La Kaffa (已結業)

食左卡邦尼窩蛋煙肉意粉同秘製黑醋蜆肉炒意粉。意粉餸份量唔多，但意粉硬度整得好好！黑醋炒意粉酸甜開胃又入味，可惜蜆肉係雪藏的，有點過淋，蜆肉量一隻手數得曬。卡邦尼意粉唔會好油淋淋，牛油同牛奶香令人食指大動。雖然正宗卡邦尼係唔會有蛋，但蛋汁撈落意粉減少啲汁醬，扮下無噤油膩。

今日同男朋友出左第一城，自從轉左工都好耐無去食野啦！第一城就好似一個城咁乜都有😂😂今日特別掛住La kaffa 個台式奶茶，所以二話不說親放假就去食個午餐先！對上一次黎都仲有位坐，今日去竟然滿座仲要等位😂不過都係等一陣姐😆好彩除左店內有位，店出面都有架！（有追開我食評應該都對呢句說話唔陌生😂）我就比較鐘意坐出面，感覺闊落啲。價錢依舊親民既！我地二個人就點左三樣野食，平日會飲熱奶茶，今日天氣太熱所以飲左凍😂除左奶茶咖啡外，都新出左比較有特色既飲品！價錢認真底既！1.黑松露香菇意粉 $54黑松露味好香濃，菇味鮮同多料。個人覺得加辣椒仔更好食😂😂😋2.煙三文魚凱撒沙律 $56超大塊煙三文魚！二大塊👍🏻👍🏻菜係脆口仲有麵包粒👍🏻3. 煙三文魚班尼迪蛋，脆香煙肉，粟米粒同茄汁焗豆 $60二個班尼迪蛋係流心架😍😍😍整呢啲流心蛋都好巧功夫架💪🏻整體黎講，絕對無令我失望！奶茶依舊好香好滑！一個下午同朋友一路傾一路食係開心既！食飽飽仲可以行下商場應有盡有，仲可以係到食埋晚飯一條龍😂👍🏻

最最最愛呢度既all day breakfast😚每次諗唔到食乜好既時候都會黎呢度食兩隻benedict egg睇住啲蛋黃流出黎真係好治癒仲有啲黃豆粟米煙肉食完真係好滿足👍🏻今次因爲太餓仲加左塊雞排好大塊都係$10抵！

我在12:05pm買外賣，但直至12:35pm食物仍未出。在12:15pm(我之後購買的外賣14號已取時)，我已詢問職員是否漏單。職員說蒜蓉包和水牛城雞翼要時間製作。在12:30pm，我再次追問職員時叫我找樓面職員問，樓問職員叫我找收銀職員問。最後，樓面職員追廚房職員，職員說很快便製作完，但當時已經12:25pm。再等10分鐘後（12:35pm）我排隊辦理退款，職員才說在製作漢堡。但咖啡已在25分鐘前製作好，在放了25分鐘。在我之後購買堂食或外賣的都已領取食物。請問什麼漢堡要30分鐘仍未完？！最後，收銀職員說可能漏單！那麼我之前追問的是廢話嗎？！P.S.我買外賣時，沒有職員告訴我蒜蓉包和水牛城雞翼製作要長時間，但30分鐘仍未完成。職員說可在facebook inbox反映，但一直也沒有回覆。

今日係附近做野 但未食晏 就係置富第一城食個tea 係openrice search 第一個就係呢間 咁好似幾好就試下 見環境都唔錯 價錢有合理 呢個鐘數黎講 人流都算ok咁我同friend 一人一個tea D tea set 都幾多選擇本身想叫雞翼配西多士 但見到其他set 有薯角 就好想食最後叫左個公司三文治🥪 味道唔錯 不過可以更好材料算多 我個人認為即整嘅 同埋烘左底嘅三文治 應該要夠食 呢點扣左啲分環境黎講 就可能係有openarea 係商場入面 都比較多昆蟲飛黎飛去 嬲住哂 我食得唔係幾enjoy 因為有烏蠅同埋蚊吱 最後有兩隻野飛左落我店野度 所以最後果啲冇食到

今日去開 第一城聽講呢度 有間專調特色飲品 同埋好正嘅 西餐廳今日終於可以試下啦睇個樣都 覺得 幾好呢度有好多選擇仲有全日早餐供應頭先講緊嘅特色飲品我哋叫咗 個 芒果 梳打 呢個都幾特別 芒果味道醒神在加個 蜜桃綠茶梳打 呢個有甜甜地嘅蜜桃味 杯底仲有啫喱添 食落 都幾爽口跟住落嚟 就係 全日早餐 煙三文魚 班尼迪蛋 脆香煙肉 粟米粒 茄汁焗豆三文魚超正 食落新鮮 嗰 班尼 迪蛋 整得好出色 食落去裏面會爆出嚟 真係好有驚喜跟住 再嚟 頂級 安格斯牛肉漢堡D牛肉 真係 不得不讚 D肉汁 鎖曬 係 入面 薯條 炸得啱啱好 啲沙律又新鮮地點寬敞舒服 啱曬 一家大細 同埋朋友喺度 傾下計

