La Mensa Grill & Bar (Plaza 88)

营业中

休息中

荃灣近年都多地方行，由荃灣行到南豐再行到荃灣西，閒閒地都玩一日，晏晝我地就黎到Plaza 88既La Mensa Grill & Bar。餐廳主打西餐，亦都可以靜靜地飲杯野。我地食晏就叫左幾樣食物，頭盤有炸魷魚，魷魚大大塊，炸粉一D都唔厚，食落啖啖肉，真係好味，最適合就係配啤酒。另一個叫既頭盤就係大蒜煮青口大蜆，其他餐廳多數得青口，而La Mensa就加埋蜆，青口同蜆都好大隻，而且好鮮味，再加埋餐廳整既湯汁真係好好味，湯汁真係太好味，真係就咁點蒜蓉包都好好味。主食方面我地叫左個墨西哥玉米卷，大大件夾餅入面加埋雞肉，再加埋牛油果醬、蕃茄醬、sour cream，本來食緊西餐既我又感受到多一份異國風程。最後就係黑松露意大利飯。香濃既黑松露配埋軟硬度剛好既意大利飯真係剛剛好，而且份量夠，兩個人食真係飽住走。

好耐都無正正經經食餐西餐🥲難得今日早收工，二話不說就去咗荃灣呢間餐廳試試佢！餐廳裝修好典雅，充滿歐陸情調，連店員都係外國人😳一黎到我哋就叫杯朱古力奶昔，味道偏甜，啱晒鍾意食甜品嘅女仔🤣🤣我地叫咗個芝麻呑拿魚做前菜，芝麻脆卜卜，魚肉嫩滑，令人食指大動！之後叫咗個鐵板烤牛肉墨西哥玉米餅，配有酸忌廉、牛油果醬等等，口感層次都非常豐富👍🏼👍🏼另外我哋仲叫咗個牛柳，五成熟，一上枱牛肉好似啫喱咁，浪下浪下，很是吸引🤧🤧更值得一讚嘅係烤蒜頭，蒜蓉粒粒飽滿，不會Overcooked，口感有啲似栗子，配上牛肉食啱啱好👌👌另外仲有啲火箭菜，可以解除牛肉肥膩感，教人一啖接一啖，食到停唔到口😎😎

今日係荃灣整完野 搵下附近有咩食先 見到有間西餐咩都有就試下佢 小食叫左脆炸魷魚 最鍾意食脆口野 好好味魷魚爽口 dip沙律醬加上檸檬汁 或者dip泰式醬 好開胃😍😍大蒜煮青口 雙拼仲有鮮蜆個醬汁煮得好好味 令到青口同蜆入味仲有幾片麵包比你dip醬食🥰令我諗起旅行既味道🥲主食叫左我最鍾意食既義大利飯入面有雞肉&蘑菇 意大利飯好煙Un 好有咬口再加上有芝士係面 好味 墨西哥雞肉餡餅🥙8大塊 份量好多 每一啖都要dip醬 有番茄 忌廉 同 牛油果醬雞肉餡料都會有芝士❤️餐廳舒服 食物份量足下次再食其他先😎

生活要過得有儀式感！雖然唔係咩特別日子，但發生左開心嘅事都係值得好好慶祝～即興同另一半揾餐廳，見到佢有酒飲兼食物款式多，咁岩我地去個日係星期一，見到佢門口個牌寫住係seafood night，D野食都幾抵食，氣氛又幾好，所以就入黎試下～我地揀左門口旁邊嘅呢個半圓形梳化位坐，幾靚又坐得舒服，應該坐4個人都無問題慶祝點可以冇酒飲！呢個Seafood night嘅精選我地叫左份fish and chips，送一杯白酒。呢個價錢勁抵，仲平過就咁單點一份fish and chips! 另外再叫左一杯叫French 75嘅champagne cocktail，呢個champagne 底唔算太甜，夾埋呢味道幾refreshingMexican taco with beef, 份量唔算太大件，但調味得幾好，配上sour cream特別開胃！Fish and chips 黎啦！男朋友勁鐘意食fish and chips，雖然一樣係份量唔多，但質素幾高。炸魚有啤酒香，皮薄而且肉質嫩滑，仲係有汁唔係乾爭爭個隻，用黎送酒簡直係一流！地中海風情pizza，份量適中，2個人share就食得晒，個底係BBQ醬，甜甜

