影片
之前同老公嘅结婚纪念日嚟到 k3 庆祝心情好自然想饮番杯酒醒目嘅店长推介左我哋饮呢个好好味嘅梅味香槟仲食咗个好得意嘅海胆甜筒鲜甜又唔腥再配埋日本产地直送嘅刺身真系人生一大快事价钱属于中上质素有返咁上下水准系比较嘈
继续阅读
去到大埔,想食下西餐,见到呢间餐厅几有FEEL就入去试下喇餐厅有2层,我地坐上层,暗暗地好有FEEL,都好适合成班朋友搞PARTY!我地2人叫左4样野加野饮,全部都好有惊喜!K Sqaure 小食拼盘-卖相同MENU一样,好掂!有芝士流心蘑姑,呢个我好中意!通常出面都系芝士蘑姑,呢度有埋流心旦,蘑姑索哂D旦汁,哗!不得了!炸芝士条&洋葱圈-呢款都好正,炸得刚好,唔错!鸡奕-大大只蜜糖鸡奕,好JUICY!黄金芝士薯条-系炸完再焗GE薯条,如果唔焗会好食D,焗完D薯条硬左好多炸猪手配薯条-猪手个皮炸得好香脆!肉质好淋,而且唔太肥,好惊D猪手好肥,但呢个真系好掂!软壳蟹burger-超巨型,2只蟹KIM突哂出尼!加埋入面D配料,一啖系咬唔哂的!食洛口真系劲满足!总结,虽然价钱唔系最平,但质素的确有保证,有份量有味道!
继续阅读
阿爸生日饭 ﹗最初细妹话想打边炉，左揾右揾，最终解定又系食日本野啊 ﹗我无所谓，食咩都得。早几天已订座，仲要做左今晚既第一位食客添，未到七点已经坐低左。首次探访，先细味各 menu 先，已有一定慨念，开始 order。依旧依我既作风，由前菜开始，接住系刺生、寿司、汤、炸物、料理、扬物、串烧、甜品。芝麻牛蒡渍，爽而脆，酱油已完全渗透牛蒡，一咬喷汁，味浓而不浊，沾上芝麻添点香口，作为开胃菜是不二之选，而且仲非常有益。如果有埋鲜淮山渍的话，真系双得益彰了。小食并盘：芥辣青瓜八爪鱼，迷你八爪鱼粒唔多食到，芥辣味微弱，只食到酱油味。麦粒味噌青瓜，有趣口感的配搭，爽脆夹著咽韧，味道清淡。萝卜渍，劲爽多汁又够酸，醒神醒脑使到胃口全开。蟹子海胆蛋卷，创意菜色，接受度真系应人而异。淡口微暖蛋卷包著甜甜的雪糕，铺上大量海胆、飞鱼子及青瓜。份量十足，卖相非常吸引，不过味道及质感就强差人意，有点不融和之感。海胆甜筒，得意有趣可加分，味道就一试无妨。三文鱼子熏蛋沙律，原本用上墨鱼子的，但刚巧无晒，转用三文鱼子无所谓，最主要系食熏蛋之麻。但系只半熟蛋食不出烟粉味道，普通烚蛋黎㖞。好采蛋黄味浓而甘香，配上黑醋沙律菜及咸香脆口三文鱼子总算合格。原条活笠鱼刺生，一见到已只眼发光喇 ﹗雪白鱼肉泛出白里透红的颜色，油润立立令，每片鱼肉都被凶涌的鱼脂包到实一实，真系想独吞整条鱼呢 ﹗客气生疏，食少好多，我抢先试味。先配果醋，鱼肉结实又非常咽韧有弹力，滑嘟嘟又非常肥美，天然鲜鱼甜味无可抗拒，鱼脂甘香霸道，太好食啊 ﹗再黎一片，卷上芥辣豉油，将鲜味进一步提升，我极喜欢如此配搭 ﹗半条已归我所有，食到停唔到口 ﹗赤虾刺生，始终比起牡丹虾低了一级，大量虾膏够甘香，赤虾肉爽弹而结实，清爽的虾甜味。