La Creation de Gute (已結業)

Element 有小王子既exehibtion, 係去既途中見到呢到既蛋糕好吸引, 所以決定番轉頭既時候黎幫襯佢. 不過因為佢呢到無堂食既seat位, 所以我哋就買左蛋糕之後再去starbucks到一邊嘆咖啡, 一邊享受咁靚既蛋糕.呢到既蛋糕真係好靚, 我企係個蛋糕櫃前面諗左好耐先作用到決擇. 最後我揀左opera同埋一個本來應該係榛子味既蛋糕, 名就唔記得喇! 不過都唔緊要, 因為兩個蛋糕都食唔到有咩味~~~ 我淨係食到不知名蛋糕d cream幾滑, opera整體黎講幾實淨. 但係味道就無咩~~~ 連opera既朱古力味都無咩! 賣相確實吸引, 但就真係得個樣~~~~~下次見到佢哋, 一定要小心又比佢既外表扼左我~~~~

去elements行街，例牌會去呢度買麵包。由於係早上，所以人不多。麵包款式很多，花多眼亂。揀咗四個包，盛惠$40。服務員很有禮貌，而且很仔細將每個包獨立入袋。吞拿魚包新鮮出爐，店員主動問我地要唔要。麵粉很白，很鬆，但係吞拿魚餡有d腥Strawberry cream cheese brioche賣相好靚。面頭有切碎士多啤梨粒，仲有custard，不過就食唔到cream cheese味。麵包依然鬆軟，不過就無咩味，如果係甜包會好食d。提子包：我無試圓圈包，呢個名係我改嘅，我食咗咁多次都唔知呢個包叫咩名。面頭有沙糖，有一個個小圓洞，圓洞裡面好似有奶油，好好食。

在W Hotel午膳完畢，順便在商場逛逛，路經這間美輪美奐的麵包店，受不住引誘入去，結果又買了幾隻麵包出來。買了三款，有迷你牛角包，咬落是酥香又鬆化，即使放久了也不會死實實，味道帶點甜，合格的；另一款同樣是迷你的Size，朱古力四方包，是鬆軟的包身，滲出濃郁的朱古力味，也滿意。要彈的是雞肉磨菇腸仔包，包身雖然仍是軟熟，可是腸仔是無厘味道的，雞肉? 磨菇? 去了哪裡? 總括而言，食物普普通通，不過裝修是過份的華麗。這個地方，Window Shopping似乎比較適合。

其實我好怕食朱古力蛋糕，因為十居其九都甜到漏，不過今次就喜出望外，見蛋糕面已好多生果，有奇異果、士多啤梨、龍珠果、芒果及藍莓，食落去啖啖清新鮮果味，食多件都仲得，內層亦有碎生果，真係絕不欺埸，2磅收$200左右，美心都要啦！大家不妨試吓

16 Feb 2010，年初三，天冷無雨，最啱outdoor cooking了。買了法式長包返家準備配鵝肝。長包很好切，很脆，不用開焗爐，只於鍋上輕烘便不得了! 正呀!

行街見到D麵包好靚所以入去買以為個蜜瓜包有蜜瓜味或蜜瓜原來係無不過都好好味，個皮幾脆~~

栗子怪又出動,買左個mont blanc我暫時食過最好味既three sixty chestnut tart只係$22見呢個$28應該都唔差得去邊不過睇黎我期望太高,以致有d失望mont blanc : 栗子蓉既栗子味唔重,側邊兩舊餅or蛋糕既野有d怪,中間紅桑子男友覺得好苦...