我印象中通常係屋園入邊嗰啲食店，味道都係一般，但估唔到依間有驚喜首先叫咗個黑松露意粉，未食我已經聞到濃郁嘅黑松露味一入口，食到每一條意粉都沾滿左黑松露同埋香菇嘅香味加上新鮮嘅大蝦，比起好多外邊高級貴價嘅西餐廳入邊嘅意粉有過之而無不及，必試呢個水牛城雞翼不得了外皮炸得非常脆但一啲油膩嘅感覺都冇，隔油功夫做得好好一咬落去仲有少少肉汁流出嚟呢個牛角包做得非常鬆脆配合煙三文魚同埋碎蛋，非常美味！ 味道美味，價錢適中，必定再試

悠悠閒閒的假日................來到商場內的一間小店....................落地玻璃............格外醒晨..............All day breakfast.......每一款都好想食喔！炸魚炒滑蛋.......魚質很嫩！不錯不錯..........肉汁都流出來了.............配上一杯冰咖啡.......................！恰到好處.......！

之前試過這間的早餐，質素不錯。今日就再去試試這家，今次試下午茶。本身想點意大利粉，可惜只供應至下午3點，我們到達時已過了時間，只好點別的。All day breakfast 類下午茶餐點好餐後，店員會給你一個號碼牌。只要放在枱上，一會就會有侍應送餐。有自助調味料架，可隨自己喜好搭配。不得不提這家的奶茶，必點!不是一般的breakfast tea, 而是用了Earl grey 茶底，而且奶味濃厚，大愛❤建議先試試味，奶茶本身已有少許甜味，不宜加整包糖，否則太搶茶味。有機會可取它的糖漿試試，很清甜的。我喜歡當蜜糖點麵包吃。😁朋友點了下午茶餐。公司三文治用了麥包，內有兩層配料，分別是芝士配煎蛋，及蕃茄生菜。沒有沙律醬👍要讚的是雞蛋煎的表面很香脆，但又不會太油。我未食早餐，點了大堆頭的All day breakfast 🤣兩件Egg Benedict: 最吸引的! 建議揮動你的手，來吃吧! 😋用刀叉只怕會浪費了香濃的蛋黃汁! 兩塊烟肉:煎的很香脆 磨菇 : 加了足夠的黑椒，嗜辣的我大讚🤗好多腸仔 : 其中一條是辣腸（第二條呀！順數由左至右），真係好辣🤣薯餅: 炸得好脆，但有點油膩要提提的是腸仔

🍞 Golden French Toast（ $68）All day Breakfast 裡面有西多士！你食過未先？ 呢個 All day Breakfast 份量特大！有成塊西多、煎雙蛋、薯餅、辣肉腸、茄汁豆同沙律，煎雙蛋煮得超級嫩滑入口即融，超級好食👍🏻 腸同薯餅都煎得恰到好處，不過西多士偏dry，糖漿又唔夠，爭少少。整體都OK既，性價比好高，下次會再黎。

從前的我，從未食過All Day Breakfast，但早排有朋友介紹，早餐唔一定要早上進食。可以去試試All Day Breakfast。咁再追問下，佢哋介紹La Kaffa Cafe。我再追問，Cafe唔係食鬆餅，小蛋糕同飲咖啡咩？佢哋就話你咁大鄉里咖，依家Cafe有好多嘢食。為咗鄉下仔出城食好啲，就一於聽聽朋友們嘅建議，去一去試下非早餐時段食早餐啦。原來All Day Breakfast 有咁多選擇。但再睇睇價錢，早餐原來要咁貴咖，不過為了食好啲，就唔理啦。今次選擇香煎牛扒早餐，而友人就選擇了燒雞扒早餐。不過怕唔飽，就再追加長通粉。煎牛扒早餐-一入就覺得口牛肉香，多汁豐富，邊咬著，肉汁不停在肉中流出，當中蔬菜可減輕肥膩感，又帶出清新，薯餅也炸得不錯，雞蛋炒得滑並不鹹。至於燒雞扒早餐同煎牛扒早餐相似，食感亦跟牛扒餐一樣。最好2個通粉可以不叫，因全日早餐份量很大。