但虾味不及牡丹虾，而且牡丹虾独特的肉质无虾能及，那种棉滑黏黏又带爽既口感使人欲罢不能。海胆刺生，顶级马粪海胆，不腥不嗅，香甜味美，滑滑弹弹。配青瓜味道够清新、配紫菜味道够香浓、配白饭味道最香甜。𫠒𫚉鱼刺生，食完条极品笠鱼后，其他鱼都被比下去了。𫠒𫚉鱼比较瘦削，鱼脂欠奉，所以味道都偏淡，配上芥辣豉油仍是不错的。三文鱼刺生，好甜啊 ﹗平鱼不一停唔好食既，够滑够甜又经济，满足。活赤贝刺生，依度已系系两只活赤贝喇，一只只切到两片架乍。甜美无穷，正到打冷阵，我最爱贝就系赤贝 ﹗极甜极滑，黏黏的软棉中又带点爽，甜味中又带甜甘，好幸福啊。极上吞拿鱼腩刺生，非常矜贵的食材，要 $100 大元一片的啊 ﹗闪烁粉红色可遇不可求，鱼油多到滴出黎呢。用轻柔的力度将滑溜溜鱼生夹到舌头之上，一卷跣入口中 ﹗即时溶化，嘴仔好似朗过油一样，after taste 劲过任何生蚝。甘甜无比的鱼脂渗入每条齿缝、侵占每颗味蕾，再漫延到鼻孔直上大脑，继而震撼全身 ﹗好味极致，说不出的赞叹，应该话好食到讲唔到野呢 ﹗三文鱼寿司，我是点三文鱼腩的，应该落错单了，跟刚才的刺生并盘一样的。带子寿司，带子天然甜味倘可以，但可以更好。质地棉棉滑滑黏黏的，涂上少量酱油都不错。原条穴子寿司，已经系一条穴子架喇？细条左少少㖞，而且瘦孟孟，肥美欠奉，质地干鞋，即食货？鳗鱼寿司，同穴子同一情况，失望。怀念隔离居食屋既自家烧白鳝柳呢，新鲜肥美大大碌香喷喷又热腾腾 ﹗寿司饭一般质数，虽有点偏腍偏湿，不饱满咽韧，甜醋味道欠清爽芬芳，尚算合格。松叶蟹柳蟹膏炒饭，质数跟心情一样起起跌跌，突来一个惊喜 ﹗一向对日式炒饭毫无期待、毫无好感的我，居然会赞口不绝 ﹗上次赞系旭川既泡菜炒饭。蟹膏跟酱油打得火热，融为一体再抱著饭粒，极香浓甜美，咸香带著蟹膏甘甜，使到胃口全开 ﹗松叶蟹柳躺在干爽饱满饭粒之上，蟹汁从蟹柳中爆出，食得津津有味 ﹗赤鸡心串烧、鸡肾串烧，大路不太特别，最紧要不要烧到过火过熟，要保持鲜嫩又要有肉汁，都做得到。鸡皮串烧，松化软爽脆卜卜，像薄薄薯片上加上鸡油香一样。明太子片羽烧，鸡翼胀卜卜，肥美饱满十分诱人，即刻想一啖吞落肚 ﹗香喷喷，鸡皮烧得胶胶黏黏带微滑，系我最喜欢的口感。鸡肉嫩滑又多汁，虽然腌味略淡，但并凑起明太子都还错不俗。豚肉芦笋卷串烧、豚肉车厘茄串烧、豚肉泡菜卷串烧，必食铁三角豚肉卷，开卷有益，卷卷都烧得香口脆脆，衬托著卷中鲜嫩多汁的宝贝，多种味道与质感，变化多端，咽韧爽弹咸甜酸辣撞得精采，好味道 ﹗白鳝串烧，系您喇 ﹗刚刚先弹完穴子及鳗鱼强差人意，幸好还有后著，挽回不少分数。白鳝柳热烫烫刚刚烧起，彷佛依然听到鱼油在吱吱作响呢 ﹗咬开鳝肉，香气飘飘，看得见白烟从肉间渗出。