Kudos (已結業)

香港人對自助餐的熱情從沒改變，不過千篇一律的海鮮，熱葷甜品呀，有時真係會有啲悶呢！所以好多酒店嘅餐廳都會重唔同嘅主題來吸引客人，就好似我今日嚟呢一間酒店佢最特別之處係做半自助餐！有朋友或者會覺得半自助餐咪好蝕底！但係話畀你聽一個有質素嘅半自助餐好過你食一個冇質素嘅全自助餐囉，不如帶大家睇下任食區有啲咩食先啦！先係車媽媽見到即時心心眼的任食生蠔，足足有六款咁多，非一般自助餐有這樣嘅堆頭㗎！刺身壽司亦都應有盡有，如八爪魚，三文魚，立魚及甜蝦。而凍海鮮區有小龍蝦，海蝦，翡翠螺，青口，鱈場蟹腳同埋麵包蟹，係咪好豐富呢(^_-)還有這兒頭盤都十分出色及多元化，先有泰式魚露生蝦。連我喜歡的蒜泥白肉都有呀！鵝肝慕絲，日式冷麵同埋日式燒河豚乾 。當然唔少得自助餐必有的煙三文魚以及各式各樣的cold cut。這兒的芝士拼盤十分多選擇，有瑞士芝士，法國羊奶芝士，丹麥藍芝士，法國布里芝士及荷蘭紅波芝士，芝士迷可開心到爆燈了！還有自助餐甚少見到的前菜，黑魚子白蘆筍伴蛋黃醬呢。另外仲有自選的沙律吧，選擇唔算十分多，但係有我最喜愛嘅火箭菜和羅馬生菜，對我嚟講已經夠滿足了！喜歡吃包包都可以試下㗎呢道的出品，款式唔少

今日係屋企人同男朋友同我慶祝生日，佢揀左去KUDOS 到食。我一入到去就覺得乜自助餐咁少野食既...到坐低先發覺係半自助餐，有menus擺系枱面！岩岩6點入到去，基本上都冇乜人，蠔吧嗰邊只有我屋企人既蹤影，不過對於原本唔食蠔既我一啲吸引都冇，但系屋企人慫恿之下試左隻，感覺味道又不錯喎⋯⋯之後自己去左排蠔吧，問師傅邊隻岩新手既我食，佢建議我食USA 嗰隻，返埋位食完之後我真係對蠔改觀呀！我諗我食左大概30隻呀⋯⋯真係冇誇張，如果唔係屋企人叫停我，我諗我仲食緊lol另外，自助吧有只有冷盤，前菜，麵食，生果同甜品本身岩開始怕會唔夠飽，不過加埋主菜就飽晒⋯⋯

今天繼續中秋假最後一擊：上教會後，一家人前往銅鑼灣皇冠假日酒店 Kudos 同擦既豐富又抵食的下午茶自助餐。Tea buffet 於週末及假日 3-5pm 供應，原價收費成人$268/位、小童 $168/位，現優惠價成人 $198/位、小童$128/位，已包括海鮮、刺身及 Häagen-Dazs 雪糕任食，十分超值！ 下午茶自助餐也有凍海鮮？你沒聽錯，雖然龍蝦、麵包蟹不復見，但場內也有翡翠螺、海蝦、龍蝦仔及青口供應，而且質素比早前住宿酒店的自助晚餐更好。 喜歡吃刺身的也應該很高興，因為下午茶時段照樣開文三文魚、立魚、八爪魚及吞拿魚（赤身）刺身；而壽司除了以上刺身魚的配搭，也有三款卷物，小兄妹都超愛吃～ 冷盤及沙律選擇繁多，凍肉併盤、煙三文魚、南瓜沙律、火腿多士、林林總總；其中最喜歡是芝麻半熟三文魚及滷水魷魚，口感出眾；另外辣肉腸很夠辣勁，也愛吃～ 兩邊還有多款現成沙律／自助沙律吧，除了又可製作我最愛的凱撒沙律，現成的水果沙律、紅菜頭沙律還有海鮮沙律都值得一試。 然後開始看熱盤：入口位擺著野菌忌廣湯，以及雞粥，不過我們並無胃納品嚐了... 點心類也有不少：小兄妹至愛的 (

