La Mensa Grill & Bar (Plaza 88)

营业中

休息中

星期日難得放假，就梗係要搵一間可以慢慢坐嘅餐廳食個brunch餐廳嘅裝修非常之有特色主要用深色同埋皮嘅物料做主調俾人一種好放鬆嘅感覺座位與座位之間好闊落坐得好舒服除咗室內之外，亦都有室外嘅位置餐牌嘅選擇好多元化，選擇相當之多由pizza, burger，唔同種類嘅肉類，甚至連咖喱都有齊多到唔知點揀好叫咗一個招牌芝士漢堡個size好大視覺上都幾震撼牛肉加埋煙肉嘅口感又脆又軟薯條亦都炸得香脆另外我地再叫左個新西蘭牛柳5成熟肉味重，分量亦都好足飲品方面，就叫咗個朱古力奶昔如果鍾意飲甜嘢嘅你呢一杯嘅味道一定唔會令你失望整體上嚟講呢間餐廳非常之適合一啲鍾意放空慢慢坐嘅客人可以喺呢個咁舒服嘅環境，食吓嘢傾吓計非常之唔錯

消費券到手,又四圍行街揾好嘢食。今次去遠少少,到呢間位於楊屋道88號Plaza 88地舖嘅西餐廳食lunch 。落地大玻璃,景觀開揚,令人心情開朗！餐廳有好多美食選擇外,我哋鍾意食香口嘢,於是嗌咗個小食和燒豬肋骨😍🦑惹味魷魚新鮮炸好嘅鮮魷魚,外脆有咬口,撒上海鹽、檸檬汁同胡椒粉,味道咸香！🥩烤豬肋骨(半份)主角肉質外焦香,內鬆腍,好香燒烤醬味,配角薯角粗一粗,好軟脆。半份都好够體面。我哋慢慢享受美食,吾覺吾覺坐咗差吾多兩個鐘,服務員冇話催我哋埋單離場。哈哈……不如我哋再坐落去, enjoy 埋個Happy Hour 囉😜

一班同事gathering來到 La Mensa 午餐，環境唔錯、食物質素good、上餐快Lunch Set 大約每位$128有湯/沙律、前菜春卷、main course、甜品 + 餐飲春卷好出色，主菜選擇都有6樣，我揀左西冷扒，肉香濃又淋，juicy👍

今次黎到荃灣Plaza 88嘅 La Mensa Grill & Bar 🔥未入門口已經比佢地嘅型格裝修吸引左眼球👀 紅黑嘅配色令到餐廳好有宮廷嘅感覺 真係有一刻以為自己做左西方貴族😂食物方面更加厲害👍🏻 除左有意大利菜之外 仲有美式漢堡🍔 墨西哥捲餅🌮 仲有印度咖哩👀 一大班朋友聚餐的話就可以一次食盡歐洲美洲亞洲😜👉🏻 墨西哥雞肉夾餅🌮💰HKD1️⃣2️⃣0️⃣墨西哥夾餅可以選擇雞🐥牛🐮蝦🦐 我地叫左雞肉🤪 雖然啲餡料好似好紅咁 食落唔會好辣😚 少少刺激性仲更加惹味添😋 上碟嘅餐具好得意 有兩個凹位可以攝到兩塊餅😂 而且仲色彩繽紛 唔講以為係藝術品😝👉🏻 意式牛肉千層面🍝💰HKD1️⃣4️⃣8️⃣每次去到有得食意大利菜嘅餐廳都一定要試試佢嘅千層面😆 佢嘅面皮厚薄適中 鋪滿水牛芝士🧀 所以做到拉絲嘅感覺👍🏻 食得千層面就預左好肥🫢 但係好多時都會感覺太濟😵 餐廳仲係上面加左啲黑醋 除左裝飾外 酸酸甜甜嘅感覺仲可以解膩添😝加一服務費✅

