K Square 3 Grill & Bar (已結業)

天氣轉涼, 最近頻吃燒烤, 這晚在大埔翠和里吃了餐味道不錯的居酒屋燒烤, 它位置坐落於飲食集中地段，重係大單邊, 門面裝潢不錯, 裏面也非常企理舒適, 今晚早了吃飯, 餐廳未有太多人, 以為生意一般，点知越嚟越多人, 7点零鍾已高朋滿座, 好好生意呢! 以下精選幾味分享一下:厚燒鵝肝大大件的鵝肝, 燒出来香噴噴, 炭燒外皮內心柔軟, 非常滋味, 必食推介!五花腩蘆薈筍卷+厚燒牛舌原本對牛舌没特別喜愛, 朋友点的也試試吧, 咬下去又是一種炭香脆爽得出奇! 難得是保留到超多的肉汁! 燒活鮑魚咁扺食, 梗要試啦, 好新鮮呢！鵝肝牛角包細細件，卻混合著焗得香脆的牛角包同鵝肝的柔軟香酥味, 適宜慢慢咀嚼享受。新疆羊肉串我的至愛, 兩串太少了燒日本甜蕃薯好煙韌的口感, 像吃糥米飯呢燒羊架七成熟, 火爐把握得好好!麒麟啤柚子味的麒麟啤，送燒烤一流!除了座椅舒適, 其實吧枱都好企理, 坐吧枱Happy hour 都會幾自在, 呢度都幾適合一家大小, 良朋三五来消遣的。 再望旁邊的燒烤廚部, 師傅先將食品小心烤熟, 再以火槍加工, 有晒工架, 難怪D鵝肝, 牛舌都可以外層薄脆，內心柔軟多汁啦，真是落左心

星期日晚特登去大埔食刺身，我地2人叫了個“2人前刺身盛合特上”。我個人覺得非常低食，新鮮，好美。我地比較早到，因為唔想同其他客人撞晚餐時間及可以早點食完散下步減肥。個拼盤好大及整得好靚，有竹葉，菊花，檸檬，青檸做配襯。刺身又大片又厚身，在其他地方比較難食到，就算食到價格也比較貴。4片三文魚腩～～肥美，入口即融，脂肪分布均衡2片吞拿魚～～顏色鮮艷，有魚油光澤，入口有吞拿魚的魚油香味2片油甘魚～～肉質鮮嫩，肥美可口2片白身魚～～細細片，肉質食到有層次感，配上附加的醋食酸酸地好開胃。活赤貝1隻～～爽口彈牙，1隻只有4片“正”2隻牡丹蝦～～蝦好大隻，蝦頭有蝦膏，甜而帶有少咸味，蝦身肉好有膠質，肉爽，好似蝦滑的好食。海膽半板～～海膽配上青瓜片食，青甜的青瓜把海膽鮮味特別的帶了出來，食佢時令我想起去東京築地魚市場食到的海膽飯。海膽新鮮到撈飯食，不需要什可醬汁。餐廳仲有串燒食，下次可以再去食串燒同飲酒酒。今晚的膽固醇又超標了，要做返多d運動先。

爸爸去了旅行，家中沒人煮飯這個星期我跟妹妹每天晚餐都要外出吃飯，前幾天我們試了一間就在家附近的餐廳，連我奄尖的妹妹都大讚不錯，等爸爸回港後要再帶他來吃晚飯。餐廳食物算多元化，有串燒，也有壽司刺身等選擇，點餐後店員送上前菜一份，有泡菜、薑、蒜頭。當中蒜頭最特別，經過醃制後去除了蒜頭味，再以麵鼓醬調味，帶微脆蠻開胃的。人前刺身盛合(特上)，妹妹最愛吃刺身，所以我們點了一份2人刺身。刺身上枱時我跟妹妹都'嘩'了一聲，想不到這裡的刺身這裡精美，琳瑯滿目的擺放還沒吃就已經感覺好吸引。刺身上還放有薄薄的金箔，份外矜貴!!三文魚腩非常肥美，切得又大塊又厚，滿滿油脂的溜滑口感讓人滿足。海膽也是超新鮮，入口即時溶化味道鮮甜香嫩好有層次感，質素極高。牡舟蝦，蝦肉好甜味彈牙，妹妹吃後讚賞不絕。牛油燒半殼扇貝(蒜蓉)大大隻扇貝，肉厚質地爽甜口感十足，配上牛油蒜蓉香味，又香又惹味。原隻燒鮑魚配上燒汁，咬下去時肉汁豐富，好鮮甜呀。另外燒牛舌是厚切口感實在彈牙，帶淡淡炭燒香。而燒雞軟骨，燒得又脆又香也很不錯。原條燒茄子，茄子放滿木魚絲，配上燒汁燒得好香又夠軟身。芝士年糕，熱辣辣外皮燒得脆身, 咬下去感覺很鬆軟，芝士

