La Creation de Gute (已結業)

那天，整家bakery 都填滿了人! 有夠誇張的... ...我們當然也買了一些回去當早餐吃。覺得... ... 怎麼就這樣？panash、donq、A1、yamazaki、little mermaid 等等還是較好吃。而且，我跟樓下下的Apple2 一樣，看到了蒼──蠅──!!!==============http://hk.myblog.yahoo.com/mei_ciel/article?mid=5625 ((bread 篇))http://hk.myblog.yahoo.com/mei_ciel/article?mid=5626 ((pastry 篇))http://hk.myblog.yahoo.com/mei_ciel/article?mid=5627 ((muffin & cake 篇))

一直也覺得A-1, Das Gute, Little Mermaid, Nobu@Seiyu根本是同一集團的這家La creation也不例外不過麵包款式好像多一點點這次試了外型黑蚊蚊(我至愛!)的墨汁煙肉火腿芝士法包不太吃到墨汁味只是吃完很口渴好咸雖然$14 但個包硬身又很大可以當一餐飯呢會再來試試其他款式

呢間面包店好靚,裝潢好合我心. 可愛的面包感覺高貴左好多.我地買左兩個食,一個係巴西汁雞肉圈圈,一個係墨魚汁煙肉芝士面包. 巴西汁雞肉圈圈味道很香濃,雖然凍左,但入面的餡料有大大粒芝士同埋雞肉,仲有似糊椒的香味真係好正.而墨魚汁煙肉芝士面包是新鮮出爐的,好熱,不過味道就不及雞肉圈圈.價錢便宜,面包又有特色,很好很好!

果日行elements, 食完飯諗住同d friend 去呢間咁出名既麵包店買d 麵包, 點知一入到去, 我個friend 就同我地講~~唔洗買la~~原來有隻大蒼蠅係d 麵包度飛來飛去~~我地禮貌地通知售貨員, 她哦了一聲就算, 完全冇做任何野(趕走隻蒼蠅或清理弄污了的麵包), 望都冇望o下d 麵包, 真係太失望~~ 一間咁高級, 咁靚既商場裏面既麵包店竟然有蒼蠅都視若無睹, 如果係街市, 都勉強可以接受~~咁貴既價錢, 咁既服務同衛生, 實在太過份~~連我個friend 個八歲既女都識話"有蒼蠅都唔係最恐怖,最恐怖係d 人視若無睹!!! 以後都唔會幫襯!!!

負責的講，這間德國麵包店還是很不錯的。麵包選擇很多，挑花眼，最後揀四樣先，如果好下次再來。Apple strudel($20),gorgeous! 好好食，個批酥但不硬，牛油落得適中，很香口但不覺膩。Apple fillings則很“實在”，果肉多味道真，很少澱粉。成個批好快就幹掉啦，雖然少少貴，但物有所值。Choc doughnut($10),第一口食落覺得很糟糕，比KK差太多！不過仔細品嘗後覺得只是搭配不合理的原因。朱古力味道挺正，濃度適中；麵包則筋斗很有嚼頭，很是正宗呢。問題是，朱古力偏苦，麵包偏鹹，不太搭調。炸魚柳熱狗（$12）,魚柳配檸檬很美味，不過就是不夠熱，如果出爐即食，相信會更好~黑椒牛肉熱狗（$10）,香味太誘人啦，根本不能抗拒，味道亦很好呢！而且個頭也算大件，比較抵食。總體感覺不錯，麵包蠻地道，尤其偏愛蘋果派。不足之處就是不可以用，令我還要排隊拎錢至得，小不爽。

主人與奴隸獸覺得，店內的食品看似琳瑯滿目，但只有鹹味的麵包才吸引我們。於是買了：1. 巴西汁雞肉圈圈（HK$12）：雖然有濃郁的芝士香味，味道卻是一般。2. 墨魚汁煙肉芝士法包（HK$14）：亦有濃郁的芝士香味。餡料有原條煙肉使芝士法包更香濃，味道OK。主人話齋：『趁一次熱鬧就算喇！』

食完burger 其實已經飽了80%, 但行到0黎呢度又忍唔住想試0下佢d cake, 結果買完一件green tea cheesecake ($25) 之後急不及待0係溜冰場上面sitting area 開0黎食=P白色紙盒包裝好靚, 仲附上用膠袋載住的紙巾+ 膠叉, 仲有一個大膠袋, 又真係幾唔環保@_@" 個cake 賣相又係好靚, 有層糯米皮「斗篷」包住, 成個感覺好日式, 都幾得意. 質感幾實, 綠茶味好濃, 芝士味就係零, 食落完全唔甜, 不過原來入面有少少甜0既紅豆, 都算balance 得唔錯. Cake 底係sponge cake, 乾乾的, 同上層綠色較濕0既部分一齊食都ok. 底部就塗了少少dark chocolate 用0黎將個cake 黐實張硬咭紙等佢唔好咁易倒塌, 雖然忽然的chocolate 同個cake 唔夾味, 不過chocolate 味幾香濃, 相信佢chocolate 系列0既出品會唔錯!會再0黎買0野食... 唔知佢d 麵包得唔得呢? 賣相好似好吸引!