今日出開荃灣就順手約個好耐無見既朋友食lunch，近近地見PLAZA88 地下開左間西餐，叫La Mensa Grill & bar裝修又靚靚囝囝就入去試下。 11點幾坐低 個場唔算好full,加埋佢d位好寬躺，樓底又夠高坐得好舒服。我哋叫左個黑松露芝士薯條餐廳提供左兩種調味料俾我哋，一個係凍芝士醬，一個係普通茄汁。好好食，薯條好脆而且份量好多，1 d都唔吝嗇，但如果變左做粗身既薯條或者會更好（純粹個人喜好)另外叫左個蜆肉意粉上枱嘅時候俾佢嘅買相吸引住，忍唔住手機食左先，一盤細細既意粉入面有勁多蜆，好重鮮味。除左好味😋仲要用底食黎形容👍🏻👍🏻👍🏻 最後仲有個大大pizza最後先上，夠哂熱(唔知會唔會係即叫即整)同大份，我諗4個人食都得。醬汁好特別皮好薄料又係好多夠晒脆口，唔會有d似食緊包既感覺。總括而言呢間西餐廳係性價比高又好食，差唔多食晒d野都開始晏，全場爆滿。睇嚟呢個新大陸好早已經俾人發現咗，會再幫襯。

唔講唔知，原來荃灣又開咗個新廣場，叫plaza 88，人流唔算好多。🤧🤧行左無耐，居然比我發現到間幾chill嘅餐廳，裝修好有格調，重有吧枱，啱晒大家收工同朋友一邊飲酒一邊食飯。😌😌唔知係咪受呢度濃厚嘅外國風情影響，今日叫咗個經典墨西哥菜式，烤牛肉捲餅，鐵板上嘅牛肉支支作響，令人食慾大增，配埋附上嘅牛油果醬同埋乳酪，食極都唔係膩。🤣🤣另外，仲叫咗個牛柳，五成熟，外焦內嫩，肉汁飽滿，配有原個焗蒜頭，蒜香滿瀉，口感軟綿綿，非常不錯！👌👌除此以外我哋仲叫咗個小食，係芝麻燒呑拿魚，外層有啲似餅乾，內裏就係半熟半刺身嘅呑拿魚。😀感覺幾新奇有趣野飲就叫左杯朱古力奶昔，份量有啲小，不過幾甜幾香，都ok的！

2022.09.28 （Wed)今日收工同朋友路經plaza88，見到呢間西餐廳做緊墨西哥之夜promotion，所以就唸住試一試。餐廳環境不錯，整潔乾淨，適合知己好友聚餐慶祝🥳首先叫左個Beef Taco $130, 再跟一枝corona beer! 個taco 的醬汁好味好夾賣相擺盤亦很靚～再叫左個芝士薯條$70，呢個薯條好大碟好多芝士，芝士仲要牽絲，而且上面仲加埋黑松露，十分適合下酒兩個配搭的點醬都好好味😋重點主菜海鮮牛扒雙拼$335，兩隻大蝦好大隻，而且新鮮爽彈，牛扒好厚好juicy夠肉味👍🏼最正係大啡菇，好好好多汁濃香，好好味原本想order甜品，但牛扒同薯條分量實在夠大份，所以唯有期待下一次～總括而言，呢間餐廳環境舒適乾淨，好適合三五知己相約飲酒吹水chill一chill~而且食物質素亦十分滿意！值得推薦！