曾經在旺角幫襯過K Square這間餐廳，覺得味道不錯而且價錢合理，是晚相約友人到大埔晚飯，也得知這間餐廳也有分店在大埔，我們就選擇佢啦。原來它的不同分別，主打食物是不同的，大埔這間主打日本刺身和串燒，正合我們胃口。烤白鱔 ($58)外皮烤得又香又脆，肉質彈牙，油份充足，不會乾身。厚燒牛舌 ($32)、燒安格斯牛柳粒 ($28)、日本甜蕃薯 ($18)牛舌燒得剛剛好，皮脆肉嫩。安格斯牛柳粒很香口，咬下充滿肉汁，好味。甜蕃薯細細粒，甜度十足。芝士燒石蠔 ($18/隻)配上芝士一齊燒，既有芝士味，也不會蓋過蠔的味道。黑松露燒帶子 ($24)黑松露很香，帶子肥嘟嘟，肉質肥美。2人前刺身盛合(特上) ($368)我們點了刺身盛合，最喜歡的是大牡丹蝦刺身，大蝦鮮甜，其份量及鮮味真是另人難忘。三文魚刺身也很肥美，每口都是三文魚脂肪的香味。海膽幼滑，入口即化。整體所以刺身都很新鮮，十分滿意。

一個長吧檯, 加上吊櫃上的酒杯, 侍應又穿上西裝, 明顯是酒吧的格局, 但餐廳竟然是供應日式美食, 主要是刺身壽司, 日式串燒等等, 酒吧, 居食屋, 真是傻傻分不清!前菜小巧精緻, 先來青瓜夾味噌醬, 青瓜爽脆清新, 日式味噌醬甜中帶微鹹, 好養身的配搭啊!再來一道山藥, 山藥的味道亦很特別!, 山藥本身爽脆, 有柚子皮及山葵的加持, 令味道甜酸中帶點辛辣, 味道富有層次.另有一道醃蒜頭, 帶點泡菜的微辣, 蒜頭本身的難聞氣味竟然減弱了不少, 好易入口呢!2人前刺身盛合 (特上) ($368)有大路的海膽, 三文魚, 吞拿魚, 油甘魚, 牡丹蝦, 亦有比較少見的活赤貝及黑睦魚. 一次過用刺身船奉上, 五彩繽紛, 好有看頭, 叫人食指大動.牡丹蝦極具看頭, size比其他餐廳還要大, 蝦身比一隻手指還要長呢! 肉質爽口彈牙, 沒有粉粒狀的口感, 充滿蝦的鮮甜, 很討好!在香港的日本餐廳吃海膽, 十間總有八間是不好吃的, 大多帶有怪味, 可能是海膽太過嬌嫩, 經不起長途跋涉的運送考驗, 本來的鮮嫩都變質了!這裡的海膽真的是值得直豎拇指的! 海膽的邊緣呈半融狀態, 即是夠新鮮, 夠肥美,

同同事happy Friday,就去了這間餐廳消遣了，地方入去光線少少昏暗，好舒服清靜，坐底店員給我們拿了餐牌，選擇多，最重要串燒選擇多又有日式魚生，我地點左第一個涼食芥苿八爪魚，入口滑嘟嘟又醒胃，清新之餘芥苿同淡淡八爪魚好夾，粒粒芝麻香香的，另外，下一道是原條燒茄子，滿滿木魚佈滿茄子面，好惹味，燒香的茄子沾上燒汁及木魚片，口感黏黏的又有木魚香味，而再下一道是味醂魚乾，魚乾烤乾身一條條的沾上特濃沙律醬，超級佐酒一流美食，可惜朋友不能喝酒，但普通沾醬都好重魚香，好像食厚厚魷魚絲感覺，今晚必食一定這個燒鮑魚，原隻燒簡直吸引非常，十分嫩嫩的，又有厚厚的口感，配上燒汁，很好再一個是燒石蠔，表面是燒得香脆的薄薄芝士，但已足夠提升蠔的香味，賣相十分吸引，食落蠔味鮮甜，不會燒得太老，保留嫩滑，下一個是黑松露燒帶子，沾上少量濃郁的黑松樹已提升了帶子的鮮味，咬落黑松露香味撲鼻，帶子大大粒又有水份，不會太乾另一燒物亦是我的最愛，黃金燒帶子，牛油包滿整粒大大帶子，口感十足，配上天然燒好的清香海鮮味，十分出色另一重頭戲是這個豪門夜宴壽司拼盆，全部壽司都好清甜，賣相不用說，非常吸睛，而海膽壽司有很濃厚的海膽清甜

