La Kaffa (已結業)

每次行過La Kaffa都有唔少人排隊，今次終於有機會試下了！由於比較夜先食飯的關係，最愛嘅意大利飯竟然賣哂....最後只能叫左一個配牛扒的全日早餐和三文魚忌廉意粉，跟配左兩杯特飲，其中一杯要加成$26蚊！不過合共埋單都只係$182蚊，一d都唔貴。不過也要睇埋食物質素如何，意粉好有驚喜，個汁好食之餘、個意粉仲好彈牙添！至於All day breakfast就份量十足，味道都唔錯！整體評價確是不錯，唯獨是兩杯野飲就麻麻地了....

這是一間，輕鬆，踏實，隨和， 有定價合理，又高食物水準餐廳。置諸沙田第一城當眼位置， 基本上有去過第一城嘅朋友一眼就睇到。好容易就成為大k同埋女神上去嘅食肆之一。大k最喜歡開放式廚房， 即係話店主有信心畀你睇到曬入面有幾 乾淨企理。今晚嘅餐廳 係選用半自助式，即係自己出去買完嘢食就會有人送餐畀你。隨便叫兩個 晚餐 都一樣高質。 其中安格斯漢堡更係一絕， 芬香撲鼻嘅 安格斯漢堡扒， 係出奇地咁多汁豐富嘅香味。配菜都係用新鮮嘅蔬菜，同埋現炸嘅薯條無論顏色同埋味道都會令人為之一振!喺coffee shop食飯，當然一定要飲番杯咖啡。 得閒喺coffee shop坐下，飲下咖啡睇下書。 感受下偽文青嘅中產感覺 ~,~未食過嘅朋友唔好話你過沙田第一城。

第一城嘅 La Kaffa 一直係我 "想去" 餐廳 list 入面 , 不過平時真係好少入第一城 , 今日要去醫院一趟 , 所以就順便過嚟食個早餐喇 !平日 10 點幾過嚟 , 唔使等位 , 望望餐牌都幾多選擇 , 而且價錢好親民 !餐牌 :早餐供應至 12 點 ! 訓晏左想食早餐可以黎呢到 😂😂落單時店員會問你坐喺店舖內定還是店舖旁邊電梯底嘅座位間 , 喺收銀處買完嘢食 , 拎埋個牌坐低 , 店員就會送上食物 食店地方較細 , 但尚算坐得舒服早餐精選 L5 ($39) 經典英式炸魚柳 - 魚柳有 2 塊 , 熱辣辣 , 脆卜卜 , 魚柳唔會炸到乾身 , 啱啱好 , 好嫩滑 嫩滑炒蛋 - 個炒蛋唔滑 , 煮老左 🙁🙁 , 冇調味 , 要自己去旁邊嘅調味區拎調味料 廚師沙律 , 茄汁焗豆 - 正正常常 低糖綠茶 (熱) - 係跟餐飲品 , 唔使加錢 , 唔算好甜 , 又有茶味 , 飲落好舒服 , 唔錯 , 有少少似維 _ 蜂蜜綠茶 舒舒服服食個早餐 $40 有找 , 而且幾好食 , 唔錯唔錯 ! 😋😋

今日去左威爾斯醫院探病，探完病就行去第一城食野。依間店有十幾款All Day Breakfast 選擇，價錢由五十幾至百幾蚊。我地叫左一個A1 同A11。order完好快就送上，兩個餐都份量十足。A1餐 - 有兩條腸，一塊薯餅，火腿奄列，黃金多士，沙律菜和茄汁豆。芝士火腿奄列勁大勁厚身，多士同薯餅都香脆可口。A11餐 - 一塊牛扒，一塊薯餅，炒滑蛋，黃金多士，蘑菇，沙律菜和茄汁豆。牛扒無over cook，依然有鮮嫩感。