窩夫早前參加了香港銅鑼灣皇冠假日酒店的Facebook遊戲，幸運地得到Kudos匠藝滋味半自助晚餐的半價優惠，當然要跟蝦子餅去大吃大喝。半自助晚餐由晚上六時至十時供應，窩夫與蝦子餅六時前已到達，看看有甚麼東西吃。Kudos每晚提供六款環球生蠔。冰鎮海鮮有麵包蟹、蟹腳、青口、鮮蝦和翡翠螺。蝦子餅愛吃的泰式生蝦，在自助餐很少見。可以自選海鮮給廚師煮法式海鮮湯或鮑魚海參海鮮粥，醉翁火焰蝦準備好時會響起鐘聲。甜品的選擇也不少，鏡頭以外還有Haagen Dazs雪糕和軟雪糕。半自助晚餐每位包一客主菜，有八款選擇之多。下午六時準時開動，第一時間拿著桌上的號碼棒order法式海鮮湯，湯煮好後會送到座位上。即開生蠔每次限取三隻，窩夫選了其中三款每款要了一隻，第一輪吃到蠔殼，之後情況有所改善。法式海鮮湯來了，湯底似雜菜湯，帶點蕃茄的酸味，十分開胃。鮑魚海參海鮮粥沒有預期那麼鮮甜美味。刺身方面，最吸引的是大大隻赤蝦，其他如三文魚和八爪魚等都很新鮮。經過第一輪的比較，窩夫與蝦子餅比較喜歡較肥美creamy的美國生蠔，以前不吃生蠔的窩夫也吃得津津有味呢。回本生蠔當然要一人一碟啦！主菜來了，第一客是忌廉芝士焗游

我喜歡搵有蠔食的自助餐！這裏是半自助餐形式，竟然有6款生蠔，兩款美國，兩款澳洲和兩款法國 (不過蠔的名稱就唔記得了)，即叫即開。我雖然喜歡食蠔，但對蠔的研究卻一點都沒有。6款蠔之中，我個人最喜歡美國的兩款蠔，因為好鮮甜。之後法國，都甜的但與美國的甜味不同而且帶點海水味。最後是澳洲，因為較細和好重海水的咸味。主菜選擇每個月會不同。我叫了黑松露醬炒象拔蚌及鮮百合－ 黑松露的味較淡，象拔蚌爽口但好少，清清的蘆筍和百合。我朋友叫了烤波士頓龍蝦，好大隻和吸引呀！其他食物方面，基本的沙律吧、新鮮刺身、有自選配料即時煮的粥，湯和麵。有螺頭燉湯，這個好好味。多款的甜品和有H字頭的雪糕選擇。

近來大家有否留意自助晚餐有個新吹趨勢就係行精緻的半自助餐,我個人認為這方式的自助餐更環保更貼心呢^0^今次到銅鑼灣皇冠假日酒店的Kudos便品嚐了一頓高質素又美味的{匠藝滋味半自助晚餐}呢^0^還是第一次到Kudos開餐,半自助餐時間由晚上六時至十時,大家可以慢慢嘆喇喂。帶大家行個圈看看自助部份有咩正嘢食啦,凍海鮮有爆膏麵包蟹,雪場蟹腳,翡翠螺,海蝦,青口及小龍蝦足足六款選擇,務求總有你喜歡~日式美食檔當然唔少得刺身,壽司啦~而刺身餐廳也預備了六七款之多,吞拿魚,三文魚,鯛魚,八爪魚,甜蝦,牡丹蝦和帶子等~鈣質豐富的芝士亦有五款之多呢!!一口前菜種類也不少泰式魚露生蝦,日式蟹肉冷麵,大西洋煙魚拼盤,海蜇伴青瓜絲及蒜泥白肉,雜錦凍肉拼盤,煙三文魚。沙律檔選擇不算十分多但有我最愛的火箭菜已夠我樂透了^0^到最渴望的生蠔足有六款不同國家的貨有美國Minterbrook,澳洲Coffin Bay,愛爾蘭Iris Rock~蘇格蘭Scottish Bistro,澳洲Angel Organic,法國Normandy,呢次發達了呵呵.....睇完D凍冰冰的美食到熱辣辣美食出場了先

從未見過這麽小氣(像小吃)的自助餐，比一些酒店免費招待客人 Executive Lounge 的食品和質素都及不上，像一些酒店大堂免費敬賓的小吃！！第一圈手拿的中盤已全拿，不用走第二圈了，内容的熱盤竟然有包括三文治，炒麵，炒飯，牛角包及丹麥酥！自助餐由三㸃開始但服務員在四點催促結帳，他們也覺得不需花一小時也可結束的！