都寫左幾篇食文喇~今次呢,不如寫下自己地頭嘅餐廳啦~K Square 3 Grill & Bar~ 放工後即去食, 6點半嘅時間冇咩人, 咁就可以放心咁影下環境比大家睇喇~大約 7 點幾就會開始多人~環境企理舒適~ 不錯呀~先來個前菜：介辣八爪魚~喂~ 好食喎~!辣度剛好, 剛好令你覺得過癒~八爪魚唔會有渣~揀左個2人份量的刺身~其實刺身我有好多野都唔食,刺身魚我只食三文魚~但呢個刺身盛合咁啱我樣樣都啱食的~!刺身夠新鮮, 夠涷~當中,個蝦又夠大隻,又鮮味又爽口~不得了~個海膽好甜好好味呀~如果海膽唔夠新鮮食落會有陣我唔係好識形容的怪味,而K Square的係好甜好好味~三文魚肥美, 活赤貝爽口~2杯飲品的色調夠浪漫同夢幻,係女士拍照嘅景點 淺紫色的是巨鋒提子疏打乳酸~粉紅色的是士多啤利乳酸~2杯都好飲,對住佢地要2選1會立刻患上選擇困難症~巨鋒提子的味同疏打好夾~而士多啤利果杯又好 fresh喎~燒石蠔同燒活鮑魚呀~石蠔有芝士、蒜蓉同地獄3款味,我揀左芝士&蒜蓉~本來想 encore 燒石蠔,後來吃飽了冇 encore~可想而知我對它的喜愛程度~燒鮑魚都好惹味,原味同新彊辣味各選人

同事介紹， 話好好食， 而且有member card, 折左確係好抵食! 最正係角切魚生飯， 跟餐有湯， 沙律同餐飲角切魚生絕不吝嗇,  份量絕對夠多， 有三文魚，劍魚腩夠新鮮， 赤貝爽甜，沙律配胡麻醬， 好味道!

今次阿Jam和阿Tea去了大埔找尋美食。這家位於小街陰暗處的小店主要提供日式燒物（食べ物焼き物）和較高檔次的日式刺身（さしみ）。由於我們對較高檔次的日式刺身認識不是非常深厚，點菜前我們先詢問店家意見。店家推薦我們點「鯛魚刺身(鯛めし)」，當中包括鯛魚魚生切片三塊、較為名貴的紅鯛（日語：縞鰺）魚生生切片三塊及金目鯛魚生生切片三塊這個套餐。另外，我們也點了一盤壽司。當中包括牡丹蝦、油甘魚、特切燒鰻魚、葱吞拿魚細卷、三文魚腩、三文魚籽海膽、帶子、熟蛋（日語：玉子）和白身魚。日式燒物（食べ物焼き物）其實就是把食物利用燒烤的方法把食物烹調燒熟。日式燒烤方面，我們也點了黑松露燒帶子、白鱔、燒鰻魚、燒翠肉瓜、原條燒茄子、雞軟骨、燒安格斯牛柳粒和厚燒鵝肝。最後我們以燒芝士年糕為小甜點作為這餐的完結。原條燒茄子 $38：率先上桌的這道小食非常適合當佐酒菜。燒過的茄子口感腍身，而且沒有蔬菜的草味，配以日式燒汁和鰹魚乾（又即是木魚）進食，鰹魚乾的鮮味和吸收了日式燒汁的茄子非常搭配！也許味道搭配得剛好關係，本身愛吃茄子的阿TEA很愛這道小食，更希望份量可以多一點，讓她可以大快朵頤。日式小食拼盤包括日本蘿蔔、芥

最近天氣熱得過份，很久已經沒有燒烤，不過個人對燒物的喜好依舊無減。幸好身處香港的我們仍有機會在各大餐館吃到燒物，無論是泰式的、日式的、韓式的，甚至是森巴式的都各有所好，只是燒烤的過程大多要交給廚師代勞而已。今晚到大埔K Square 的分店，試一試他們的招牌菜——串燒。幾個月前曾嚐過K Square另一家主打西餐的分店，覺得無論是食物質素和服務都令人非常滿意。兩間分店的位置其實非常接近，只要在汀角路的K Square分店再拐一個彎便到。餐館的陳設與一般酒吧相若，整體的裝潢以黑色為主調，每張餐桌個別有射燈映照著，環境不至太昏暗。座位算寬廣，予人舒適之感。店家主打新鮮刺身和各式串燒，每天會因應來貨種類決定販售刺身的種類，來貨不多，售完即止。今晚已經有數種刺身售罄，可見其受歡迎程度。先上的是伊佐木刺身($98), 店家特別為刺身調配特製的醬料，味道像是加入了醋的豉油，至於紅色的粉末應是辣的紅蘿蔔茸，將醬汁調勻後，味道鹹、酸、辣俱備。刺身本身鮮美，肉質柔軟帶彈性，具淡淡的魚香，不帶泥味或海水味，與醬料配合非常得宜｡刺身拼盤($218)包括三文魚、赤貝和海膽｡三文魚厚切，味道與一般食店吃到的相若