平時收工經過都見到好多人幫襯，經過見到呢間西餐廳可以食嘢飲酒環境氣氛幾好，今日收工有時間同同事過嚟幫襯下。餐廳嘅裝修，氣氛，都比到我一種好舒適嘅感覺，好適合收工時間去到放鬆吓。闊條麵伴炒三文魚忌廉汁 ，忌廉汁味道夠香濃，每一條闊條麵都掛上忌廉汁，味道特別香口，加上闊條麵煮到啱啱好軟硬度適中，食落去好有口感，三文魚炒香咗之後另一番味道，入口有三文魚嘅鮮味，加上油脂香味非常濃郁，味道好有層次。羊扒晚餐 跟一杯紅酒，羊扒份量都好多，有四件，羊肉味香濃，食落去肉質仲係好嫩滑，最正就係羊扒上面嘅調味，食到羊肉嘅香味，慢慢香料同蒜香味道滲出來，味道非常有層次。最鍾意就係羊扒下面嘅薯仔，吸收晒肉香味，入口有口感，味道一流，紅酒嘅味道都唔錯，一啲苦澀味都冇，入口有少少果香，用嚟配羊扒真係一絕。收工喺度坐低飲杯酒食啲嘢，真係好放鬆。下次有時間都會再嚟幫襯。

同事好介绍齊去抵食set lunch，餐廳裝修復古風有点像墨西哥feel，樓高光猛坐位舒服吾嘈，一個人呢hea吓亦得，晚上仲有户外枱同朋友飲番2杯都吾錯。🍽️沙朗牛排配薯條胡椒醬$125餐包5個course跟沙律蔬菜新鲜，小食有沙爹鷄肉串，燒得比較乾吾太好食，牛排煮得比較熟未如理想，淋身有牛味配胡椒醬很惹味，甜品小件朱古力蛋糕正常，餐茶比較淡吾啱馬蟻人。墨西哥蝦 taco$140 🌮2件不大墨西哥簿餅配大量三色椒粒、牛油果、蕃茄、胡椒粒、甜蝦、cream cheese酱汁口感一流，啱晒吾好殿粉質既你👍🏻 ，食物環境同收費成正比，酒吧區超靚下次來過Chill night beer🍻

今日放假去荃灣行街,荃灣行街真係好方便,交通方便,商場又多, 最重要又多好嘢食。今日朋友帶咗我去食一間西餐都幾好味,所以喺度推介一下。La Mensa Grill &Bar , 餐廳主打食西餐,pizza,鋸扒,同可以飲酒。店內環境氣氛都唔錯,座位嘅空間都足夠,喺度傾計食嘢感覺都幾舒適，加埋餐廳入邊嘅音樂更加令人放鬆坐我附近都有好多外國人，同我落單個職員都係講英文墨西哥粟米夾餅,夾餅非常多餡料,顏色好吸引,入口味道酸酸甜甜好開胃,餡料有雞肉,青椒,蕃茄,洋蔥,配上檸檬汁味道更加香,夾餅又香又脆,整體配搭得啱啱好。雞肉蒜香意大利粉,意大利粉味道好香,香蒜味同雞肉味道非常之夾,雞肉肉質嫩滑,意粉有少少橄欖油嘅香味,味道好有層次，意粉嘅軟硬度適中啱晒我口味。烤羊扒,羊扒賣相十分吸引,羊架燒到旁邊有啲焦香,裏邊嘅肉質入口嫩滑多汁,火侯控制得啱啱好,而且size都好大,羊肉味香濃一啲都唔會騷,加上其他香料味道,入口味道清新,再來就是肉香脂香,同時又嫩滑多汁,真係愛上呢個羊扒。食到最尾要多個薯條慢慢談天説地，今晚真係好relax，非常滿意嘅一餐多謝朋友推介下次入荃灣行街,都會再嚟幫襯試下其他美食。

吾等新一期消費券到手,四圍消費揾好嘢食先。今次嚟到呢間位於荃灣楊屋道88號Plaza 88地下嘅西餐廳食午餐。優雅高貴嘅裝修,播放著音樂,感覺舒適!呢度有墨西哥、韓國等多國美食,食咩好呢?🤔韓式炸雞翼🐔先來個韓式小食,雞翼外皮金黃酥脆,內裡肉嫩,點上甜辣醬汁,好惹味。大蒜煮青口、鮮蜆雙拼🥘青口同鮮蜆新鮮,肉質有口感,好香蒜同白酒味。個汁清甜,除咗可以點蒜蓉包外,睇住個大細路用個貝殼畢來飲,好享受喎😂特色薄餅🍕底餅同批邊都焗到香脆,餡料豐富,好有香腸、辣肉腸、火腿、辣椒同芝士味道。辣椒仔同時奉上,真懂我哋心意🙏😋等消費券到手,會再來享受其他美食😌!

