KAKU (已結業)

哩間餐廳環境好靚、日光充足 好舒服！好適合喺度食飯傾偈 慢活一下食物係日西fusion 用料新鮮健康 就連跟餐嘅沙律都係選用日本豆腐、意大利番茄麵包和牛油麵亦係自家製非常用心🔸蘑菇忌廉湯🔸沙律、麵包跟餐可以揀湯或沙律，我同朋友就一人揀一款。湯嘅菇味好濃郁，有微微酸味，口感好滑。沙律好新鮮，有日本豆腐、意大利番茄仔。麵包有2款：法式、提子包，食得出有麵粉香。自家製牛油都有2款，蒜蓉牛油蒜味好突出，而另一款係味噌牛油。🔸慢煮雞肉味噌沙律（$138）🔸黑松露意大利飯（$168）雞胸煮得好軟滑，一啲都唔鞋，好食！淋上白味噌汁，咸香得嚟唔會太濃味👍🏻。沙律菜新鮮又多，食完都好飽。黑松露飯，用左日本米，粒粒飽滿有咬口。黑松露味濃郁，又有炒過嘅菇香，配淡淡嘅忌廉，唔會好膩。🔸和風芝士餅🔸水果千層酥🔸Tiramisu 個人比較鍾意食千層酥，做得好脆又唔油，吉士醬亦唔太甜，配上水果，口味幾清新。芝士餅比較似西式個種，質地厚實，都幾香。Tiramisu 口感比較清爽，cheese唔多，有咖啡香，都係唔太甜。🔸紫玫瑰花茶🔸茉莉花茶用原粒花茶沖泡，清香原味，都係較為健康嘅口味。