早排同隔離屋傾計, 傾傾下就講到K SQUARE晚市做8折,同埋野食都幾有水準, 一聽到呢個消息,就梗係要去試下啦去到門口真係見到5.30後入座全單8折星期三晚上, 7點幾去到, 都坐左一半人, 之後陸陸續續有人到, 到最後9點幾乎坐滿人, 好熱鬧望望MENU, 真係好多選擇, 串燒, 壽身, 天婦羅, 刺身(待應話係日日由日本空運到港, 每日供應會有少少唔同), 烏冬, 炒飯, 等等等等......叫下叫下, 2個人都叫多好多野食前菜拼盤, $58有酸蘿蔔, 青瓜, 芥辣八爪魚, 蕃茄(上面有少少柚子皮)酸酸地, 幾醒胃, 芥辣八爪魚比出面食的偏辣及攻鼻, 食完之後配酸蘿蔔, 感覺又幾得意,又可解辣沖目張, 刺身拼盤, $498, 每日新鮮空運到港, 有連子鯛, 金目鯛, 花鯖魚, 赤蝦, 活凡貝(天天都同, 睇下當日有咩)真的每款都好鮮, 無腥味青瓜片上紅色個堆係辣蘿蔔溶, 可以加落旁邊的酸汁, 點魚可以提升魚的鮮甜而芥苿係新鮮磨成的, 同出面比無咁辣, 待應建議食得辣既就唔好溝豉油燒活鮑魚,$18一隻一隻辣味, 一隻原味, 好抵食,大大隻, 我食原味, 燒完後既鮑魚仲好淋, 唔硬

好耐無見朋友們，聽到一位老朋友打算轉工，就立即約她食飯UPDATE一下近況 約了日子才知道原來她剛好今天會有FINAL INTERVIEW，如果成功了就夢想成真 實是為她高興！所以都特地選定了一間餐廳和她慶祝 剛好上OPENRICE 見到這間位於太和的日式餐廳，評價都很不錯！加上我們一個住馬鞍山，一個住上水，這裡剛好是中間點！可以不需要出到旺角尖沙咀這些鬧市都找到好野食 PP入到餐廳燈光比較暗，這樣傾計比較舒服一點 值得一讚的是，一坐到位子就發現牆身有插蘇位，而且是每張枱都有 相信是讓顧客使用的！非常貼心 知道現代人都是低頭族，玩電話都玩到沒電了，到這裡就可以邊食飯邊叉電～今晚是慶祝友人成功考到DREAM JOB，所以當然是由友人發板點食物啦～～ 我們肚子都非常餓，加上點單紙上的串燒看上去都非常吸引 這裡點一兩枝，那裡點一兩樣，不自覺地就點了好多！ 我們都開TURBO準備狂食！哈哈～～另外餐廳除左傳統串燒外，仲有5款名為鬼馬串燒的食物 聽上去都覺得好盞鬼呢～　然而我們已經點得好多了 餐廳首先捧上的是 特上刺身盛合，我倆都是魚生迷 看到當然是眼都閃啦！因為每樣看上去都好吸引，好肥美 三文

對於戶外BBQ, 我既不抗拒亦沒特別喜愛, 但每每嗅到燒烤味, 那股使人難以抵擋的炭香、油脂香, 又會使我胃部一抽, 餓意直達腦部. 早前去到大埔的K Square 3 Bar & Grill, 不需弄污雙手又能吃到美味佳餚, 一樂也~水吧前有高椅, 若點菜不多及只想來個happy hour, 坐這點相當適合.由於當晚幾乎餓透, 考慮到 ‘成枱都係食物’ 的關係, 選了坐四方枱. 大大張椅又可放我的手袋.當晚吃的第一道菜是燒活鮑魚!! 不算很大隻, 但$18 一隻, 價錢合理. 單是嗅到那股誘人的磯燒味已讓我按捺不住, 再加上師傅自己調製的醬汁, 實在燒得很香口.說著不大隻, 但夠厚身吧! 師傅把它燒得剛夠火喉, 肉質不韌, 易咀嚼蟶子皇(40/隻) 是全餐最貴的一道菜, 平常到大排檔食蟶子皇, 多是蒜蓉蒸, 今次以燒烤方式弄, 一樣出色. 蟶子有一隻碟的大小啊~蟶子本身鮮甜美味、口感爽脆, 配上微咸的味噌(紅色一粒粒那些)帶出蟶子鮮味.燒石蠔(蒜蓉) $98 / 6隻, 燒後的石蠔也有這般大, 個人吃蠔喜歡有蠔味, 然而這些石蠔則較淡, 雖以蒜蓉去燒, 但味道仍然可以濃一點.經常心掛