放假都要努力 —— 運動同食嘢，剛剛好係做運動Plaza 88就有間西餐廳。Lunch set好吸引，有齊晒湯、頭盤、主菜、飲品同埋甜品。是日餐湯有蘑菇湯，好香嘅蘑菇味，飲到打碎咗蘑菇。忌廉令個湯更濃厚。頭盤有沙爹雞肉串，調味剛剛好，唔辣但有花生味。主菜點咗沙朗牛扒，補充下蛋白質，同埋有助可減輕運動中的疲倦。牛肉點咗半成熟，切落呈現粉紅色。沙朗脂肪含量較低，肉質細膩，較結實，有口感。幼細薯條好香脆，即使放咗陣都唔油膩。Latte泡沫好豐盈。咖啡偏向Fruity，Balance好好。甜品有迷你芒果蛋糕，有驚喜。面頭有一層cream，但因為有芒果汁嘅微酸，食落唔heavy。午餐性價比超高。

Chill Bar with high quality gourmet Overall, the environment n interior design is vividly well decorated. The vibe is chill and the staff are nice!Halibut Fillet $195⭐️⭐️⭐️⭐️⭐️The fillet is extremely fresh and juicy. The texture is pretty tender and soft. Well cooked with grill lemon and mango salsa. The taste is perfectly matched with all dressing and well balanced. Highly recommended!Mardi Gras Pizza $165⭐️⭐️⭐️⭐️⭐️Served with mushroom, Cajun chicken, spinach roasted potatoes topped. The portion is large

今日放假, 同亞女去荃灣 shopping, 行到 plaza 88 食番個 brunch 先.餐廳高雅中帶有古典味.好想食奄列同 pancake食物 colourful, 賣相吸眼煙三文魚奄列, 份量夠大多士好香脆金黃色的奄列, 裏面有紅洋蔥, 三文魚, 蘑菇, 軟芝士, 真係好好味呀香蕉藍莓 pancake, 大廚擺放得好有心思 有香蕉片, pancake 裏有藍莓, 配以楓糖漿, 好飄香大大塊嘅 pancake, 軟綿綿的亞女杯士多啤梨奶昔好迷人, 香甜嘅士多啤梨味, 加上頂層嘅忌廉, 令人難以抗拒. 我杯雲呢拿奶昔也好細滑一個甜在心頭的 brunch.

近荃灣楊屋道附近有幾個商場，入面都好大同幾多野行，今次去到plaza88 入面有間西餐廳，係食多國菜，環境好舒服同埋食物都好高質。見到menu有豬、牛、羊同雞排，又有墨西哥菜，又有美國漢堡包，又有印度咖哩食，都好多選擇。中午黎到，叫左個咖哩牛油雞，係北印度地道滷雞，附加咖哩牛油汁，仲可選擇印度蒜簿餅或配白飯，我就揀左薄餅，薄餅好香芫荽味，配埋咖喱冇得輸。另外叫左雞肉香蒜醬意大利粉，有d香草，蒜蓉，松子、巴馬臣芝士，岩岩上枱熱辣辣食好好味。最後叫多個烤豬肋骨（半份），呢個有驚喜，佢係嫩烤美國排骨，配埋自家秘方醬料醃製，仲有埋炸薯角，份量好多，兩個人食夠哂，估唔到豬肋骨都幾多肉所以都幾抵食。環境一流，嘢食都好好食，估唔到荃灣區都有咁好食嘅西餐廳。如果喺荃灣附近，不妨黎試吓。