周五難得上司請假，Lunch time 當然要去chill 一下Happy Friday💭 在荃灣西附近的Plaza 88 有一間氣氛與環境都不錯的西餐廳La Mensa Grill & Bar，棗紅色的皮革坐椅、深啡色的木質牆身、水泥灰的天花配以柔和的球型吊燈、以及牆上非常有質感的油畫及窗外翠綠的大葉植物，配上中午時分的藍天白雲🌿自然光透進室內的感覺格外寫意 平日的中午設有Set Lunch，包括了餐湯 / 沙律、頭盤、主菜、甜品 及 餐飲 Soup – 南瓜湯是日餐湯為南瓜湯，將南瓜打成蓉，再加點忌廉，清甜且幼滑💕 Salad – 藜麥沙律友人點了是日沙律，藜麥配以生菜及甜椒，用了黑椒及微量的黑醋調味 Starter – 咖哩角咖哩角外層不油膩，內層的咖哩微辣，帶點中東風味  Main – Rib Eye Steak ($125)肉眼為脂肪較少的位置，點了5成熟，切開時中間位置粉嫩，最旁邊的位置較為成熟，但入口容易咬開💕配菜中最為欣賞紅蘿蔔，非常清甜  Main – Chicken tikka pizza ($110)在餐牌上漏寫了價錢，我們直接問了店員😆 Pizza 直徑目測約1

今個Monday決定搵間有酒飲既西餐廳chill一chill係荃灣搵到呢間Monday seafood night有叫seafood連一杯酒的優惠叫左個fish & chip 連白酒Fish & chip 炸得好香, 好有外國風味配埋白酒就啱啱好白酒帶少少酸味唔會太甜另外都叫左本Champagne Cocktail - French 75店家都調得好好, 味道好適合食西餐試左佢個牛肉Taco用料足, 咬既時候漏晒汁最推介係呢個地中海風味Pizza個餅底夠有咬口D餡料都好足, 啱晒食肉既朋友仲埋夠晒大個, CP值高

去左荃灣玩左成日, 玩到好累,好肚餓,好在一早BOOK左間好食既多國菜.約左六點,但係未到六點,我地已經去到現場.老實講,環境好"CHILL".一個卡位,兩個人坐,份外覺得舒服.落ORDER, 點了"芝士薯條","大蒜白酒炒新西蘭青口,鮮蜆","卡邦尼闊條麵","咖哩牛油雞"同一杯"CAPPUCCINO".邪惡既"芝士薯條"係至愛,一層層既芝士包住條熱辣辣又可口既薯條,坦白講,無得輸.再加埋"黑松露"沾係薯條上,邪惡既"芝士薯條"就咁出現左.另有配番茄醬可以點用.如果用埋大薯條就不得了.不過不可以給它冷左,因為芝士會變硬左就食不到原汁原味既"芝士薯條".識食一定係咁食,我話既."咖哩牛油雞",係一定要試既, 咖哩有D芥味,香香甜甜辣辣, 三種不同的感覺慢慢佔據左所有感覺.D雞肉包係薄餅裡面食, 就最食到要有層次感既咖哩牛油雞.大廚功架好野.抵讚.嘆埋杯"CAPPUCCINO",人生要幾CHILL係幾CHILL.係度食野,係享受,我話既.

週未來到荃灣，閒逛『千色』，買了些小禮物。見天色已近黃昏，徐步走去早已經訂了位的『La Mensa Grill & Bar』。來到這間店，當然為了嘗嘗『多國菜』風味。未入店內，已經感到這一趟來得太遲了，實在相逢恨晚。一入內而坐，雖然只是兩三枱，其實不少隨心而至的客人，每每給勸說店舖都有人訂了雅座，等候時間會比較長。才過了十多分鐘，訂座的人客陸續而至，猶如一場盛宴要開始了。每一枱客人，有的高談闊論，有的細細耳語，有的你來我往，很是熱鬧的樣子中但是環境的寬敞，令每一枱客人都可以專注其環境中。轉眼食物已經上桌了。大家仍然浸醉在聊天的環境中，相信再晚一些時間，一邊飲酒一邊聊天不啻是一件賞心樂事。『PATATE FRITTE』，『GARLIC MSSEL AND CLAM BUCKET』，『SALMON FETTUCCINE』，『BUTTER CHICKEN CURRY NAAN BREAD』。『GARLIC MSSEL AND CLAM BUCKET』: 附有蒜蓉包，包脆可口，蒜蓉重。青口肉質鮮甜，蜆肉味香，實在不能錯過。『BUTTER CHICKEN CURRY NAAN BREAD』: 