哥哥及家母一場來訪，除了帶來一份温暖之外，還有的當然是一份美食了....放在面前的就是平常不會捨得輕易買來吃的La Creation貴價日式roll cake。百大洋一條，一定是要在有喜慶時候才會買，現在吃得着，實在是太感謝了....拿着刀子將之"開光"，放入嘴中細味，只感到朱古力味不算特濃，糕身尚見鬆軟，但比起龍城Ceres的還差了很多；中間的忌亷是最出色的，很幼細亦不膩口.....水準雖不盡如人意，但光是那一份心意，已是暖在心頭.....

http://hk.myblog.yahoo.com/naodai09/article?mid=125“長歎”卷蛋年初一，當然要找有好意頭的東西，本來想去圓方看黃百鳴的電影，所有戲院都滿了，看到 La Creation De Gute 的長歎卷蛋，當然好，好意頭嗎，其實是竹碳胡麻甜豆卷蛋，一百蚊。最外面是竹碳，沒什麼味道，內面是胡麻，有點芝麻香味，豆也不錯，全家人都覺得可以，只是甜了一點，貴了一點，但吃完能長歎就夠了。（70分）

每年最辛苦就係新年前呢個時候,大家都趕住出貨, 做到冇停手!最近同事們仲輪住放假, 令到我呢位年假病假都放埋既可憐虫接手做埋.一個人做幾個人既野,從未試過爆OT爆成咁終於last day, 同事們都出去食lunch, 唯獨我一個要看守陣地~終於有同事記得我呢個可憐虫, 特意買一個面包送我, thx!!是日下午茶:- 咖哩牛肉包係我鍾意既外皮, 有少少炸粉起面, 應該係面包碎.面包好鬆軟, 咖哩味重, 牛肉份量唔會少得誇張.不過嫌個面包皮太薄, 可以厚身番d.我會去試其他款式的~

呢個蛋糕實際名稱唔記得左不過都應該係Ganache黎掛外面既朱古力好滑好濃入面既蛋糕濕濕地帶著香濃朱古力味蛋糕入面既頂層仲有d橙片雖然係好味不過真係好漏下

來睇戲行過, 順手買些包吃, 在圓方除了鐵路站的便利店和快餐店之外, 算是比較相宜的選擇, 難怪長期旺丁。1. 士多啤梨布里歐修 ($13) 多繞口的名字, 樣子美麗, 也有不少的甜美的士多啤梨粒和藍莓; 不過包身太乾, 中間的吉士餡也太少了, 差不多的價錢, 去 DONQ 買的更好吃。2. 蕃茄乾意式香草包 ($10)下圖中像大鈕扣的便是了, 那鈕洞其實是蕃茄乾。麵包有迷迭香點綴著, 但散發出來的是橄欖油的香味, 配合鹹香的蕃茄乾同吃, 很有意大利風味。3. 裸麥提子合桃包 ($22)翻炒之作, 今次買了一整條。甜甜的也討好, 只是放了一夜開始出油, 色水也不像太「麥」, 不少地方有做得更好的。

被此店麵包吸引, 進去逛逛出來便手執一包~楓糖提子包材料簡簡單單的一個包味道可不簡單, 包面像是被火鎗燒過, 脆脆的帶點焦糖, 內部組織軟熟綿密, 中間帶著一粒粒提子干,一絲一絲的用牙撕開, 一邊感受表面脆脆的口感和焦糖的味道, 一邊感受內軟熟的組織和粒粒飽滿的提子, 簡簡單單已是一種享受~惟一是楓糖味實在太淡!

去睇戲,,所以行下個場,,d野好貴對我黎講..10$吃左個 忌簾芝士撻,,頭啖幾口,,但之後一路吃一路諗野就咬咬下食完件野都唔知..可能唔太大引,,好小可,,,查實芝士味唔太重,,唔知食左乜味的東西..

1."櫻花芝士凍餅($25)"。這是3月20日推出的新產品。底層是原味海綿蛋糕，中層的芝士慕思是由忌廉芝士、蛋、淡忌廉及糖等材料製成，表層是酒味日本鹽漬櫻花果凍。果凍內有3-4朵鹽漬櫻花。海綿蛋糕很薄，十分柔軟。芝士慕思幼滑，芝士味和奶味濃郁，甜度輕怡。鹽漬櫻花其實沒什麼味道，純粹綽頭吧。2."大福冬甩"和"玉桂冬甩"各一筒($20~2筒)"。這些迷你冬甩球，十分小巧，一口一個。大福冬甩---應該加了糯米粉，口感太實，味道一般。玉桂冬甩---口感鬆軟，玉桂味恰到好處，甜度適中。