La Kaffa (已結業)

好少黎第一城呢頭，原來都幾多野食架bor,, 好多都幾抵咁見La Kaffa 好似算幾好坐咁就呢間啦😝😝drink menu👍🏻🎸menu幾多選擇架，意粉餐平均$60一個。💕💕要左一個煙三文魚意粉餐同一個蜆肉意粉餐，餐已包湯同餐飲蜆意粉好多蜆，唔知有冇feel錯呢，好重牛油味，意粉軟硬度適中，唔算非常特別，但都算係咁，呢個價錢，一個字，抵！！！個人鍾意呢個煙三文魚意粉多d，少d牛油味，但唔知點解三文魚全熟🤔🤔🤔湯正常，但有d咸🙈🙈我地既餐飲，唔錯架！台式熱奶茶，台灣既風味😂😂可以要少甜！ 朋友要左凍紅茶，最怕苦茶，呢個茶味岩岩好！任坐幾耐都得，埋單都係$63！岩哂傾計💕💕

去完威記睇醫生，醫院人多，真係令人好煩躁，個心已經碎晒，好想搵個地方可以靜一靜，停下來休息下。竟然俾我搵到第一城呢個小市區，有間咁舒適的餐廳。空間大，環境舒適，可以選餐廳內或者外既位置，迎合各人既需要。食物選擇多，有意粉、burger (my favour) ，仲有all day呀！特色飲品都好多！仲有套餐優惠！一路飲住杯飲品，一路睇住一城寧靜既環境，果然令煩躁心情都靜下來。我選來安格斯牛堡，伴以沙律菜和薯角。牛肉是新鮮手打的juicy!朋友點了蕃茄雞肉意粉，配上忌廉湯。是絕配啊！意粉味道清新好味！兩個套餐，埋單都只係122，加上咁好既環境，真係抵食！整體來說，環境最高分，食物質素都好！兩者加埋，下次都會再食！

其實一直都幾鐘意呢間既all day breakfast 仲有奶茶！ 唔知點解佢既奶茶有種特別既香味☺️但每次星期六日都好多人 所以已經好耐無食難得今日平日放假 於是就決定再去幫襯原來依家除左all day breakfast仲有一d輕量早餐提供(可能出左好耐但我未試過咁早去🙈)二十幾蚊 加4蚊就有奶茶 相當唔錯仲加左8蚊薯餅 同mini 通粉好surprise原來多士係french toast!!加糖漿超級好味值得推介既早餐選擇👍🏻

常日都會去呢間cafe食個tea或者飲杯野，同fd吹下水咁。呢間cafe早餐,tea,晚餐基本上都試過晒，食物質素一向都唔差，不過就嫌佢價錢略貴，而最抵食應該就係下午茶。上次就叫左個西多,雞翼加沙律。西多同雞翼都係即叫即整，雞翼好香口好脆，西多配住牛油同糖漿殷食真係好好味。同埋下午茶餐仲會有杯野飲。杯野飲都幾大杯，可以夠你坐成個下午。不過cafe最大缺點就係環境透明度非常高，大部分座位都係係商場空曠位置，好多人經過，欠缺私隱。同埋服務就真係一般般，唔係個個都咁有心機serve你。

黑松露香菇意粉即叫即整，所以來到熱辣辣，黑松露濃度一般，菇味較重，醬汁都多而且夠creamy。奶茶係珍珠奶茶嘅味道，不過糖漿太多太甜了，飲完有啲確喉，建議可以減甜。另外加咗$12配個牛角包，無咩特別牛角包本身就好食，不過普通貨色$12蚊就太貴了。當日廚房應該漏左我張單，其他人遲來先上岸，問個侍應例牌話有收據姐係收銀入咗單架喇，然後又等咗陣先有另外一個主動啲嘅侍應幫手問廚房先急急腳整返比我，打工仔好敏感架，食晏漏單會燥過夜晚食飯架。

本身對呢間餐廳係無特別期望，但又未至於放棄。之前經過呢間餐廳，見到相內的班尼迪賣相唔錯今次目標明確，一坐低點，一見價錢係$58咁實惠，以為自己睇錯。實物都好豐富，除左班尼迪，仲有煙肉同茄汁豆。不過隻蛋好細，食完都唔覺食左個黃，但事實又見到喎，感覺好奇怪，可能荷蘭汁太多蓋過左。整體當然唔係出色，但比起果d煮飯仔式咖啡室，呢度算係有誠意架喇