同女兒去咗荃灣shopping,之後佢帶我去咗間特色餐廳，叫做La Mensa Grill & Bar，餐廳環境同食物質素都好高，因為餐廳係用落地玻璃，由室內望出去視野廣闊，心曠神怡！餐廳外也設有座位給客人選擇！特色薄餅用料豐富，有辣肉腸、火腿、香腸、煙肉和菠蘿等，pizza 口感豐富柔韌，每啖都滲出天然麵粉香。雞肉蘑菇燴飯，雞塊嫩滑，姑菌爽口，意大利飯煮得軟硬適中，粒粒分明，伴上蘑菇巴馬臣芝士忌廉汁，口感creamy。

剛剛收到第二期消費卷，同事們放咗工就急不及待搵地方消遣，眾多提議中，結果去咗荃灣La Mensa Grill & Bar，餐廳佈置雅緻，充滿異地風情，設有室內和室外座位，環境氣氛令人感覺舒適！咖喱牛油雞，咖喱汁有濃郁嘅香料味，味道微辣，雞肉嫩滑，啖啖肉夠惹味 。印度蒜薄餅，有印度咖喱一定要有薄餅，沾上濃濃的咖喱汁真係食不停口。特色薄餅，餡料香腸、辣肉腸、火腿、洋蔥、辣椒、煙肉、菠蘿。薄底厚薄適中，薄餅揉合了本土風味，口味獨特。Asahi，咬一口新鮮出爐的 pizza，再配搭冰凍啤酒，可以說是人生一樂事！

今日相約朋友行左陣荃灣donki , 行左陣買左少少野後行到荃新天地二期附近大家都肚仔餓就附近搵地方醫下肚 , 朋友又想食西餐就一下佢見到Plaza88地下的La Mensa Grill & Bar 駟駟正正 就入去試下外觀沒得彈 , 位置舒適 , 格局像甚西方chill悠閒風的裝修佈置 , 環境乾淨企理 , 燈光柔和店員殷勤有禮 更略為推介菜式, 部份店員不是香港面孔的異國風情餐牌頗為精美 , 中英對照大約order了10分鐘左右就陸續上枱墨西哥鐵板燒烤 (雞肉) $165 - 茄汁 , 酸忌廉 , 牛油果醬3款供選擇 , 滋滋聲的鐵板及墨西哥烤餅均新鮮熱辣辣雞肉嫩滑香口 , 肉汁滿溢 , 加上份量不少 , 以正宗食法包裹各樣食材在烤餅裡配上醬汁 , 極盡滋味巨大牛扒三文治 $ 150 - 首先包皮有悉心烘過 , 又熱又脆 , 質感與奶油脆豬有過之而無不及 , 主角瘦牛扒 脆嫩酥香 , 肉質鬆軟 , 不肥膩 , 還有蕃茄煙肉及菜類 夾在中間 , 而脆薯塊秒殺M記,KFC等 , 熱辣辣又脆 , 食得津津有味埋單連加一 $340幾蚊 , 相當推薦 , 唯可惜肚淺未能再試其他食物

