La Kaffa (已結業)

All day breakfast 食得多，今次黎到沙田第一城，唔想食集團餐廳，改揾下小店。行行下見到呢間，幾多人食又開揚的cafe。店内得4-5張枱，商場大堂有個餐廳專屬範圍可以坐下慢慢食 看一看個大餐牌，好多款all day breakfast可以選, 由$42-98都有。叫左個最平，加牛角包餐。買完飛拎住個number 牌，揾個靚位等。All day breakfast份量十足，兩片多士，腸，炒蛋，磨茹，沙律菜。飲品配了熱奶茶。奶茶有印度茶冲的感覺。炒蛋好滑但磨茹有點乾。腸就一開二，味道OK多士夠大塊牛角包就配了三文魚，微熱的包加大塊三文魚，配了低糖紅茶，基本上同水一樣。牛角包幾好味，包面小小脆。除了all day breakfast ,意粉都好多人叫。總括是四粒講真，好hea 的 all day breakfast都收七八十蚊。呢到算是幾好的選擇。

這家曾經是我喜歡的餐廳，算是第一城難得可以坐久一點，與朋友傾談的cafe形式餐廳。但最近每況愈下，由以前一星期光顧一次到現在一個月才光顧一次，今次之後更不期望會有下次了😰食物：有一次在沙律菜中發現昆蟲，與年輕職員投訴，職員沒有反應也沒有跟進，後來再三追問下，他才建議換另一盤，但當時都差不多吃完了，也不見他有意欲與經理溝通/繼續跟進，最後還要由我們主動提出要求他們把食物收回😓另一次是點了Egg Benedict, 迎來的蛋黃竟然是完全熟透了，絲毫沒有Egg Benedict應有啲流心蛋黃汁。拿去向職員投訴，他竟然說這是正常🤦🏻‍♀️在再三堅持下他才把整盤拿回廚房再造。服務：職員愛理不理的，在點餐處後自顧自談話，顧客站了好久，要待說聲「唔該」才過來招呼。職員在點餐過程中仍然與其他同事說笑，更因同事在準備一些飲品把飲料噴到點餐處櫃台上，也沒有問顧客有沒有被濺到，也沒有把櫃台上的菜單抹乾淨😒環境：雖然有一半餐廳空間處於第一城置富商場內，但明顯該餐廳的桌椅較隔鄰同樣也是有桌椅在商場內的餐廳有較多蒼蠅飛來飛去。而且盛載食物的碟邊已佈滿黑色污漬，雖然知道是洗不掉，但如要使用白色食具就應該換掉吧？

Today 17/6/2018.... at 8pm, this restaurant served me with the saltiest soup that I had ever tasted in my life! We told the waiter and she said... “oh.... I will inform the chef”. I see the surrounding tables, all soups were not consumed at all!!!

週日嘅下午，同朋友黎開沙田區第一城附近。由於天氣酷熱，所以留喺商場入面嘆冷氣。啱啱見到呢間餐廳，係開放式嘅環境，好似幾多人幫襯，應該唔錯，於是決定試一試。搵到位之後，我同朋友一個霸位一個出去買嘢食。食物款式都幾多，有漢堡餐、沙律、意粉餐同埋全日早餐。因為想揀啲飽肚啲嘅同埋易share啲嘅，所以我哋買咗兩個意粉，另外再加咗兩杯嘢飲，好好嘆我哋嘅午餐。第一款係白酒蜆肉意大利粉，啲蜆肉好香口，配白酒ok match，賣相幾吸引，蜆肉嘅份量又幾多。意粉用扁身意粉，我個人幾喜歡。我嘅朋友就點咗蒜香煙三文魚意粉。煙三文魚食落嘅質感香口，熱辣辣嘅三文魚散發出陣陣魚香。意粉之外，仲可以加幾蚊叫埋蒜蓉包。蒜蓉包比較厚身，食埋蒜蓉包都真係幾飽啦。嘢飲方面，叫咗蜂蜜綠茶，仲有幾有特色嘅咖啡，叫做「魔力雙人舞冰咖啡」，跟餐叫加26蚊。冰涼嘅咖啡口感配合炎熱嘅天氣真係好正！

