La Mensa Grill & Bar (Plaza 88)

营业中

休息中

平時好少過黎荃灣，今日過到黎泊低車喺Plaza 88就揀咗呢間La Mensa Grill & Bar 試吓，見佢全店只有一位叔叔係香港人，其他都係外國人，咁估到佢啲西嘢應該幾唔錯。😋環境靚，感覺有啲似將軍澳海傍。沙律叫咗Pesto Grilled Chicken Salad ($145)好大份，有勁甜蕃茄，好多條雞胸肉，芝士加羅勒醬鋪面，啱晒操肌人士💪🏼入黎之前已經睇中咗一定要叫fish & chips，我最愛嘅一直係西貢，但今日有啲想轉頒個獎俾呢間。Beer Battered Fish & Chips ($175)巨型到不得了，外脆內面熱辣辣，薯條都炸得好香口。仲有個Pizza ($170)一樣咁出色，面包非常軟熟飲品ice lemon tea同橙汁。

今朝早睇完水母館之後喺附近搵食🎐行行下見到間酒吧餐廳感覺好chill咁😌睇睇個menu又有pizza食🍕一於入去嘆下先！廚師推薦餐湯 - 黑松露蘑菇忌廉湯 $68鐘意食黑松露嘅我大愛哩個湯😋黑松露味濃加上creamy嘅忌廉湯！入口仲有啲啲幼細蘑菇蓉嘅texture👅但係入口即溶 當條脷feel到嘅時候就溶化左😂 再醮香烤多士一齊食真係好好味道！惹味魷魚 $130估唔到咁出色🦑炸粉唔多但包裹晒全部魷魚肉！魷魚鮮味好出👍🏻醮泰式辣醬同酸忌廉醬食都唔錯 好惹味😊份量都幾多 應該有3人份量咁多😋特式薄餅 $170pizza熱辣辣焗起🍕有香腸、辣肉腸、火腿、洋蔥、辣椒、煙肉同菠蘿做pizza既材料😋有微微嘅芝士拉絲🧀批底係麵包底 食落夠飽之餘又好味👍🏻一個pizza份量都幾大🍕有8大塊😋3人份量食岩岩好！朱古力奶昔 $65芒果奶昔 $65奶昔用維記牛奶製作！有牛奶香味外仲有香芒味道🥭味道有啲似mango lassi🍹朋友杯朱古力奶昔就冇想像中咁甜🍫岩晒唔鐘意太甜嘅口味！兩杯飲品外觀唔錯 打卡都幾靚📸總括而言食物質素都唔錯👍🏻而且環境夠chill打卡一流📸特飲好出色🍹平時收工約同事嚟散下心吹下水都

上周末嚟到荃灣plaza 88地下嘅西餐廳午餐。餐廳似係外國人開，部分侍應都係外國人。座位有室內及戶外。我地選擇左室內。樓底高，座位舒適。裝修有點異國風情。當日周圍都加上萬聖節裝飾，好應節。食物款式算多主要有墨西哥美食、烤肉類、意粉及飯、薄餅、漢堡。👇👇👇，叫左好耐冇食嘅墨西哥粟米夾餅（牛）👇配料與一般嘅taco大致一樣，係蕃茄牛油果醬、肉醬、同埋可以提升taco風味嘅酸忌廉，好食😋一份有兩件，可以當前菜。大蝦蘆筍苗燴飯👇隻大蝦燒烤過，份量大，啖啖肉。risotto口感最怕太淋，呢個煮得軟硬適中👍本身搵唔到一粒粒嘅蘆筍以為畀錯，問返侍應原來啲蘆筍苗係切到好碎好似香草碎咁加入左喺個汁入面，唔係一粒粒蘆荀咁上😂。呢個risotto嘅份量都夠兩個人，而且味道好，唔會過咸及太漏。平日行過見午市有套餐，一個主食包飲品和甜品，更抵食，會再試！