搵笨。。諗住咁辛苦儲夠十個印仔下次食可以減五十蚊啦。睇佢日期卅一號到期，今日去食有優惠。點知去到俾張飛佢睇佢話星期六日唔包。我即同佢拗揼日期到卅一號就係果日最後麻。佢就好缷博咁話公司決定，而且下面細細粒字寫左，真想講粗口。咁你應該揼廿九號麻，咁做野都得！扼消費者！

沙田第一城就好似自己一條城鎮一樣，餐廳數量都唔少，但原來一直都有一間幾有水準既CAFE係商場入面，性價比都幾高架添先位於上圖位置ORDER食物，買左之後，收銀員會比個號碼牌你，之後自己搵位坐就得架啦! 坐邊都得，哈哈食物既種類都幾多，全部係CAFE西式食物，當中以 "ALL DAY BREAKFAST" 為其中一個賣點，今晚就試試佢先!!(左) 蜂蜜綠茶 (熱飲) - 跟餐+$8。散叫$18- 夠晒滋潤甜蜜(右) Oreo紅豆奶茶 (凍飲)- 跟餐+$0。散叫$20- 大量Oreo粉/碎粒😀- 味道好有台式奶茶味道 溫泉蛋卡邦尼意粉 $54- 價錢唔貴。但份量多- 用扁意粉 (如果有埋芝士就一流啦)ZOOM近D睇，成個pasta都幾juicy架，絕不乾身水牛城雞翼 $36- 炸得好香脆- 唔錯既小食👍🏿(但上面既醬汁有少少傑，如果稀返小小就PERFECT啦 !!)👅最大份All day breakfast $98- 好足料!!- 件Egg Benedict做得唔錯- 腸仔加加埋埋起碼有6條- 多士好脆口真係夠曬大份，性價比幾高如果唔係好肚餓，分分鐘食唔曬雖然件Egg Benedict上

54蚊食輕量all day breakfast，抵到無朋友，餐廳位置係屋苑內，所以個裝修同環境算係咁。雖然話係輕食，但都好飽， 個奄列一啲都唔少嘢，算大件，同埋 除咗沙律 每款食物都仲暖暖哋， 味道又唔差。 最有驚喜係杯奶茶， 以為係港式奶茶， 或者係英式 茶包沖嘅奶茶， 估佢唔到係台式嘅奶茶，仲要有些少奶泡。性價比高之選。

係香港食 all day breakfast 不嬲都貴到爆，無百幾蚊基本上落唔到樓，真係唔知點解啲港女咁捨得食。但今日終於俾我發現間勁掋食嘅 All day breakfast，只需 $54 仲包埋嘢食喎！價錢咁平都仲好豐富喎，有蘑菇 Omelette、多士、火腿、腸仔、粟米粒同茄汁焗豆，大大份，食完一定夠飽。另外餐飲要咗熱咖啡，質素都唔錯。值得再嚟呀！

呢間cafe其實大大話話都幫襯過唔少次，我覺得算係第一城內最好坐既餐廳貪佢感覺開揚唔會好焗促，坐得舒服又寧靜，確係一個幾好hea既地方😎😎3點左右黎到，有下午茶、有午餐、有全日早餐，選擇勁多下午茶餐$30幾蚊就有交易，抵就算就咁買杯飲品，$20左右都有交易，同x茶差唔多價但有得坐先去柜臺比錢買嘢食，然後會有個牌比你，揀個位坐低就有專人將食物送上。每次黎其實都係食全日早餐多～質素絕對有保証今次試下其他，食意粉！午餐有忌廉湯附送，夠「結」夠濃味黑松露鮮蝦忌廉意粉$62就咁望落好似乾身d，但撈暈係岩岩好總共有4隻大蝦，有兩隻呢埋左係意粉入面大蝦夠爽彈黑松露味夠香焦糖冰紛樂$32

