抵食 叫咗個泰式青咖哩飯 連餐湯或沙律加頭盤 仲要包埋嘢飲同甜品 120蚊 成個package真係物超所值 個青咖哩好香 茄子同埋肉都蚊到好林滑另外都叫咗個牛扒 店員推介食五成熟 就試試佢 出到嚟都唔會血淋淋 反而好香牛嘅肉鮮味 唔會鞋無筋亦都冇血腥味 配上薯菜 呢set先至125蚊 鍾意食肉嘅朋友就千祈唔好錯過係咁sell嘅地方當然要飲下啤酒 加50蚊就可以大大杯啤一啤佢 抵過happy hour呀🤩另外要讚一讚佢嘅配菜都好認真 餐湯非常之濃嘅蕃茄味 完全真材實料 入面仲有少少通粉 幾有特色喎頭盤嘅雞春捲入面肉餡一啲都唔少 而且外皮非常鬆脆 唔會走曬氣亦唔會炸得太硬最後配埋嘅小甜品亦都係一件有橙味嘅蛋糕仔 但佢唔係隨便放上碟就算㗎 而係整咗精緻嘅伴碟 用果jam整咗花紋 又睇得又食得

朋友介紹有間荃灣西餐廳 又有景又好食又有feel佢係楊屋道街市斜對面 西鐵站10分鐘內行到入面氣氛唔錯 加上有外籍人士員工 感覺再加分我地係傍晚時間去 happy hour 基本主要都係有酒飲 有pizza 意粉 扒類等等一班朋友4-6個黎就岩岩好我地叫左杯1664 野食就叫左 3款 有half rib, nachos 同埋burger先講 Mexican nachos , 佢配料好多 而且烤過粟米片 所以好香口 配埋酸忌廉 同埋牛油果細 你係會想再叫的 （要配啤酒！Baby ribs 半份 賣身都好靚 佢地自己做既醬料 配埋薯條 係幾開胃 而且雖然係half ribs 但份量都唔小咖最復仲有個fish burger 有最中意既tarter 醬 同埋塊魚仲闊個麵包 再配薯條 正常都要兩個人食

Chicken Quesadillas with a glass of white wine.餐廳每日都會有一款promotion, 今日Wednesday 就係Mexican day(*¯︶¯*) 身為墨西哥卷🫔愛好者一定叫爆！！.Wine 可以揀啤酒或者red wine or white wine ，2款佢都會俾house wine你.餡餅份量大小正常，入面嘅雞肉餡好多，醬料都俾足，有sour cream，牛油果醬同埋辣茄汁，一上枱熱辣辣，仲可以食到拉絲.除咗每晚精選，regular 餐牌都好抵食，平均消費$150左右招牌芝士漢堡Vanilla smoothie 我哋happy hour去，飲品有折，又少啲人，同朋友傾下計就啱晒！一去到7點左右，人就開始多，就比較建議book位啦！

荃灣plaza 88 既地下有一間西餐廳平日有lunch set食，有湯，小食，主菜，飲品同甜品，價錢相宜今日嘅湯係羅宋湯,口感都算豐富，有唔同嘅蔬菜,更特別嘅係有少少通粉係入邊，好特別！小食係沙嗲串燒，呢個值得encore！！因為沙嗲汁好濃好惹味，而且串燒都燒得好香！牛肉漢堡餐配薯條薯條新鮮炸起，比較幼身，所以都特別脆口，牛肉漢堡內有芝士，蕃茄，生菜同牛肉,口感豐富,而漢堡包都有塗上牛油，煎得金黃！牛油咖哩雞飯，咖喱有印度嘅風味，唔太辣，啱晒我呢啲唔好食辣嘅人，咖喱夠濃味撈飯一流！雞肉嫩滑，而且份量都唔少，就算係男仔都食得飽甜品係士多啤梨蛋糕，唔太甜，細細舊，當飯後甜品一流！一百零蚊有哂four courses，係荃灣係唔錯既選擇。

餐廳採光度好，夠光猛，環境優美舒適。裝修得好靚，牆上面有唔少畫配襯，感覺都幾高級咁，啱晒幾個朋友食下飯飲下嘢chill 下。牛肝菌燴飯（$140），等得比較耐，因為傳統嘅risotto係要煮半個鐘左右，所以要俾少少耐性。米粒當然係正宗嘅，比較大粒少少，有點咬口。醬汁好creamy，黑松露醬同牛肝菌好香，再加埋啲芝士😋😋，好食推介～三文魚闊條麵（$138），意粉索晒啲汁，麵質唔會太淋，有咬口。三文魚係煙三文魚嚟，比較咸香，魚嘅份量都唔少，夾埋一齊食陣味好出。呢間餐廳係主打墨西哥菜，見隔離枱食緊Mexican Taco，個樣好吸引，下次想再嚟試多啲唔同嘢食😍😍。