好味的 All day breakfast周六休息日，為什麼因為準備端午節的項目要早起呢！唔緊要，去附近食個豐富早餐先。這個早晨全餐好豐富，有煎雙蛋、法式多士配白糖霜、法蘭克福腸、紐倫堡腸、牛肉腸、脆香煙肉、炒蘑菇和茄汁焗豆。其實整體是不錯的，香腸那些不用太考功夫，但是煎雙蛋和法式多士都是做得很好，尤其是法式多士，有蛋香唔肥膩，配搭沙律菜更豐富。餐飲叫了一杯凍香濃奶茶，這兒是台式奶茶跟港式的有點不同，還可以啦。

今日要去大圍剪頭髮💇出發前就去第一城hea hea先由於朋友遲到 我既午餐都等到變下午茶餐🤦🏻‍♀️見到下午茶時間都到 但想保持食all day breakfast chill下既心 就揀番all day breakfast 😂😂呢個最重量級選擇 夠兩個細食既女仔share!!其實腸都已經一個人可以食到三條 個薯餅值得一讚 有鬆化兼少油既特質而且炸皮簿！😛😛之後就急不及待試下個egg benedict 上面層醬都幾好味 最緊要係唔會好「膩」同埋好滑爆蛋效果😵😵好和味🤭另外叫左兩杯咖啡☕️一杯係mocha 朱古力味雖然唔重 但個拉花值回票價另外一杯焦糖咖啡！整得幾好 唔會過甜😋假日下晝都食到早餐享受 仲要個價位唔錯 都值得黎坐下食下tea🤤🤤

忍唔住要打篇文記一記！依間餐廳見平時都多人食，今日夜左見唔多人諗住試一試。落單時阿姐第一句唔係問我食咩，而係問我坐邊。咁我一個人我話坐入面啦，跟住佢又同我講同指我坐出面，咁問黎做咩呢？？跟住我話要一個餐，佢問我飲咩，我問有咩揀，佢勁快同細聲講左一堆，我話聽唔到請佢講多次，檸茶檸水綠茶紅茶，咁我話綠茶，佢話無喇，依家咩都無得返紅茶。咁唔一早講？我話咁我都無得揀啦，佢語氣差兼皺哂眉頭咁講，咁你都要話飲紅茶囉，如果唔係落唔到單！其實我黎食飯，點解要受你氣呢？坦白講食物普通唔係好食，環境衛生差，見到勁多飛飛！仲要我食食下有店員係度掃地清場。我明9點幾都唔早，但有人食緊野係咪唔應該掃地呢？啲塵係會飛起哂架囉！請我食都唔會再黎！

好耐無黎呢間食早餐喇 今日番工前想食餐好 所以就黎左😂 .. menu同以前一樣 無變過 今次點左兩個餐 特濃班尼迪蛋、脆香煙肉、粟米粒、茄汁焗豆 經典英式炸魚、嫩滑炒蛋、茄汁焗豆 再另外加左一份法式西多🤤🤤 .. 個班尼迪蛋本身係配muffin 但因為無貨變左係配多士 有少少唔開心 但個主角真係好食 上面啲醬加埋隻水煮蛋一齊食 真係不得了🤤🤤🤤 .. 而個炸魚都好大塊 炸得好脆 魚肉又唔會好似啲連鎖快餐店咁散晒 配埋個加左少少醋既沙律醬一齊食 正呀！🤤 .. 我地仲加多左個法式多士 呢個有啲失望 之前係好好食㗎 多士加蛋一齊煎 煎到脆邊 加糖粉蜜糖一齊食 好正 但今次份多士加完蛋煎 一啲都唔脆 睇相都feel到淋晒一餅野咁 唔得！ 水準大跌 失望😐

平時係呢間日頭都係食all day breakfast, 都抵食今日放工揀左burger ， 意粉， 點知中伏！！晚餐通常送餐湯， 餐湯是溫的， 不熱食落酸酸地， 似變壞飲完先發現出餐位預先‘不’ 定幾碗餐湯仲要有好多小昆蟲飛來飛去 主菜來了， 海鮮意粉， 食第一口， 就即刻食到硬殼， 係蜆殼碎左 另外青口勁大陣雪藏味另一個main, 手打牛肉burger, 牛肉超多筋食一半剩一半自從裝修後， 第一次食返， 食物質素超差， 衛生又差， 食完當晚好怕肚痛