荃灣西開咗個新商場有室內水族館，行完睇完當然要搵個地方食晚飯啦，唔想行返去citywalk 果邊多人要排隊，就去咗呢個商場地下嘅一間bar 到食6點就入到去，都未算好多人，餐牌上邊都係各式嘅pizza burger 或者grill, 仲有Mexico Taco 🌮, 撞正今日仲要係Mexican night, 等於免費送枝啤酒，咁唔洗諗緊係食呢個😍Chicken Taco 🌮 一份有兩件，上枱熱辣辣，中間嘅蕃茄莎莎、牛油果同酸忌廉，食落口好新鮮好fresh, 一啲都唔漏，個人覺得10分都有8分😋另外有諗過叫唔叫個beer tower, $299 仲包埋三款小食，真係超抵，可惜兩個人怕飲唔哂浪費，都係散叫算Patate Fritte 芝士黑松露薯條呢個係必點呀，新鮮炸好嘅薯條再加大量芝士同黑松露焗香，超級香口同惹味，醬準配咗茄汁同酸忌廉，點酸忌廉食一流，一條接一接，而且份量好大，配啤酒一邊飲一邊吹水就啱哂Grilled Steak Sandwich 🥪 呢款都唔差，男仔大食同鍾意食肉就啱哂，夾住燒牛扒嘅包夠鬆軟，牛扒約3成熟，咬落去肉香汁多，完全唔un, 配埋蕃茄青椒等配菜，食完一份咩都

今次嚟到荃灣楊屋道88號，呢一個新開嘅商場，試吓呢一間性價比幾高嘅Grill & bar因為今日早嚟，所以可以坐到卡位，咁啱今日星期三，係墨西哥之夜，一於就試吓佢個Taco同埋佢枝Corona beerCorona呢個字真係見到有啲驚哈哈 不過啤酒來講都係好飲嘅～個墨西哥Taco幾出色，今次揀咗雞肉嚟試吓，個麵包餅做得岩岩好，唔會太硬，又唔會太淋，都幾出色 果醬好好食，係一個好嘅選擇。黑松露芝士薯條好好食，因為係焗出嚟，所以好熱，仲有兩隻唔同嘅醬，用來送啤酒一流😊個牛排三文治好大份，兩個人share都好足夠。仲有個黑啤都好好飲因為來飲酒，試埋個1664🤩整體來說，呢間bar位置方便，性價比都幾高，下次都會再同一大班朋友再來☺️

今日約咗個朋友係佢屋企附近食飯聚一聚 ，因為疫情關係都有一段時間冇見🥲呢到環境舒服 食物有質素 墨西哥夾餅 （雞肉）呢期天氣咁熱 真係冇乜胃口 但呢個taco 有蕃茄粒 酸忌廉 牛油果蓉 加埋佢本身雞肉碎D醬汁 好夾 味道好清新開胃 必點前菜👍Spaghetti Aglio-Olio意粉又係好好味 朋友大讚 好香橄欖油同蒜味 有小小辣 意粉硬度適中 😋美國肉眼扒 牛扒5成熟 煎得岩岩好 肉味濃 基本上唔使點汁食👍👍我地一早叫定D🍻同朋友慢慢吹水 呢到happy hour 到7點

今日一個落雨嘅日子 嚟到荃灣呢一間 La Mensa Grill & Bar 食一個chill lunch 懶洋洋一下先😌 Set lunch Menu簡潔有圖 有餐湯 頭盤 主菜 同埋飲品 甜品 好豐富呀😬 首先嚟咗餐湯同埋沙律先 我同朋友各揀一樣因為兩樣都想試😬Soup of the day: 南瓜湯🎃 甜甜的 奶味比較香 亦都食到南瓜蓉 Salad of the day: 藜麥沙律🥗加咗少少汁調味 好味之餘感覺好健康好fresh 頭盤：蟹餅🦀呢兩粒一上枱嘅時候仲以為係出面買嘅蟹丸 點知一切開有驚喜 有滿滿嘅蟹肉 好味😋 Lamb curry $120見到佢個形容係 醃製羊肉在番茄洋蔥肉汁和米飯中燉 本身仲以為係撈埋一齊上🙈呢個咖哩一上枱嘅時候真係超香 咖喱汁香濃唔會好辣好油 羊肉都有唔少 咖喱汁配飯真係好好食😋 Seafood pizza $110佢係San Marizano sauce同埋有好多唔同嘅海鮮 我印象中食到嘅就有 魷魚 蠔仔 蝦 蟹肉 魚肉 好豐富嘅海鮮 同埋佢啲芝士係拉絲㗎🤩🤩 Patate Fritte 芝士薯條 $70唔好以為佢呢個芝士薯條好簡單 佢係炸薯