朋友在第一城居住，週日探訪後便來附近找一間cafe吃個輕便午餐。看到La Kaffa的全日早餐很吸引，便坐下一試。雖然已經是下午兩點多，但食客很多，也要稍稍等位。先點餐拿號碼牌，然後餐廳職員會將食物送到你面前。點了兩個全日早餐，跟餐有配送熱茶，加錢亦可轉其他飲品或特飲。我點了雞扒，肉厚份量大，炒蛋更是我喜歡的質地，不會太稀，亦不會太硬！男朋友加錢點了百香果多多，不過對男士來說就略酸，對我來說就剛剛好，因為我不喜歡太甜的飲品，夏天飲更是一流👍🏻

這間位於第一城的西餐廳收費算是實惠的起初滿有期望 可是離開的時候 讓我失望了62元的漢堡 看似不錯 加10元配凍檸茶漢堡比我想像中的小 薯角也還可以可是湯和沙律 有點降低了享受食物過程吧其實點餐的時候只想吃一個漢堡 沒想到周邊會連帶其他純粹論漢堡 是可以 牛肉也是可以的 只是份量太少了 我寧願不要沙律不要湯 來一份能飽肚滿足 而質素是相同的漢堡那個湯 簡直是全餐的災難 比起茶餐廳午餐附送的餐湯還要差沒有味道 維持凝固狀態 也飲不出是粟米湯還是什麼湯看到旁邊另一檯食客 直接不要 退回給餐廳 原來他們早知道有奇怪還有那個檸檬茶 所謂的檸檬茶 其實是蜂蜜綠茶 再放幾片檸檬進去然後客人加了10元 還得不到想喝的味道 那是第二點的失望所以應該沒有下一次了

all day breakfast黎講呢間既款式同味道都屬於中上。勝在份量都算多。薯餅系即炸所以好好食，個包如果再烘多啲香口啲仲好！個蛋系芝士奄列，芝士唔系拉絲但都幾夠味。沙律系黑醋沙律，都幾開胃幾好食

終於等到今日同妹妹一齊訓到自然醒,一覺醒來發現已經係下午茶時間,我地兩個都覺得超肚餓,於是好辛苦咁離開被窩落樓下食野。落到去見到間La Kaffa,感覺好似好relax咁,岩哂我地放假mood,咁就揀依間。我地叫左黑松露嫩蛋多士配雜菜湯通粉,個蛋真係好嫩滑,黑松露味超濃,非常足料,個雜菜湯通粉味道夠濃,雜菜口感濃郁。我地亦叫左生炸雞脾配香辣薯角,炸脾外脆內軟,薯角新鮮炸起,非常惹味,好食到停唔到口。另外亦叫左嫩滑炒蛋配火腿牛角酥,個牛角酥牛油味香濃,口感鬆化,好耐冇食過咁正既牛角酥。最後叫左杯凍棒子朱古力,特濃朱古力味,一個字"正"。

難得星期六放假同老公去食all day breakfast， 最近屋企第一城就有。之前都食過la Kaffa, 念念不忘佢個班尼迪。工人放假，就帶埋呀仔三人行去。美中不足就係佢無BB用high chair, 變左成程都要手抱住仔仔食～ 我地叫左兩個餐加左$8要個羅宋湯通粉，好快就黎左兩杯飲品。除左熱紅茶及熱綠茶，其他普通飲品都要加錢。凍奶茶就要加$4。這裡的奶茶是台式那種，唔算大杯但都夠飲。$8通粉就感覺唔太抵，都好味但太細碗了～ 過左陣最想食的班尼迪蛋餐到左。期待都係一樣咁好食，座位在商場中央，樓底好高，夠哂開揚，真係覺得似嘆住個外國早餐咁～ 好輕鬆～ 食食下又間唔時拖左仔仔去附近的文具舖看看恐龍仔～ 可以在週未在la Kaffa 食個all day breakfast, 感覺好寫意🤩👍🏼

一朝早起身好鬼肚餓就落街睇下有咩早餐食，同老婆兩個人見到la Kafka冇咩人就入去早餐價錢唔算太貴，我哋兩個人總共埋單都係$100。多士整得非常脆口薯餅都好脆，炒蛋奄列非常好食。雙腸仔都唔差，茄汁豆同沙律都有水準。煙肉煎得非常香口好味，benedict egg 整得超好食，一咬落去啲流心蛋黃流晒出嚟口感一流。不過凍奶茶就覺得唔夠奶味。呢個早餐份量都係$50非常豐富物超所值個流心蛋真係本店之星喺出邊都未食過

