KAKU (已結業)

偌大的落地玻璃窗，充足自然光線透入，座位寬敞，環境舒適寫意，氣氛寧靜閒逸。Beef Tartare ($198)牛肉色澤鮮紅有光澤，表面配加上鮮蛋黃，旁邊是天婦羅脆脆。牛肉他他入口鮮嫩富嚼勁，帶有洋蔥的辛辣味；蘸蛋黃同吃，既嫩滑亦有濃郁蛋香；佐以天婦羅脆脆增添口感。XO Tiger Prawn ($228)虎蝦大大隻，肉質結實，爽口彈牙，配以XO 醬，香濃惹味，讓人胃口大開！Black Truffle Linguine ($208)質感Creamy，意粉掛汁，入口散發陣陣松露香氣，加上雜菌更添濃厚口感，風味絕佳。Coconut Latte ($44)入口散發著椰子的清香，咖啡與椰香完美結合，層次豐富而分明。

📍KAKU (土瓜灣)土瓜灣馬頭圍道63號啟岸1樓11號舖呢餐廳環境好靚 落地大玻璃日光充足 座位好寬躺 有梳化位 坐得好舒服我一直覺得餐包好食其他菜式都唔會差Kaku個餐包同牛油都係自家製熱辣辣嘅酸種麵包配蒜蓉牛油 簡直冇得頂如果有得買 我都想買返屋企做早餐😝另外藜麥沙律 大大碟其實食完我都已經好飽入面加入多款蔬菜 穀物 口感好豐富主菜我嗌咗Thin Salmon 同 Clam Arrabbiata LinguineThin Salmon 煎到塊皮脆卜卜可能我影相影得太耐入邊有啲老 不過整體來講都OK嘅Clam Arrabbiata Linguine 份量都好大辣辣地 酸酸地 好開胃我覺得百零蚊一個lunch set有麵包，有沙律/餐湯 ，飲料，主菜坐得咁舒服 係值得嘅

哩間餐廳環境好靚、日光充足 好舒服！好適合喺度食飯傾偈 慢活一下食物係日西fusion 用料新鮮健康 就連跟餐嘅沙律都係選用日本豆腐、意大利番茄麵包和牛油麵亦係自家製非常用心🔸蘑菇忌廉湯🔸沙律、麵包跟餐可以揀湯或沙律，我同朋友就一人揀一款。湯嘅菇味好濃郁，有微微酸味，口感好滑。沙律好新鮮，有日本豆腐、意大利番茄仔。麵包有2款：法式、提子包，食得出有麵粉香。自家製牛油都有2款，蒜蓉牛油蒜味好突出，而另一款係味噌牛油。🔸慢煮雞肉味噌沙律（$138）🔸黑松露意大利飯（$168）雞胸煮得好軟滑，一啲都唔鞋，好食！淋上白味噌汁，咸香得嚟唔會太濃味👍🏻。沙律菜新鮮又多，食完都好飽。黑松露飯，用左日本米，粒粒飽滿有咬口。黑松露味濃郁，又有炒過嘅菇香，配淡淡嘅忌廉，唔會好膩。🔸和風芝士餅🔸水果千層酥🔸Tiramisu 個人比較鍾意食千層酥，做得好脆又唔油，吉士醬亦唔太甜，配上水果，口味幾清新。芝士餅比較似西式個種，質地厚實，都幾香。Tiramisu 口感比較清爽，cheese唔多，有咖啡香，都係唔太甜。🔸紫玫瑰花茶🔸茉莉花茶用原粒花茶沖泡，清香原味，都係較為健康嘅口味。

呢間fusion餐廳綠油油嘅裝修坐得好舒服，午餐包埋餐包同餐湯，餐包微暖，加上蒜蓉牛油同埋麵豉醬牛油好特別。牛肉他他（$198）比起平時食嘅更加大碟，有兩種和牛，包括日本A4和黃牛同埋牛味濃郁嘅澳洲M4和牛，再加埋鵪鶉蛋同天婦羅脆脆，多重口感好正㗎～主菜方面我哋就叫咗黑松露意粉（$208）濃淡度剛好，醬汁和意粉完美融合，唔會太膩推介大家試吓。另外慢煮麵豉雞胸沙律（$138）都好有驚喜，冇諗過雞胸嘅嫩滑程度可以咁誇張😱

土瓜灣嘅KAKU，環境優美，佈置用心！食物出品質素頗高，值得幫襯！Soup & Bread洋蔥湯嘅黑椒味突出，半熟嘅洋蔥仍保留爽脆同埋辛辣感，好爽好醒胃！麵包有蒜蓉牛油同埋麵豉醬牛油跟埋，誠意十足！Beef Tartare $198由兩種和牛Mix埋一齊，油香滿溢嘅日本A4和牛同埋肉味濃厚嘅澳洲M4和牛，balance返油脂和肉味，軟嫩可口！麻度十足嘅四川油帶嚟刺激感！撈埋鵪鶉蛋同埋天婦羅脆脆一齊食，時滑時脆，真係好正！XO Tiger Prawn $228擺盤漂亮！虎蝦嘅Size真係唔講得笑，呢碟嘅蝦肉仲多過平時鋸扒！蝦肉厚實甜美，仲好彈牙，連蝦頭入面都塞滿咗肉同埋膏！XO醬少少辣，極為惹味，推介！Black Truffle Linguine $208扁意粉煮得啱啱好，軟硬適中！成碟意粉都充滿住菇嘅香氣！

