La Creation de Gute (已結業)

薑餅人放假的一天, 他陪完我吃午餐後, 便獨自去看他近期想買的玩具 – 相機, 最後一站他去到Element逛逛.他在這裡買了四件漂亮精緻的蛋糕給我家人做甜點, 很surprised 呀!櫻花芝士慕絲蛋糕 – 粉紅色的啫喱藏着一朵櫻花, 吃落酸微微, 滑嘟嘟, 像是開胃的前菜.接着吃綠茶紅豆蛋糕 – 半球型的綠茶蛋糕, 再圍着一條煙韌的糯米皮. 綠茶味香濃帶甘, 底藏有大粒紅豆. 但那條糯米皮比較難和蛋糕一起吃, 因較難用叉切開, 結果先將其寬衣.焗芝士蛋糕 – 硬而濃香的芝士餅乃我至愛, 吃得最多.Opera – 朱古力嫌不夠濃, 質地較乾身, 吃後薑餅人告之原來有白芝麻, 怪不得看見有層層白色醬相隔, 當然吃不出其味, 被朱古力打倒了.啊啊, 多謝薑餅人的一天~~

零九年三月上旬吃完囍宴，好似好飽但其實又唔多覺又東西下肚，穩陣計都是買些包點打底，見番薯包幾得意，澱粉質加澱粉質雙重組合，應該夠飽有餘了！點睇個飽都是舊番薯，外免黑漆漆的麵包皮似燴燶的薯皮，吃一口，帶點燶的，幾好吃，麵包其實唔算軟熟，說到天花亂墜的天然酵母，如非出爐即吃的話，再天然也是假。番薯連皮入爐焗，加熱後甜得不得了，美味！但想想看，唔知薯皮乾唔乾淨？希望隔天訓醒無出意外吧。吃完在床上「顛」了半晚，很飽很難消化，腸胃不好的朋友，唔建議你買來吃。

沒辦法…每次返工都會經過….常常被門面吸引…今次我又買了兩個….蜜瓜飽 - 這個蜜瓜飽是砂糖皮的…第一口…心想: 怎麼會這麼硬的? 應該是砂糖皮作怪…但裡面的飽也算不上鬆化…坦白說是吃不出什麼蜜瓜味的了…反而外型顏色比味道更相似…..忌廉芝士酥 - 實在很喜歡忌廉芝士, 所以凡有忌廉芝士我都會試…這個看起來很好吃…而味道確實是不錯…酥皮好脆…差不多每一口都可以吃到忌廉芝士…裡面有加了點糖漿…不會太甜…吃罷…心想如果把它叮熱會不會更好吃…所以又找到再去買的理由了…所以給你一個笑臉~

記得之前雜誌介紹過這裏的布丁,而且評價亦很高,碰巧朋友前來買麵包而我們又要碰面,便乾脆叫他做一個順水人情,幫我買一個焦糖味布丁.由於不是即食,吃時已不是凍. 車剛好停在堅道,就在車上吃完它吧. 一打開蓋,已滲出陣陣的蛋香味. 布丁很香滑,而且不會太甜,蛋味濃郁,底部隱藏了一層焦糖,吃時要用匙放到底,否則底部的布丁會很甜.這布丁很像我之前在北海島吃到的那個,但北海島的是牛奶布丁,更加香滑,這個也不差,賣$2X,不太貴但也不會常吃.

(26/12/08)去Elements唔係咁易有收獲,所以都會黎呢度買番d野。Opera蛋糕時常見到,芝麻Opera?哈哈即買啦!仲有黃豆粉麻糬包 (佢開張時,報紙有介紹過呢個包,可惜每次來都撲空)、薑汁Loaf cake, Loaf cake癡的我,買埋佢!一咬Opera,唔新鮮既!?實實唔鬆軟,層層癡到實晒,芝麻味同朱古力&奶油味癡埋一住,失望!黃豆粉麻糬包好得意,又麵包又煙韌麻糬,唔甜,叮番熱仲好食!重重手的薑汁Loaf cake,薑味比預期中強,仲見到有薑既根!味道好真確。唯獨蛋糕質地好實,密度太逼。

因為功課太忙...好耐都無寫食評,齋睇...今次不能不寫,讚讚呢個包~~之前有次見佢剛出爐~我想要一個,但個baker話仲要用火燒燒個面先出得~我又趕時間~所以無買到~似乎整呢個包都幾需功夫~所以我對佢頗感興趣~今日~唔係剛出爐~都買佢~呢個包個base係plain bread with raisin食落你至知佢有幾amazing...點樣三重口感1.個面~燒過...所以係脆的....2.內裡~有raisin的咬口及麵好軟身~3.最外層有蛋糕似的東西包著~是薄薄的一層...是綿綿的...又有點蛋香~~真係一啖有3重口感架~另一樣amazing既係~個包既底好似浸過楓糖漿~咬一時~有一點點楓糖"唧"出~~少少的濕潤個麵包...真係好有功夫至做到咁既包....amazing bread^v^...但....怕甜的人可能會唔like...但本人不是嗜甜者,都會怕甜~但呢個包唔係甜到漏o個種甜~係楓糖的香甜~very nice~~i like it!!!