琴日陪準備結婚既朋友去第一城睇樓，之後去左第一城商場入面呢間半開放式餐廳一齊食午餐。餐廳用半自助式，先排隊買食物，然後搵位，等店員送餐。餐廳主打All Day Breakfast ，有好多唔同組合。另外都有Burger 同意粉選擇。朋友要左一份All Day Breakfast，有煎雞扒、炒蛋、茄汁豆、沙律同埋兩片全麥多士，除左賣相吸引，仲營養豐富。主角雞扒香草味好濃，外皮煎得香脆，內層雞肉仍然保持嫩滑多汁。炒蛋亦夠嫩，唔會過生導致出水亦唔會老。而我自己就揀左白酒蜆肉意粉，幾有驚喜！白酒同牛油兩者配合得好好，加埋少少蒜粒，好香好香。而且蜆肉雖然係冰鮮，但都唔會有腥味/雪味，亦無沙。而意粉軟硬度都剛剛好，加上少少洋蔥絲同菇，就係咁幾樣材料，簡簡單單已經好好食。最後跟餐可以免費有熱茶一杯，加錢可以要其他飲品，朋友就要左杯凍咖啡，咖啡味可以再濃多少少。呢度價錢合理，食物質素都好唔錯，難怪坐無虛席。

週末假期，兩口子去拍拖，去咗沙田第一城嗰邊閒逛，醫肚當然係返呢一度。行咗入去商場，見到La Kaffa嘅食物都幾啱心水，所以決定喺呢一度開餐。先叫咗嘢食，畀埋錢，就可以拎號碼牌，自己揀位坐，侍應會將食物送嚟。座位都幾多，舖內同埋商場公共空間都有唔少。喺餐枱嘅附近擺咗紙巾，同埋調味料，客人可以按自己嘅需要拎嚟用。蒜香三文魚意粉香味十足，加咗三色椒，令到顏色更加吸引，營養當然更加豐富。三文魚嘅份量比預計多，亦唔會話切到細細粒食唔出魚嘅口感，不過味道鹹咗少少。 全日早餐嘅選擇好多，呢一個係A2，入邊有甜椒蘑菇奄列、火腿、全麥多士、茄汁焗豆、紐倫堡腸、粟米粒，用料幾豐富，紐倫堡腸唔會話特別鹹，食完都幾鍾意，奄列入面相當多甜椒同蘑菇，用料好足。加錢叫咗兩杯特色飲品，一杯係北海道特濃朱古力，一杯係焦糖牛奶朱古力。飲嘅時候，兩者分別味道唔算太大，好彩兩口子都冇咩所謂，大家一齊飲。兩杯嘅朱古力味都幾濃，揀咗少冰，相對冇溝得咁淡。

餐廳採用開放設計，喺收銀處隔離個餐牌見到有咩好食嘅自己點，點完之後就搵位坐。侍應會奉上已落單嘅食物。呢度餐廳流轉快所以等位唔會好耐。同朋友兩個人好快就搵到座位，唔使同人搭枱。食物嘅款式種類都幾多，畀大家參考下：1) 頂級安格斯煙肉蘑菇牛肉漢堡 (⭐⭐⭐⭐⭐)見到餐牌有三款特級漢堡餐，分別有牛肉漢堡餐、牛肉蘑菇漢堡餐，同埋煙肉牛肉蘑菇漢堡餐，後者就最豐富。呢款漢堡除咗有牛肉蘑菇煙肉之外，仲有芝士蕃茄生菜作為餡料。漢堡包嘅質地軟熟，拎上手好有烘烤嘅感覺。隨餐附送薯菜同埋沙律，仲有特製嘅醬料，食落飽肚。2) 蒜香煙三文魚意粉 (⭐⭐⭐⭐⭐)煙三文魚切成一細塊，混在意粉入面，增加咗意粉嘅香味。意粉未放到入口已經聞到好香嘅三文魚味，配埋蒜香就真係唔錯。感覺三文魚都幾新鮮，不過記得要親熱食，如果放得耐啲香味就會散發咗。3) 茉莉綠茶、熱情花果茶 (⭐⭐⭐⭐⭐)飲品方面，點左茉莉綠茶同埋熱情花果茶，分別係加4蚊同埋14蚊。夏日炎炎，點呢啲冷飲就最完美嘞。兩個套餐連飲品加埋大概一百出啲。另外仲可以選擇加蒜蓉包。不過由於冇餐湯嘅關係，我哋都冇再加蒜蓉包。整體嚟講，對呢間餐廳都算滿意。

假日下午茶想食個西式tea，第一城地下有兩間，呢間La kaffa 款多d又平d，佢有all day breakfast又有tea set，咁啱3、4點d時間唔想食得太full，就叫個tea set食喇。叫咗兩個三文治tea set，一個芝士一個三文魚牛油果🥑三文治配薯條沙律。三文魚牛油果唔係好多料，如圖所示都係中間先有，但食落味道不錯。芝士三明治軟綿綿好足芝士，簡簡單單幾好食。跟餐薯條炸得有點過火。望落份量唔多但都食得feel飽。今次食的簡單d，平時有食過佢full d嘅餐例如all day breakfast 都非常不錯，試過佢嘅egg Benedict 都好有流心效果好好食，而且性價比好高，所以都不斷encore。