同朋友兩個好耐冇見, 係荃灣諗住揾個舒服既地方坐就比我㴝到呢到, 環境舒適悠閑, 我地就係到叫左的野食傾下計喇😄1/ 蘑菇湯🥣 $68食得到嘅蘑菇溶, 加上又滑嘅忌廉飲落極之順滑而且帶有豐富口感, 另外配上一件烤過嘅蒜蓉包, 我就最鍾意浸落啲湯索晒啲味道😋2/ 惹味魷魚🦑 $130佢冇改錯名的確係嘢未嘅由於, 外層脆皮唔會好厚, 內裡魷魚肉質嫩滑, 點埋辣雞醬, 當堂非常惹味, 如果飲酒就一流👍🏾3/ 特色薄餅🍕 $170其實呢個啫係Pizza, 呢個批都幾抵食, 可以分成8件！呢款最好就係基本上咩配菜都有, 啱晒我呢啲全部想要嘅人！😁4/ 朱古力奶昔🍫 $65綿滑嘅奶昔加上好重味嘅朱古力點會有得輸, 加埋忌廉係面, 口感滑度更上一層樓👍🏾5/ 芒果奶昔🥭$65朋友話呢杯同樣好重芒果味, 而且夠晒冰凍！

朋友夫婦二人之前食過呢間，今次有 5個人可以食多啲款，所以帶我哋去。 呢度嘅侍應九成都係外籍人士, 所以要有心理準備講英文，不過服務態度唔錯。Mexican Taco Beef (墨西哥玉米卷牛肉) $ 148，個賣相好得意，分量唔多，味道 OK 。Beef Lasagna Grilled ( 烤牛肉千層面 )$ 148， 呢個千層麵味道都可以。Baby back Ribs (Full) (烤豬肋骨) $ 358Chicken Tikka sizzler plate $ 180 , 呢個鐵板雞肉，份量唔多，但啲雞肉都嫩滑，有啲似印度烤雞。 食鐵板雞可選配印度蒜味薄餅，佢雖然冇餡料 ，但係味道整得唔錯。La Mensa House Pizza $ 170 。Chocolate smooth $ 85Pina Colada $ 85Fruit Punch $ 95飲品就好似一般 Bar 的水準，不過價錢唔平。

今日放工同識咗好耐嘅朋友去荃灣食飯，因為我哋都住青衣，荃灣不嬲都好多嘢食, 不過原來我冇去過plaza 88，上網咁岩搵到呢間餐廳就諗住嚟試吓，佢個位置比較偏可以坐室內同戶外，個日都幾涼爽，不過我同朋友就揀咗坐裏面餐廳有happy hour同埋有水煙食去個日係星期三，佢每日都會有一啲promotion, 當日有墨西哥卷送一支啤酒或者一杯酒餐廳唔太多人，座位都幾舒服，幾寧靜，幾啱同朋友吹吓水黎得墨西哥餐廳梗係要試吓taco, 我哋叫左beef taco, 仲有支啤酒送, 個taco 蕃茄味濃， 幾好食另外叫咗個黑松露芝士薯條，芝士同黑松露份量多，薯條好鬆脆主菜我哋叫咗牛扒同大蝦，蝦大隻又新鮮，肉質彈牙，牛扒叫咗五成熟，幾厚身，唔韌幾有牛味，幾抵食叫完野食先睇到dessert menu, 好想食個Tiramisu,但係已經叫左太多嘢，所以唯有留返下次再試啦

約左好耐無見既朋友仔食飯😽 雖然呢間餐廳有啲遙遠，但我哋行咗好耐終於順利到達😝 我地咩安排坐窗邊位，可以一邊睇風景一邊傾偈食野👻 原來weekend係無lunch set，所以我哋都係單點😂三文魚闊條麵呢個選擇好穩陣😬 醬汁非常creamy, 大量三文魚碎，每一啖都好滿足😻 朋友仔大讚好吃！雞肉蘑菇燴飯我就中意risotto🥰 佢嘅忌廉汁加咗大量香草，所以味道有啲特別嘅👍🏻 幾啱我口味👍🏻我地不斷唔同角度哋打卡，因為兩個主菜嘅碟都好靚😜呢度有好多唔同款式嘅酒，但我哋都唔係愛酒之人，所以都係揀返冇酒精飲品🤣食到最尾，突然聽到有生日歌haha 大家都有拍下手，氣氛幾好🤣 如有需要，記住早d同餐廳夾好😎