不知為何，覺得能坐下慢慢食早餐和下午茶，是很放鬆悠閒和很嘆的事，這個Happy Friday ﹐老友P約了本牛中午食飯。時有經過La Kaffa，但倒是首次在這裡用餐。除了飯和意粉等主食，La Kaffa還供應All day breakfast，而且還有約十款選擇。La Kaffa 是先點餐付款，再取餐號，由待應送餐的。出餐也快，大約10分鐘，飲品和食物也到齊了。P 點了炸魚餐加紅茶。本牛就選了豬扒餐加綠茶。大家也互相交換試食。炸魚餐有2件炸魚，配炒蛋、茄汁焗豆、沙律和麥多士 ; 豬扒餐有1件帶骨煎豬扒配炒蛋、粟米粒、沙律和麥多士，兩者份量都不算少，女士們足夠作為一份午餐。炸魚炸漿不厚，魚肉結實嫩滑，配沙律醬不失英式風味，不過魚不是很熱，外皮也不夠脆。豬扒本身醃過帶鹹香，煎得微焦再加了少少燒汁，味道不錯。炒蛋不油，但不是很滑 ; 粟米粒似是雪藏貨，沒有特別 ; 菜沙律是沾醋汁的，蔬菜也新鮮，整體清新 ; 麥多士是厚切的，烘得剛好，既鬆化又不過硬似餅乾，麥包的味道和口感也很好，配上牛油，很好吃呢!飲品方面，只有選綠茶和紅茶不用額外加錢，綠茶是原味的且頗香濃，不過冰實在很有點多，佔了近半杯

下午茶時段經過這餐廳見款式頗多， 有焗飯、意粉、湯通粉、三文治、小食、 All day breakfast等等！我叫咗個芝士火腿三文治加辣薯角配熱飲！當時客人唔多，但都等咗一段時間………… 終於上枱喇，見到賣相都唔錯喎殊不知…………打開件三文治，即埸O咀未免太過份了吧

一直不知道在家附近有這麼一家CAFE, 發現後，迫不及待來試一下。除了在餐廳內的座位以外，其實在門外的商場內也有不少的座位，今天上班過來已接近全滿。從餐牌上已看出其實餐廳甚有誠意，除了豐富的食物種類，茶和咖啡也有很多選擇。今天選了一個二人套餐，因為套餐包了ALL DAY BREAKFAST和很吸引的燒春雞，再加了一份香草雞翼。其實他的all day breakfast已有很多選擇，各種各類都有。今次我就選了Eggs Benedict和煙肉all day breakfast, 煙肉軟和香，非常不俗。香草雞翼就非常香脆。最後是我今天最期待的燒春雞，雞肉嫩滑香口，沒有令我失望。難得在家附近有家不錯的café, 下次想不到吃什麼的時候，把他放在考慮清單內。

我同老公住在沙田多年都沒有幾多次來第一城吃，上星期住附近的朋友同我推介呢間cafe飲品野食好多款，今晚就同老公收工試試我地揀左個二人套餐，$158有兩個沙律餐湯、All day breakfast或者意粉/飯二揀一同埋半隻燒春雞配薯菜，只係百五蚊但係份量好大兩個人都食得好飽All day breakfast我地揀左有茄汁豆、粟米、煙肉、沙律配菜，當然還有重點三文魚班尼迪，呢到每個all day breakfast價錢都係$5x-6x左右，性價比超高套餐仲有半隻燒春雞配薯菜，我地初頭驚唔夠仲叫左香草雞翼，食得非常飽非常滿足，對沙田友來講呢到都算方便而且好多座位，假期再來呢到食早餐都係一個唔錯選擇

A nice place to go grab lunch and enjoy an afternoon coffee. It was clean and the design was bright making it easy for me to enjoy the food that I was eating. The all day breakfast was pretty good.The food was at a reasonable price and nothing that will break the wallet. Would recommend anyone looking for a new feel on an afternoon break.