尋晚收工後黎到呢度同同事食buffet, 因為同事介紹呢度buffet形式係semi buffet, 除左基本既冷熱盤外，仲有一個main course係任君選擇既。冷盤基本上有生蠔，刺身，蟹腳等等，質素都唔差，尤其生蠔係即開即食，我食左coffee bay & irish rock, 蠔身夠滑不過比較淡味。刺身有魚生外仲有牧丹蝦食，肉身夠厚有質地。我最想講既係特別既main course, 由於只可以選一款，就叫左特別既中式蒜蓉蒸波士頓龍蝦。可能佢地唔係咁識handle中式煮法，整體係些少失望，因為一食就知有點un, 龍蝦肉唔夠爽，明顯有少許overcook, 蒜蓉味唔夠，同埋無蔥花。材料事實係新鮮，可能欠缺中式師傅，效果一般。

平日下午茶酒店buffet選擇少，但呢間選擇更少，行左一個圈，發覺最吸引係車仔面，車仔面配料ok, 有羅白、魚蛋、牛腩、豬紅等大路野，但可以睇住即整，感覺乾淨安心多。其他熟食選擇真係一眼睇哂, 以下款式各得一款：意粉, PIZZA, 雞翼, 炒面, 炒飯, 羊架(好蘇!), 蒸粟米 (好乾, 懷疑無人食, 翻蒸又翩蒸)。2款中式包, 2款燒賣, 幾款西式包, 幾款水果及沙津。甜品算最多選擇, 有超過十款, 蛋糕好食精緻。送一杯果汁及飲品, 如果只係想喺銅鑼灣坐下, 飲杯野食下蛋糕, 呢度都OK, 反正唔貴($238+10% FOR 2), 而且WALK IN都有位。但如果想食好野, 我諗有其他更好選擇。

其實平時都有周圍食 但第一次打食評既原因竟然係嬲有圖有真相 d蟲真係仲識郁開蠔條友又開得慢 開完只係用個掃 掃下 現場係無過濾水去沖 所以勁多沙 之後都無哂食慾 仲有所謂既蒸塔未見過有放鮑魚,龍蝦其他有相個d都唔知係咪打手最後埋單每位$511差唔多價錢甚至更平既 去香x里拉/君x凱逸都好過多多聲 慶祝母親節搞成咁真係成個人sad哂仲諗住semi buffet質素會好d. 唉

做緊七五折，推介每晚精選六款各國即開生蠔、韓國大熱的「海鮮層層塔」及多款冰鎮海鮮都有得食。「海鮮層層塔」，包括鮑魚、蟶子、蟹、蜆、花甲、鮮蝦, 全部除左蟶子外都好大隻， 正!六款生蠔，全部即點即開，但每人每次限取三隻，加上佢係偏細隻，所以蠔迷未必覺得滿足!主菜方面，每位成人客人可由九款菜式中自選一款，包括牛柳伴鴨肝, 黑豚鞍架，紅蝦意大利扁麵伴龍蝦，黃雞胸，新鮮游水波士頓龍蝦， XO 醬炒龍躉球等， 唔洗講， 揀左龍蝦， 好大隻，又新鮮，食完飽左七成。自助餐有冰鎮海鮮、刺身、手握壽司，款式多同不吝嗇，密密補充…不過主菜太滿足，所以無乜點食…甜品都係普通款，所以主攻八款口味 Häagen-Dazs 雪糕及即製意大利軟雪糕。

身邊的朋友都知在下是個Buffet迷，所以一遇到有質素或抵食既自助餐，都會第一時間搵自己，齊齊食餐勁既。位於跑馬地入口附近的皇冠假日酒店，位置極佳，頂樓的景觀可以遠眺馬場，極之開揚。酒店餐廳Kudos位於一樓，環境謐寧舒適，其實很有fine dining feel。原來餐廳提供semi-buffet，對食物的要求會更高。生蠔有荷蘭Imperial、法國 Brittany、Fine de Claire、愛爾蘭石蠔 Rock、澳洲Coffin Bay、南非生蠔及紐西蘭生蠔，對於蠔迷絕對是一個吸睛點，先後取了兩round，消滅一打話咁易。Seafood Station另外別睇小海鮮吧位置不大，麵包蟹、翡翠螺、阿拉斯加長腳蟹、青口、熟蝦及紅龍蝦仔，麵包蟹蓋滿是蟹膏，就算膽固醇超標都忍不住吃了半個；翡翠螺夠大隻，食落柔韌有彈性；長腳蟹肉質鮮甜可口，而其他幾款都沒有絲毫雪味，食得過。九層塔近年大熱的另類煮食手法，每次選用不同海鮮，只要聽到鈴聲，便知道又有新一輪海鮮出爐了，先後試過鮑魚、蟶子、蟹、蜆、花甲及鮮蝦，每款都新鮮彈牙，令人食過不停，在下挑剔，只嫌每次都要等，太麻煩了。主菜款式極多，由海鮮類