餐廳位於荃灣一個新商場地下，經過一眼已經見到了。餐廳座位舒適，有梳化卡座，而且臨近萬聖節，有好多萬聖節嘅裝飾，好得意，我相信如果夜晚前來Bar，飲杯酒，吹下水，應該好有氣氛。呢度嘅lunch set 只要$110-$125就有齊湯，頭盤，主菜，甜品同飲品。蘑菇湯，有忌廉拉花，連餐湯都咁有心思，真係睇見都開心。餐湯食到粒粒蘑菇碎，又香又濃郁，仲好滑添。藜麥沙律，平時比較少食，都幾清新，又高纖維，仲有微酸沙律汁，幾新鮮。頭盤係蟹餅，食到絲絲蟹肉，真材實料，正安格斯肉眼扒，七成熟啱啱好，唔會有血水流出，牛味唔錯，肉質jucy，加埋黑胡椒醬，味道唔錯。魚漢堡，平時食牛肉漢堡就多啦，將牛肉變成炸魚，又係另一種風味喎。炸魚塊脆卜卜，配合埋生菜，洋蔥同特有嘅醬汁，有口感又好食。伴碟嘅係即炸粗薯條，唔會太油，但調味粉略嫌鹹左少少。甜品係小小朱古力蛋糕，為呢一餐寫下完美嘅句號。平日比較少機會食到5 course lunch，今日真係好滿足呀。

有次路過映日灣，發現附近這座Plaza 88大廈, 原來有多間食肆，今日決定約朋友過來Lunch 一下⋯⋯門口有個牌寫住:Monday to Sunday ~啤酒買一送一3:00pm-5:30pm，下次可以過嚟啤一啤。中午一時許，可能由於平日，未算多食客。午餐可以選餐湯或沙律，還有Starter 串燒，再選擇主菜。磨菇湯~㕑子在磨菇湯拉了幾下忌廉花，在湯上還點綴了幾粒提子乾，有趣。串燒~雞肉串燒雖然唔熱，肉質還帶點點硬。沙律~朋友選擇沙律，樣子又幾靚仔喎！Sirloin Steak$125~依塊西冷夠腍又有點點肉味，有驚喜Meat must pizza $110~一端上枱，大家都覺得有份量，相信配啤酒是一個不錯的選擇。Daily Dessert & Tea~當日的甜點，精緻的蛋糕仔，份量少少，恰到好處，點點椰糖的香味，加上粒粒芒果，味道帶點點土耳其色彩。整體來說:環境清幽，食物帶點點中東色彩味道，是一個傾吓講吓的好地方。

同一家人嚟食lunch，order左好多樣嘢食，但唔係樣嘢有影相😅 座位舒適，侍應有定時refill水，樣樣嘢食都熱上，幾好味，不過係甜品等咗20分鐘先黎，唔知係咪因為英文溝通有問題呢🫣Halibut filletSalt & pepper calamariChicken TacoEspecially like their avocado sauce, very refreshing!以上既下次去會再encore！好味！

話說離開荃灣西學跳舞，經過呢一間西餐，諗住試試佢嘅set lunch。是日沙律係泰式沙律酸酸辣辣幾好食，唔會青BB淡而無味。小食有沙嗲雞肉串好少見人哋西餐午餐會包個小食，而且係沙嗲雞肉串，餐廳西餐得黎幾有南亞風格。主菜叫咗沙朗牛扒叫咗七成熟。 可惜只可以揀薯條冇得揀白飯或者意粉。 朋友話薯條都幾趣幾好食。最後仲有個甜品同嘢飲嘢飲叫咗個普通嘅凍檸茶。甜品方面日日都唔同，我今次就係一個香橙忌廉蛋糕。朋友就叫咗個肉醬千層麵呢個千層麵超級邪惡，表面超多芝士，配埋濃郁嘅蕃茄醬同肉碎，非常重口味，食晒成個非常飽肚。