今日返工之前心血來潮想買個飽食….之前見到呢度果個綠茶紅豆忌廉飽好好味…雖然要成九蚊咁貴, 但係都忍唔住想買黎試下…其實都唔多唔少係因為佢隔離果個個橫切面圖, 好吸引….食落好有呢個綠茶味, 但係裡面既忌廉就比原先果個圖既少左一半….有少少失望~因為我本身就好鍾意忌廉…0的紅豆有少少甜, 但好在綠茶中和返~之後既早餐都可以間唔中黎呢度買lu~~~

地方夠大,服務員態度又不可叫做很殷勤, 但可接受的...跟男朋友選了墨魚汁包包, 還有魚柳包包~墨魚汁包包: 可以講話係有頭有面, 好有內涵~上面的cheese都好好好食!魚柳包包: 唔太油, 又脆!賣點: 新鮮熱辣, 好好味~

這里的咸包有水準，今次買了Raisin Danish，原來都幾好味呢。飽身烘得酥化，上面淋了不少甜美的糖霜，混著微酸的提子，非常夾。不過講真也是比較漏的一款，甜得過分，而且會很致肥另外，這間餅店的全麥麵包絕對是食過的麥包中最“貨真”的一款，硬實得咬不動，用手也撕不開，和樹皮有得揮了。但應該也會更健康的吧，想食健康些的人倒可以一試。

睇七點半果場戲關係, 都係買定幾個包先!行過見到呢間麵包店, 好吸引咁喎~~之前係 Openrice 度睇過啲食評話好得, 所以知佢貴都買嚟試吓!煙三文魚三文治 ($26), 墨西哥汁雞肉包 ($12), 墨魚汁煙肉芝士飽 ($14)嘩... 三個包就 $52, 真係好貴呀.............................. 個「煙三文魚三文治」同「墨魚汁煙肉芝士飽」睇戲時 share 食,「煙三文魚三文治」都唔錯, 價錢其實唔算貴喎, 麥記都要呢個價錢啦!黑卒卒果個係好多人介紹既「墨魚汁煙肉芝士飽」,可能我凍食關係, 冇有特別啫, 同埋喺街度食有啲怪相囉...至於個「墨西哥汁雞肉包」我第二日返公司先叮嚟食, 都唔錯喎! 值 $12 吖~~呢度仲有勁多包賣, 不過個個都勁貴, 唔係好捨得買喇...仲有甜品部, 都幾多款喎~ 連日式菓子都有得賣呀! (右手邊)啲西餅仲好靚仔添! 真係想整噃件呢~~ 睇吓呢個蛋糕幾靚幾有心思, 咁樣就算貴啲都抵啦! 好過美心啲蛋糕, 賣相同質素都係普通, 但又

食完lunch見重有d肚餓, 就去左li到行下, 見到d包都算貴架, 但係又想試下, 睇到有個籃梅酥(其實重有士多啤梨, cherry, 什果酥), 我同老公都鍾意食, 就決定買黎食, 排隊個時, 見到個cheese bread, 因為美心都有個類似咁架, 老公好鍾意食, 所以見到li到又有, 咪諗住試下..買完之後, 第一時間食個籃梅酥...嘩, 一口咬落去......好脆, 你係feel到好新鮮, 再食落d jam到...嘩...一流...因為佢唔係好甜...好o岩我好味....超好味...個cheese bread就ling到返屋企先食....一個字...正...因為佢個皮都係有cheese, 焗到好香...包又好滑....真係好好味...好想再去買..不過又要去element???

通完頂都未瞓夠兼冇食過嘢，便拿臨臨趕去遊行，攪到遊行完畢後鬼咁肚餓。因為打算看 7:30，故此去到圓方先買飛再從長找食。飲過咖啡後，真係餓到腸都穿，看有麵包店，便即刻竄了入去。由於款式太多，都唔知食乜好，最後只買了一個凱旋包。包面布滿亞麻籽，包身偏硬，而且屬於 plain 包一類，不過都好好味，口感豐富，唔似港式包咁一味食風，$7 一個，是貴了一點的。

之前有食家話....呢度既麵包同 A-1, Das Gute 差不多, 今天跟朋友相聚, 順道經過買定呢幾日既早餐, 行下行下又真係同 Das Gute 似到十足, 不過就多啲款式同埋麵包樣做得靚仔啲! 我買咗磅厚切方包 $15/4塊, 特別鍾情於厚切, 頭先食咗一塊, 唔鬆軟, 味道淡淡的, 最衰豆豆離家太遠, 否則厚切只需 $7/4塊!

在喜宴開餐之前,見到這間麵包店,身旁的正東說呢間的墨魚汁煙肉芝士飽,在Openrice上好多人讚過架.)好奇之下,買了一條來試試,賣相烏卒卒並不討好,芝士加煙肉,兩者皆是咸味,正是小弟吃麵包之信條,如果是甜麵包,就不對小弟口味了.面口的芝士味咸,但不算特別濃,墨汁味,我又吃不出.內裏的煙肉幾肥,未去到乾巴巴之級別.尚感受到煙肉上肥膏的肥.本身麵包看似幾大條,對一個麻甩佬而言,也未算.起碼我吃罷此芝士包之後,仍有力面對其後飯局的幾味菜.

見這裡好評不少, 趁和另一友人又來一趟圓方, 特地過來朝聖一番。買了楓糖提子包 ($10) 和裸麥提子合桃包 (半個 $12), 留來第二天做早餐。楓糖提子包: 表面是黏黏的楓糖漿, 是故麵包的味道帶甘甜, 葡萄乾下的慷慨, 不好甜味者可能會覺得味道太濃但我就挺喜歡, 而且都 OK 飽肚的, 以這個級數的麵包店來說價錢算合理 (當然一半的價錢去了間靚鋪和鋪租了)。 裸麥提子合桃包: 現在寫起來才覺得是鬼掩眼地買了這個, 還是我的潛意識作怪? 次次去不同的麵包店總會買些類似的東西! 可能它是和 A-1 同一集團的關係, 它和我不時在 A-1 買的味道也是差不多, 但感覺好像有點點多油, 都算滿意的。另, 我終於見到那個價值 100 大元的黑炭卷蛋喇! 可惜太大條, 要集齊數人分享才行, 如果有散裝賣我可能都會試試的。