La Kaffa 其實都幾多分店，今次帶男朋友黎第一城呢間食返個lunch!!😍😋今日係星期日，都十分滿坐!!除左堂食，都有外賣飲品架🤤除左店內，店外都有大量座位!!👍lunch set 黎講選擇都算花多眼亂😵😵最後我揀左煎雙蛋，法式多士配白糖霜，辣味香腸，茄汁豆。相當豐富!!都係$48仲包熱飲!多士似西多，外脆內軟，餐廳仲有自助調味品，如果你唔夠甜仲可以點糖漿😋😋今次呢個辣味香腸不錯👍唔算太辣又食到辣椒味👍至於男朋友，就選擇左呢個名為頂級安格斯牛肉磨菇漢堡$66😋😋男朋友特別讚呢個酸青瓜醬，平時食得多係漢堡入面，依家變左做醬反而更醒胃👍薯角炸得好脆身，十分夠味👍👍黎呢到重點推介一定係台式奶茶，連平時唔飲奶茶既男朋友都比我說服左😂😂(大不了佢唔飲就可以比曬我飲!!😎)但可惜佢仲飲得快過我😂無介紹錯架!!總括黎講下次一定會再黎!!lunch set 絕對底食👍

Egg Benedict 好難係屋企自熟，個荷蘭醬固然係最難整啦，而個蛋嘅生熟度又係幾考功夫，所以出去搵黎食係唯一嘅方法。而一般有egg Benedict食嘅地方比較難搵，同埋最平都要五十幾蚊。 呢度一舊水有 all day breakfast 都幾抵。101港元嘅全日早餐，有一堆沙律，脆薯餅，粟米粒，蘑菇，麥包，腸仔同蛋，再加多杯凍咖啡。基本上食完碟嘢成日都唔駛食其他野。全碟嘅重點係蛋，心諗一切一定流到一碟都係，結果無流，一尐都無，切落仲有尐硬，原來隻蛋係全熟！極之失望情況下詢問店員egg Benedict 食法已經變成全熟蛋？ 他連忙說不，再收走個碟，等多五分鐘，一碟正常嘅All day breakfast 再次上枱，個流心蛋終於返咗黎。總結其實係抵食同好食，杯啡都可以。負評只係因為一隻蛋，呢個廚房絶對要檢討。

今日去完探親戚，就同表姐黎左第一城呢個商場到食lunch，見到呢間價錢唔貴，又有好多人食既西式cafe，就決定試一試。餐廳用半自助式，自己搵完位再去點餐比錢，拎左號碼牌可以埋位，之後店員就會送餐去你個位。食物選擇都好多，有漢堡，沙律意粉同all day breakfast幾類。我就叫左個白酒蜆肉意粉，呢d冇咩醬汁既意粉最考功夫，呢度就做得好成功。首先d意粉軟硬度岩岩好，白酒同牛油既味道索哂入去，加埋d蜆肉好鮮味，好食過好多大型西餐廳。表姐就要左個all day breakfast，個煙三魚egg benedit有驚喜，做到蛋黃流出黎既效果，而且個汁都調教得好好。例外塊煙肉都煎得好香脆，又唔會太鹹，配埋d粟米粒同沙律菜，份量對女仔黎講剛剛好。餐飲要左2杯熱低糖紅茶。呢度既食物質素唔錯，價錢都好合理，咁多人但等候食物時間都好快，下次去開第一城都會再去。

兩個人去到沙田附近行街，入去第一城商場入面嘅《La kaffa》食個下午茶。餐廳門面好開陽，一入玻璃門就見到，而且座位分兩邊，一邊係商場入面比較開放式嘅座位，另一邊就係餐廳入面，座位都幾舒適，而且點餐都係自助形式去收銀處落單。等食物嘅期間，見到收銀處附近有一個「自助餐湯吧」比客人自己舀來飲，估唔到「蘑菇忌廉湯」非常香濃，而且仲可以保存溫度熱辣辣的，兩個人先飲兩碗餐湯暖暖胃。「全日早餐A 10」賣相好吸引，入面有好多唔同款式嘅食物，包括有香煎雞扒、嫩滑炒蛋、茄汁焗豆、廚師沙律同埋全麥多士，不得不讚嘅係雞扒表皮煎得好香脆，非常香口，而且肉質滑嫩，肉汁滲晒出嚟，非常滋味。除此之外，炒蛋果然嫩滑，食落去有好香嘅牛奶雞蛋味道，就咁食都好夠味。另外「牛角酥」套餐都非常出色，有三款選擇，我哋就揀咗「原塊煙三文魚配碎蛋沙律牛角酥」，香脆嘅牛角酥入面果然有一大塊煙三文魚，食落去鮮味十足。跟餐叫咗兩杯嘢飲，分別係「凍朱古力鮮奶咖啡」同埋「熱茉莉綠茶」。「凍朱古力鮮奶咖啡」飲落去口感好滑，一次過飲到三隻味道，幾特別。埋單兩個人$110左右，已經可以歎到咁豐富嘅下午茶餐，非常抵食。