最近搭巴士經過發現有座好似新既商場Plaza 88，係荃新天地二期隔離，眼見都有餐廳酒樓，今日星期六就係度搵間餐廳食下Lunch 先係商場出面有間好Chill 既 Bar，裝潢好似食多國菜咁當日可能都早，大約12點就到，入面有兩、三枱客人，我地就揀咗張高枱坐，望出去有樹，當日陽光又有照入黎好舒服，可以好好享受我地叫咗個沙律同Pizza🥗🍕香蒜烤雞肉沙律🥗啲沙律菜好新鮮，係爽口，仲配埋我最鍾意既羅勒醬，簡直一絕，另外仲有香蒜烤雞肉、蕃茄、松子，雞肉仲有少少肉汁添自家製薄餅🍕特式薄餅- La Mensa House Pizza，分別有香腸、辣肉腸、火腿、煙肉等等，係即叫即整所以等咗陣，出到黎熱辣辣，食Pizza就梗係有半溶芝士先完美，所以係絕對值得等整體黎講，呢間餐廳食材夠新鮮，同埋份量多，仲要環境好舒服，可以好好享受假日時光，一定推介多啲人黎幫襯

周末去到荃灣行下同食飯，plaza88依間餐廳裝修幾典雅，天花掛住波波燈，加埋紅色嘅沙發帶點古典vintage嘅味道。Salmon fettuccine闊條麵配上煙三文魚碎同忌廉汁，忌廉汁濃厚，三文魚碎量多，每一啖都食到三文魚嘅味道。Beef Taco墨西哥粟米餅夾住蕃茄Salsa 牛油果醬同酸忌廉，配料有雞肉牛肉同蝦選擇。我就選擇左牛肉，salsa有獨特嘅香料味，加埋牛油果醬同酸忌廉一齊幾fresh。

喺荃灣搵到Plaza88個停車場有勁多充電位置可以幫架車充電🔌🔋 邊差電就緊係搵地方坐低chill 住等，一番地下就見到呢間裝修得好靚嘅酒吧😳成間餐廳都落地玻璃✨ 望入去樓底好高空間感十足🤩 天花上嘅波波吊燈💡，牆身加埋用嘅大木台同紅色皮凳都好有復古風，異國風情嘅感覺🇲🇽 門口仲有outdoor 位置坐，咁啱嚟到係5/6點左右，仲有happy hour 時段，已經開始多人喺到飲酒傾計🍻🥙Pesto Grilled Chicken Salad $145羅勒醬嘅沙律，用咗法國雜菜🥬同菠菜蕃車厘茄做菜底，面頭舖咗好多parmesan cheese 仲有已切條嘅Grill 過嘅雞肉，份量好足，個basil dressing 勁freash🌿好開胃🐟Beer Battered Fish & Chips $175嚟到「wow」😲咗一聲，超巨型嘅啤酒炸魚😍 炸到金黃色一啲都冇過火，切開時聽到個魚柳外脆內軟，入面出晒煙勁juicy, 外面層啤酒粉真係做得好好，唔會太薄一切就分離，又唔會過厚食落啖啖粉皮🥹 fish&chips 嘅靈魂他他醬亦做得好好，好多酸瓜粒👍🏻 唔會得個甜字，魚柳下面仲有好多粗薯條

星期日難得放假，就梗係要搵一間可以慢慢坐嘅餐廳食個brunch餐廳嘅裝修非常之有特色主要用深色同埋皮嘅物料做主調俾人一種好放鬆嘅感覺座位與座位之間好闊落坐得好舒服除咗室內之外，亦都有室外嘅位置餐牌嘅選擇好多元化，選擇相當之多由pizza, burger，唔同種類嘅肉類，甚至連咖喱都有齊多到唔知點揀好叫咗一個招牌芝士漢堡個size好大視覺上都幾震撼牛肉加埋煙肉嘅口感又脆又軟薯條亦都炸得香脆另外我地再叫左個新西蘭牛柳5成熟肉味重，分量亦都好足飲品方面，就叫咗個朱古力奶昔如果鍾意飲甜嘢嘅你呢一杯嘅味道一定唔會令你失望整體上嚟講呢間餐廳非常之適合一啲鍾意放空慢慢坐嘅客人可以喺呢個咁舒服嘅環境，食吓嘢傾吓計非常之唔錯