繼續講吓呢度嘅cake...跟麵包一樣，賣相亦的確係唔錯嘅。再一次見到嗰條一百大元嘅roll cake，真的係"只可遠觀而不可褒玩"...一場嚟到梗係買D特別少少嘅款式...pear and ginger mousse --- 稍嫌薑味不夠濃，但mousse挺滑，梨片亦清甜，食落感覺頗清新...Mr. Pumpkin --- 中文譯稱係南瓜芝士餅，但做法就係响南瓜mousse蓉入面放入一層cream cheese，頗特別。南瓜mousse蓉頗濃，cheese亦幾滑。但南瓜嘅味道差唔多完全蓋過cheese嘅味，美中不足...二十五大洋一件...水準當然不及Robuchon，但都可以一試ge...

一場嚟到elements，點可以唔去呢度買番D麵包同cakes ?cakes嘅評論留番下次先寫。家陣先講吓D包...鹹甜包種類都算幾平均，賣相一流。跟太座好似劉姥姥入咗大觀園咁，樣樣都想試吓...於是决定連當日嘅tea、宵夜及翌日嘅早餐，一次過響呢度攪掂晒...吉列魚柳包、custard cone、香蕉朱古力批及紅豆忌亷包...一網打盡...包普遍都做得相當軟熟。魚柳新鮮；custard相當滑之餘甜味亦不"假"，但酥皮相對上就冇Robuchon嗰D咁crispy；banana批份量十足，香蕉片有成七八片，底層嘅朱古力漿亦夠足，不過代價就很太"漏" lor；忌亷包亦不俗，cream夠滑，紅豆蓉亦夠真材實料...當然亦係一分錢一分貨la...間唔中食都OK ge...

話說星期三放假，於是一早試下去新開的圓方行下呢個商場真係三尖八角，食飯又貴又唔見得環境靚，所以最後只係0係La Creation de Gute麵包店買左個包試下﹗好好味，入面全部都係CHEESE，認住佢個牛角樣，12蚊好好食的﹗

其實係高級Des Gute 所以價錢都High埋!1. 蕃茄麵包($18) : 好好味! 小小一塊好似鹹味hotcake 上面鋪滿蕃茄醬, 加埋西蘭花、車里茄同紅籮白, 非常好味!2. 波菜田園包($10) :太多芝士, 波菜好乾! 好難食！3. 南瓜麵包($12) : 內有好多南瓜肉, 但好油! 雖然我好鍾意食南瓜, 但都是麻麻!4 紅毛布里歐修($12) :完全唔掂, 所以唔想講!Conclusion : 1:3, 麵包都好油, 價錢貴, 但唔值!

試左個chocolate begal. 唔係just baked. 凍的,但係朱古力粒勁多,個包本身的朱古力唔係假朱古力味麵包那些貨色..讚!好可惜比我見到有隻蚊定鳥蠅o係d包上面飛泥飛去..

見空閒,去elements逛逛。這裡大部份為貴價食肆,見多間也入座率不足。但這處於商場入口旁的麵包舖,卻擠擁得水洩不通。麵包舖的裝修不俗,掛著水晶吊燈。麵包的價錢,以這商場而言不算貴,比想像中還便宜少許。買了兩件,一人一件暫時頂肚。意式紫蘇煙肉芝士太陽:圓的,頂部多角尖出,食的時候要小心被角「吉親」,因為包身並不鬆軟,凍而帶硬的,但幸餡料味道不錯,煙肉不太鹹,細細粒的芝士也帶足芝士味。藍啤梨酥:方的,同樣是凍凍的,中間的藍啤梨醬幾多藍啤梨粒,不太甜,酥皮可以。不是我喫的,她說味道幾好。有時會想,是否因人們未必捨得惠顧貴價食肆,寧願喫麵包而從中受惠?

重陽假前的夜晚，原有飯局因朋友生病取消，兩口子決定放工來逛新開的elements。　商場偌大舒適，設計裝修又靚，頗得我們好感，兩個人逛得不願停下來吃晚餐。經過這間靚靚的bakery時，才買個朱古力牛角飽填肚。　可惜朱古力牛角飽烘焙過度，有點燶有點苦，味道不如賣相吸引。　看在它給予我們足夠體力，shop夠才去吃晚飯的份上，加上假期日心情好好，我原諒這一次失手，仍然給個笑臉，並打算下次再試~~

買左個牛油法國軟包. 買完即刻食, 個包仲係暖暖的. 放入口, 牛油好香, 仲好夠多. 個包質地好軟綿綿, 無揀錯.見有幾款tart 都好吸引, 都好多人買, 有Banana tart, apple tart, 另一個應該係walnut tart.. 見個banana tart, 上面banana 有燒過, 下面係朱古力, 下次要試下.