黎開沙田黎邊工作，所以去左第一城個邊搵美食醫下個肚仔。我就去左La Kaffa度食個西式午餐。我叫左溫泉蛋卡邦尼意粉 (HKD 54)，會附送忌廉湯。另外，我要多左個蒜蓉包 (HKD 6)，餐飲就要左苿莉綠茶。個忌廉湯都還可以，栗米都幾多，不過味道就一般。個蒜蓉包(有2件)，個人覺得味道太濃厚，同埋略為細件左啲。至於個卡邦尼意粉，味道唔錯，醬汁配料都夠，不過隻溫泉蛋太過熟，無左流心既效果。至於個苿莉綠茶，個人覺得味道唔錯，幾清甜。

La Kaffa(沙田）早餐整體不錯空肚當然要吃個早餐啦，沙田第一城商場內有間La Kaffa，有很多食物款式可以選擇，它的 All Day Breakfast 好多客人捧場，但我怕份量太多，所以要了其他的。 L5 經典英式炸魚柳+ 嫩滑炒蛋 + 茄汁焗豆和廚師沙律，我好喜歡食炸魚，喜歡佢外脆內嫩，熱騰騰的，好香口。炒蛋是推到一層一層的那個做法，沒有油膩感，很嫩滑但要力加上少少鹽巴才覺得它特別美味。另一份是L6 香煎雞扒、炒滑蛋、茄汁焗豆及廚師沙律，雞扒也做得不錯，留有肉汁，吃了炸物 配上沙律🥗菜不錯呢🤗餐飲 我們都叫了奶茶，要另加數元，這是台式奶茶，都很香滑呢！😋

今日到沙田某醫院探完病，走到附近一大型屋苑第一城，內裏食市眾多，這一間要算是頗有特色的。店鋪位於商場的地下，坐位分別有設置於站內和店外，店鋪的氣氛悠閒寫意，望向外出的樹陰，仿似置身外國的coffice shop.我和妹妹分別點了魚柳漢堡配薯角和香蒜雞翼意粉，飲唔則點了凍奶茶和凍咖啡。魚柳熱辣辣，外脆內嫰，但豪不油膩，而薯角剛非常新鮮，充滿口感。至於香蒜雞翼意粉，雞翼的表面炸到金黃色，內裏的雞肉嫰滑香口，亦充滿肉汁，意粉的軟硬度恰到好處，其香蒜醬汁，簡直是吊起食慾的靈魂，wonderful!而凍奶茶和凍咖啡亦不遜色，可比美茶餐廳的傳統味道。悠然自得的在這裏用餐，看看書，玩玩手機，真是人生一大享受。

Services is terrible, especially the short hair middle age lady with accent at cashier. Talk trashes behind customers‘s back, loud and clear .Very unpleasant experience. The staffs are averagely rude. Food are average too. If you don’t need any services , and no willing to line up for seats can give it a try. They always have empty spots.

早餐價錢有啲貴， 食物質素普通， 但杯奶茶似即沖奶茶粉。$56 有少少沙律菜， 一件雞扒， 煎雙蛋， 一小撮凍冰冰茄汁豆同埋2片唔脆多士。我寧願去返大x活食好過， 真係無下次。

同同學喺附近上完堂就過咗黎第一城搵食，見到呢間餐廳咁寬敞，食物既選擇又多，所以就決定黎呢到食個lunch我地叫咗個A1同A4餐，因為我地都未食早餐同埋我超鍾意食egg benedict飲品方面都有唔同種類選擇估唔到件奄列咁大，裏面仲有香滑既蛋醬同牛乳添炸薯餅脆得黎唔油膩，啱曬減緊肥既我地我地各加四蚊要咗一杯凍低糖綠茶同一杯凍低糖紅茶，綠茶比紅茶甜，所以我偏好呢杯綠茶整體黎講，我地都好滿意呢間餐廳，下一次落堂我地都會黎食下其他款既lunch set