餐廳裝修得好靚😍有梳化位、吧枱、仲有間Private Room添，樓底夠高空間感十足，落地玻璃窗令室外陽光射入黎，坐得好舒適☺️前菜先黎洋蔥湯同麵包，軟熟既麵包配左斷鹽醬同味噌醬，好鍾意味噌醬呢🤩鹹鹹既味道同麵包超夾！🐮牛肉他他 選用澳洲M4和牛同埋日本A4和牛，2款和牛混合平衝返油膩感，加入生椒油令牛味更突出！加上鵪鶉蛋令他他食落更滑，伴天婦羅脆脆，口感豐富！🐔慢煮雞胸沙律慢煮雞胸超級嫩滑🤩配上味噌醬，沙律菜好新鮮，配鷹嘴豆、藜麥伴紅酒醋，平時好少食菜既我都食左大半碟🤣🐷慢煮壽喜燒五花腩餐廳既招牌菜！有少少東坡肉既概念，煮得軟腍既五花腩配上壽喜燒汁，而且非常入味！

每次外出工作都乘機試下唔同餐廳，今日去到紅磡啟岸附近就試左Kaku. 餐廳相當闊落，因為有落地大玻璃嘅關係，雖然附近係舊樓為主但感覺都好光猛開揚. 第一度上嘅麫包已經感受到餐廳有heart, 因為佢地提供嘅包應該係自家製嘅，食落鬆軟，上枱時微暖，仲提供調過味嘅牛油，差d想問有無得買走 . 主菜方面今日試左東坡肉配壽喜燒汁，以往食壽喜燒類嘅菜式都好怕太甜，但呢個壽喜燒汁嘅調味完全無過甜嘅問題，東坡肉好嫩好入味，一d都唔肥膩，加埋個飯份量啱啱好.另外最想推介餐廳嘅beef tartare, 睇menu話落左花椒油，心諗會唔會好辣好怪呢？點知上菜一刻已經好驚喜，擺盤好精緻，碟邊配有脆脆，beef tartare上面放左小鵪鶉蛋，撈完放入口，已經食得出肉好新鮮，最驚喜嘅係本來最疑惑嘅花椒油，成件事口感有少少椒麻但又唔會搶走肉味，整體感覺出奇地夾.全程侍應們服務都好貼心，亦食得出食材質素上乘，廚師有heart，希望可以快d恢復返晚市可以再黎試埋menu嘅其他菜式.

另一間新餐廳到訪！依間位於土瓜灣嘅餐廳主打日西fusion菜，喺菜式之中融合日本當造嘅食材，環境嘅採光度非常高，隨手都影到美照😎• Beef Tartare $198Lunch set以外我哋額外點咗一款前菜，依個Beef tartare係用咗鹿兒島A4和牛同美國安格斯兩款牛肉製作，配以四川麻辣油同鵪鶉蛋，辣油嘅味道唔會太濃重，只帶有少許麻痹感，唔會太搶fo，比起一般配濃郁醬料嘅Beef tartare更能食出牛肉嘅原味☺️• Black Truffle Risotto Japanese Rice $168午餐包括咗前菜、主菜同甜品三個course都幾抵食，仲附有餐包同熱茶添！佢哋嘅餐包一啲都唔馬虎，烘得熱辣辣好有麵粉香味，勁鐘意旁邊嘅香蒜牛油，蒜味好出夠重口味，而另一款係味噌牛油嚟嘅。前菜可選湯或沙律，當日係洋蔥湯，胡椒味道突出，飲完幾暖胃。沙律落咗藜麥、豆腐、鷹嘴豆等配料，唔會得沙律菜嚟hea9你🥰常見嘅黑松露意大利飯竟然有驚喜，淨係單憑菇菌有炒香過嘅一個簡單步驟出到嚟嘅效果已經好唔同，大多數Cafe嘅出品都係以忌廉味為主，依度嘅松露味香好多而且唔覺得膩，加上佢哋用咗日本米，質感圓潤

來住附近既fd屋企玩，上來試下原來只係開左兩個星期倒，第一啖包已經feel到用心，未試過食餐廳starter個包係熱既👍🏻同fd個包係唔同款的，連牛油都有溝過味分別係味噌牛油同蒜蓉牛油藜麥沙律有水準主菜叫左黑松露香菇risotto ，啲菇有炒過，都係有心機做好食✨可惜少少虎頭蛇尾，甜品等左20分鐘，但係個拿破崙差啲整體來講好食，值$168咁既價錢但下次跟餐甜品想食拿破崙以外既野會想再食既加油！👍🏻希望做耐左都保持到水準