肥美白鳝既肉汁紧随著白烟滴出，闪令令的肉汁啊 ﹗烧得外皮香脆，而白雪雪鳝肉就爽弹结实，鲜味出众，无得弹 ﹗秋葵串烧，爽爽又多汁的健康食品，强身健体，有益既食物一向味道都平平。厚切牛舌串烧，膻香宜人，牛味浓浓，爽爽的，可以再厚一点。烧羊架，极膻的羊啊，免强吞下。盐烧三文鱼水拨，澎湃的三文鱼油一咬激射，甘香无穷 ﹗鱼味非常之浓厚，每一口都充满鱼汁，美味。红豆蓉雪糕新地芝士饼，我不食甜的，家人品尝后称十分满意啊。
继续阅读
同朋友庆祝升职，想揾个地方吃餐好，当然有好多选择，但想揾个近自己住嘅地方就较少，今次幸好有佢！望望餐牌，店员推介两个set，有set 叫一于叫晒两个 A set$288 同 B set$288两个set 有齐不同嘅最时令刺身，最重要系有海胆！一上枱已经赢了，靓靓嘅排放！最淡味开始，当然已急不及待嘅我先来个纯海胆入口！味道鲜甜！旁边有脆身紫菜，可加饭在紫菜上后加埋海胆个入口！个人认为单吃海胆开心好多！另外在刺身拼盘上重有好多美味嘅鲜刺身，肥拖罗入口个D 油份即时在口中渗出，太美味啦！三文鱼同吞拿鱼亦非常鲜味！跟住嘅寿司拼盘亦非常好味！如唔讲重以为系系寿司店吃紧！再望望系一间bar!师傅嘅手艺，食物嘅水准，真难得！看见一供有七件不同款式，最令人回味就一定系个件肥美嘅三文鱼寿司！而其他亦非常新鲜美味！另加多一件海胆玉子$88，海胆同样鲜味，加埋甜美嘅玉子正！重有重点海胆甜筒$48，最顶系蟹子中间有海胆而下面重有块三文鱼，入口弹牙嘅蟹子，加埋香滑鲜甜嘅海胆，肥美嘅三文鱼，简直就系多重口感！芝士烧扇贝$28烧得好香，配埋大大只爽口弹牙嘅扇贝肉正！今晚要庆祝，当然少不了饮杯啦！就叫了今期限定嘅富士高砂梅酒香槟$328入口清香，唔系好饮得嘅我都饮了差不多两杯！重有好香梅味，带少少甜，真系好易入口！真系好开心，可以系大埔有咁好质素嘅餐厅！朋友满足之余，自己又食得开心！
继续阅读
有朋友生日，所以openrice一下有咩好食喇，见到呢间餐厅只有好评无差评，所以拣都无拣就话黎呢间食喇！晚上七点去到，仲有好多位，唔洗等，直接有得坐底睇餐牌睇睇下原来无晚市套餐，只可以散点，的价钱比出面贵，个时谂住好食就得喇，点知食完觉得质素一般啰！芝士年糕上枱先既，谂住热一热先，点知都唔够热既，得个皮系热既，芝士得小小暖，而且的芝士无芝士味啰然后系炒乌冬同鳗鱼饭，呢两个正餐味道都系一般，唔出色最后系鱿鱼筒，扇贝同寿司，呢三样野食都挽回唔到我既差评！另外，佢地的配菜用既都系烂菜，同唔新鲜既菜啰一的诚意都无！我地因为系庆祝生日，所以有买蛋糕，好评系佢地有将我个蛋糕攞出黎放系碟上面，我地唔洗托住个盒啰但最后比钱个时，一来比错隔离枱张单我，二来切饼费只可以收现金，不能一齐碌卡啰，好奇怪
继续阅读